Short Love Story
Writer: S.Lien
Arrange: Naocy Haokip
(Part-1)
Wuhan khopi vetlom tah,Vannoiya Electronic leh Chemical factory lenpen umna chu 21 May 2019 ni chun ni dangin veikhat veini ana mukha jong leng cheni chun avet hoi dehset kasa’n ahi, Cheni chu Shanghai City a kona Police Detective Officer mi 10 Wuhan a transfer kahi niu ahi.
Katou nau China Military Plane chu vanthamjol a konin Wuhan khopi lang jonin ahung kihei suh hoi hoi tan, Khopi chu a kigal muthei tan ahi, chom lou kah-in khopi chungjon chu ka lhung paijeng uvin, window a kona ka gah vetsuh leh, Innsong sang tah tah (skycraper) ho chu khoi phang lah abang jengin, lamlen kika lah lah jeng chung a Car tui lon a long mat jeng leh, lamlen pama Pahcha thing phung hoi tah tan kigol chit chet hojong chu mutheiyin a umtai, May pah, Cherry pah Sharon pah leh thingpahcha phung jat chuom chuom ho chu apah hoi laitah a Nilhum kona nisan em sil sel a ahinsal chun a vet hoi sah deh in ahi, lunghel hel jong a um e, Vannoiya khopi thupi tah tah New York, Dubai, Kuala Lumpur, Singapore, Hongkong ho sangin jong gam chengin a vet hoijon ahi, ka tounau Lenna chun Wuhan Airport runway lang chu ei jot suhpi joljol jeng tauvin, amun ka lhun uleh Lenna a kona kahung kum suh uchu gal vet sangin a na thupi jocheh nalaijin ahi, Kholjin hunglhung toh ajindoh di toh mipi chu phut but jong ahipon English, Negro, Muslim leh agam mi Chinese hochu apol lha jeng uvin, che mipi lah a chun Nungah Melhoi tah khat’in mailhai sel in Pahcha kisem hoi tah tah a colour jat chom chom ho chu a angdim set in a pom in, kholjin vahle ho kom a chun a joh le le in min jong achoh peh saosao jeng uvin, ken jong kaga nai pheiyin ahileh, Aw nem heu chan Chinese in eihin houpi in, Sir, (Chinese sum) Yaun 30 a neiki thopi thei diham 🙏🙏 (kei migenthei kahin) neiki thopi thei ding leh, kipa man a hiche Pahcha hi kahin present di ahi, ti a kisongel melpu tah leh nui hiu heuva ahinsei chu, ka lungsung atong kha lheh jengin ahi, chu in kenjong Yuan 100 kasat doh in kape tai, (eilang paisa Rs 1000 lang toh kibang) kipah tah in akilah in Rose pah pink colour khat leh Yuan 70 eihin nungpeh in pahcha bou chu ka la’n sum chu nang a ding ahi katin ahileh abenga amitlhi ahung longin *”,Pathen in phatthei hin boh hen”* ahin tin, chuin keiman O kakipah e🙏 nang christian nahim? namin ipi ham? tia kadoh leh Umm Christian kahi, kamin chu , aum talou ( L) Lee Cheun Jung chanu Lee Kim Sung ahi ….. ahin tin, A chanchin gah doh dila lamkah lah ahijeh-in ahitheipon ola kholdoh dingin a Phone number kaki lah-in, Sepai Quarter lang ka jon tauvin ahi.
Chinese mi ngen kahi vangu chun Wuhan khopi chu kave nom cheh uvin lam sah lamlhanga insong sang tah tah, design bol thema vannoiya minthang Chinese Archetecture hon abol u chun khopi a jemhoi selin vet nom nom aumin ahi, Tangshen street a Hotel khat City Plaza atiu vang chu alim a mukha na um diu ahin insong dan 36 chung a kon a inbang marble valsit set chung a tui hung long lha chun Wuhan asu minthang deh in, amaiya gari ka kham sah un video jong kakap uvin Gamdang mi hojong a dimset uvin a maiya chun car tol doh louvin aki guol dimset nalaiyin ahi, ka umsot thei pouvin kakipat doh pai kit tauvin khopi sung chu 30 minute lah vel gari a kache jouvun, ka um nadiu, Wuhan Military Headquarter, lhang chung a um chu aki galmu phemphum jengtai, vetnom ding ijat umjong leh ka lung thimin Pahcha johnu bou chu a umtan ,migenthei kahi ati chu ipi dinmun ahidem ti chu ka he nom ten ten tai, Amel hoi kasah keu hilouvin Nungah genthei tah leh Phatah ahidi jong ka ging cha tan che akon chun Lungset na giltah khat kahin nei pan tan ahi, hiti a kalunggel puma ima dang boipi theilou va ka um jing lai chun Quarter ka lhung tauve ka ga ki report uvin Lamkai lenhon jong lemna guntah in eina bol uvin, programme kichai phat’in umna ding room ka suhtup jou phat chun bu (chow) leh nehthei tui tah tah kaneu vin nilhah in mithah jong kahijeh chun milah a lhat di jong nom kasa beh pon, Lupna chung’ah Kim, adin hiti hin Message thot din kahin jih pan tai……..
_To be continue next Episode_
*_HETSAH_*
_Writer pa kapa hi toh kei hi kaboi ji lhonin mi jih bangin saotah tah kajih man ji lhonpon, chomcha cha kakiman kom lhonle kahin jih ji lhon ahin, chom lheh jongle lunglut tah a sim jouse chunga kakipah lhone, aban hi ka on kah lhonle kahin jih kit lhon ding ahitai, asimnom jousen eina ngah hat maiyuvo🤗_
