Home N Lhungdim TILLAI 1960 MASANG CHUN TULAI A FAKE ALHEM KITI HO HI ANA...

TILLAI 1960 MASANG CHUN TULAI A FAKE ALHEM KITI HO HI ANA UMPON AHI

18
0

AHINLA TUN ALHEMLE ATAH KIHEKHEN THEITALOU GAM I LHUN U AHITAI.

English thucheng FAKEkitihi ipi seina mong ham?

Asun
N.Lhungdim
Thangting House
Molnom-West

n lhungdim
N-Lhungdim

20th July, 2021.

Dictionary a Fake hitin akihil chen in ahi.

1.something that is Counterfeit; not what it seems to be,

  1. make a copy of with the intent to deceive,
  2. fraudulent; having a misleading appearance.

Forged notes kiti kitichu suspected forged note,counterfeit note or fake note is a note which does not possess the characteristics of genuine Indian Currency Notes.

These features are easily identifiable by seeing, touching and tilting the note.

Currency note a tah melchih na Security thread khat aum
e aki tin ahi.

20 le 50 notes a khun simdohthei,abehden Hindi a Bharat tia kisun Security thread chu Mahatma Gandhi lim vei lam ah aum in ahi.

Security thread kitichu hitin akihilchen kit in ahi.

A security thread is a securityfeature of many Banknotes to protect against pcounterfeiting, consisting of a ribbon that is threaded through the note’s paper.

Achung a kisunchu akisim leh Fake note leh atah hetkhenna Security Thread aumdan akimusoh in ahinla hiche ho koi in a gavet jou kei ding ham?

Hiche jeh chun Bazar ah Fake Note kahlah lah leh a hung um jing in Bank ho kisen jong lheplhah in anaum jui uvin ahi.

Tulai a iboinao FAKE hi anoi a bang in muthei ahi.

  1. MIHEM
    2.SUM
    3.NEWS
  2. THIL

Achunga kitahlang bang in tulai in masang 1960 laiya anakihe khalou le ana umkha ngailou FAKE atam tai.

1.Mihem FAKE atam tan ahi.
Fake Doctor,
Fake Police
Fake CBI,
Fake Army Officer,

  1. FakeSum Forged Note kiti aumjing kit in ahi.
  2. Aniseh leh aphat seh in
    FAKE NEWS
    a um in akijajing in ahi.
    Abangle kama thu kiseison,
    abangle Newspaper a kiso,
    abangle TV a kiphong doh hitichun ijah,
    imuleh hetjouse atah le alhem hetkhen theilou in ahung um tan ahi.
  3. Tulai in akhoh pen khat chu thil English a Goods ki ti ho hi alhem atam beh tan kigin jingkei hi thilhahsa tah ahitan ahi.

Atah ham tia ichoh le tamtah hi alhem anahi jui in ahi.

Hijeh chun Sum lut a thilnachoh ding leh amasa a nakhol chil a chujou leh nachoh joh in aphan ahi.

Kajah nukhah penchu Fake Covid Vaccination Certicate nei akiman doh e ti ahitan ahi.

Kagel dan le kamu dan in thiltamtah Fake hitajong le
MIHEM hi FAKE
hida phot phot le aje je umnante katin ahi.
Fake aum na jeh pen hi Mihem jeh ah.
Mihem hi Fake lhom le adang jong Fake lhom jeng ding ahi.

India sungah Fake University jong tampi aum in phatkhat lai chun Ph D mutheina ahi ti in College a Lecturer tamtah ana lhem lha un ahi.

Sotlai peh in tiding 1970 lai chun mi popular mama Churachandpur mi a thilbol theitah khat anaum in amachu amin Hentinpau akitin ama chu Saipumkho acheng ahin gamtin Gauhati le Shillong ajong ana umin chule anacheng in September-October 1972 a IAS Examding a Shillong a kaumlai in kaloi pa Pu Kaihau Vaiphei toh Uinou kadei chat jeh lhonin a in ajong bu nen kache khalhon in Puppy booking na in Rs 50
kape lhon in ahinla inlam kahung kile nichan lhon in eipethei lhon pon kachodoh lhonta pon ahi.

