THUCHIH LEH THUPHACHOM
By-Lelen Kipgen
Houlim bol chun ahetsa avel sei ahin, amavang lunglut tah a ngaiya chu ahetna kibe ahi.
Mingol in ageldoh doh asei ahin, miching in vang asei ipi ham akihet e.
Miching toh kilhon khom mi chu aching in, mingol toh kiloi vang chu manthahna khuh-sung’a lhalut tei ding ahi.
Amit-sing jouse a-imu ahipon, amit hah jouse kho-mu ahipoi.
Jong kisan thing chung sang’a konin akhe theiye.
Midang tin-na najen masang in nang tin-na kijendam masat in.
Vutvai nase leh nang maichang’a jong hung nung chuh ding ahi.
Namasang lampi nahet nom leh ahung kinung-le ho dongin.
Lungsat pum’a dingdoh chu manthahna toh nung toulhah tha ding ahi.
Thilpha nabol leh koiman melchih pontin, thilse nabol leh vang koiman asuhmil lou ding ahi.
Ol-tah a che ding kicha louvin din-den ding kicha jo’n.
Miching in thil jouse ahesoh pon, mingol in vang thil jouse ahesoh e.
Thu itamsei teng seikhel ajao teiye. Amavang a-lei kituh tang jou mi chu miching ahi.
Miching kamchang-soh thuchang chu Sana, Dangka sang’a lu-jo ahi.
Lamkai beiyin Sihmi-vom(Black ant’s) te khu akhosa thei pouve.
Sim mei meiya sim hilouvin, lunggil tah in sim leh chun ipi kiseina ahi nahet ding, naphatchompi ding ahi.
Kakipah’e.
