Keima Simeon Haokip
Ka golhen laiyin gam geh in kathing bol nau Satang gam kiti khat Maring gam ah kaga geh un ahi leh moh um ding chu katha ase in gam leng ah kaga che tan ahi.
Hiche ni chun nilhah lng in jong/monkey 1 toh sakhi 1 kahin kap in kahin poh a lel tah a kahung leh ka khojing den tan gam kahe tapoi.
Ka gam mandan phat chu lhang khat a kakal doh in kahin suh vet leh kaum nau buh a light vah chu gamlha thim in kahin galmu in kalung ahung mong jep tan ahi.
Kei jong buh chu hisap in kahin jontan ahile kathing lah nau saktiman lampi chu kahin manpa in ahi. Lampi kahin jui suh pantan ahi.
Kahin juisuh suh le kamasang ah hin mikhat ache peh in ahinlah mi hiding in katahsan poi ajeh chu hito bang thil hi kato sa um helhul ahi jeh ahi.
Ken jong donse louvin kache bep in kaki che peh in ahi le chom khat jouvin amang tai, hiche aman nalai tah chu Naga mi khat thing in a jeplih na mun tah chu ahi.
Kei jong kalel beh jeh chun kaki chol dan tan ja kachep a katou laitah in khusum kiti thilha, tulai paova lutong, alu um lou thilha khat kachung jap lang a ahung le chu torch ah kaki kho doh in ahi.
Kei jong kakindot in kaki cha lheh e. Ahin kapu chu gamleng mi ahin hiti ho tobang ito phat leh um ding dan eihil chu kahin geldoh phat chun thingphung bul ah chun ka op den tan ahi.
Hiti a ka op laitah chun kavel lah apoh thethu in chom khat jouvin alen doh gin tobang kahin jah in kei jong olcha kaki heiya kagah vet leh ima kamu poi, hiche phat chun sa te ni jong donta louvin olchan kaki suh thol in nui lang jep kalhun chun kadin doh a ka kho kit leh ima kamu tapoi.
Hiche jou chun sa um na lang chu kajon in sa chu kahin po in kahung suh kit tan ahile chom louvin vahcha kom kalhung tan buh kom ahitai, ti kahin he doh tai lungmong tah a kache suh kit leh kalhun kon ngel ngel chun twi eihung kithe khum in ahi, hiche phat chun buh chu kadel lut tho tan ahile ka-labour hon jong mei anikioiyun anatou uve. Lhop deh a kaga lhun chu alung dong lheh uve. Ahin ken jong ima kasei peh deh pouve sa chu kapeuvin hin kisim uvo katin kavon kaki khel in ajingin in lng kahin kijot tai.
Beita….
Hiche thu hi koima kom a jong kasei khah lou ahi hinlah loi le gol te hon na het diu chu gamlen hi mi pou pouva ding ahipoi kati nom e, thanop man a gamlen hi moh bol bol louvin aphai chule gam leng til hon gamlen themsa ho toh kilhon louva chang a jan sakho kiti ho sachan kiti ho moh bol bol louvin aphai kati nom e.
Sei nom lou sa sa a iki chih thei na ding uva kahin sei ahiye. Seikhel aum leh kingai dam ute loi te ho.
Asim jouse chung ah kipathu kaseiyin ahi.
