Thilha Thusim
Story By
Nick Hangshing
Jaankhat ka emut laitah in ka window kot hi ahung kihot in ahi. Ken jong huinun jeh a kihot ding in kagel in, chuleh window kot chu kikam det lou hin te katin, kalup na akon chun kaki thou doh in window um nalang chun kachi in window chu kam d kati le window chu kamsan ana um in ahi, hichun ken jong e t dan a window kikam a kiloh ahidem tin, window chu akilong lai khat tou um ham tin kaloh in ahileh window chu achah thet ngal kit in ahi. Hichun keijong kalup nalang chun kaki le phei kit tan ahi. Keijong chom loukah in kana emu lhu kit tan ahi. Hiti chun ajou langa window akilo bang chun ahung kiloh pha kit tan ahi.
Hichi phat chun ka pillow nui a kon chun ka phone chu kala doh in pung chu kave in ahileh pung 3 ana lhatan ahi. Hichi phat chun kei jong ka emut so wal jeh chun kana emu lhu pai2 kit tan ahi. Hiti chun ka emut lhah jou minute nga jong lhing nailou in ka window chu thumvei ahung kibeng tan ahi. Hichun window chu kavet leh ana keh khat ana kihong tan ahi. Keijong kalung adong lheh jeng in ahi. Room sunga la kachanga kaum, window chula nilhah til a kavet a chu phata kikam kit ngal, tua kihong sa aum chu kalung adong lheh jeng in ahi. Alangkhat a kaki jong acha thim in ahi. Hichun kei jong kalup na apat chun chat lou in window chu kave thim beh tan ahi.
Hiti chun lup na akon a jong kithou doh ngam talou a kavet jing lai tah achun window akon hin tehse tobang, amai voi deh duh, asam jong patchon(cotton) banga kang set khat chu window akon chun alu seh2 ahin dah doh sah in kei chu eihin ve tan ahi. Alangkhat a keijong kichat man in kave thim beh in ahileh amichu akangset in amit vom lai khu amupon ahi. Chom khat jouin kalung thim ahung nuplou phat chun gang chel in ka blanket chu kaloi in kaki khu khum tan ahi. Hiti chun blanket nui achun sot p kaum in ahi. Chom khat jouin pung chu kave in ahileh pung 3:30am bou ana hi nalai in ahi. Hichun ken jong blanket chu neokhat hodoh a aguh a vet a aum tah lou leh window chu gakha loi chel din kaki gotan ahi.
Kei jong kaki got nabang chun ka blanket chu neokhat kaphong kang in a ong lai kah akon chun window chu kave in ahileh ana um nalai in ahi. Hichi phat chun kei jong blanket nui achun emuthei lou in ka moh um kit tan ahi. Hichun sot thim p emu lou a kaum jouchun ka phone akon chun pung chu kave kit in ahileh pung 4 jong ana lhanai pon ahi. Alang khat a jingkah hiding kaal chu kamoh nga lel tho jeng tan ahi, ahiwang pung chula ol2 a chat toh akilou jeng in ahi. Keijong chutia kaun um chu asot thim phat in, ka blanket chu phoh kang kit a, a ong lai apat vet kit d katin, ka blanket chu ka phong kan in window lang chu kagah ve in ahileh, window chu hita lou in, blanket a onglai window vet na a kanei na laitah achun amit khat lang seh2 ahun kakom a ana um in eina vetan ahi.
Kei jong kaking wal behset in, blanket kikhu pum pum in lup na chung a kakom kavet chu kakeng a kachuti lho le2 jeng tan ahi. Hitia ema gel lou a kamoh lho2 jeh chun, kalungjong ahung le ngam doh letan ahi. Hichun ka blanket chu kahoh doh pai2 in, akicha lou bang in window um nalang chu kajon in, polang ho chu kave le2 in, ema kamu lou phat in window chu kale kha kit in kalup nalang chu kahin le jot tan ahi. Hitia window kakha joua kalup na lang kahin lejot chu kanung lang aja sesu jeng in ahi. Lupna chung kaphah2 chun lup d kati leh kaki chat hung kipan kit get inte katin, lupna ning langa chun katou tho tan ahi.
Hitia katou tho lai tah achun kalung gel a, lupna nui a ana um henlang, kakeng hin tuh henlang, lupna nui in inmoh kailut jeng levang tin kagel in, keile kei kaki lhem in, kaki chat jeh chun,kakeng jong khai lha lou in lupna chunga chun kakoi doh tan ahi. Hitia lupna chunga katou tou chom khat jouin, kho ahung vah chu. Window kikah a kon a chun polanga khovah chu kahin mutan ahi. Hichun pung kavet leh pung 5 ana hitan ahi. Khovah ahung kipat wang chun kalungthim anum deh pon ahi, hijeh chun pung 6 gei chu lupna chunga katou tan ahi. Pung 6 ahia, kho phata ahung vah lhah a, polanga mi husa ho ahung kijah pan phat achun, keijong jaan phata ka emut lou jeh chun chom khat emut d katin kaki jam lha kit tan ahi.
