THUSIM HAM
Lalpu lotjem.
6009048006.
Part-(V)
Ajing’in sun nin kaloipa toh natong ding’in kachi kit lhon tai.amaho vang chu minomsa jep te ahijeh uchun, natoh na ana umjipoi.
Naosen geldana chu ahile, sun jong jan jong ki umkhom henlang, lungset thu kisei khom hen lang hile ti hiding ahie, ajeh chu kei ni (2,3 days) ni, nithum,ho bou um ding kahijeh achu, phat chu asit mama jeng ding kahet ahie.ken jong kasit mama ahie, in kiumle ti ahie, kei lunggel jong chu.Ahinlah mi inna um kahijeh a chu, amahon atoh uva kei inna noptah a kaum ding chu ahithei lou jeh achu, phat kisit lheh hen lang hijongle, chilou theilou ahijeh achu kachi ahie.
Nilhah lam in in kalhung kile lhon tai.sun a kaloipa toh kaki houlimma ahile, tujan le sa kihon ute, nang jong chipai kit ta ding’a atiin kei vang chu sum kapoh tamlou jeh chun; katha ase in, aban kahung lang joh le katia ahile, kaloipa chu ada in, kasum neilou ding jong chu eihetthem hintin , ken podoh nange, ati in da tei tei ding jong chu ahithei lou phat chun, henge, nang ho dei dei ahe,kana ti ahie.
Sa kihon ding ahijeh achu, matah a kaki suh theng lhonna, khosunga ahcha choh thei ding kaga hol hun ahie.ama ho kho toh neo khat kigam lha deova vang chu, ahsa ho kijoh na vang chu um ahie, ahivanga aman thinglhanga ho kilah naote, ati jeh achu khosunga kaga hol hon ahie.aholla kachi lhon chun, Vahsi teni jong gah seipihte, atijeh achu, Vahsi te in kaga lutpa lhonn’a ahile, vahsi in an ana hon pet ahi’in, hichun keinin jong kaseipih, pai pai lhon’in Vahsi kom chun, Naosen seipih ding’in kanganse lhon’in keini ahcha hol dinga, kachi kigot lhonna ahile, Naosen jong aung vahlut chetne..
Ipi nana bol lhonha, ima kabol lhon hih ae, nilhah le sa kihon ding kati lhon jeh achu, Vahsi kom kahung phah lhon ahie. Kei neigah seipih lou una, hichi phat chun, ken jong kadon but le in, Vahsi kanganse lhon chuo, keinin ahcha kaga hol lhon nalai dijeh achu, agei khah ding jeh a kanganse lhon ahe.
Hichi phat chun, kon achoh gut ham, kaloipa chun, ken kachoh dihe, ati in; oh…..nang tuni lhah nachoh le, ken jing nilhah le kachoh dihe, kile pai kit ditaiya, chibeh chu kinehsah nante, ati in;Vahsi kom chun,kihon gango; Ahcha holla ichi dihe, eini jong ati kitte😂.
Vahsi chun, ahin donbut’in amani chi lhon nante, einin ipi iga bol hih ae, thip beh in, kihon gang o; ati in, chom khat akihom min kah chu kangah taove.
Ahin kihon min phat chun, keiho jong ahcha hol ding’in kaki pat doh taove. Munkhat kaga vet uva ahile, ana um in, chia chun kahin la pai pai taove. Khat seh la dinga, hung kahiuham, katile , naosen chun jing nilhah jongle, iki hon kit diuhe, ati in, ni kahin choi taove.
Nilhah khat na mi li (4) seh seh in, ahcha pum khat chi jong chu, achal ahinalaiyin, gah neh chai ding, kiti chu hahsa thou ahe. Ajing jongle, chitobang ma chu neh kit ding chu igelle, Wow😂.. Nom thouva ahe o.
Chiphat chun, keiho jong, jan le kisuto taote, kati uvin kaki khen taove. Keini jong in kachi lhon’in kaki houlim lhon taiye.
Bhai, Naosen vang khu, naki lhen khah mong mong ahe. Mivang phatah nahe, henge, tua eilungset dan toh abah le, vangpha kakisa ae.
Hinlah, mihem chu kisei theilou chula, jing le thaile ipi ahin gel ding ham, kate….. Chilang a chun, lungneo hih aw, kei kaumme.
Nalungset poule, nang ding ahie, kati chu nahai hitam, miki tah ahe, ahinkho man dan kahet chen set ahie. Vahsi jong um chume, nang um lou teng keinin, alungneo lou na din, nana lhep pi ji lhon nange.
