Home Lahkhom Naocy Haokip WUHAN NILHUM KON (5)

WUHAN NILHUM KON (5)

304
0

Short Love Story

Writer: S.Lien
Arrange: Naocy Haokip

Tichun kagah seilep mai maiyin, ka lungthim chun, “Nasei dih e πŸ‘” katin ahi.

(Part-V)

In ka lhun phat’in ka bag chu ka inkoten aso uvin, ka Bible poh chu hinmu doh leu Kanu leh Kapan ipi a sei diuvem o, kisel doh manlouva katin kaguh vet leh, ka Nao nu’n ahi sodoh in, avet leh Bible ahi ahet phat chun , “Hi !! good, kahol hol chu kamutai πŸ‘” atin akipah lheh jengin Kanu leh Pan jong ima asei lou vanglah uvin keijong kakipah guh lheh in ahi.

Kakisil thengin, Ima dang boipi masa louvin Kim in eivailhah bang chun ka call tai,

He-U, nalhun hitamo, ash, nang vang nom nasa val e, Keijong neipui di hi chula na changin nana guh lenmang jelin πŸ˜„ atin eihin daijin, (a aw maimai kajah jong chu nom kasa chomin) Akit phat lela 🀣 katin nomtah in phatchom khat kaki hou uvin, Kim Bible chu kanao nun eilah peh tai, ka phallou ahin, adang ki choh in eiti’n adeivalin kati leh, Oh!! apha e kintah in Shanghai Chinese Christian Litrature House ah chenlang a poimo jat jat galanlang Kahin peh penchu Nang in kichin jon o, a hin tin Ole ole kagalah di ahi…… Kim, nangin neingai dan jong seikha lou, nei ngaitah tah lou khat ham leh πŸ˜‚Ken kahin ngai dan hi Chinese pauva seidoh thei jong ahipoi, tia kagah dai leh, aman hitin ahin seiye…. Kei hin ngaidan hi sei tho maimai din pamai kasan atah a iki muto nikho leh seilouvin hetan nateπŸ˜„ ahin tin hiti chun nom tah in kaki dai lhonin khochang khomu jong helouvin ka choh thet jeng lhonin ahileh ka Nu’n nuithim hiuheuva einavet chu kahin mudoh in kajachat toh kanuijat toh, seidi hejeng talouvin, Henu toh nakihou diham? kahin moh tidoh jeng leh, kanu chun alu ahin sudot in phone chu eihin lahpeh tan ahi, Akihou theitoh lheh jeng uvin, anui utoh, ipi pi aseiyu ham, kanun kahet lou ding ati hidi ahin Wuhan boi kichai phatleh kahung pui diu ahi, ati o tham thim selsul a olcha aseichu kagah ja thei chet kit in ka Nu mulou kah chun ka me tettut in Like πŸ‘πŸ‘ kagah bol nalaiset in ahi πŸ™ˆπŸ™ˆπŸ€£

Akihou jou phat un phone chu kalan Kim, seina langa chun Bible la dingin Kapa Toyota car ah ka chen bu thum kahin lan Ka inkouvin kahomin amaho jong akipah thei mama jengun ahi,

Wuhan boina chu phatlang sangin akhoh cheh cheh jengtai, TV ah kave ji in ka lunggel’ah, Kim te inko hi che nat na hin hinpha taleh ipi kati di hitam tiho kagel ji phat leh lunggim na leh thomhao nan ka lungsung hi alodim jitan ahi,

Ka lunggim deh kom leh phone ah ka houpi ji in, ama kamsoh kajah phatleh kalung anomdom kit deuvin, hitia chu imadang jong gel thei louva ka umna chu lhakhat val lang ahung hitan, Head Quarter langa konin jong, kouna ahung kit tai, South China Sea langa US ho umchan vejui dingin CHINA NAVY ho Munpi langa din koiyin ka umkit tan ahi,