Amachu athusim ngai nom um tamtah seiding atam lheh in ahi, miching kidang khat a kahet ahi.

Pu HentinpauVaiphei chu Gauhati University a natong ho toh itibang kijopmatna anei hitam la akihepon BA Marksheet le Certicate abol peh loi aum eb akitin amin seidoh nomlouChurachandpur mi jong kami het phabep aum in ahi.

Aman ana kithopi ho Degree chu
SAIPUM UNIVERSITY DEGREE tin totna tobang in anakisei in ahi.

Fake note ahetkhen hah bang chet chun tulai in mihem jong atah le alhem het khen ahah satan ahi.

Mihem keo hilou in Anchang jong Fake rice or plastic rice jong a um e ti akijan ahi.

Khatveilah khat chun Churachandpur College kom ah Imphal lama kon hung kipan
FAKE AMBULANE khat aman doh in RapidAntigen Test kit asung a Box tampi ana po e akitin ahi.

Mobile Phone jong Imphal a icheleh Car Parking kommlah manbaitah in ahung joh jui un ahi.

Masang jep chun Fake CBI Addl SP kahi ti khat amandoh un Fake IPS Officer khat jong ana kimandoh thusim khat jong kanasim doh khan ahi.

Najah khah uvem sotlai thim kum ija ham masang chun Sielmat komFamily land Churachandpur a Fake Doctor khat ana um in Fake Nursing School khatPu C DoungelBuilding a ana bol in ahi.

Tuibong a jong Burma lang Mandalay a kon MBBS Dr Thangjapao Haokip jong chu Fake Doctor hiding a ginmo umkhat ana hin ahi injection khatvei a mantam tah in Injection a bol jui hileh aki lomin tun hoilang geihitam ahihetapon ahi.

Mi moh ginmo theilou ho hi khat vei nivei min ilhep jouin jong akilhep sah thou thouin bou in ahi.

Kahin kho a min tamvei tah eikilhem tahvang in mi hi moh hinmo masat jeng kabol theilou jeh in mi Fake khat khat in eihung lhem jou thou thou jui in ahi.

Kaina ka um maimai jong leh khat nupi khat ahung in kacha nu Hepatitis injection kabolnading tin sum ahung thum in kajipa Sepoy ahin Nagaland a kana cheng uvin tun Blue Star School koma ka cheng e atin Imphal a Child Specialist minthang tah khat
Dr Nabakumar kiti jong aseichu adih kit in Nagaland a Lhungdim a cheng aum poi kati jong le iti asei lele ham Rs 500 ham ahijeh in kanei pet lai khat ahi jeh in kana pen ahinla kaha tahsan pon
Fake hitei tei ding in
kaging chan ahi.

Ahinla sum jong chuti tambehdeh ahilou jeh in akhoh poi kanati ahi.
Khonung a kajah leh mi indang a jong hiche story mama sei in sum athum e ti kaja kit in ahi.

Khatvei kit chu Lhungdim kahi ti numei khanglai khat ahung kit in Sielmat Christian Hospital a ka um un release ding kakigot uleh sum Rs1000 kalhasam uve Dampi khopel ho kahiuve tin sum ahung thum kit in tahsan lou thei lou khat kana kithopi kit in ahi.

Ahinla khonung a kadoh le leh hiche tobangDampi lang a um ding in koiman asei kit pon ahi.

A umdan hi LhungdimTax kiti tante katin ahi.

Lhungdim nahi a Lhungdim lah a Officer khat nahi leh LHUNGDIM TAX PEH CHU ALOUTHEILOU AHI.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleHEU, KAP TAPO HITE
Next articleKUKITE KHO CHEN DAN

LEAVE A REPLY

Please enter your comment!
Please enter your name here