THULHUHNA SEM: Decision making.
The importance of making right decision at the Right time.
Hinkho ading a Thulhuhna sem khah leh semkhel hi thilkhoh tah ahi.
Asun:
NLhungdim,
Thangting House,
MolnomWest.
15th June 2020.
English te Playwrite minthang George Bernard Shaw [1856-1950] in hitin anasei in ahi,
A LIFE SPENT MAKING MISTAKES IS NOT ONLY MORE HONOURABLE ,BUT MORE USEFUL THAN A LIFE SPENT DOING NOTHING.
Hinkho hi aneo alen koihileh niseh leh phatseh a THULHUHNA decision hi semsemding hinkho ahi. Major leh Minor aum in minor decision chu ahakhohbehseh pon ahinla major decision lahding ahileh kino thu thu leh dongding lam khat le ni beh dong lou a bolhi midang tamtah suhboina thei ahijeh a geltoh detdet ding angaiyin ahi.
Vetsahnading in Prime Minister Narendra Modi in Nov 6 ,2016 in currency Note 1000 leh 500 sese kimang theilouding ahitai atichu Finance leh Economy lama hegil ho khatcha dong lou a BLACK MONEY, TERRORISM ho suhmang nading amachang keo keo thulhuhna asem chu thuneina anei India mipiten kilhengchu mi hesoh gentheina lentah soh dih anahin ahi. Economy lam a mithem ho seidan in leiset chung a khatveicha jong DEMONETISATION hi success khatcha aumkhanaipoi atiovin ahi.Ama aseiteni Blackmoney leh Terrorism lah, kemsuhsang in sang jep jep panna beiya mipi kihesoh genthei ahi.
India mihem crore 138 ho tongkhading chu hapta khat beh seikhom a thulhuh na semding ahi.
Amachangval a thulhuhna ajinu toh a chom chom a chending leh kikhending atiho chu midang atohkhah lou ahi.Amaleh aji bou atohkhah ahi.
Aban a tukum March 25 nin midang nidan 5 jong lhing lou a inlam cheh a akinung leding phat pelou in Cabinet Minister leh a Secretary leh Chief Minister ho ho dong lou beh in India pumpi a LOCKDOWN KIKUL KHUP ding ana phong kit leoleo kit in hiche jeh miho hesoh genthei na adeh gam pama natong a cheho agentheilou hi tumasang a kihe khalou ahi.
March 25,2020 a chu Covid 19 a natna nei chu mi 500 bou hinalai ahi, January 30 nia Kerala State a Wuhan University a kon a hung kile mi khat bou ana dammo ahi.Tun June 14 in India najat lakh 3 leh sang 25 lang ahitan athijong mi 3000 lang alhingtan ahi.
Deidan hileh a LOCKDOWN bolding chu mijouse kom a ni 7 alhompen leh atampen a na inlamcheh jon un ni 10 jouleh National Lockdown umdingahi a natileh tu a MIGRANT WORKERS a crore a gentheina human suffering hi hibang lom lom a umlouhelding ahi. Ni 70 jou a hi Covid + positive hi khat leh khat kipeto a a lakh 3 val hita a Govt jong boi, Economy jong boi, Education a School, College leh University jouse kikhah a hi bang lom loma kigenthei ahitai.Mijousen Covid 19 kiboi pi ahitan ahi.Oimo lou theilou ki oimo jong leh phachom lou ahitan ahi.Ajehchu eiho tobang oimo a kidoiding mi ahipon ahi.
Achung a kiseibang in Prime Minister Modi jong a THULHUHNA sem ho hi adih jeplouna ahin muhitan te atihiteiding ahin tun LOCKDOWN hi iti UNLOCK ding ham ti hi aphatsah in Chief Minister ho toh Vedio conference neiyin kihoulomna dohna leh geldan adong jing akimun ahi. Amajong mistakes ho a kon a EXPERIENCE chu sweet beh lou jeh a hung kikhel inakimun ahi.
Modi hung kikhel na muthei ahitai.Masang toh abang tapoi .A ngoi dom in akimutan ahi. Covid 19 in a ngoisah ham ?
HICHE HI MODI KIKHEL NA PHATAH KIMU CHU AHI
ANA MABOL LEH PHA LHEHDING HIYA ONG?
