‘Love Story’
Writer: S.Lien.
Arrange: Naocy Haokip
(Part-Four)
Kanu hanset dan dan chuThadou paohi lunghan nadin apha e atiuchu kahedoh e…
Paokholun…. tin ahin pan ngal jengin aban jong seidange mijah din jong jachat jong aume …..ahan jah jah laitah chun Ka innmai Nu’u ahung lut’in, Ipi na sei jah jah’u hita ahin tileh Kanun, Paolun ji neitan, Napa la um talouva, Nangbouva kikinem hita hi, katileh nom hih laiya leh kahan maimai hichu
Inn mainu: Kate, phajo chula anop loulai leh, Kei chate ho khula vohnou til gelou abanguvin, anei je bou aheuvin, avah je la helouvu,
Aji nei di chu ngahlel hih-o, Paolun nu, anei masang chu eiya hija, ji ahin neiyuleh mi a hiji tauva chu, Sepai ho deh deh hi khoh cheh kit nalaiyu ahi, Keiya Pa jongkhu na mulou ham?
Kanu: Hoija chetobang numei chu ahin puilut leh asam buchinga kamat a tol suh suh na a kanei di hichu, ana vetao
Inmai nu: Kahe hih-e, asei hi noma…….
Paolun nu thuchom beh khat hin seiyinge Vohcha johnom nahet lou hamo?
Kanu: Vohcha johnom kihe deh tah, ite a len di ijat vel mandi nadei hamo?
Inmai nu : Lentah thaotah, aman lhom cha ahe ka dei, Ka chanu man ahung khum got’u hija thapeh di kati chu o,
.
Kanu: He katecho!!! Lentah aman alhoma lhom vang ken muponge Letcha nu.
Inmai nu: Seihih-o Paolun nu, Tulah lockdown lai ahijeh-a muthei ahe,
Kanu: Kahe hih-e i Lockdown seiyu jong hi kakidah-e, Lamkai len hohi haogamu hitam aum lou toh thakhat hita hila, Aseiyuleh An-ngol a hin kikoi lou di ahe, agah tiuvin, Anchang mikhat a Kg, nga a kihom di ahe atiuva keiho Mi nga (5) kahiu hija kg, somleget (18) bou eipeh’uh Mathematic jong athem mo thei toh uve amo di kihol lela Chem nolpa thusim kisei chu bang bep intin akhon khon naleh Kaikong pa bangin, Kei kachen na lithuh jin-jen tiuvin tin Delhi ah ki umleu Kangpokpi khel mukha louvin hoilai kihol ding ham?
Kanun hitia chu asei phat’in
Inmai nu: Kate, kate, ipi pi nasei mat hamo kahe thei hih-e Vohcha ,thu hin kidonga Delhi lang tah-a neihin donbut che tange,
Atin ahung kipat doh-in
Kanu: Tou tadi tangem, vohcha jong chu hol naite, thuchom dang khat, tukum Christmas a dinga Nupi hon La jil di atiu chu nakisah hinamo
Inmai nu: Hoilaiya sah di hita? Houin la kikai talouva, among monga Houin chu hung kihong kit jongleh, Lasa lah-ah kei jao jou ponge, ponve mantam ho kanei hih-e, Mangphaovo atin apot tai.
Hapta khat lang chu koima tojong kiha vop behseh louvin gate hopou semin kaumin, call ahung phat leh, Lungdei ahidem ahilou leh Nenei ahidem kati ji in hijongleh amani akon in call leh messasge kamu kha pon ahi.
Phat jousen Lungdei leh Nenei chu thuchom cheh-in ka gel gel ji in Lungdei ka-ngaina chu alen cheh cheh jengtan,Thu mai mai hijongleh message beh-in eihin text inte katileh ima ahin seilou jeh-in ka Lunggel anom mo lheh-in, lelang khat’ah, Neneiyin jong imacha thu ahinsei lou jeh-in Ka Lunggel anom kit thouvin ahi.
Lungdeiyin Sepai ji dingin kaki song poi ati chun kalung atheh tin tenin Dongma itobang aneiham het kanom mama jeng tai, Gah call diham kati ji in, alung lou lamtah kihi khaleh kati ji phatleh ka kiphalam kit ji in, Ei boldan leh amit heiyakon chun la kinep na khat kanei thou kit’in, Ipi chu hileh kicall mong mong hen kati tai.
Dialing………
“The beautiful number you have dial is speaking to someone else”
Missed call amu phat leh eihin call nante katin chom khat kanga jongleh kakinep bang deh lou.
Message lang’ah kalut kit’in
Lungdei Nadam dam hinam, kahin call leh na busy in, ti kagah send leh,vekit lou
Ka gari ka jut jolin a Inn languva kalhai tou leh, ka gari gin chu ahinjah hidi ahin Varanda a Anche me johding ana boipi laitah ahin ahung kiheiyin Mailhai sil selin eina lamto in He-ULun naum nahlai hamo? Keichun la nahung tah lou hel phat’a ache hitante kahin tia Kanu leh Kapan jong eidoh jiuva ken ache hitante kati peh chu o, atin eihin chibaiyin.
Kei: Kache dileh iti nang hetlouva ka che diham, ajouva kahin call leh mi toh na kihou uva chom khat jouva message kahin thot jong leh nei reply lou phat’a kahung lhaitou ahe,
Lungdei: Oh !! Hija ham? Kanun Jingkah a me johdi ana chunin eihin ti chu hiveh ta o asei jou jouva phone charger toh kasuh toa ka dalhah hi chume,
Kei: Lungdei hunghih jongleng ka lunggel hi nangkom bouva umjing ahe, veikhat kahung nia Ka thusei chu, Nangin tu hehu a ilunggel seilhah jeng pichu….nati jeh-a chomkhat phat kahinpeh hibouva chu,
Lungdei: Oh !! Chuti kit na?? Ken anang joh chu kahin moh ngaiya na thusei lang chu kana hai pangdel
Hinti rapbeh kit….
Kei: Na na haimil leh tua chu kasei hita a nasei ngai taveh ta-o, lunghan leh jachat kop thim kimailhai sah ham hama kagah sei leh
Lungdei: Umm seiyin neiti leh eijong seikal ngahlel a itih le mamel akimu dem tia nahung nadi lang vet vetna a imitmul saodoh leu hita hi, atia Nui tit tet.. aw-ngeh thim siuseuva ahin seichu, Vo henu, kakipa dan dan chu kati thosut sut jeng, seithem pou hi kagah kisan ka Lei leh ka Muh chu Chibai bol thei chi hileh o kati hel jengin ahi..
A-ipi chu hileh Cha hin om inting insunga tou tokomin sei nange o atin ame hochu ahin hetup chet’in Cha aga-omin amin phat’in kadon lhonin kakom tah’ah ahung touvin hitin hin ahin seiye……….
End of Part-Four
To be Continue Part-Five
Note:
Chomcha hijongle lunglut tah-a nasim chai jeh-in kakipah-e, asim jouse Pathenin phatthei naboh cheh-u hen, aban jingle simkhom kit taute…….
Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
