Home Chaga Thusim TULAI LAMKA-I

TULAI LAMKA-I

375
0

‘Love Story’

Writer: S.Lien.
Arrange: Naocy Haokip

(Part-one)

Ka neolai kum som le ni (12) vel kaphah lai hin ka-ngol thet’in, (tun kaching lhehtai tina vang hideh lou) chaga/genthei chu ahahsat na chom jong ana kihe lou inehva pouleh kikipah pah jeng ahin anatonga pang akihi lou jeh-in genthei choma jong ana kikigel lou lai nikho ho chu, vaikhonung a kagel ji phat leh, hiche phat lai chu hinkho nop laitah hingap hitam kati komjong aumjin ahi.

Insung genthei tah kahiuvin, kanu adammo jing jeh-in akijen nadingin ka Gancha vah hou jong ka joh chai gam tauvin, mi sum jong kana ha bat uvin, hijongleh tun Pathen lungset jalin Kanu jong adamin kabat hou jong kasa doh tauvin ahi.

Hijong leh, Tuchana jong kahaimil mo khat hinsei tadinge.

Eimi te hivang kilungset/kikhoto na ineilou jep dan’uh abange
Kapa hin mikhat (amin vang sei daote) koma sum 10000/- (sangsom) Kanu kijen nadinga alah chu, apeh phat kikhel jep ta chu hiding ahin, veitam tah chu ahung seiyu hita jongleh, ka boijeh uvin, kasa doh jou mong mong pouvin, ka phat tep’u nivei thumvei ahung kikhel phat’a lunghang lheh dan ahiu chu Kanu leh Kapa kihou na’ah kana ja khan ahi.

Jinghkah khat, khangpheiya katou leh Innlhang lampia kon chun, Pasal ni in Napa um ham, ahin ti voh voh lhonin, Kapan aumpoi gahti jengo Lun, eihin tileh, kenjong ipi lung kagel ham,
Aumpoi gah tin, a ti e Kapan kagah tileh ahung lhailut paijeng lhonin ka sumbat man’uchun ka thil nei sun sun’uh Kapa Meipum, (Meharshing and Sons) company te Sem Singer barel chu a kiput doh jeng’uleh apot nunguvin Kapan a it mama chu hidi ahin, amit-lhi akitheh-in Kanun ahin mua alupna chunga aka jengchu ka lungmit in amang theipon ahiā€¦.

Tun kum somni le nga (25) lang kaphatan Kapute khat’in eideisah na jal’in Sepai kana pangin kaneova kona insung hahsa, genthei tah-a hung khangdoh kahi jeh-in, Kei tobang migenthei kamu phatleh kave jou jipon, panpi thei kham khama panpi ka nomlheh ji in ahi.

Nikhat lockdown khohset laitah chun Tuibong lang’ah jingkah-in kaloiho koma kaga chen kahung kile langin Police hon Mask drive ana boluvin, kenla kipo lou Tuibong lah dukan hochula aki khah ngenchang ahin, kamu joupon, ka che lang chun ka vaima thimin ima thu aumpon sun ahileh Covid-19 jongchu hungvah jah gamu hiding ahitan check ahat lheh tan ahi, mask bul louva lhai jeng ding chula, Covid-19 hi tulai Nungah ho banga Sepai ahi mana concession bol jep ahilou jeh-in, umleh Police ho umna kah kah beh-a bul din kadei lheh-in ahi, kimujou lou upai um talou aguhcha a kahung lhailou leh New bazar lah chu mi athip beh jengin ka lhaitou tou leh Tipaimukh road Laitui Pharmacy kheljep lah-a khun signboard khat ana kitah-in kagah sim leh “No Corona zone” ti ana kitah-in akhel jep’a kon chun, Vo-karah !! Nupi mejoh, theijoh chu atam dan dan’uchu Rupture kichaijou nung hileh akilom jengin ahišŸ˜‚

Che lah-a chun Nucha hileu kilom Nupi khatleh Nungah chapang thim khat hi atouna lang langa ano lele uvin touna dingjong mujou louvin a mepoh lhon chu lampi’ah dinsa pouva ajoh’uh kagah mun, kalung ase lheh-in ipi me hileh chekhu kicho hen katin kagah vet leh akoma tou ho chun, keiya ahoijo ahe hungkichoh-in eihin ti sao sao uvin, kaki jahmo sah-in, Anu chu houpi louvin Nungah nu koma chun Ankam chu khat’a ijat di hamo Nao, kagah tileh eihin ven kasam chu avet le Sepai kahichu ahet thim hileh akilomin ajah jong acha thimin ahi.

Ama: He-o lom khat’a som nga (50) ahe, thum nalah leh jakhat (100) a kapeh thei ahi ahin tin,
Amel chu kagah vet leh arashi aumlheh-in lungset nakhat amel’a chun kagah mudoh paijengin ahi.

Kei: Nao, hoilaiya naum jilhon hamo kamu khah toh nakilouve katileh.

Ama: Mujong nei mukhah maithei ahe Phailen a um kahin Kanu toh me kajoh lele jilhon ahe, kamin chu Kimlā€¦hehe kasei nom mo na-e, Kimlungdei ahe ahin tin,

Mi mejoh na a Gam le lei doh ding chula kanom pon, ka lungse lheh-in, kihoupi thei nadi khat kahin ngai to tai.

Kei: Oo, Khokhat chula ihiuvin Namin jong ahoisel’e, na me chu jakhat man nei pe o, katin eihin peh phat’in sang ni (2000) note khat kapeh leh

Aman, Kate he-u Agoi kanei lou chu o,

Chechuba kahol hichume, 100 jong kapoh nahchu, katidoh deh chetā€¦
Akhoh poi hitichun choiyin lang Nilhah leh hung kilah nange, hoiche na contact number chu eipen kati leh, ahin seiyin Lungdei tin ka save taiā€¦.

End of Part-one
To be Continue Part-two

Note:
Lunglut tah-a nasim chai jeh-in kakipah-e, asim jouse Pathenin phatthei naboh cheh-u hen, aban jingle simkhom kit tauteā€¦ā€¦..

Previous articleI-DING’A KAP JI KAHIM MO -I
Next articleJANMANG HIMAILE KANOM’E-I