📄THUSIMBU SERMON
April 13, 2020Thupi: Tribulation (The time of Jacob’s trouble)
Text: Matt.24:1-31By; Mark Lalboi Principal LBBC
Introduction: Tunin Bible isimjingun phat nunung thu kisei imu uvin ahi hichilah a chu Tribulation kitijonghi Bible a khonung thu ahi tihi itahsan dan u khat Chu ahi (A biblical view of the end times)
Hijeh chun nikhat le Pathenin phat chaina khat ahinsem ding ahin Tahsan chate Chu Pakai koma inache Diu ahitai ahinlah Anti Christ nungjui hovang Hahsatna (Tribulation) ahintodiu akimu e Chule hichu Jacob lunghemna or hesohna tinjong akiseije Jer. 30:6-7
Hijongleh Israel vang Pathen panpi jala huhdoh a umding ahi.
Hiche Tribulation chungchang hi ivetleh gentile le Israel anigela khentum umponte
A.Gentile namite Jong gimbolna kipe ding ahi. Rom.1:18; Rev.19:15
Hiche nikho teng chuleh mitamtah chonset kisih a Jesus Christa ahintahsan Diu, ahin beldiu ahi. Pakai in Amaho ahilouleh michonse alunghei hochu ngaidam achana ahin angsun nahlai ding ahi chule amahochu Tribulation a mithengho kitiding ahitaove.
B. Israel nam mite chunga Jong gimbolna kipe intin amavang Pakai henga kisutheng Ding ahiuve (to purge the people of Israel) Ezek. 20:37-38; Zech. 13:8-9; Mal.3:3.
Israel ten Messiah Jesu Chu anasan loujih ule athinajong Amaho jal ahijih a Pathenin Messiah ahinbel kit nadiuva Tribulation hi agon peh ahi Chule hitiachu Israel te seh hilouva Jesu Christa kum Sang lengama thaneitah le loupi tah a ahungtengleh ama tahsana anasangho chutoh hungkimuto Diu ahi kumsang lengama lutkhom Diu ahiuve
Tunin Ninu nung ahilouleh Rapture Chu hunglhung phot jeng taleh atahsan ho hiche thoh Hahsatna mun a dinga I umden louhel Diu ahi amavang atahsanlou hochu umden ding ahitaove hijih a Chu eiho Christian tedia khonung thu ahilouvangin kichih thei nadingleh hetdia poimo ahijih a iseinom u ahibouve.
I. Tribulation iti kipat ham ( Trib.commence ) V. 1-14
Hiche Bible Chang sunghi Pakai jesun olive a anaseidoh akamchang soh ahi Chule hichi message hi Jesu le Seijui ho Jerusalem temple akona hung uva Pakai in avetsah a asei ahi.
Jesun hiche Jerusalem temple hi hung kisumang ding ahi ati. Hichu Rome ten 70 ad kumin anasumangun ana guilhungtaie.
Pakai jesun Seijui ho kombouva athudoh hou adonbut na a asei hijongleh Israel nam mite adia kisei na ahi Chule alangkhat a houbung mite Dia direct tah a akisei louvangin tribulation akona kichih thei ngai ahijih a hetloua poimo ahi.
1.1. Lhagao lama lheplhah na phatchu ahi (Spiritual deception) V.4-6
Hiche nikho teng lechun mitamtah in huhhing na lampia thu ahinsei Diu na ahintoh Diu ahi. Thuhil lhem tamtah umding Chule Christa lhem Jong hung umding ahi kipah Diu Amin thangdiu thahat tah a hungpang diu ahi e Dan.8:25 ahivanga galjona vang kipelou hel ahi. Rev.6:2 Ajehchu ajoupeh dinga hung kondoh ding
Sakol kang= chamna
Lukhuh. = Laltouna
Gophel. = Atha neina ahivanga Gophel Chang ajaolou jih a Galjona aneilou ding ahi.
Tulai vannoi ahin ivetle Christa lhem tichu keima Christa Chu kahitai Tia sei mi phabep ana ume amahochu
David Koresh, Jim Jones, Sun Myung Moon Amaho hi alimtho ahiuve
Ahinla atah tah pachu Tribulation phat lebou hung kilangdoh ding ahi.
1.2. Alhangpia suhmanga na (Social devastation) V.6-13.
a) thilsoh lah a khat Chu lengam hungkeh jal ding ahi (disruption)
#. Hiche nikhoteng chuleh gamkhat le gamkhat kidou ding, sopi le sopi Jong hung kidou ding intin Nopna him2 um louding Ahahsat danchu mihem lungthim lamdang intin thimpi Banga Jing ding ahi akiti e ijeh inem itileh alhema chamna a kivaipoh naChu asot joupon alhujeng tan ahi.Rev.6:4.
#. Chutengleh Pathen nam mite Israel te kigimbolna hung sangjep jep ding ahi.Dan.7:25-26.