Jan ahung hiphat chun chiphat ahung lhing tai, Vahsi te in nin kaki suto uvin, neh ding kasem pan taove. Tuchunga vang hi anopna ajat chom taiye, masanga chu itile, idei chat lai ahin, tua vang hi; ikilungset doh lang ahiphat chun, anop na ajat chom jepme, alang khat in ikidei lai sangin ideichat lai ihellai khu anopna ajat chom deu vin aumme.
An ho jong kaki hon uvin, neh ding jong abona kasem chai gam phat uchun, amin bou kingah ahitaie.amin ding akinga phat chun, bol ding jong aum tapon, katou khom uvin, kaki houlim taove. Lekha aban sim ding dan hole, adang dang thil ho’in kaki houlim lim uvin, nom kasa lheh jeng uve. Phat chilam ana kihe man pon, kathil hon hou jong amin gam tan, neh ding kati taove. Eiman, ichang changa jong chu gah nehthei ahinan ahinlah, kingailut,kilungset vetsah nachun, kong khat seh chun, kane khom uve. Kei ho geldanna hi, akineh chai jou imajouse akisuh theng joulang teng, nom tah a lungset thu sei ding, katiu ahin, hinlah anu le apa ahung lhun hon phat chun, ahithei tapon, lunggel chu anommo thoue. Kiki houlou ding hitam, kati ahin; hinlah naosen’in masanga katou najii mun uchun, chomkhat cha hijongle gatou khom uhite, ati’in ken jong kijen kasa lheh jeng’in kanom paitai. Keiho loi chu khat anop le adang anomsa ahijeh chun, kaloi teni jong ahung lhon’in katou khom uve.
Ajing’in jinga, chipai ding kahi phat chun, Naosen chun phat asit lheh jeng tan, hichun, ahungin; Kaloipa kom chun, ahung seitan, aman jong henge, tuni pot doh lhon ponge, nang ni vang, nasang lheh hon taboue, Naosen chun ahin donbut’in sun le in’nin hung honno, ka inkote jong pot doh diuhe, ati in sun nin kachi lhon tai. Ain kalhun jou lhon chun, kaloipa ama anu😂 inna um em, gakivet inge, ati in ama chilang chun, achitai.
Chuphat chun, keini bou kaum lhontan, kaki houlim lhon’in Naosen maiso dan chu kaven ahile, kalungse lheh jenge.
Kei- Nao, ipida chi jong kichi nailoua chuta chu naum ji ham, kalungthim anom ji poie.
Naosen- Heo, nachi nailou vang ahi, achi danna kagella ahile, kalunghella ahe.
Kei- Chuti chun umji hih in, chi jong leng chom khat joule, ikimu pai kit ding hichume.
Naosen- Ahinaie, Heo; nang in neida lhah nung tengle, kachanga kamon mo jidan, loiteni la nomtah a lengkhom lhonna, ei thomhao tah a kium ji ahah ji lheh ae.
Kei- Sen, chomkhat hiti hin, umjongle hen; phat khat le nomma, ilen khom ding ahe.
Naosen- Heo, hiche chu kakinepna pen ahie. Nang in nikhat le service nahin mua, nomtah a na-ang sunga um ding ngah lel a kahie.
Kei- Neo, ken jong nang nom tah a koi na dinga, kiham bolla kahie, kalolhin takah a kalung lhah nading, imacha nahin bollou ding ahie.
Naosen- Henge, Heo hichi jeh chun, ana lungneo hih in lang, neina songlel lou jen’in, Kei nang dia umma kahie, ti suhmil hih aw.
Kei- Sen, nathusei hohi kajah jiteng, katha akibe chom, chom ji’in thanop najong kanei be cheh, cheh ji e.
Naosen- U, nang injong, kakinep nale, katahsan naho hi, athon nin vang kile sah hih aw.
Kei- Keinao, kei nang dia thi chan gei dinga, pang jing ding kahie. Chung Pathen le thina tailou’in eikhen jou lhon ponte.
Chujou chun kaloipa jong ahung kile tan, ahung lhun lhunna chun, kadong pai jin, ipi dinga nahung kile pai hita ong? Katia ahile, eihin donbut’in koitoh katou ding ong, ole a latrine utoh chun, neitou khom sah got ham,
Ooo, hoia chidoh dan ahideo, anopmo lheh ae, gah umle nom dinga kati le, ipi akhohpo; Jing le thaile kiki pui tadinga ahin ti in; Chuphat chun kei le Naosen chun kamoh nuisat lhonne.
