THUSIM HAM
Lalpu lotjem
6009048006…
Part-4….
Chini kaki hou lhon na chun, inlang kile ding ham, ham kakigel lha mo jeng tan, umden ding chu kaum na jong asothim phat chun katha ase in Naosen kaki hou toh pi in phatah in, aum dan ho jouse kaseipih in ahile, aman jong ahin gelthei yin ; hung vang hung jijio eiti in, ken jong henge; Kajo channa kahung jidi he kati in, keini jong kaki khen lhon tai.
Kaloipa te in’nin kachi pa in, kavon ho kaki got tup in chi ding’in kaki gongtai.
Kachi kigot vang chun, kilhah lel vang chu aum lheh jenge. Ahinlah alou thei lou khat ahijeh achu, kaki khen lhon ahijeh chun, hah sa sa in kei jong inlang in kakiletai.
In kakile chun, lampi kajot jong chu anop mo lheh jenge. Naosen jeng kagellin, itih a in kalhun ham jong kana kihet phah poi.
Chini akipat chun, lha thum (3 month’s) lang pi kimuto louvin kaum lhon tai. Kiki jol doh pan panna lha thum lang pi kimuto loua akium chu ilunggel vang nop na kiti aum tappoi. Eilungset ding ham, eilungset lou ding ham, anop jou joua kiki khen pai, pai ahijeh chun, igel le vang lungset eichan man ding vang chu,, tahsan um beh sehlou ahie. Numei lungneo, lunglhom ahi kitle, abol hat pa pa, aumpi jou papa a ahijeh chun, kenla kiumpi manlou, ahijeh chun, injole khattou vin ana jol kha hen lang, hile ti kagel ji in chi na ding lampi kangai to to jeng vang chun, phat kiti ana umthei poi.
Alang khat na kagelle, Naosen chu katahsan kit jeh chun, kalunggel chu anom deu jie. Lha thum (3 month’s) jouvin, kaloipa te khoa din kachi tai. Kachi chun lhun di kanga lel dan dan chu; aseiji beihel ahe.
Gah lhunna ilungsetnu mel gah mu ding chu,
Kagelle, Kalungmit in kaum chan ding dan ho abon’in kaki mu in kachang in angol dan dan’in kanui nui jie. Nilhah lam in kaga lhungtai.
Kaloipa te in nin kachi in, ahile; ama lou ana kon doh in ahung kile naipon, ain uva api seh seh ana um’in ama kom chun katouvin kaki houlim lhon tai.
Phat sotthimpi, pung ni (2 Hours) tobang hita chu katou khom lhonna kaki houlim lhon jou chun kaloipa jong, ahung lhungin, eimu mu chun, ahung mae seuvin; itih a nahunglhun ta, eitin injoa chu ahe.
Ama toh kaki lhon lut lhon’in ; kaum khom lhon tai keini. Ama ahung kisu theng’in kei a room chun kaum in kangah tai.
Ahung kile chun, Vahsi toh i nati ta: kei chunla nana puilut ditam katin, naseidan chu, akihung lhunle gobet in nana um’in.
Kapui gutle ama nom lou khula, sei sei jeng dijong nop kisa kitlou, chom khat khungaitae atia ka hiti nga tho aite.
Ai hih ae; keiya nu la ipi titinam, pha pha hinam, kadalhah nunga chu kaden, kan ngai jidan u, ahung na ding phat la um thei mong mong lou, kei kum hime, ipi nakison lel ham.
Nachi doh joua chu nangai dan chu, nang hung dibou anga nga jeng ahe.
Kei eidohjia inla kihe deh kit jilou, kalungset jidan chu, aum chan ho chu.
Nang jong hung ma hung dom inge, tiloua anop nopma nadalhah a nahung kithah mong monglou. Ama dinga jong hah di chume.
Um hah vang chu hah ding mong ahie, ahivanga alou theilou khat umji chuo, nang jong nahet chula em, ken jong chom khat beh kiumpi teihen kati hia, eima thil gon gon bang hithei jile pha dija.
Henge, ipi pi hile, An hon hite, ati in keinin jong an kahon hun in, chuti chun ka khojing taove.
Jan pung 7 vellah ahung lhin chun kho ahung thim pan pan ne. Ajeh chu; Satlai ahijeh achu khojing gei ahie. Chipai ding jong chu majep kasa kit in, nga ding jong kamu nom val jeh chun, kangah nom kit pon, kaloipa kom chun, ipi pi hile; Chiphot hite kati’in kachi lhon tai.
Amasa in Vahsi kom’in kachi masa lhonne. Vahsi te in kachi jou lhon chun: vahsi in eimu mu chun, ipida hitih chan pihi khatvei cha nahung lou ham, Naosen , lunghel jidan chu, ilo theila hilou phat sim seh a , nang thu bou asei sei jeng ji ahe. Lungset dang anei ahitadem, ahiloule ipi boina anei ham, eilungset lou ngap tam, hitih chan hung lou.
Keijong kahung nom mama ahe, ahinlah phat aumthei lou jeh a hung ding kati vanga hithei jilou chuo, ipi isei sei hih uve; Naosen tenna chiute, namu nom val val di taie.
Chuphat chun; Naosen te inlam in kachi taove.
Ain’u kaga lhun lhun uchun; Kidang tah in, eihin mu mu uchun, ahung lhai jeellin, eihung koiyin; ahung kap me. Kidang kasah val jeh chun, kei jong ima seidi jong kahe tapon, chuta chun kamoh umtai.
