Short Love Story
Writer: S.Lien
Arrange: Naocy Haokip
Na lungset ka chan hi iti vangphat kahi hitam,Pathen thil jouse bolthei pan abol ahi ngal lou leh…. atin akap tan ahi…….
(Part-III)
Keiman abeng a mithi chu katheh peh in ahi leh hitin ahin seitai, tunia kamitlhi hi kipana mitlhi ahi, kei chan dinga jong kana gelphah lou lungset mantam ka chan jeh-a hetman louva hung longdoh ahi, atin kakhut ahin tuh’in ahung me tit tet in Sir, Natot vang hilou pichu na? ahin tin,
Keiman Gam hichana kiman mo sasa a nakom a tot na a thu hung sei dia nei ginchat mong mong hamo? 😄 kati leh ama jong ahung nuiyin, Tuni hi ka khohet theiya kon a kakipana pen nikho ahi, kei hi jinga kona natoh kipan di kahi tan, phone screen bouva iki muto thei di himai thei ahitai, tuni chu homtho aum val’e katin abeng nou chitchet chu kagah chop peh leh, amit ahin sing dimdem vanglah in ahi 😂😂
He U uniform a na umlou phat leh Sir, kahin tilou ding ahitai, 😄
Kaseinom pen chu ka insung dinmun chu nahe tan, Nagenthei na ding kihol da in kana tichu chapang cha kahi vangin ka mopoh nahi alen valin ka Naote hung let doh jep masang a ken ka insung ka lhakang theilou ding ahin chechu kum 4 lang hung lut ding ahin neihet them nading hung tamval ding ahijeh a kisonlel a ume, keidin kana ti hi chu o ahin tin,
Keiman: Ka hetheme, nang mopoh na chu keitoh ipoh khom di hichume, amun tah a kahung kithopi theilou jong leh ka umna muna kona kahin lhakang louhel ding ahi, Gin um tah in ium na cheh ah pang hitin phat khat leh eini adin Ni hungsoh tei nante ti kinem jing pum in ngah hat mai hite o, Kim, kati leh eihin kol chah kheh in achuti kaa kit tai, kenjong alhep ding dan helouvin chomkhat hitia chu ka umsah leh a bag sung a tui bottle khat ahin ladoh in amai ahin ki phet in, ipi angaito got ahidem tia thipbeh a kavetleh abag sunga ponkang khat ahin la doh in aluchang ahin khu in, hiti hin ahin seitai,
He U, Pathen koma taona kaman di ahi o, ahin tin, Christian kahilou vang chun ka ngaisang lheh in, Ole ole, kati phat’in, Kalu chung a akhut ahin koiyin, Keiya dingin ei thumpeh masan, gal le sa lah a ka natoh nading ho a Pathen in ei venbit na dingin ahung taovin, amitlhin kakhut ahin vatkhum chet chet chu ka het phat in keijong ka ki tim jou tapon ka kap tan ahi, keiya dinga ataojou phat chun ka ni lhona dingin ahung tao kit in, achaina a Amen🙏 ahin ti’n kenjong ka pena pat kasei masat pen na ding in mitlhi pumin AMEN AMEN kati tan ahi.
Kakipah valin Chibai ka bolin ka lungthim chu til’a kana neikhah lou kipana leh lungnop nan ahung dim jeng tan ahi,
Amajong akipah in amelhoi nakah ah amai chu kavet leh vahsit set in kamu hel’in, akom’ah kipa thu seimo sasa chun ka seiyin, Nilhum kon ahitah jeh chun inlang jondin kahung kigong lhontan ahi, “Holy Bible pocket size khat ei pen,”
He-U Chehi nachin jing ding, sim jong nasim jing ding ahi o” atin kenjong kipah tah in kaki lah in, A inn chanu gathah lhung ding kati leh anom beh pon akisonglel higet inte katin a veng u lutna bul chan’ah kilha lel tah in ka hung kikhen lhontan ahi, Keijong ka changin Camp lang jon in, Thomhao leh Kipa kop pumin kakile tan boi louvin kaga lhung tai,
Ajingin Head Quarter mun’ah meeting thupi tah khat Army leh Police join meeting aumin, che a chun Wuhan khopi venbit ding dan kihil na leh panmun di kihop na aumin ahi, Kei ho group chu Wuhan Southern Police Headquarter vetkol na noija, WUHAN LAP, tia jong kihe Asian Institutes of Biology mun’ah Gamdang mi Western ho leh Muslim galguh ho hunglut khah di vesui din eigo uvin ahi, chelai mun khu vannoiyin akichat leh ahet chen nom uleh suhset thei nading a chalak thuh tah tah a inteligent hon aguh vil jing nau mun chu ahi,
(Kei nop na kalhen thei di hileh Airport ham Bazar lah hamkhat chu hi di ahi😂)
Hiti chun chingthei tah in duty chu kahin bol pan tauve,
Hichelang chu hasei leng thuguh tamtah jong seidoh di aumin lha li, lha nga, sunga ka mimat hou leh ka kholdoh dan hou nal tah tah aumin hijong leh koima hetlou ding thu aum jeh-in, chelang chu seida jeng ingting Kim toh ka thusim lang joh hin seijo jeng inge.
Lha nga lang ongman louva duty jing akihi jeh in jan a Kim toh video call a kimu tilou chu amun tah a umkhom nading phat a umthei pon ahi, a Bible eipeh chu phat ong kanei teng kasim ji ji in, kasim nom thei mama jengin kahet themlou naho chu phone in Kim, kadong ji in, ama jong akipah thei lheh jengin ahi, Kamin chu Budhism’ah um jong leh ka lunggel chu Christian ah alut tan, Kim jalin Pakai Jesu ka thangvah e, tun vang Kim toh vangset thil in kikhen na bang hung um ta jongleh leiset’ah thom haovin lengvai lheh jong leng ka lhagao ama toh Pathen koma kimu to ding kahi lhon ei hil doh tah jeh chun vangpha kakisan, ka lungthim jong anom ma ma jeng tan ahi,
Hiti chu kimuto theilouvin lha tamtah ache tan kum kichai dilang jong ahung nai tai, keijong ka duty masat na muna kona Wuhan lhum lang a Internatinal Airport a eikoi nau lha ni lang ahitai,
Phat ong jong kanei jep tan Kim toh kimulou na jong asot val tan, kangai val val jeng tan ahi, aman jong eingai dan asei ji in, Khatvei ham nivei ham a bank account a sum them khat khat kagah thun sah chu akipa dan leh aNu kipadan ahin seiyin, (akamthem dan dan chu asei didan jong kahe poi a bank account a chun sum kithun loi loi leh nop a um jeng e 😂)
Kimuto kal ngahlel tah in ka um cheh lhonin Nikhat, 15 December 2019 a kimu to a nomtah a nilhum keija kivop khom din kaki tem lhontan ahi, ka Sir pau kom’ah jong advance in nikhat suty kathumin aman jong ei phal peh tai, (Cheni chu 2nd Dec.2019 ahi)
Ani hunglhun ding ngahlel tah a ka um jinglai lhonin Natna Kidang tah khat ipi natna ahi kihelou khat’in Wuhan khopi chu ahin suboi pantai ………..
_To be continue Next Episode_
*_NOTE: Lunglut tah a sim jouse chunga kakipah lhone, chomcha hijongle asimdoh jouse Pathenin phatthei naboh cheh uhen, aban ngah jingute🤗_*
