Home Shonkhogin Haokip VANGAMA NAKILENA DING TICKET NAKIKAH (BOOKED) HITAM ?

VANGAMA NAKILENA DING TICKET NAKIKAH (BOOKED) HITAM ?

15
0

Published by Thusimbu

By Shonkhogin Hegin Haokip Maranatha Cottage Hebron Veng Phaipijang Langol Imphal West Manipur. # 97740 9615

Ajeh chu Pakai chu amatah a awtoh, vantil pipui awgintoh, chuleh Pathen sumkon gintoh kitho a van a hung kumlha ding ahi; chuleh Christa a thisa ho chengse thoudoh ding ahiuve. Chujou leh eiho ahingnalai amoh chengse hi, amaho chengse chutoh vanlaijolla Pakaitoh kimuto dinga ama lomto dinga meikonga toltouva iumdingu ahi.”

I Thes. 4:16-17

Ajeh chu hiche leiset hi eihoa dinga khomundet chu ahipoi. Eiho kholjin a hung ihibou uve. Hijeh a chu, I Bible uvin, Ngaiteho,nangho migama cheng le kholjin nahiuve, tia nahenguva kahung tao ahi : hijeh chun tahsa ngaichat thil chengsea konin kikangseuvin: hitiho chu lhagaotoh kidou ahi. Chuleh chiding namdang ho lah a nanun nakhanu phat sah un: chutileh akhang gilou tia amahon nangho nasei setnao chu amittah in nathilpha bolu chu mu’vin tin hiche thu chu vettoh a aum nileh Pathen avahchoi dingu ahi ati. I Peter 2:11-12.

Chutia nikhatleh kile teitei dinga um nahitah ahileh, nakile nadinga nakigot tup hitam? Ajehchu akile teitei ding nahi ti nahet vangin, itih a kileding nahi nangman nahepoi, koima chan jong ahepoi. Hijeh a chu, ikile nading nikho akihet lou jeh achu, phat jouse a kigingjing a um angaitai. Nahung kondohna hi Pathen a kon nahin, nalhun nading jong Pathen kom hi angaiye. Hijehchun, sopi, nakilena dinga nahinkho nakisemtup hitam ? Tunitah in Pakai chu hungjeng taleh abaisa a nana umding hinam ahilou leh kakigohih laiye nati ding ham ? Ipen ni uva patna tuni chan geijahi Pathenin naki gotna dinga phatpha napeh ho chu ahitan, aman nahin kouva nana kigot manlouleh munchoma cheding nahitai. Munchom kiti chu hoima dang chajong ahipon, naki chatjing tonsot damun mei dil chu dalechun nomle chun nanga hiding ahitai. Hijeh a chu akigolou lai jouse chu, akigolouho jouse dinga kikoi kheh damun meidil chu hiding ahitai.

Hijeh a chu, sopiteho, khatveileh kile kitding kahila kiti ngalla, akilena ding lampi kigolou chu, miching ahipoi. Hetthei ding tahkhat in gah seileu hen, tuhinkho ahin, hoilai hamkhatna kholjin aga kipot doh a ahileh, ihung nading nikho chu kihe ahijeh chun, kholjina ichemasangin ihung kilenading Returned Ticked kahsan akikipohjitai. Ajehchu hung kile kitding akihijeh chun, ticket booked sa a icheleh anomlheh jie. Keijong kana toh laijin, Kolkata a training kache jousen, ticket hi achenading leh ahungna ding kikahsan kache jin, hijehchun, Kolkata a kaumsung jongleh lung mong sellin kaumjin, hungna dinga imacha kaboijipoi, ajehchu ticket kahsa ahi jehchun. Ahinla vangam ticket leh leiset ticket chu akilolouna phabepkhat chu umnante. Ajehchu vangam ticket chu blank a kahding ahi, ajehchu iche niding nikho akihet loujeh chun, ahinla ticket kahsa akititeng thildang ki seina ahipon, Pakaijin tunitah in nahin kouleh abaisa a nana um ding hinam tichu kiseinom jeh ahi. Ticket tah tah gakah ding tina ahipoi. Hijehchun, Sopi, vangam a nakilenading Returned Ticket nakikah (booked) hitam ? nakikah loulaileh akinthei pentah in booked kibolin, ajou leh geisang khanate. Napa Pathenin kile nading Ticket kahna dinga phat hitihchan napeta a tunichan geija nakikah loulai ham ? Vangam ticket kahna dinga sumle pai angaipoi, nanopna angaichai. Nang man nalung thim apumpi, nalhagao apumpi chuleh nathaneina apumpi a Pakai Pathen nangailut-a, Ama khutna nakipeh lhah poupou leh alhingset ahitai. Hijeh a chu, ahao avai khentum aneipoi, sumle pai, chihna thepna, letna lalna angaipoi, nahina bangbangin Pakai koma lhailut tan. Vangam ticket chu tunichan geijin akihomjing nalaiye. Manbei ahiye, Kichohloijin.

Pathenin asimho jouse phatthei bohtahen.

Gospel Message simbe nomho dingin anoija website address akipe Thusimbu.com hi play store a kona download bolmasat a chujoutengle link a chu lutding ahi e. https://www.thusimbu.com/category/shonkhogin-haokip/
Previous articleAW HE ADA KAHI!
Next articlePAKAI KOMA KIPHINNA

LEAVE A REPLY

Please enter your comment!
Please enter your name here