Lalpu lotjem.
6009048006.
Part-7(VIII)
Last kiss eibol jouva kaki khen uvin, phat sot pi kaki muto tapouve.ahinlah lha gup (6Months) jouvin suty eipiuvin, chia chun in kahunge.
Ka tranning uchu, chuti tah chun, lel na ding ana umbeh sehpoie. Phat ong kanei dungle, naosen ka call jin, kakihou jilhonne. Ka phone nei dan hi hiti hi ahie. Training a kachi teng mun chom gamchomma um ding akihi phat na chu, Naosen in eihin choh pih a hichia chu kanei ahie. Chiseh jong chu hilloua ama hin kachina dinga jonghi ticket eikah pih kit ahie. Kaki houji lhon teng, kahung doh a kichen na ding, insung sem khom ding dan kasei jilhon’in ahile, kihoulim chu anop lheh jenge jie. Phat seh avang chun akikihou thei kit jipon, chijeh achu iki hou nini achu, pung ni pung thum itih a chi ham ana kihe pha jipoie.
Suty kamu uhi eisei pih vah kit pouvin, chijeh ahi achidoh nading ticket man ding kalung gim lheh ae. Hapta khat jong lhing loua eikiseipih jeh chun, inlanga gah sei dila; apet ptna asum lah na dingu kagelle, kagel mo jellin; kichi lou ding tam tia kana kigel ji ahitaie. Keijong ka tranning sung uchun, kiman chah na ding vang chu, eipi ji nauvin ahinlah; chuti tah a tam ana hikit lou jeh achu, ana lhing joulou ahie.
Naosen komma sei dingla, kachi na dinga jong ticket eikah pih kitna tua kahung na dinga jong akah kit ding jeh chun; kaki phalam in kasei pih poie. Suty mulou danna kana kisei jin ahe.
Ka inkote chu alou theiloua hetsah angai jeh chun, ijam tia, them khat tou eihin thot khah ujong le tia chu kasei pih in ahile; ama hon jong , kani te komin eiga seipih uvin, chia chun ticket eiga kah pih uve. Hitia chu ticket ho ahung kikah chai phat chun, Naosen kom in suty kamu uve, kahung doh ding ahitaiye tia kasei pih bep ahie. Phat jong ahung chal challin ahile, kahung na ding phat ahung lhing tai. Wednesday ni sun lam pung som le khat (11) vella kahung kipat doh in, ahile nilhah lam pung khat leh akim(1;30) vellin airport kahung lhung tai.
Kahung lhun chun, Airport mun in kanu le kapi te ho ana um uvin, midang kahol lele vang chun, kamu mong mong tapon chuphat na chu kanu kadong tan ahile, Dammo na anei jeh a kahin puilou u ahitaiye. Ahung dinga kigonga ahin, ina joh ana ngahtan tia kahin dalhah u ahitaie. Ipi dammo na anei ham, kahung doh ding kon tah ajong kiki houa ima asei loujeh chun, kalungdong thouve. Ipi pi hile in kipha phot hen lang kiki hou photle, kati in in langa ding in airport kahin dalha taove.
Pung 2 vella kahung kipat doh u ahi in, pung thum (3:00) ti vellin; inmun kaga lhung taove.
In kalhun in, gari gin ajah jah chun; ahung lhai doh jellin, gate apat kahung kilhon lut uve. Thil dang kasei masang chun, adammo thu chu kadong in ahile; Ima kati poiye, kaluchang neo khat nopmo ale ahibouve. Ale ipi dinga kei komma nasei lou ham? Chuti tah a dammo jong akihi lou jeh a kahin seilou ahe. Chuphat chun, insung kalut lhon in kaki sutheng in; kalel thim jeh chun, mun khat a kaga chi lhon’in chia chun, kichol pum in kaki houlim lhonne.
Nikho jong ahung chal challin ahile, lha khat ahung lhing kittai. Suty jong lha khat bep bou kimu ahijeh chun, kachi phat alhing doh kittai.
