Short Love Story
Writer: S.Lien
Arrange: Naocy Haokip
Natna kidang tah khat ipi natna ahi hetlou khat’in Wuhan khopi chu ahin suboi pantai……
(Part- IV)
Hiche nat na chu ani anin achal tultul jeng tan, mithi jong pungkah sim in aki be tul tul jeng tan ahi, Government jong aboitan, ipi natna ahi kihet doh masang in mi 4000 nailang che natna achun adammo tauvin, Wuhan khopi chubang nom leh loupi chu kana leh tijat na’n alodim heljeng tan ahi, che kah lah achun, ka Lungset pen (Lee Kim Jung) toh kimu to theilouva umkhah ding chu che natna hit lang sangin jong ka kicha jo kit tan, Aphat anai toh dungjuiyin, adammo leh athi chu apung tultul jeng in, Phone a kaki hou phat uleh kinem tah in kaum ji lhonin, kei sangin ama bon alung alenjo ji’n, lungmon mon uma ahin sei phatleh keijong kalung among domji in ahi.
Ka kitep na niu ni 4 bou avat in, che natna chu amin kihe nai hih jong leh kilah to bailam tah ahi ahin hedoh uvin, achal be nalou ding in Government in LOCK DOWN ahin phong doh tauvin, Sepai, Police hojong ei moh lhadoh tapouvin Khopi chubang len leh mipi simjoulou, lamlen kikal lah lah jeng ho a Gari longmat jeng pichu Ghost City asoh doh tan khopi sung chu athip chet jengin, Sepoy Gari leh Ambulance tailou mudi aum tapoi, Khopi mi hilou, state dang a umho chu a inlang cheh uva chethei nadi order ahung um kit tan, Kim ngaiya ka thomhao, kalung gimna kah a, inlang che di chu kagel leh kanom him him pon, Ka inko ten jong hungpot loiyin eitiuvin eikou kou jeng nalaiyun, iti da jong leng kalungset pen umna Wuhan khopi chu ka dalhah ahung ngai kit tan ahi,
Che lou theilou din muna kaum phat’in Ka Lungset Kim, hiti hin Message kathot jengtai..
Ka ngaipen leh Kalungthim pumpi ngapna ka Lungset pen…. Kim,
Na melmua Lungset thimthu lelkhom ding leh Senlai naubang a hinpom dinga kinem jing Kei Na U (Wang Chou,)
Kim !! Jingnikho leh Wuhan dalha a Shanghai khopi jon a che ding kahitai 😭😭
Na kom’ah umthei hi hih jongleh Wuhan a ka um leh nangkom a um danin ka kigelin, namel muding kinem jing pumin lungmong selin kaum theiyin, tua hi ipi kati ding hitam Kim, kahin lhalel val’e, mun khat’ah umkom thei hih jong le hen Lungset nan vang ki lhakang louvin pangdet jing hite o, phat khat leh Wuhan khopi hi hiche natna hin, hin dalha tantin, angai bangin aloupi na jousen hung kithom kit intin, che nikho chuleh Chery leh Sharon pah hoitah noiya iki tepna molso nading ni hungsoh ding kinemin lungdet tah in ana um jingin o 😭😭🖐🖐
Ti’n chomchan kajih in ka send tai,
Chomkhat jouvin hiti hin eihin replyin ahi,
Leiset’a dinga kaki neppi pen leh ka Ngaipen (Wang Chou)
Natna leh Lungjin na Khopi dalha a Shanghai jon thei ding nahi tah jeh in kakipah valin, lungmon na’n ka dimin ahi, He-U ipi dinga nathomhao jiham? jing chu phat chomcha khat’a dinga ikikhen ding ni ahin, lhakhat lhani jou leh kipah tah a ikimu kit di hichume, i lungtup imolso phat’a leiset hikho chomcha nomtah a imankhom jou phat leh leiset’a kimukit talou dinga ikikhen nikho jong hunglhung ding ahi, hijong leh Pathen nei ihi lhon tah jeh-in, imacha lungneo nadi aum tapoi, Lungmong tah in che inlang Bible sim leh Taona vang haimil hih beh in o, Pathen na lhakang lou pou leh, imacha lungdon nadi aumpoi, kei chu ei lunggim pi hih-in, nanga dinga thichana pang dinga Pathen kom a kaki lhan jou ahitai,
Inn na lhun phat leh eihin call in o, tunia din hichan chu hiphot hen, Damselin Mangpha iki mu kit kahsen 🤝🏻🤝🏻
Che message chu kamu phat’in lungmon nakhat vang chu kaneiyin hijongleh ka lhahlel valjeh chun ka mitlhi khamjou louvin alongdoh jeng tan ahi,
Natna chu ani ni’n ahat cheh cheh jengin, ajo jonan, Scientist ho akon in CORONA VIRUS kiti ahi tichu ahin phong doh tauve, ajen dam nathei damdoi umlou, natna neiho naiya umlou di leh koima toh kiheto louva kikhup tup di ahin ti tauvin ahi,
Ajing nikho chun Shanghai chana din Military plane khat ahin gong uvin mi 50 lah di chu katou uvin Wuhan khopi chung lang’ah akikho tou vol vol jeng tan, window akon kagah nung vet leh Khopi chu insong leh lamlen bou akimun imadang mudi a umtapoi, Upa langhon “Lunghel” ati jiu khu athu in kahet tho in imachan kana gel pon cheni vangchun atah a kato masat nipen ahin, kalhi anasoh leuvin, kaloi hon eidai uvin, Nangpa hin dalhah khat vang chu nanei hiteiyin te eitiuvin, ka jachat man chun, Iche lang utoh akikhe valin Khopi chu kalungse behseh a leh… tichun kagah seilep mai maiyin, ka lungthim chun, “Nasei dih e 👍” katin ahi.
_To be Continue last Episode_
*_NOTE: Chomcha hijongle lunglut tah a sim jouse chunga kakipah lhone, asim jouse Pathenin phatthei naboh cheh uhen, Jingle phat aumleh last Episode inasim diu ahitai🤗_*