Kaki jam lhah chu pung 10vel in kahung khang in ahi,hichun katho2 a chu nilhah a kathil to chu inn kote kom a sei d kati leh, kathusei got chu kho ahungvah phat in mikom a sei d chu mingol thusei gotoh kaki bah sah phat in, kana sei tapon ahi. Hichi kathil to chu sun nilhum in kagel2 jeng in ahi. Hiti chun nilhah lang ahung hiphat chun kaloipa hin kaloi ho inn ma2 khat a vet ding Disc lading in eipui tan ahi. Keini jong amun kaga lhun a chun kaloipa chun Dics chu athum in, ahin pih2 chun kahung kile pai2 hun tan ahi. Lampi kah achun Disc chu kalan, e p film ham tia cover chu vet d kati leh cover ana umpon ahi. Ken jong kaloipa chu kadong paitan ahileh, aman jong esei masat leh anum poi, kalha phat le hetan nate ati in ahi.
Hichun kaloipa te inn chu kalhun2 hon in, kapoipa chun a Disc chu ahin lha tan ahi. Kahin vet2 leh Title a Conjuring 2 ahung kiti chu kahin mutan ahi. Ken jong kavet khah lou jeh chun, vet d chu kana thanum lheh jeng in ahi. Hitia kahin vet hun leh pung 9 val in aki chai nah in ahi. Hichun kaloipan nahung thah inge atin, inn ma akinai jeh chun ken jong kaloipa kom chun e p thah ngai d ham katin kachang in kachi phei tan ahi. Inn kalhun gei chun kalung a ema aum pon ahi. Kei jong room lang chu kajon phei pai2 in lupna chunga chun kalum in Phone a game kaki chem tam ahi. Hiti chun jaan ahung sot cheh2 leh ka emut jong ahung soh tan. Ken jong ka phone chu ka pillow nui achun kakoi in kalum tan ahi.
Hiti chun nilhah masa abang chun pung 3 don a ka window ahung kiloh pan kit tan ahi. Hichi window kilo gin jeh chun kei jong kahung khang doh kit tan ahi. Kakha kha chun nilhah masa a kathil to chu kahin geldoh toh kathil to kit chu ahung kitoh tan, Hichun keijong lupna chunga chun emu lou in katou tho in, room light chu kavah in window um nalang chu kave thim beh tan ahi. Chom khat jouin window kilo chu ahung thip lha tan ahi. Kei jong lungdong tah a room sung chu kaki hei le2 leh, ka room kot kaki kha hai chu kahin kimu doh tai, hichun kot lang chu del a kot kha loidi kati lai tah in ka room kot chu ol2 in ahung kihong tan ahi. Hichi phat achun wang ahung lut chu e p ham tia vet tailou chu kei ding in upai dang aum tapon ahi.
Alangkhat a light avah jeh chun ahung lut pen2 chu katoh khah thei ahipou2 leh kidel pi ding in kei jong kamoh kigot tan ahi. Hitia kaki got lai tah chun kot a kon a khut khat kahin mu2 chun room light jong athi pai2 tan ahi, light athi jou2 chun room kot jong chu aki khah pai2 tai, hichun ka phone a flash vah d katin ka phone chu kahin mai le2 tan ahileh, lupna chunga chun khut khat hi kahin kimai khah tan ahi. Hichi khut kahin mai khah2 chun hichi khut chun kakhut chu ahin tuh pai2 in, eikai chu lupna akon a chun kaleng lha in, room light ma athi jeh chun hoilai pen a kachuh ham jong kahe tapon ahi. Kei jong kaum na akon in ding doh talou in katou den in hoilai a kon a eihin maikit dem tin tija tah in kamoh nga toh tan ahi.
Hichi pet laitah chun kabil kol kom lai tah achun e p pao ham jong kihe lou leu akhun, ganchel2 in thu ahin sei in ahi. Hichi pet tah chun light thi toh upai dang ema kanei louphat chun katou na akon a chun ha khin in kaki khin doh in, Taona kahin mang pan tan ahi. Taona kaman sunga jong chun kakom kavel a chun achoh the thu jeng in ahiwang in ken jong katao naman chu kanga pon ahi. Hiti chun aphat tohkah achun ken jong kinga lou in taona chu kamang2 jeng in ahi, hiti chun minute 20 tabang chun kaum in ahi. Chom khat jouin kot chu akikha gin kaja in, hichun ken jong katao naman pum in kamit kahah in ahileh, room sung chu light ana vah tan ahi. Ken jong apet2 in kot chu kasung kam in ahi. Hichi ni jongchun emu lou in katou khovah kit tan ahi. Ahin hichinia pat chun ema ati tapon ahi.
~BEITA~