Tuchunga hi kingai lheh vanga chu masang sanga chu kilhah anom dom taiye.
Tranning jong kahin bol bol un ahile, jo nalam in kahin mano taove. Lha ni (2) bep bou akivat tan, akichai ding chu kanga lel lheh jenge. Nikho simma kima thah ahitaiye. Chi na ding phat alhin chun, kahinkho chu anop dan chu, Naosen toh kakihou lhon’in kahung doh tengle ipi kahin choh pih ding ham tia kadoh le, nang dei dei ati in, chiphat chun ken jong choh ding kaga velele in ahile, khutjem(Ring) kamu in chi chu kachoh pih in, inlam in kahungtai. Tuchung vang kahung doh in, ama airport in eina ngah in ahile, amun kaga lhun chun, kipa na ajat chom jepme. Naosen jong han thouva ahite. Kei kum somthum kahitan (30) ama kum som ni leh sagi (27) alhing taie. In lang kahung kile taove. Kaki sutheng in Naosen te khoa kaloi teni kom chun kachi lhon tai. Amasa kahung doh achu chiding katile, ipi pi a kana boi ham kana chiman lou ahie. Kaga lhun hon chun, kaloi teni injong cha li (4) ana nei lhon tan, ahile, ana noh phah lha hon jenge. Iloi tela cha neigam ta, eiteni la kati in, kakimoh nuisat lhonne. Katou lhon in kakihoulim taove. Bol ding gunset jong aumlou jeh chun, Naosen te in lang in kachi kit lhon’in hiti chun kaga vah lele lhonne.
Ajinga kipat vang chun, masanga kana sei kichen ding kati chu, aphat alhin phat na; Sum hol kakipat ahitaiye. Kah lah lahle Naosen ahung ji in atam jon vang kachang kahi jie. Sum hol vang ahah lheh jeng thouve. Ahah lheh vang chun, kasei doh sa ahijeh achu, kapal keh nom pon, hiti chun muntin in kalhai in ahile, Ham ham in Lakh(3 Lakhs) Kasu lhinge. Chiseh achu alhin kitlou ding hat chun, bank lang in lakh ni (2lakhs) kala in chia chun, sum kasu lhing tai. Imajouse ready ahiphat chun, kainkote kom in kaseiyin, aphat ding kaga kitepsah tai. Aphat hi masanga naosen nu le pa toh kana kihousa u ahitan, ahinlah sei chet ahilou jeh a kainkote kaga sol kit ahie.
Achi uvin; hiti hin ahung kihou lha taove. Kei jong kachi na ding phat akihetthei lou jeh chun, agan nathei chan atiuvin, lha khat joua din ahung kihou lhauve. Ahung kihou lhah jou uchun, Invitation card ho kasem uvin, ahom in kaga chipan kit lhon taiye. Kilhon lele jong nom mong monga ahitaiye. Phat chilam jong akihe pha poiye. Aphat ahung naiphat chun, keihon jong inlang in hall ho chule decoration ho kasem pan taove. Thilho ahung kisem kit chun, apht chu ngalel aum cheh cheh jenge.
Miho jong chu athanom theiyun, miho umchan dan ho chu ivetle, eidinga jong thanop um choma ahie. Kakihou lim jiuvin ahile, ka marrige nilhah leh, jan program nei ding atiuvin, chiphat chun ken jong; pastor ho ka dong in ahilee, ima aboina aumpoi ati phat chun, jan program umsah ding in kaum taove. Chi nilhah chule, la nasah tei tei dihe eiti uvin, ken jong sana khang lhah na ahitan, sah thei sahmo aumpoi; kasah di ahe kati in, chi nilhah la sah ding chu, phat ong kah lah lah le kaki hil jie. Kalasah theimo vang chu kidanga ahie.
Program hojong anop nathei channa man ding kati jeh uchun, miho thanop na jong chu akibe cheh cheh jenge. Jan program leh lasa them ho jong kou ding chule, khosunga asa theiho jong sah sah ding, anop nathei channa ding akiti jeh chun, mihon anikho lhing loile ati jiuvin, decorations jong keihoa ding chun ahoipen in eisem pih uve. Marriage na ding nikho hapta khat (1Weeks) jong alhing tapoi.
