VANLAI JOL A KALOIPA TOH THILKIDANG KHAT KAMU LHON THUSIM CHOMCHA

By : Gigin Chongloi
Molkon Bazaar, Saikul

Introduction: Keimahi thusim jihkha jong kahipoi, chuleh midang banga thepna-chihna sangtah neimi jong kahipoi. Lekha jihmi (writer) jong kahipoi. Vantham jol a ka thilmu kiti thusim kahin sei d hi keiman kasatah a kathilto holah a akidangpen khat ahijeh a mipilah a seilouthei kahipoi. Vanlaijolla thilkidang chu keima bouseh in kamu ahipon, kaloipa khat toh kamukhom lhon ahi.

Hiche kaloipa toh kathilmu lhon hi achesa 2018 langchu ahitai. Kaloi pa toh Kathil to jou a pat keiman Jong ka thilmu hon Chu gimnei ka kasa ma2 in, hijeh chun kaloi kapai, insungmi khat leh ni komavang kana Seije. Ahin koi man _”akidangtave”_ chajong eiti peh pouve. (Atahsanlou jeh u hilouvin, alung donjeh uva seiding hetlou man a thipbeh ahi diu Chu ka gingmon ahi) .Hijehchun midang komma kanavelsei tapoi.

Achesa Kum 2013 chun Shillong tolpia B.A simdin kanaopa toh kana kalsong lhonne. Agom lam2 in Seileu hen, Shillong ka lhun lhon chun, eimi numei khat hostel bolna a kanao pa Chutoh kaga umkha khel2 lhonin ahi. kaumnao Chu eimi pasal ngen mi 13 kaga kisuto uve. Kaumna hostel a chun Lalneo Manlun kitikhat Saikul block sunga Songjang kho haosate chapa khatjong ana um in ahi. Mitamtah lah achun kei Jong ama Chu toh kahung ki hou2 lhon leh, Saikul gamkaimi cheh kanahi lhon Jehchun kingailutna Jong sangchom dehset dannin akilangin ahi. (munchom gamchomma a umhon ihet dehset diu ahi). Hiti chun hiche niapat chun ucha danin kingailu tah in kahung kivop lhon in ahi. Mun chomma nulepa jaolou na a um kitiChu gentheithoh dingchu asa a lha ahi. Hahsat, dammo veiset kitiho a Jong kaki ve to lhonin, hitichun kingailutah in suty ahi a, inlangChephat ahi Jong leh atamjon kana pot khomji lhonnin ahi. Suty ahi tan inlang a din kahung doh taove. hitichun kakivop ngai bangin inlang kahung lhun phat u Jongleh keijong amaho kholanga kagachejin, Jan khat Jan Ni tiho kaga geh jin ahi. Ama Jong chutima chu ahi.

Phat ahung chechen, kanaopa jong Imphal a aumkittai. 2018 June/July vellin Imphal (zomi villa) a kanaopa umna munna chom khat umdin kache Suh in, Phai ka lhun2 in kaloipa ka gah call leh, phne ahin lan, _”Keijong Khongsai venga ka ute inn a kaume”_ ahitiphatchun kakipah lheh jenge. Ajeh chu zomi villa vel lah a akium khahloujeh in koima kihetpi/kivoppi ding kaneilou ahi.Imphal khopisunga mihem tampi aumvanga keichu gamthip lah a umtoh thakhatchet kahi. Hiche phatchun kaloipa kom jonnin kachetai.

Amaho inn mai kalhunchun, insunga antou vun, kei Jong insung lut ding kakisan, angai banga ken Jong Kengkoh kisutna insung gahlut ding kagah ti laitahchun, kalungthimma kidangtah khat ahungkilange. Kalungthim a chun, vanchunglang vet dingbouchu akilangin ahi.

Kengkoh khao kasut toh vanlang vet kagahkopleh, kahin khoa kamu khahlou Gulpi len tahtah 2 chu chunglanga alenglele lhonnin, phaisung aumkimvel lhonna vanlaijolla aki thol lele lhon chu kanmu doh tai. Pasal Kahi vangin kathil mu chu kidang kasa behseh jengin, kapengjah jengtai. kaloipa Lalneo jongchu ahungchom doh in, kathilmu chu kavet sah leh, amanjong kidang asan, ah-khongai abangjengin ahi. A-unu insunga umJong chu akou doh in kachutivet tauve. Ka phone chu lahdoh a video lah ding katikit leh, ka phone battery dimset a kikipohChu, ka phone kihong doh thei mong2 talou, ka phone chu total shutdown ahitai. Sunlaitah ahivangchun go aphinchipchep kitnin, koima avahdoh avahle aumloupettah ahikitne. Gulpi tenichu vanthamjolla Minute 5 tabang hitichun akivei lele lhonne. Alimlhon jong chu kichatchat tijatjat aumjengin, akithol lele jenglhone. Gulpi teni aledan chu aeroplane tebep ahilhone. Video a kapdoh tei dinga kagot vangun, ka phone uchu shutdown ahijeh in, upai mongmong aumtheipoi. Kidang kasauvin, katimul u akithoujenge. Vetna vet ngamsan jong ahilhonpoi. Ahinlah, thil kidangtah kit khatchu ahileh, gulpi teni chu chomkhatsetpi jouvin vanlaijolla akithol mang lhontai. Amani akitholmang phatchun, ka phone u jong aboikit tapoi. Keihon jong upaidang kaneitapouvin, kicha sasa leh kithingpumpum in, danggo leovin, vanlaijolla gulpi teni umchan chu laamvetnin kamoh vet tauvin ahi. Kathilmu akidangvallin ahilchetje jong aumpon, atepiding beija kidang ahi. Gulpi teni kithol lele sunga, phone hojong manchahtheilouva achamma shutdown ahijong chu kidang ahi. Gulpi teni chun ei control u tina ahi. Lhagao lam thudol toh gahkitekah leh, _Vannoi hi Satan lalna gam ahin, Pathen tailou Satan control jouding aumpoi_ tijong avetsana ahi.

Hiche kathilmu hi atahtah thilsoh kidang ahi. Konkhatnin proof aumpoi tia aseimaithei ahi. Video or photo kakapdoh theilou jeh chun, proof gahpehthei chu umlou tahbeh ahinai. Hijongleh, proof umhenlang, umhihjongleh, kamittah a kamu mongmong ahijehchun, mipi komma kasei ngampel ahi. Kaloipa Lalneo Manlun (Songjang village) leh a-unu jongchu dongleu chun, hichu evidence proof ahijenge. Koiman *akidangtave* eitipeh hihjongleh, keidinga kahinkhoa thilkidang khat ahitahjeh chun, tunichan geijin kasumiltheipon, kageldohkom leh kahinkho anomjipoi.