Amahi leiset chunga tu tu a ji tam neipen a kihe ahi.39 tah anei ahi.
JI HAOIN CHA A HAO TEIDING CHU HETSAH AHI. CHA 94 ANEI.
Asun:
N.Lhungdim
Thangting House
Molnom- West
Date- 08/08/2020
Mizoram Serchip District Baktawng Tlangnuam kho kiti mun ah Christian sect jatkhat “Chana Pawl” khat aum in hiche hi
12 June 1942 chun Christian sect Khuangtuaha kitpa in ana phutdoh in ahi. Hiche group phutdoh pa chun ji 7 anei e akitin ahi. Achapa
Ziona Chana kitipa hi July 21, 1945 in anapeng e akitin ahi. Tuhin kum 75 lhingding ahitai. Baktawng kiti hi Mizoram a Serchip District Burma leh Bangladesh toh ki gamgi to Aizawl a kon a Km 100 [62 miles] a gamla a um ahi. Hiche mun hi thinglhang gam ahi in Ziona group hi mi 2000 tobang aum e akitin ahi. Atil abul in Ziona pa Khuangtuaha chu Hmawngkawn Village a kon in a Haosapa uvin Pathen thu dihlou, “wrong and dangerous theology” nahil e tin akho a kon in ahin nodoh in abul til in hiche group hi Khuangtuaha Pawl akitin ahi ajehchu aphutdoh pa hi Khuangtuaha ahi in ahi. Hiche group hin akiphudoh ni June 12 hi alom ji uvin, “Bawkte Kut” atiuvin kumseh June 12th leh akiphudoh ni alom jiuvin ahi. Bawktwang umna Tlangnuam kho a hi hiche group nungjui 2000 aum e akitin ahi.
Ziona hi kum 15 ahi in ajinu chu kum 17 ahi in
Zathiangi kiti khat aji masapen in anei in ahi. Ama sang a kum 3 a tah khat ahi. Kum khat sung in ji 10 anei e akitin ahi. Aji masanu hin a insung hi abon in vaihom in apo in control abol in aum dan hi Ziona 75 ahileh kum 3 a atah le a Ji masapen nuhi kum 78 hiding ahitai.
Ziona hin hiche Baktawng ahin insong 4 khat asa in hiche insong 4 achun room 100 aum in tutu a aji 39 cha 94 atute 33 amou 14 anei in amaho jouse chu hiche in song 4 a mchu thakhat a cheng ,ahiuve. Amaho group chena dan a ji khat sanga tam nei thei ahiuvin Ziona pu Challian Chana lhah ho chun ji adei jat jat anei thei ahi akitin ahi.
Aumdan chu ji hija bep nei ding ti um chomlou adei ja ja anei ding tina ahi. Amaho hin ahung kipatnao hi Bible a Kitepna thah Thuphon Bung 20 na Kum Sang vaihomna kiti a pat a alahdoh a achepi uh ahi akitin ahi. Tu tu hin ajo acha atute ho toh abon in a family uva mi 180 aum in leiset chunga inko lenpen ahi akiti. 2011 leh 2013 a Ripley Believe it or Not Bu 5 na leh 9 na ah leiset chunga thusim kidangdeh [strangest stories] 11 lah a ana pansah uvin ahi.
Ji 39 anei vangin ajite kikah a kitomona rivalry aumpon kitoh tah in acheng uvin ama luppi gepi ding chu akitol uvin aji masanu hin Roster asempeh dan ahi. Hiche a in song 4 a kisa hi “ChhuanThar Run- House of New Generation [khangthah ho Inpi]akiti in akom a hin Kawlbuk Guest House khat a um
inhiche kho a hung jhol jin ho gena ding aum in ahi. Ajite lah a 22 hi kum 40 noi lang ahi. Achanu ji a tupa 16 aum in amaho hi
achanu te toh family chom in acheng uvin ahi. Aman asei leh achate leh atute jouse hi amin avo ahi in amin uhi abon in ahesoh kei e akitin ahi.
Ziona family hi kidang tah khat chu Govt. ah panpina imacha athumpon amaho leh amaho kipo thei [self reliant] amahon angaichat dungjui uvin anche louhing akitu uvin School khat jong aphutdoh in anaopa in avekol in ahi. A school a lekhasim hi Govt. curriculum toh kitoh ahivang in amaho group toh kitoh ding subject phabep khat akoibe in ahi. Ajite hin an hon abol uvin achanu te hin in asutheng uvin pon asop uvin pasal lang hon gancha vah leh loulho thingpoh [agriculture] chukit leh cottage industry carpentry [thingthem] ima asem uvin alluminium utensil [umleh bel khen] jong asem uvin ahi.