Kavon dingho jong semto sa ahigamtan, anikho mai mai ngah a kahitaiye. Alang khat na Naosen jong chuti ma chun, aloihon, anop nathei chan dingle akilop nathei chan ding in, aboipi un, keini kichen dinghi, phat dang danga sangin thupi jep dan in aumdoh ae.
Naosen te khoa lhahdoh nading nikho jong ni ni (2Days) bou kivat ahitai. Kei ho khoa jong imajouse kagong chaiyun, ready in kakoi taove. Naosen hin, khutjem ahin choh uchu, ama hin keima tah in kaga lhen dihe ati in, ama tah achitaie. Aloi mini toh amaho Car chun achiuve. Ama ho jong amun aga lhung un, adei tah chu ahin kilhen in ahile, akipah lheh jenge. Kadei tah kakilhen tai ati in chiphat chun inlang ahung kile taove. Nilhah lam pung ni (2Pm) vellah ahitan, inna kachanga ka room akaum pet ahi in, ka phone ahung in chia chu kaga pick a ahile, Heo, kei naosen loiho kahie. Chiphat chun, Naosen lah ipida ahin call lou ong? Ka call jongle apick hih in katile, Heo, tutu hin chilai hospital in hungo atiin, call athat pai pai tai. Ipi dinga, ipi thu umma ahidem, ipi pi hile, chi phot dihe kati in kaloi mikhat katem in kachi lhon tai. Kaga lhun hon chun, kagah call pha kit in hoilai naum ong, kahung lhung tai. chuphat chun amun ahin seiyin kachi phei lhontai. Kaga lhun honna ahile, Naosen nu le pa kamu in, Operation kibol namun ahijeh chun, kadat mo in heno koi ipi tia chilai hi naum uham katile, Imaseilou chun, achuti ka jengun ahile, kalungdongin kalung vang anom tapoi. Kaginmo phat chun, Naosen ipiti ham, neisei pih o tia kaseiphat chun, eihin seipih tai.
Eihin call nu mama chun, mun chom jepma eipui doh a eiseipih ahie. Khutjem ahin choh uchu ipi ati ae ati ham, kahe poiye. Keima tah in kalhen dihe, atin koima vang anompon, ahinlah achuti seisei jeng phat chun, Ama ding ahin, nikho jong naita kinopmo sanga atiuva asol uvin ahile, adeitah ahin kichoh in, chujou chun, kipahtah in ahung kile taove. Ahung kile lam uva hi, lampia bolero khat toh kiphut kha uva chia chu hitia hi umma ahie.
Itih a kalhi soh ham kakihetpoiye. Milah ahivang chun, kakap lha jeng taiye. Kichen na ding jingle thai hita a , katia kagah geljin ahile, kakitim joupon, Sen, ipi dinga hita hi lunggel mo nahi hammo. Sei ngaile chun hiti lou dinga, kachi in room masang chun , katouvin kachuti ka jengtan ahile; pung khat jouvin, Doctor ho ahungg pot un, kot ahin hon hon uchun, kading doh in ahile; ahung doh uchun amaiso uchu, kavet le ahoitapoi. I’M SORRY ahung kiti chun, kitim joulou in, kapeng in ahile, eihung lhem uvin, ahinlah akan poi. Ahin poh doh uchun, pon ahin khu uvin, ahonding jong kahong ngam tapoiye. Ahin hon doh uchun, kaven thusei thei lou leuvin kakap tan ahile, kei umchan chu ve in, eilainat pi lheh jeng uve.
