Home N Lhungdim TULAI A FOOTBALL LENGPA KOI HITAM?

TULAI A FOOTBALL LENGPA KOI HITAM?

55
0

Fifa World Cup kiti hi itih a kipan a ipi kisei na ham?

Asun
N.Lhungdim
Thangting House
Molnom-West

n lhungdim
N-Lhungdim

9th December, 2022

FIFA kiti hi Federation of International Football Association tina ahi. Leiset chunga football kitet nahi 1930 kum a hung kipan ahitan ahi. Leiset chungah football pehthem kidang 3 leh 4 ahung umdoh in football kitihi pasal ho kichepna ahivanga numei hon jong avetnom uleh atilkhou uh game khat ahi. Tulai pasal football keo hilou in numei ajong ahung umdoh tan ahi. Masanga a football pehthem pen minthang chu amin Pele akitin ama hi tun kum 86 aphatan dammona khohtah aneijehin hospital ah aum e akitin ahi. Pele minthan na kana het khatchu ahileh center a kon a ball apeh chu koiman aginchat lou in goal ngahpan jong ana lhaso in center a kipat ball apeh chu ana khum in ahi. Hiche tobang naicha a kon hilou a gamla taha kon a football kipeh chu ana um ngailou tobang ahi. Hiti ho jeh hin Pele hi football king ana kitin aminthang lheh jengin ahi ahi.

Aban a Football a minthang chu Argentina mi Diego Maradona kiti hi ahi. Ama minthan nachu 1984 lai a Final kichepna a goal ana khum chu ahi. Mi phabep khat in nakhut veilanga na behlut ahibou e atiuleh aman kei khut ahipoi Pathen Khut ahi The Hand of God atichu thusim kidangtah ahi.

Tulai a football pehthem minthang chu Lionel Messi kitipa hi ahin chuleh Ronaldo kitipa jong ahikit in ahi. Amani hin fans hao lhon in Manipur ajong Messi fans aum in tukum December 9th a kipan Quatar a kichem veding injong mi 10 val aga che in ahi. Hiche holah a hetthei chu Dr. Jamlal Haokip leh achapa jong ache lhon e akitin ahi. Angailu deh mi popular tah khat aum in ama chu Mangneo Touthang ahi in amachun achapa min jong Messi asah in ahi. Hitia hi leiset pumpi a angailu tamtah aum bangin football pehthem hohi ahao dan uh million hilou billion kiti a hao ngen ahiuvin ahi. India sunga football pehthem a minthang chu Chuni Maswami kitipa jong chu ahi. Chukit leh Sikkim mi India team a minthang chu khat ana umkit in Baichung Bhutia jongchu ana hin ahi. Pasal hi ahinkho a football pehkha loubeh umding in katahsanpoi. Keijong class-iv kasim lai in school team a kana kichem in ahinla kamitmo danchu goal khum nading phatah jong kana khum khatapon ahi. Bengali hohi football langa ngol ngen tobang ahiuvin Calcutta a football club minthang pen chu Mohan Begum aban achu East Bengal ahi.

1985-1988 June chan Calcutta a posting kahilai in Bengali ho football peh a athi ngam uhi kana mun ahi. Calcutta a Salt Lake stadium khu alenpen ahi in leiset chunga football tilou kichepna minthang dang chu cricket ahi in Calcutta a posting kahi lai in Eden Garden a cricket kichem vetna ding ticket eikipe jui in cricket hi chelai phatchun akichepdan kahethei in ticket mantam chu midang kana peson jui in ahi. Manipur ajong football pehthem tamtah ahung umtan ama hohin club chom chom toh contract sign abol uvin sum jong alakh lakh in anei taovin ahi. Sum anei jeh uvin in hoitah tah jong achodoh taovin ahi. Kaneo lai a football peh a mihao aum dinghi kana gelkhapon ahi. Ahinla Churachandpur town jenga jong football peh a hao mi phabeppi ahung umdoh tan ahi. Football peh a haona dinga aki mangcha mihem keng chu akipeh heh jongleh kintah a damtheilou ahin mihem keng mantam dan hi football peh ho akon a muthei ahi. Mizoram a football peh them a minthang mi tamtah umjongleh Jeje Lalpekliana kitipa hi athempen leh ahao pen ahitan ahi. Imphal a college kakai lai 1960-1964 lai in Mohan Begum team Imphal ah ahung kichem in vetnom aum lheh in ahi jehchu football hi mikhat komah aum sot ngaipon pass akibolto uvin World Cup a kichem hohi Dibrugarh ka um lai in video recording kana bol in phatah in kana vejui in ahi.
Football peh a haodoh thei ahi hi kaneolai in kana gelpha hih behin ahi.

Manipur a football club minthang chu TRAU kiti hi ahin tuni chan in aminthang nalai in ahi. Kuki chapa football pehthem phabep khatchu aum talou Henkholen Kipgen, Thangkholet Kipgen, Kampu Gangte ho ana hiuvin Independent masang leh ajoulai a Kuki Sporting Club kiti minthang tah khat ana um uvin chulai a kichem a minthang hochu ahileh Tongkai Haokip, Songkhohao Kipgen, Haokholal Thangzom, Churachandpur akon a Khupjapao Singson jong ana pangkha in ahi. Kuki Sporting Club a kichep petleh mi keng suheh them a kithang khat aum in ama chu kahaipoh tan Dibrugarh a ka um lai in aji leh achate toh kana kiheto in photo khat jong kana la in hiche hi photo luipen a kanei ka office ah katah in ahi. Hiche hi 1947 lai a photo kila chu ana hitan ahi.

Tulai in technology asan dungjui in World Cup hi amun a chelou a in mun a jong Tv screen len a vetthei ahitan ahi. Ahinla mi kimkhat in kinaicha a stadium a vettei tei ding agel jeh uvin sum tampi lut jongleh tuchunga Quatar a kicheng vedingin Manipur a mi 10 val kichep veding in ache uvin ahi. Quatar ahi stadium 3 leh 4 aum e akitin hiche va chu kichem jiu ahi. Leiset chunga football pehthem a minthang gam chu Argentina, Brazil, France, Italy, England, Germany leh gam neo cha cha hohi India sangin aminthangjo uvin ahi. 2022 World Cup ahi koi champion hung hiding ham team 16 kilhengdoh holah a hi khatpen hung hidiu ahi. Tulai taha World Cup champion chu France te ahin ahi. Manipur ajong football ground artificial turf kipha tamtah aumtan ahi. Churachandpur a Tuibuong Peace Ground leh Public Ground jonghi artificial turf kipha loileh kadei in ahi. Ajehchu tua hi chuhlai leh football kichep hi bon atam jeha hahsatna tamtah um ahi.

Achaina in FIFA WORLD CUP hi tulai injong tv a asun ajan a ve aum nalai in ahi. Football leng jong ahung kikhel khel in amasapen Pele ahin aban a Maradona ahin tulai taha hi Lionel Messi ahin ahi. Leiset chunga kichepna laha mijouse thanop nachu football peh ahijing nalai in ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleКак начать делать промокод Спин Сити ставки в интернет-казино
Next articleNA PATHEN OI HI NALUNGLHAI NAM? PATHEN THU HI SEITHO DING HAM AHILOU LEH NEITHO DING HAM?

LEAVE A REPLY

Please enter your comment!
Please enter your name here