Home Seiboi Tuboi Vo Pathen michonse keima hi nei lungset in

Vo Pathen michonse keima hi nei lungset in

49
0

Rev. Seiboi Tuboi
Nisim 31/08/2021

Rev. Seiboi Tuboi
Rev. Seiboi Tuboi

Luke 18:13

Kaidongpa vang chu gamlatah a adingin amit jong vandah nom louvin, Vo Pathen. michonse keima hi neilungset’in. tin a-op achum achumin ahi.

Jesu Christa khang laijin, Michonpha a kingaitoa ama le ama kitah sanna midang imacha sah lou ho jah din thulhem ana seijin ahi,
“Mi ni houin a Pathen lhai dingin ache lhonin, khat chu Pharisee ahin chule khat chu Kaidong ahi.

Pharisee pa chu adingin hitin ataovin ahi, Vo Pathen keiman nangma kathangvah-e. keima midang ho banga hunam a la a le chondih lou, jong’a, chule hiche Kaidong tobang jong hi kahipoi. Keiman hapta khat sung in nei-vei an ka-ngol jin, kamu jouse hopsom’a hop khat kapeji,” ati. Kaidongpa vang chu gamlatah a adingin amit jong vandah nom louvin, Vo Pathen, michonse keima hi neilungset’in, tin a-op achum achumin ahi. Kaseipeh nahiuve. khatjopa sang chun hichepa chu them changin aum min a-in a achesuh tai; ijeh-inem itile koi hile ama kichoi sang chan chu kisunem ding, ama kineosah bou chu choisanga um ding ahi.” ati.

Mijouse hi chonse ihi soh kei uve, Michonse chun kachonse e ati ding lom tah le akinem thol ding chu Pathen deile chon ngai dol hiding lom tah ahi, hinlah hiche laija Pharisees pa din mun hi ivet na ahile, Ama chu mit na mudia gin um tah hougut tah le Pathen mitah chu ahi nai, Dan jui bukim ma kigella, Dan jui kim jeh a kisong le Judah te chon ngai dol jouse bol chamkim a kigel pa chu Pakai Pathen angsung avang them achang jou pon, atao na jong Pathen in asan pih poi ti kichen tah in het doh thei jin aum in ahi.

Tulai I Christian hinkhou va jong, hiche Pharisees pa tobang hi tampi ium diu tah san aum in ahi, Bible pumpi asim chai jih a kison na a nei, mi mu ding le hetdia An-ngol la tao na mang jing, mi het het dia ki Pathen mi sah lele a, mi het het ding le pachat nading maimai ja thilpha bol la, Som ma khat phatah le tam tah tah apeh jih man na van gam lut lei dia kigella Pathen hou tam pi kium ding tahsan aum in ahi.

Hiti tabang’a Pathen lunghol kha I na um khah uva ahile, Bible in hitin aseije, koi hile ama kichoi sang chan chu kisunem ding, ama kineosah bou chu choisang’a um ding ahi ati.

Kaidong pa vang hin a chonset akihet in, Pathen jeng jong ve ngam lou, van lam jong dah doh ngam lou vin a op achum in, Vo Pathen keima Michonse kahi ati.

Michonse ihiu iki het doh lou ule ijat in thilpha bol u hitin, ijat in Pathen katahsan ne tijong leu hen hiche ho chu ahomsa le akeu sa jeng bou chu ahi ding ahi ti suh mil lou vin aphan ahi.

Koima aphacham kim aum poi, michonpha tah hojong achonse thei kit jiuve, koima hiche leiset dam lai sung’a chonset na a thengset ding akium poi, hiti jeh chun, chonse jing thei-na hi kihet jing in lang, phat jousen, Pakai angsung’ah nachonset na selmang lou vin kisutheng jing in lang um jing in, injou khat le atheng chungnung pen in ana kingai ton lang, natao na Pathen in nana san pih da kha le hichu da um pen tah hikha ding ahije.