Vannoi a politics hung kikhel loijeng intin nam jouse Israel douva pangkhom Diu ahi .tujenga jong ivetle mihem khonung hi Gal(war) ahibouve Chule Israel dou dingen hung hidiu ahi. Palestine,Arabs, Chule Russia in attempt ahinbol masat Diu thuguh in akiseije Ezek.38-39.
Hijongle failding ahi ajihchu Israel ten amanchah uva kiveng Diu Jona achan jouteng uleh gal manchah hochu kum7 sunga ahal vamdiu ahi tin Bible in aseije.
b) Hiche nikho teng lechun lungnat na a Kona hansana umding ahi. Rev.6:5-6
Sakol vom (black horse) Kiti hin Thina avetsah e
Ajehchu neh lechah hah intin nikhotha Jong tamding ahi eg. British dangka a shilling 12 toh kibang jatchu hidingin akiseije
Chuteng Som lah a 2 bou neh le chah ki supply jou bep intin mivaicha hon number 666 Satan thaneina jala thaole lengpitui akichoh thei tahlou diu suhgentheina akhonna Chu ato Diu ahi. Tunvang nom isa uve mivaichaten Jong neh lechah akichoh in suhgentheina a umpoi
Hinla hiche nikho teng lechun vannoi a Kiel lha intin mitamtah in thina ato ding ahije.
Scholar hon calculated abol dungjui un
Nikhat le mihem 86400 kiela thiding
Lha khatle 2592000 kiela thiding Chule kum khat le 31104000 kiela thijou ding ahi tin asei uve achutileh mihemten thina ato danchu 75% vannoia kiela thiding dan ahitai
c) hichi phatchu dammo na hat ding ahi Rev.6:7-8
Sakol Eng Khun Dammona avetsah e hichu thinan ajuie chule
Hichi nikho teng lechun Gal jih le Dammona a Mithi tam lheh intin vannoia khatvei phut a 25% in thinakhop a Dammona ato Diu ahi.
Hijongle hichi nikhoteng lechun naosen tamtah Peng intin achaina vangchun mihem tam taponte.
d) Hichi nikho Chule nasatah a vangset na hunglhung ding ahi (Disaster) v.7.
Jesun aseije hichi nikho phat lechun gamkhat le gamkhat kidou ding Kiel lhading Chule lingpi kihot ding ahi ati. Chuphat lechun thilsem jouse sesoh ding ahitai. Pathen lunghanna Chu mihem ten athohjoulou hel ding ahi
e) hichi nikhochu thungailou kiseingailou naphat hiding ahi. V.10,12
Hichi thungailouna hochu Satan natoh kiphon dohna hintin mitam tah kihoto a kingailutna lhadai ding ahitai.
Chule chonthang nale chonset kilungset na hunglen intin society le gamle nam a dinga koima taonamang jong umtalou ding ahitai ajihchu tahsan chate Jong um taponte hijih a Chu vannoi hi chonsetna dimset ding ahitai. Eg.America gam akhun 78% mihem in Bible atahsane chonphat na abol uve hijehchun chonsetna 80% akituh tang jouve tin akiseije amavang Tribulation nikhotengleh chonsetna kituh tang joulou ding ahi 2Tim.3:1-5
f) Hichi nikhoa chonset nale Hahsatna a umlaitah chun Pathen hung kiphong ding ahi V.14
Kipa umtah Chu mijouse chunga Lhagao thina lhung louding ahi
Pathenin mi phabep Akai thou ding ahi Amaho Chu athu choia ahinna channho Chu ahiuve
#. Jews mi 144000 Rev. 7:1-8.
Pathenin athupha seidinga Israel te alhendoh hochu hidiu ahi Chule amahochu Gospel Army tinjong akiseije.
#. Hichi Gospel Army hojala Jesu tahsan hochu mitamtah hung phadiu amahojongchu huhhinga umdiu ahi Rev.7:9-17.
II. Iti Tribulation umbanjom ding ham V. 15-29.
2.1. Hiche nikhochu kichat umtah hiding ahi ajihchu duha thuh tah a kibolna kitahlounan vai ahom intin tijat na dimsetna mihemte lunghem ding ahi e.
hichi verse na a kimu bangin Christa lhem chun Israel toh kitepna anei Chu ahin suhkeh ding ahitai hichu Daniel9:27themgaovinanaseisa ahitai Rev.13:1-8
Hiche kitepna akisuhkeh jouchun Pathen nam mite Israel techunga suhgentheina akhonna Chu lhungding ahitai v.16-29.
Satan in masanga pat a Pathen mite anagot jingchu guilhung ding ahitai.
Satan(dragon) in Israel te thachai ding agot ding ahivanga Galjona aneilouhel ding ahi Rev.12:1-17. Chule hetding khat Chu 144000 kilhengdoh hojong thitheilou Diu ahi. Amavang Israel mitamtah thiding ahi. Zech 13:8.