Kanui lhon phat chun, eihin ve lhon’in, hiti hin ahin seiye; Natahsan lhon loule, ana ve lhonta, tuni lhah mama le kapui ding ahitaie, ati in, keinin jong atot hinte, kati lhon jeh chun, kadai lhon’in ama katil kit lhon tai.
Kipui doh jengo, nang ho insunga achat loh ding jong naum tapouve. Nang seh seh in, ima jouse nabol bol jeng, nalel ding ahitaie, apui ding um thou, thoua ipi dinga, pui loua kitong tong ding ham, kati lhona ahile; ahi ngotne, ahitin nilhah mama le ilhoh di taie, ahin titai.
Jan ahung hia thilsoh ding chu ngalel um ahitaie..
Jan ahung hitai, ipi hungsoh dingtam, kei le Naosen chun, kangah lel lheh jeng lhonne. Kaki suhto jou uva pat chun, Vahsi chu kadai pan lhon tai. Vahsi tuni lhah le, Nalupna ding, mun akikhel kai taiye, kati ji lhonna ahile, ahethem thei jipon, ipi nasei nalhon ham? Ahin ti ji’in keinin jong kasei doh pih ji lhonpon, kaim ji lhonne. Kaloipa chu kagah vet jia ahile, ana mae sesu ji’in sei ding aumji poie. Amasa nilhah a ahchal, achal hoitah khat kikhen khop set tunilhah jong, chutobang mama khet kit ding chu igah gelle vang chun; nom phot na ahitaie. Imajouse jong kachai uvin, kikhen ding kati taove. Kaloipa hin, sunna kasei lhon chu, ahin tahso kigot ahitaie. Hungo, jingle loipa jong inlanga kile ding ahitan, tuni lhah ikhop set in tou ute, ati in kachi taove.
Katou namun u kalhung taove. Kaloi teni chu akom jep chun, atou lhon’in akihoulim lhon tai.
Keini kaki houlhon’in atahso kigot ngap ham? Chipa kisah napi hi, kati lhon’in ipi ahung so ding chu kangah phot lhontai. Keini dinga hi khovah chan kitou jongle, sei ding chu kivat loubeh a ahie. Eiho deh deh, program khat inei ule, akipat nalang le kidonselou ahung kichai ding kon tah le, bol beute, beute, iti ji bang uchun, Naosen le kei jong hin, keini dinga achai ni ahitah jeh achu; Phat kasit lhon ahie.
Nomtah a lunghel tah a kaki houlhon laitah chun, Kakom lhonna vahsi chun; Ahilou lou di kasei hih ae, atia ahung lhaidoh phat chun, kavet lhonna, kadoh lhonna ahile, kichen ding thu chu asei dan ahie. Vahsi jong hi ada
Vang chun, apang pong kheh nom poi. Ajeh chu amasa ajong ana seiya anadasa ahijeh achu, pong tah a pang theilou ahie. Keinin jong kicheng doh jeng lhonno bah, nang ni beh kati lhon’in ahile, Ama vang anom dehpoi…. Phat sottah pi ahung kigellin, achainan ahile, ama dei dei chu hitante ahin titai..
Chi nilhah vang chu, anom photne, phat chilam akihepha tapon, pung khat (1) ana lha doh tai.
Naosen ain uva kaga thah kigot uva ahile, Naosen hin; Vahsi von gasem utin, aban le kaloipa a gasempa ding chun, kaum uvin Vahsi von kaga sem taove. Aman jong avon them khat ahin kipoh in, Kaloipa te in chun, kachi uvin aman jong ahin kisem in, ajan mama chun, chiding’in kaum taove. Kaloipa chun, sum sangli(4000) tobang ahin kipohin, Vahsi vang chun, ahin kipoh pon, Naosen in ken napi inge, ati in galah angaipoiye, kati vang uchun anompon, Ain uvin amani aga chi jellhonne.
Ahung kile chun, Naosen te chu minomsa jep te ahi bang uchun, Sang som (10, 000) ahin pih chun, Kidang kasa thou uve…….
Ajan mama chun, Naosen le kei jong kaki lha hon’in keiho in kajon taove… …. ………………….
TO BE CONTINUE…………
Ahinsim ho jouse chung’in kipathu kahin phonge. Isim naban uva lunggel hichi kisei le hiti hin kiseile hoijinte, tia gel ahiloule, mudoh ium khah ule, lungset tah in kiphalam lou hella, Achunga kipe contact number akhu call ahiloule whatapp a ikijah mat diuvin, temna le Taona kahin neiye…….. 😇😇😇……….
KAKIPAH AE😊😊😊😊😊……
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