Hiti jeh chun sopite, Kaidong pan achonset na akihet na, Vo Pathen michonse keima hi nei lungset in tia a op chum ma van lam jong dah doh ngam lou le Pathen jeng jong ve ngam louva, achonset aphon doh a atao bang in, eihon jong itao chan un, michonse ihiu sumil pou hite, chule Pathen in thilpha khat bol doh nadia phat pha napeh a nabol doh khah tah jong le hichu kilet sah pi nan manghih in ijakai, Pakai jalla bou nabol doh ahi bouve.

Eiho chonse sa hung peng ihiu vin, Jesu Christa kipeh doh na jalle, Pa Pathen milungset khoto na jalla bou, them chang dia um ihi bou uve, hiti jeh chun hiche leiset dam lai sung in achonpha jing le ima jouse a pha cham kim ding in kigel hih beh in tia iki tep u ahi, hijeh chun tua pat natao teng le O Pakai Pathen kei michonse kahi ti seiding sumil hih beh in.


Nisim 30/08/2021

Pakai jin jong khangdong hinkho ana mang in ana Chonse khapon ahi. (Date 28/08/2021 Message Banjom)

Luke 2:41-43

Chuin anu le apa chu kumseh-in kalchuh kut le Jerusalema ache lhonin ahi. Chuin ama kum som le kum ni ahin kalchuh kut chonna ngaiyin Jerusa-lema achetou vun; chuin kut achaiyuva akile kit phat’un chapang Jesu anunguvah jerusaiemah aumden tan, chule hichu anu le apan ahe lhon hih-in.

1️⃣. Khangdon hinkho hi bailam cha kimangcha khel thei ahi

Khangdon lai hinkho hi iman khelle sum Rs.20 in jong ihinkho (Chracter) asuse theijin ahi, ajeh chun Vannoi set nalah a hinkho mang akihi jeh in lhagao hinkho a ikiven tup lou jiteng leh gangchellin set na mun akilhung thei jin ahi. Tulai ja kin kaha seipen chu ahile.

“Naphat naman khelle Nahinkho naman khelle ding, Na sum naman khelle nalhagao hinkho naman khelding, na lhagao hinkho naman khelle natonsot hinkho kimang khel ding ahi” Tulai vannoi thilsoh ho le thille lo ho jong satan in Pathen gam suh setna ding in aha man chah thei lheh tan, mihem khojong tamtah aumang tan, ingaito le vang leiset hi Pathen apan nalou jouse a ama Pathen bailam cha a ana kidou kha jing ding in aum in ahi. Hiti ahijeh in Pathen in hiche leiset hinkho a phatchomcha bou phat ihung peh u ahijeh in ijo chan na chonset na toh kikangse a kidin topijing ding in kahin tem un ahi.

2️⃣ . Khangdong hinkho aman lut dan:

Hiche khangdonlai phat hi aman tampen ahijeh in Pathen in ama min loupi na le alenggam machal sah nading in adeilheh jeng in ahi, chutabang ma jong chun satan in jong ama gam machal nading in amangcha nom kit in ahi. Suhmil lou ding khat chu Pathen in mihem kiti hi chamlhat na le kideilhen theina chih nale het na toh asemtha ahijeh in ama deibanga hinkho mangdin kinep na aneijinge.

Ahinlah Pathen in eimangcha nom lheh hen lang hijong le eima inop lou va ahile Pathen in namphu in eimangcha thei deh pouvin ahi, hiti jeh a chu nangma lung ngap lhah nalang pa pa chun ajojing ding chu ahitan ahi. Koihile satan deilna lam ma hinkho hin mang hojouse vang chu akhonung u hinkho vang kisih na le kana chule puldou na na a atamjo a hung kichai diu ahi. Khangdon hoilai phatsung a hoitah a hinkho hinmang ho jouse ding in vang leiset nopsah nale chonset thilbol ho tampi ahinchan diu ahin, ahinlah ahung jinei jou teng ule kakisih e ti hinkho hin mang aum ji pouvin ahi, chule genthei nale lunghem na hinkho hinmang jong ahung um ji pouvin ahi. Adih louva hinkho man na achai nale genthei tah a hinkho hinman sang in Pathen deibanga hinkho man na konung le hinkho nom le chamkim tah a hinkho man ding chu hadel la del cheh ding in apha jon ahi.

