Home Smartmyn VON THENG

VON THENG

689
0
vontheng
vontheng

☘🌿🌸☘🌿🌸☘🌿🌸☘🌿

( *VON THENG*.)

πŸ“˜βœ… Smartmyn Doungel.

Golcha kingai lutah mini hi, Bar la judon din ache hon tan, ama nin jong ju adon pan ngal hon tan ahi. Chomlou kah in aju don hon chu ana over khatan, akham honphat chun ama nikah a kihet to na chu ana lhasamtan ahi.

_Hichun epi titam.? Amani kah in kinah kibao na ahung soh doh tan , ahung ki dello hontan, akinah na hon chu asang cheh2 jengtan, hichun khat pan aloipa chu Bar sunga chun athat dentan ahi._

_Aloipa thilam helou vin khatpa chun, asuh khet atou khet jinglaijin, aloipa chu haitalou va um ahi ahin hedoh tan, phatah a avet le aloipa chu anathi tan, ama jong apum ma thisan avon na dim ahi chu ahin kihet doh tan, hichun kichat le tijat nan adim min, Bar la kipat chun ahung jam doh tan ahi._

_Hinla Bar sunga um mipi chun, tolthat ahi ati uvin asam mun ahin nung deltao vin ahi. Hichun mithat pa jong ahinkho kihuh hing nadin ahung jam tan, ahile, ajonan Christain mikhat ahin mudoh tan ahi._

_Tolthat pan jong Christain pa jah achun aseijin ataotai. Ven sopi keima hi tunin tolthat chu kana hitai, neihuh hingin , lungset tah in na indan sunga neisellin ati. Hichun christain pan jong adonbut nin eti kasel ding nahi ham ati. Tolthat pan jong adonbut nin ven phat aumta poi, hoilai mun hijong le kahin na thei ding ahile neisel tan ati._

_Hichun christain pan jong tolthat pa jah chun asei tan, Nasang khol chu sutlhan ati. Hichun christain pan, tolthat pa sangkhol thisan nat chu aki von nin, ama( *VONTHENG*) chu tolthat pa apen aki von khel pitan ahi._

_Christain pan jong asei Ben, ven kavon hi, Athen bangin hin thensah jingin, boh beh louvin hinching tup jingin atin, kot khah chu agah hon doh leh..tolthat pa hin nung delho chun, christain pa chu aman taovin, athi anai kaileo vin ajep mun, Police station na ahin pui taovin ahi._

_Hichun Christain pa Chungthu chu kholchet nin aum jouvin Police hon Court na athu tan din apedoh taovin ahi. Court nin achungthu atan taovin, amahi tolthat chu ahin, hijeh chun khailih aum ding ahi tin thutan khum na aneitao vin ahi._

_Ajing nikho ahung lhung tan, Tolthat pa jong aki gel2 lin , ajo le keijeh in themmo na bei mikhat nin keijeh a Genthei thoh khan te atin Police station ahin deltan ahi._

_Hichun Police hon, Court na apeh doh thu u anasei peh taovin ahi. Hichun Tolthat pan jong Court lang chu ahin delkit tan Judge ho komin atao tai, lungset tah in mo na bei mipa chu neilha doh peh taovin, keima joh hi tolthat chu kahi atitai._

_Hichun judge pan aseitai.ven nangma kinung le kittan , nahung vaigei jep tai, nasei mipa chu, khailih sa anahi tai tin asei peh taove._

_Hichun tolthat pan jong christain pa kikhai lih namun chu adongtan, amun chu ahin deltan ahile, christain pa chu athisa anahitan ahi. Tolthat pan jong agellin akisih vallin them mo aki chan vangin ana gei sangtan ahi, hichun adilsun akap tan ahi._

_Ka thot ding jouse nang khohe lou mona beijin nathoh in, athida lom keima khellin nathi tin apo na vallin alhi along chut2 jengtan ahile, Christain pan achai na anasei peh thucheng, ka *VONTHENG* hi hinsu boh hih in ati chu ahin thah geldoh kit nin, hichi nikho a kipat chun, hichi judon mipa, tolthat pa chu Christain ahung hidoh tan ahi._

_MORAL: Jesu christa chun, mihem te setna jouse ana pon, Chonset nabei boh beh lou chu chonse te din anathi e . Hichi thusim hi atah jong himai thei kihil nadinga kisem jong himai thei jin te, Hinla eiho huh hingda hung leng christa vang chu semthu leng ahi pon, athu a chonse teda jong thi ahipoi, aman leiset mihem tejouse setna anapon athipin, athoukit tai. Ti asim jousen hejing ding eki tem muvin, chule vonlui boh beh chengse pailhao hitin, tuni akipan nin *vontheng* aki von jing dingin ekitem mun ahi. Amen._

*THE END.*

🌿☘🌸🌿☘🌸🌿☘🌸🌿☘

Previous articleGENTHEI KA THIMTHU
Next articleNAJAH KHAH TAH EM?