THUSIM HAM
✍️✍️✍️Lalpu lotjem.
6009048006.
Part-6(VI).
Kachi jou u jingkah lang thim hin ka’in u kaga lhung taove. in kaga lhun uchun kho jong avah thim thim, phat chun, kanu le kapa jong ana kithou lhontan, hichun kalhung uvin, chom khat ei kichol sah uvin; Kanu kom chun abon’in kasei pih soh keitai.aman jong chom khat umphot hon inlang, in langa hon nahung pui lhon ngah phot ute.hichun keiho jong nom tah in kaum taove.amani ge nading chun, room khat aong aum’in chilai chu kasu theng uvin; chilai’a chu kichol ding’in aum lhon tai.
Ama ni dinga hi tuni nikho hi kipa na nikho ahe.hijeh chun, ken jong keiho ahcha le vatot kavah u ahi’in kaloi teni chu kadoh a ahile, amanin inlanga Ahsa hin kine ta a, vatot neute ati lhon jeh chun, jingkah an ding chun, kaki tha taove.
Amani ahung doh kit lhon hi, in langa um Naosen dinga hi thomhao lheh jeng ding ahie. Ajeh chu kei kaum lou teng leh, kaloiteni chu lunggel ho seinale, lungmon na a anei ahin, tua achanga aumma amon mo ding chu hetsa ahie. Nonmo’e kiti jongle ilo theilou dinmun’in eiphah pettah u ahijeh chun, upai ana um thei tapoi. Hapta khat (2 Week’s) tobang chu ka’in uvin kaum khom uvin, hinlah chijou chun, In langa ding’a ahung pui phat uchun, ama ni jong chi ding’in aum lhon tai.
Achi dinga aum lhon phat chun, ken jong; hoitah in kaki houpi in, tua jinei hilhon ta jong le chun, iloi hinau, iki ngailutnau, iman sah lou diu ahe. Masanga banga kei kaum lou teng le Naosen neina lhamon pi lhon ji ding ahie. Chi kasei jou chun, ama ni jong, achi lhon tan kaki khen taove..
Masanga banga akiki vop theilou ding chu kagelle, nopmo kasa lheh jenge. Ajeh chu, jinei khat le Gollhang khat hindan chu ahung kikhet ding hetsa ahie. Ama aji a boui intin, neh le chah dinga boi intin, chom khat joule, aji a boui ding ham, acha a boui ding ham. Hichi chu jinei mikhat dinga alou thei lou ahie.
Chuban jong le, hilanga Naosen injong masanga banga akivoppi theilou ding, alunggel, angaidan ho jong asei thei lou ding, kahe in, Naosen ding gelnan kahinkho man nopna aum thei mong mong poi. Ama ding gelna chutia chu moh um umthei ding kahi lou jeh chun, ka lekha sim lang in kale lut kit in, aban hoisel in kajom pan kittai. Kei geldan chun, service ahiloule, iji icha vah na ding khat kihol doh masat na (Naosen inkote ahi’in kei dei ahi’in, ) Danthenga kichenna kin nei ding ti ahijeh achu, hiho jouse dinga chu amasa ta dia kivahna hol masat ding ti kalunggel ahie.
Lha sagi (7months) jou’in Naosen komma ding’in kachi tai. Kaga chia ahile, kaloi teni kom chu kalhun nading mun ahi bang chun, kaga lhun lhunna chun, Vahsi seh seh ana um’in, ama ni jong avangpha lhon’in cha anei nailhon lou vang chun, anei vah ding dinmun in ana um lhon tai. Kalhun lhun chun, keijong kaki chol do in, vahsi toh apam lam in thinglim noi khat in katou lhon’in kaki houlim lhon tai.
Ken kadoh masat ding chu ahet masat jeh chun, kadoh masang’in eihin donbut’in adame adamme, nang ngai na khuta khu um ta khu, college ho lah phata chi chi hinam kati in ahile, Henge, achi ji in, hinlah chom khat lai vang chun, A college kaina achu, pasal khat chun, ahin hel heldan hintin, achi suhsah pon, tu’n vang athah chi kit taiye.
Avangpha mong mong nahe, khubang mikitah khat nakimu khah khu, achuti lou hile, nada lhah sunga hi, anop nop ma hinkho aman thei ahin, hinlah aman vang chiho jouse chu athoh jinge, Henge, mivangpha kahe; kei vangphat naban chun, nang ni hapan najal jong ahe. Nang ni chunga jong kakipah mong monge, nang ni umda le chun, hitia jong hi kium lou maithei ahe, kati in nilhah lam phat sotah pi kaki houlim lhonne.