3️⃣. Khangdon lai phat hi thiljouse chunga jojou na akinei lai phat chu ahi.

Hiche Khangdon lai phat hi themjil nalam’a dia jong hetthei lai phat, melchih theilai phat, chukit jong le imit vetna na kon najong jilthei tampi akineithei laiphat chu ahi. Hinkho ading, khonung a ding a jong tup le doi neina dia phat hoilai tah phat chu ahin ahi.

Tulaijin Khangdong ho lah ah hin kavet na ahile keitabong’a khonung le hung kisih ding mi katam mu in ahi. Bible lin thiljousen phat aneisoh keije ati bang in mihem hinkho a jong phat bih aum cheh in ahi. Chapan lai, Gollhan/Nungah lai chule upat, nupi chule tehset phat aum in hiche ho lah a Nungah/Gollhan lai phat hi mijouse keo hilou va Pathen le satan jong ha chu a akichu lai phat khat chu ahi.

Keijong kakhangdon hoilai tah le kahetthei kajilthei laiphat tah in leiset agunei ho kana kivoppi khah jeh in kahetthei nale katha hoilai jouse kakisuh set in tu khonung a ijat veu kakisih vang in akigei sang val tan,keija dia kaki sih e kati tailou adang aum tapon ahi. Khandon jouva kaki sih e kiti hi ihinkho a seidoh sah lou ding hi khangdong jousen tup cheh ding kadeijin ahi.

Bible a Kalung lai tongkha jing Gollhang Joseph hinkho hi kavet ji a ahile kidang jong kasan chule kitil khou na jong alen in ahi. Athahat lai, athisan hatlai tah a Potiphal jinun luppi ding tia ajol jol jenga ahivang a aman ipi ti ka Pathen dou na a hiche hi kabol ding ham tia chonset nathei mun ajam sen chun, apet tah in mihem vet le mu in themmo nasang pen chang jong leh thutah a adin jeh in songkul chan chu Thutah in ahin umpi tan khonung in chonset ajam sen jeh in mang le doh thei na chih na le hetna Pathen in ahin pe tan, hiche a kon in khonung in Egypt gamsung pumpi a Primister in ahung pan jou vin ahi. Khangdong ho jouse nakhangdon laija nahin kimaito pi ding, nakhang don hoilai suse thei ding ho jouse jamsen in, kihat sah in chonset nan baicha khen na nahinkho alah mang thei ahi.

Achainan:

Sopi deitah te ho nakhangdon lai hinkhon nang ma dei dei bolhih in, Pathen lungdei ipi ahi joh hahollin hol un, Nangma lungdei leh nang ma ngaichat namun jouse chu khonung a ka nading mun jeng hung hiding ahi. Nakhang don hoilai phat chu vannoi nopsah namun ho a kon na napuidoh jing jing a ahile leiset keo hilouva tonsot na Pakai kipa na Inpi geija kipa nale nop na namu ding ahi.

Hinkho khat seh seh nanei ahin, hiche khat she she chu naman chah khelle akhelding adang um lou vah ahitai. Pakai Jesu Christan jong khangdong hinkho ana mang in ahivang in ana chonse khapoi, Pakai jin Thing Cross chu Vannoi chonset huhhing nan aneijin, Nang man jong na thing Cross a kon in chonset gal jouvin lang chule mitam tah a din kihil nathei kitil khou nathei lhagao le tahsa a jildoh nan hin neijin, Pakai jin Christian Hero ding in ei ngense jing uvin ahi.

Hiti jeh chun tunin nangma jong Pakai Jesu Christa seijui khat nahingalleh na Thing Cross kiput na Lugu mun chan pulhung tei ding in Pakai min in kahin tem un ahi.

Pathen in Athutheng Simjouse Phatthei naboh cheh tao hen.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleLUNGLHAI NA CONTENMENT HI HINKHO A MUTHEI AHI DEM?
Next articleBOIKIT TAPONGE-II