Nomleng daleng Govt thupeh chu jui ahung ngai kit tan, Ka von ho ka gong tup in (Ka Bible toh) Ka loiho toh Chinese Navy Plane khat’ah China Sea lang chu ka jon suh kit tauvin ahi, pungkah 4 lang ka lenjouvun China Kong lenpen,Twikhanglen chung a kipha depdup jeng chunga chun kaga lhung tauve, Che Konga kona chu che Twipi chu venbit thei ding a Galvon leh ima jouse kivat louva kikoi ahi, Twinoi langa galdouna kong, nuclear sub marine, Ballistic Missile, leh Jet Fighter Plane bulhing set’in aumin , ivet leh lung mon mon aumin ahi,

Kalhun nilhah uchun amun nom lheh jong leh ipi kati ham akicha tobang in ka um het hut in thomhao natah khat ka neiyin ahi, Janlang ahiphat vangchun milah ajong ka umnom pon, munthip khat langchun nung lang a plateform khat chung’ah kachangin kaga touvin, Kim, kom’ah kaumna ho, ka umdan ho chu message in ka hilin ei reply kit ding ngah in kaum tai,

Chollha hungsoh in Twikhanglen chung ahinsal emsel in tui aban neicha a kinong del del chu mutheiyin aumin, lunghel, thomhau aumin, valpa ahsi hochu ade phem phum jeng uvin phalbi lai ahijeh in van jong a thengset in buhbang lampi ki gol thet thei lah achun ahsi somleng hochu thanom tah hileu kilomin aki kho jet jet uvin ahi.

Cheho ve a lung hel tah a ka um jing lai chun Kim akon Message khat ahung lut tai,

Ka U Ngaium,
Na umna chu nom hinam? He-U lunggim lou leh thomhao lou din Pa Pathenin hin umpi hen,
Hiche Vannoi kikhen nagam leh lungjin na gama hin, niseh in akingai tah tah hojong kumsot a damun meidil a kimukit dingin Wuhan mipi ho hi aki dalhah jing lai uvin Eini kikhen nakhat umta jong leh Pa Pathen angsung a nisa banga vah emsel a kumsot a kikhen kit talou dinga Lungmon na eipe Pa Pathen ka thangvah eπŸ™πŸ™
He-U na Bible chu lhakang hihbeh in o, hiche tai louva chu Vanoiya Lungmon na umlou hel ahi,
Pathenin nahin veng jing hen Sa leh Gal lah ah…
Kei vang ei lunggim pi hih beh in o, *WUHAN NILHUM KON* Satan hatna Khopi ahin iham tia Pathenin Che Lungjinna khopi aum dinga eiphal louva ahijong leh Natna lungjin na khela Van khopi noma kana nga jing ding nahin, hiche Natna leh Kaa na Leiset dalha a nahung phat leh Kumsot a kikhen kit talou dingin Leiset’a ikitep nachu Van’ah Molso taite o.

Damsel in Mangpha kalungset na hingjing Wang Chou,

Hiche kasim jou chun kalung tengakisun abangtan, aban ipi ti kahi imacha kahe tapoi.

Chomkhat jouvin ka mit kahin ha doh leh, kaloi hon ka khut kakeng eina meh peh sao sao uvin ka khut ngong ah Glucose ana kibul in, angol bangin ka um tan,, Doctor pan ipi kichat na nanei ham? eihin ti leh ka hung lim doh in, ka phone kahol leh kaloi ho khat’in eihin peh, Message chu kasimin *LEE KIM JUNG* katin ka onei jousen kakap tai……..

_*WUHAN NILHUM KON Love Story* chu hichan hin akichai tai, jihkhel, alhinglou, adihlou ho kingaidam’u hite abul’a pat lunglut tah a sim jouse chunga kakipa thu kahin phong lhone, asim chai jouse Pathenin phatthei naboh cheh uhenπŸ€—_

Previous articleTHE HIDDEN PARADISE (2)
Next articleTHE HIDDEN PARADISE (3)