Vailhun phat ahung hiphat chun, kaloipa jong ahung lhung tai. Aman jong melmu khah lou na asot phat na chu ana lunghel mama hitan tin, ahung lhun lhun chun, eihung koiyin, kaki ngong kol lhonne, phat sottah pi. A gollhan laiya kahinkho man lhon leh, kana lenkhom ji lhon laiho chu agelle, anung ngai mama hidi dan ahie. Ama jong akisuhtheng ding jeh chun, eikouvin, kisil theng hite ; ati in, kani lhon chun, kaki sutheng khom lhone. Kei lupna ding mun khat kasem lhon’in chia chu kichol do ding’in kaum tai. Tuchunga hi mun chom choma gachia, ga kimuto ding ahitapon, anop na khat aum’in hinlah masanga kana umkhom lai phat ujoh chu, kangai jin kalha ngai jo’e. Ain uvin kaga chi uvin, ahile; Naosen ana umpon, hoilai chi ham tia kadoh uva ahile, La kijil na pang hidi dan ahi’in, ala kijil namun lang u kachi taove. Naosen te inna kaga chi uchu, chapang khat hin einamu hidi dan ahi’in, ala kijil namun u kalhun masang uchun, ama joh ahung lhaidoh jellin, lampi chun; Chapang bang in eingong koll’in Alhi soh ae.
Ken jong hichun, katuh in idia nalhiso ham, nakoma kaum tah hila em, kap ta hih in; nagenthei naho jong kahe e, lungtup neipum’in thoh hat’in hung pang jingo. Eini ding gelna jalla keijong, phat simseh a hung joulou kahie.
Hichun, naosen ka ahung pha in, keiho jong mun dang jon lou’in loi teni in lam chun, kachi gu uvin ahile, moh um sang chun, kati in; kaloi teni jinei na a, Naosen toh imacha akineh khom khah nailou jeh chun, Dukan lam kajon uvin, neh thei ding, kala uvin; kalhun un kaki hon uvin, kho helouvin kaki houlim uve. Lha sagi joua kiki muto ahijeh chun, kingaina chu asang deh set ae. Sei ding jong atam deh set dan’in aumin, kitou khovah jongle, kichim lou ding dan’in aumme.
Naosen-Heo, idia phat chutih chan chu hung loua naum ham.
Kei- Neo, eini khankho ding gelna jalla lekha sim nalama phatah a kakalson phat a hung man loua kahie.
Naosen- Heo, chuti joh chu hidan ham. Kei chun abang khat, khat le kana kigelse man jie.
Kei-Sen, chuti chun lunggel ji hih in, kei nang tailou lungset dang nei ponge. Molle lhang in eikhen lhon hen lang, phat sotpi kimuto lou’in um jongle hen lungset na tuhdet jing hite.
Naosen- Henge, U keijong nang tailou lungset dang neilou dinga kaki tem jeh a tuni channa nang dia pang’a kahie.
Kei-Sen, nang dinga ahah ding dan jong kahe themme. Tulai numei atamjo abol hat papa a ahigam tan, chuseh jong hilou nei le goua aning lhin photna ahile, tia lungset nunsun’a jong tamtah aumme. Nang banga hin numei dang hon jong lunggel neileu,pasal ho lungset jeh a mitlhi loung lou diu ahie.
Naosen-Heo, tu masanga jong chu ka college uva, pasal mi them khat kaning kitel beh seh a college chiloua phat sotpi kana um ahie.
Kei-Henge, sen Vahsi in aseiye, lungset jeh a na college kai jong boui ahi’in olmo hih o ken, phat khat le nomma kakoi ding nahie.
Naosen-Heo, lungtup imolso takah a nahung hapan ding ahie. Na lolhinna nikhat le thupi tah a kichenna kin inei ding ahie.
Kei-Sen, kei lunggel jong chi chu ahie.
Jan jong sot phat chun,Naosen inlamin kaga thah tai. Achi pum’in kaki houlim lhon’in, gah kikhen ding chu ahah lheh ae.
Kei jong nithum ham chu akho uvin, kaum in; kei jong in nin kakile e.
Kaki houlim lhon’in kichen nikhoa umchan ding ho, ahiloua ale; inchen sem khom ding ho kasei lhon’in nop kasa lheh hon jenge.
Naosen kitah dan hi kagelle ahile, athoh hat mong mong in ahe. Numei dinga phat sottah pi kimuto loua umding kiti chu, lunggel jat chom chom neithei ahitaie.chubanna jong; ahel jong um, theida jeh a ana nom thei ahin hinlah aman vang, Collage chiloua aumjoh theipa chu kaggella ahile; akitah dan kahe cheh cheh in, kangailut na jong asang cheh, chen jengin ahe.
In lang kakile ding nikho ahitan, Naosen chun eilha lel ji mama jenge. Ken jong kalhem in tua kahung teng leh lolhina neipuma kahung ding ahi’in chikah achu phat iti sot jongle, naki tah nale, nakitep naho lhaso loua nana pan ding ahe. Kati in, ahile ama jong anom’in chuphat chun kaki khen taove.
Kei kigellhah nachu ahi ale, lolhina akinei takah ahi chi talou ding kati ahi taiye.
TO BE CONTINUE……
Ahinsim ho jouse chung’in kipathu kahin phonge. Isim naban uva lunggel hichi kisei le hiti hin kiseile hoijinte, tia gel ahiloule, mudoh ium khah ule, lungset tah in kiphalam lou hella, Achunga kipe contact number akhu call ahiloule whatapp a ikijah mat diuvin, temna le Taona kahin neiye…….. 😇😇😇……….
KAKIPAH AE😊😊😊😊😊……