Amavang athilou miphabep khat Chu Satan nungjuiho hidiu ahi. matt.24:10-12;rev.2:9;3:9.
Chule miphabep vang hingdoh ding ahiuve Amaho Chu Jesu tahsan ho le Mohor kinama kilhengdoh ho hidiu ahi. Rev.12:14;Zech.13:9.
2.2. Nat thohgimna sangtah lhung ding ahi (Days of intense pain) v.21.hichi nat thohgimna Chu anasapen le abang umlou hel khop Chu hiding ahitai ahinla Hichi Tribulation kichai lam teng lechun Pathen Thutanna jatni hung umding ahi.
1) Sumkon Sagi (The Trumpet judgement)
* Ist trumpet Rev.8:7
1/3 of green vegetation on the face of the earth is destroyed. Hichi kisuhmang ding anasat danchu Oxygen level Chan buiding ahi
*2nd trumpet Rev.8:8-9(Ocean becomes blood and 1/3 of life in the sea is destroyed…
*3rd trumpet Rev. 8:10-11
Meisal Banga al lenglung Two khanglena achu e (1/3 destroyed)
*4th trumpet rev.8:12.
Chujouvin abanna Sumkon kimutging ding hochu mihemte Dia Da a umding dan mulaopi in hasap in ahinsame rev.8:13
*5th trumpet Rev.9:1-12 ahsi khat Vanna konin ahung khilha in leiset kokhuh laichu ahehle meikhu gimnei Chu ahung kitunge
*6th trumpet rev.9:13-21 hichi ahin aseichu ahileh mihemte that dinga Vantil ho kilhadoh thu asei in ahi
7th trumpet Rev. 11:15-19
Vannoi gamvaipoh hi Pakai a ahitai tin ahinphong doh e
2) Sumlheng Sagi kibuhlhah (the vial judgement)
* 1st vial Rev.16:2 ( Sahem melchihna neile amahou ho nat thoh na)
*2nd vial rev.16:3 (twikhanglen thisansoh)
*3rd vial rev.16:4-7 (Luidung,Tuinah thisansoh)
*4th vial rev.16:8-9 (Nisa in lung heilou ho asahgep)
*5th vial rev.16:10 (Sahem laltouna chunga muthim)
*6th vial rev.16:12-14(Euphrates Luidung tui Kang)
*7th vial rev. 16:17-21(akichaitai ti aw)
Chuteng tah lechun mitam tahin Christa lhem lungthima alhahnao vakonin Jesu Christa bouvin chamna thu aseiding ahi atidiu ahi v.23-28;john14:6
Chule Nisa hungthim ding lha thisan soh ding khohei dan lamdang lheh ding ahitai.v.29.
Hijeng jongleh Pathen thutep Banga hichi nikhochu phatchom cha a ding bou ahin v.22
Ajehchu Pathenin amilungsetna asumildeh poi.akhon nale achaina Chu Pathenin alungsetna mit a mihemte Chu ahinvet ding a umpi thou2 ding ahi.
III. Tribulation iti kichai ham (How Tribulation concludes) V.30-31.
A) v.30a phat kichai konchun Pakai Thutanna ahung umin mihemten ama ahinbeldiu kisih Diu a kap puma a om achup chup Diu ahi amavang Pakai Chu thanei tah a hungkilah a Huhhingna Sumkon Chu hung ging ding chuteng Pakai in amithengte alonkhom ding Chule kum Sanglengam lut khomdiu ahitaove rev.19:11-14
B) v.30b Jesu loupitah a ahungtengleh vannoia Sepai hole Diabol hungkitho a Armeggadon gal Chu umding ahi Ahinla Amaho house kithat gamin tin namjouse Pakai Anga bohkhup soh Diu ahitai Rev.14:20;19:15-21 chutengleh Dragon le anungjui hon Jesu Chu Kelngoi Banga hilouva Judate Sakei/Keipi Banga ahin kimupi Diu joh ahitai.
C) v.31 Gal akichai teng Lhenchomte lonkhomna umding atahsan hobou kum sang lengama lutdiu ahitai.
Conclusion:
Sopite achaina in phat nununga kum Sagi sunga thoh Hahsatna leiset a hunglhung ding ahi tichu isei taove Ahinla Nangle kei khanga alhunlou hi Pathen ithangvah joh d ahi. Amavang Pakai nikho hunglhungleh nalhagao hoilama ache dem tihi kigel Chet angai e
2thes.2:12-13 na in asei Banga thutah tahsanlou chonset bolpa Chu Pakai in ninunung leh themmona a athu atan ding ahi amavang atahsan ho Chu Pakai koma umdiu ahi
Natahsan louleh 2cor.6:2 na in aseibangin lahphat Chan ama hengjon leuhen huhhinga I um Diu ahi
Pathenin seikhel naho eingaidam henlang Athu simjouse lahphat cha a huhhing ihi nadiuvin Phatthei boh tahe
Kakipah e.
©2020, Thusimbu