Ainkote jong aum jeh uchun, kajah achan ima jong kasei ngam tapoi.pasal hina jalla chu; lunglet put ngai ahijeh chun, Naosen ka kapoh nat vang chun, imagellou bang chun, kalhem in kalut taove. Aumchan chu kaloi teni jong chun,avet lhonna ahile, seiding chu beihella ahitaie.ajeh chu keiho seh seh kaumpet u hile chun imacha akhoh na umlou ding ahin, tua vang chu ahile; ainkote jong kikim sel ahijeh chun, ikam kihuh bang in akium soh keiye.
Ainkote lang chu kavet a ahile; alang khat in, adatmo vang uchun, achanu dei ahijeh chun, ima vang asei nom pouve.
Insung kalut jou uchun; apa in hilai hin hung tou uvo, gah kihoulim ute; ati in keiho jong, katou un kaki houlim taove.
Kalunggella chu kipot doh lou ding tam; kati ahitaie.ajeh chu ainkote toh akihouleh ipi thu ahin sei diuham.eihin phoh diuvem, ahiloule itobang thu ahin sei diuham, ti akihet lou jeh chun,kichat nale, kison lel nan kadimme.
Apa in eihin dong’in Boi , hoilai kho ho nahi ham, namin ipi ham? Hepa, kei chilai ho khu kahe, kakho min kasei pih in, kamin jong kasei pih tai.ahile, tua ipi na natoh, ahiloule ipi nabol ham, eiti in; Ken jong kadonbut’in Hepa , tua hi, lekha kasim nalaie, ahile, chomkhat tou nakhu ngai ngalla iti ong? Hichun ken jong hepa, tidan chu kahe them jep poie, Tua kilungset hinkho nahin man lhonna, nungle i nati lhon ding ong! Ken jong sei ding kahe tapon, chuti chun kaloipa kaven, abang leh naosen kaven, kamoh umtai…
Chutia thipbeh a kaum phat chun, apa in eihin donbut’in ipiba ilo ding uham, asoh chu asoh ahitaie, ahivang ching theitah a hinkho nahin man lhon ding ahe.lungset jeh a lekha sim nahin kisuhboui sah lhon lou ding ahe.
Hichi ahin sei jou chun, kalung chu ahung hit hut jenge. Ajeh chu athu seidan ho vang chu, kinep vang umlou ahitaie.
Thilkhat kakitepsah ding nahie, nanop loua kajo lou ding ahe, nati a ahile, nopmo nasah lou ding ahe, ahin ti in, ken jong ipi ham hepa,
Danthenga kichen ding nanop loua ahile, nom mo saloua , nadalhah ding ahe, hepa, kei jong kanomne, chichu ken jong kadei ahe, kati jou chun, apa injong, hichi nikho kah sea chu, imacha a nahung kisuh boh lhon lou hel ding ahe.
Henge, hepa …….napot doh ding uva le, chiuvin lang hung kima le un, eiti uchun, kakipa dan chu, chi nikhoa kakipa nachu ajat chom deh set ne. Keiho jong kachi doh taove.
Katou naji uchun, kachi kit taove. Naosen, chu kakoiyin, kachi taove.tua vang hi ipot doh jong, nop mong mong a ahitaie. Masanga chu ahile, koi kol malah a akomma ichi jongle, kijah cha ji ahijeh chun, ahah jilheh ae. Chubana jong kaloi teni, amani akilhon kit lhone, aumchan lhon kive ji ahijeh achun hah dehset jia ahe.
Akikilungset ahiphat chun; kijacjat tona chu , keini kah adin abeitai……….
Katou naji uchu kalhung taove. Kaki houlim lhon phat chun, naosen chun hiti hin ahinseie.
Heo, kakhouva hin hung jijio, namel kamu loule kei dingin ahah jie.iloiteni lah , kho khat akihi jeh a anop nop ma adei dei phat lhonna kimuto thei lhon, eini avang ahah ji lheh e….
Neo, keijong kajo channin hung nange………….
Injoa chu napa in eihin houdan ho chu , kaki son lel man ahe.athu doh dan ho chu, kei dinga chu adonbut ding dan aha ji dan chu.
Kagelle, avella kimuto na umlou ding hitam, kitia, ahivang achaina ahin seidan hochu, kikhe da beh chula, keilunggel toh.
Heo, kisong lel hih aw, kanu la kapa in, ima sei ponte, ama nin adeipen lhon chu, danthenga jinei sah tei ding eiti lhon bou khu ahe.
Chi nilhah chun, ain uva apa toh phat sotthim pi kakihou lim kit jeh uchun, phat chilam ana kihe man pon, chom chakhat bou, katou lhon nalai ham katile, pung Som le Khat (11) ana lhing doh hitantin, kaloiteni ahung lhon’in, jingle jong ikimuto kit diuhe, ki lhalel val ji poute, ahin ti lhon chun; kamoh nui doh uvin, inlam kahin jon taove… Heo, itih chan naum got ham, kahe thei nai hih ae, nakile pai kigot khat hai, kasei theilou chuo, ni thum (3days) ho beh vang kium nante. Naum sot dom ji hile, eidinga jong nom ding hia, neo, kium nom nama jongle ahithei lou umji chula….
To be continue……………
Ahin sim jouse nabon chau chung’in kipathu kahin phonge. Chule isim ban uva , isim sung uva ahoimo ahoidia igellu aumle, kiphalam lou hella ikijah mat diuvin jong temna kahin neiye.
Ikijah mat nathei diuvin, achung lang khun contact number akipie, chia khun, call ailoule WhatsApp a ahitheie…..
KAKIPAH AE….😊😊😊😊🙏🙏🙏……
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