Thouvo, innin chitaite, phat sotpi ina ngajing. Idia tua hitia hi umma nahi ham. Thouvin, chitaite eini kichenna dinga imajouse akisem chaite. Hitia hi naumle kei ikati ding ham. Koi komma lungmong hen tia neida lhah ham. Kalolhin teng iki chen ding, inchen isem khom ding, tia ina nga jing. Seibe thei talouvin, kave in kakap den jeng taiye. Phat sotthim jouvin, kanu le kapa le mi them khat ahung uvin, koiman jong ima seithei talouvin , kaum chan chu ve in amaoh lhiso taove.
In lang kahin podoh taove. In kahung lhun uchun, thil kisem ho kamu jou chun, kalaina cheh cheh jenge. Kipah tah a ikimu to ding hilou ham. Idia mitlhi a ikilam tou ham. Sen, vetang chilai khu nang tou na ding, chilai khu keitou na ding, chia khu ihung doh a kitepna inei ding, nathanom lou ham. Nei donbut tango. Idia thipbeh a naum ham. Kaum chan chu vetjou ahilou phat chun, eipuidoh taove. Nilhah lam ma thi ahijeh chun, ajan koi taove. Sen, veo miho khu mounu ve in ahung taove. Mounu hoiyem, hoilai umham mounu tia asei dingu hilou ham. Mijouse kipah a nui ding hilou ham. Idia tua mijouse mitlhi soh ham.
Phat sotthim jou nilhah lam in vui doh ding phat alhingtai. Masanga kum khat ahiloule sotthimpi ikimuto loule kium thei loua tua kum khoa hinkho lhunga kimuto lou ding chu kagellin ahile, kapo joupon, kakoma kaloipa kom chun, Naosen chidingte, khammo eida lha h dite. Chikhu vetango kati in kakap jengin ahile kaloipa jong chun, eikoiyin chuti chun ama jong lhisoh louvin aumtheipon, ama jong akap in kakap den lhonne.
Akivui chaijouvin, amun in kaum den in; Kam cheng khat beh jong seiloua lungset na beihella neidalhah. Kum khoa napul dou dinga neiphal monga ahile hin dou jing nange. Kavai lhah in keini jong kakile lhon tai.
Kana toh na ding mun lang akon in calling letter kamu in chi dingin kaum tai. Kachi masang in Naosen lhan in kachi in, Sen, Leiset hin ana um nalai le chun, Airport a hung in natin, nang in neihung vailhah a chi ding kahi in, hinlah tua nang leiset dalha nahitan, keijoh kahung taiye. Heo, hung damsellin lang hung kile in nahung kile kana nga dihe tin lang nei vailhah o, chutile keijong kipah tah a kachi thei ding ahie. Naosen akiphah pou poule kalhi asoh masa ji in, amun in lungna chim in kakap in keijong kanatoh na ding munlang jon in kachi tai.
Naosen pul douvin, kum li le nga jinei louvin kaum in hinlah, kanei lou akhoh phat chun, Naosen nu le pa in eihung lhem honnin, kana nom dehpoi.. Chi nijan chun, kamang in Naosen kamu in, Nuiheuvin, eihin ve in; Heo, idia tuchana kei ngaiya kap jing nalai nahim.
Nei mil lin lang, Ji nei jengtan. Eini alhung jou louva ihi lhon taiye. Phat chesa cheng suhmil lin , hinkho thah mang jengtan. Asei jouvin, einung ngatin ima jong kasei man pon, amang pai pai tai.
Kamanga chutia kamu phat chun , ken jong alhan in kachi in, phat chesa vang miljou ponge. Hinlah ji vang nei tange. Kati in,
Ji kaneiyin, cha kanei yin inchen kasem khom taove……….
THE END …….
Part 1 apat 8 chan lung luttah a hin sim chai jouse chungin seijoulou vin kipa thu kahin phonge. Thusim hi atah ahipoiye. Sem thu ahin, mihem hinkho akihepon, akitoh kha ana um khah jongle lungset tah in ana gelse poute. Tia tem nale Taona kahin neiye.
Chule lunggel seinom auma le lungsettah in kiphalam louhellin achunga kipe number akhu call ahiloule whatapps a ikijah mat diuvin tem na le Taona kahin neiye….🤗🤗🤗….