Thuneina leh thaneina kanei e tivang a mitamtah hin, tongkhoding ahiphat leh ikoma dohding lom ho doh a THULHUHNA semding hi hailou helding ahi.Gollhang hileh nungah hileh jinei ding chu nilhah khat munkhat kimuto a kideijeh a kichenlou ding ahi alhompen a lha 6 beh mi 2 leh 3 beh doh toh a kichending chomkhat jouleh kanu anompoi tia khat toh kikham na neilouding ahi. Nule pa approval a jineiding natileh nanu pa dong masan .Kintah a kichen chu kintah a kisihna ahinom in ahi.Amasading anukhahding hemasan.
Iseinom u chh jinei kitihi hinkho a ding a chenkhompiding ahijeh a Major decision ahi.
Marry in haste repent in leisure kiti ho chu bol hih beh in.Ji lhen khel chu lifelong trouble ahin lhen khah chu lifelong happiness ahi
Keiman kajinu hi kum 2 leh lha 6 kanahel ahin a hoi lheh in ahi.
Ji lhen kiti chu nang leh najinu or najipa keo atong kha pon na insung 2 leh a kinaipi tamtah alhom pen mi 27 atohkhah kit ahi tin marrige lang expet hon asei un ahi..
Minor decision chu tu nia Imphal a cheding chelouding tiho tobang chu akhohna umjong leh mitamtah atohkhah lou ahi.
Masang in America gam a
BEST ONE HUNDRED PARENTS,
kiti alhen naova Interview abolnao vah a chateo iti ahin khoukhah u hinam tia adoh uleh adonbut nao chu niseh in decision kila hi adihlou tamtah kanei uve tin ana donbut un ahi, gam khang toupen a Best Parent hojong achuti leh eiho hin thulhuhna isem hou hi adihlou tamtah um tei ding ahi.
Aphading ahoiding
WITH BEST INTENTION.ahivang a result deibanga hoilou ho tamtah a um in ahi.
Keima jong 1984 kum in kachapa changkhat deisahna lot lot in PUBLIC SCHOOL a na kaisah leh kahin,kho a lunggim ,lungdon hesoh genthei kato lon ahi.
Public School hi parent tamtah ding in chate semdohna himoponte ahin la keiding in cha semsetna ahijon ahi.Ka vang hitante.
English philosopher, literary critic, Jounalist leh writer minthang
.
William Hazlitt [1778-1830]
in
PUBLIC SCHOOLS ARE THE SOURCE OF ALL EVILS
atichu kageldoh in kagei joh hitante.
Akitup ahoi a hoi ahivang a result ahoi a hoimo jui ahi.
KHAT DING A PHA CHU ADANG KHAT DING APHA HIKIT SE SE KIT LOU.
Manmohan Singh chu Prime Minister hileh hitibang a hi THULHUH NA asemding ginchat aumpoi. Alhang pi in amaleh ama jusemdoh English a SELFMADE man kiti ho hi ama leh ama kisong mama confident ahiovin koima tahsan lou leisetchung mijousen sen US a Harvad University angaisang leh Modi in Harvad sang in Harwork katahsan jon ahi a tin ahi. HARDWORK angaipoi tina ahipon chihna hetna jong angailou ahipon ahi.
School,College leh University varandah akenga chon khalou a India pumpi pohding gong pachu hitiding mong ahi.
Eihon neo apat School,College leh University a
kikaiya lekha hija kisim a Exam hija hung ki pass a jong HINKHO A THULHUH NA isemleh kibolkhel kisemkhel umnalai a.
Modi ngohding ahipon a lhengdoh India mipi ho joh ngohding ahi.Ichung uva thunei thaneiding a School,College leh University mukhalou i kilhen uleh hitiding mong a ahi. Anung jui hon lah Pathen tobang a agel u athuseidoh ho hi GOSPEL TRUTH dan a alah u ahi kit in ahi.Ajojona leh amahetjing nading Temple ahin sah uva pathen neokhat a ahin houlam ujong het ahitapon ahi.Hindu hou a hi pathen crore 3 um ahi kiti ahi.
Aphat laiya leiset chung a numei melhoia kithang Sophia Loren Italian Actress nu in hitin anasei e,
MISTAKES ARE PART OF DUES ONE PAY FOR FULL LIFE.
English te thugol khat in Experience is the MISTAKES we commit atin ahi. Ithil bolkhel leh gelkhel
jouse chu hinkho ading a EXPERIENCE ahi atio ahi.