Insong 4 a chun Ziona in ground floor ah double bedroom anei in ajite hohin roster kisem dungjui a aluppi jui uh ahi. Aji ho lah a akum lhom langho chu
ama room kom lah a nlaum uvin aji 7 ham 8 ham in aniseh a ama ngaichat hochu attend abol jiu ahi. tu tu a aji lah a adongpen nu hi Siamsangi akitin kum 20 val bep ahi. Amin chu Siamthangi akitin ahi.
Christian hon Kitepna Lui a Leng jihao a ina het uchu leng Solomon ahi. Ama chun ji 700 anei in athaikem 300 anei e akitin ahi. Tulai in leng atamjo ji khat val aneipo in masang a Indian a leng ho chun ji 2 leh 3 ana nei jui uvin ahi. Jaipur lengpa SawaiMan Singh ii chun ji 3 anei in aji nukhah pen chu Kutch Bihar lengte chanu Gayatri Devi akitin Gayatri Devi chu ama phatlai a leiset chunga numei hoipen a ana kithang ahi. Khonung in Jaipur lenggam a chun thunei leh vaihom Rajmata in ahungpang in ajipa thijou in jong Rajasthan ah Mol [hill lock]khat aum in hiche va chun acheng in April 1992 kum a Delhi a LTC a kache a conducted tour a Rajasthan lengte Forts ho ve a kache chun kagal mu in Gayatri Devi chenna mun ahi akitin ahi. Indira Gandhi Prime Minister hilai in Maharani Gayatri Devi chu khatvei ana man in jail ah ana khum in ahi. Term khat MP ana kai in mihoi chungnung a kithang ahijeh chun ama ve gun a Lok Sabha a visitor Gallery a gache gun jong aum e akitin ahi. May 23rd 1919 in London ah ana peng in July 24th 2009 chun Jaipur a Santoka Durlabbji Memorial Hospital ah anathin ahi. Ajipa Sawai Manm Singh II chu 1970 in anathi tan ahi.
Leiset chung ahin thil kidang dang aum in ihet uhi ihetnao leh imu hou alhom jehin seikham jong ahipon anaipen ding a leng ji khat sang a tam nei chu tulai Bhutan lengpa Pa Jigmi Dorjee Wangchuk kitipa chun ji 4 anan nei in amaho chu abon uvin ucha ahiuvin tua lengpa chu aji nina nu chapa ahi in chapa masapen ahi jeha ama lhenga leng dia pang ahi. Pasal khat in ji khat sanga tamjo anei hi detmo hih in numei khat in ji pasal khat sanga tamjo anei na mun tamtah a aum in keiman kahet leh kamu chu 1975 March-June lha 4 sunga LBS Academy of Administration Mussourie a Central Govt. Officer Groupa A Officer ho Foundational Course training a kaga um sung in a group group in village visit kiti khat aum in keiho group mi 15 tobang chun chulai a Uttar Pradesh tulai a Uttarakhand kiti Dehradun a kipat thinglhang gam ITBP Headquarters umna a kaga che uvin hiche hi amahon Juansar Babar atiu hiche gambih a cheng ho chun inko khat pasal 4 leh 5 in ji numei chom chom aneipouvin abon uvin ji khat akikop un ahi. In khat a jong kagalut uvin a kot uchun eiho kot tobang hilou dinpum a kilut theilou nem chakhat a kibol a kikun a kilut ahi. Hiche numei khat ji ucha 3 leh 4 hohi natoh jat chom chom tong khat sepai a apan leh khat business abol leh khat chun gancha loi le bong aboipi leh adangkhat chu ukil ham hi a hitia chu eiho dan a numei man pehna ding a mantam tah peh ngailou a khat anei uh ahi. Amahon asei uleh jpmMahabharat phat plai a *Pandava ucha 5 hon ji numei Draupadi kiti khat ana neibom uchu kalah uva kajui uh ahi atiuvin ahi. Anthropology bu isim leh agama gam a chedan chom chom aum in eiho lah a Meilhei ten a incheng thei holoi in jikhat sanga tam nei [poligamous] aum in tua BJP lamkai na M
inistry a jong mipi het in ji 2 nei minister 2 aum in mipi hetlou a ji khat sanga tam nei jong um mo ponte. Kuki tehi masang le tulai in jong jikop [bigamy] kiti aum in ahinla 2 sanga tam nei hi akihe besehpon ahi. Arunachal langa Haosa hon ji 2 nei atam in ahi.Mi 180 chenga lungmonna leh chamna nei a achen thei uhi thil kidang khat ahibou in ahi.
Ji khat jong vetup joulou pasal tamtah aum in angaichat pejoulou hilaiya Ziona Chana in ji 39 anei a kitohmo louhel a inkhat a achate amou holeh achanu te ji pasal atute mi 180 achen khom thei uhi doichoi [Magic] themkhat khat hunapding ham
Community living [hona chenkhom hinkhom] kidang tah
ahin ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
