KHAAL TWI THENG
presents
(Love story)
~St kuki
(7085383639)
(Part—2)
Continue….
(Tracking kache nauva ka meichang kamansah)
….hita checking ahinbol jeng phat uchun kei jong mei nathei lai- lai kamei vang chun kamei chang chu agei nalam kahe tapon hita lungkham tah a kaum jeng lai in Checking ahin bol uchu keiphat ahung lhung gotan keiphat ahung lhin konchun akimansah keibou kahitam tia kakigel lai in kakom a ding ka loipa jong chun ana kimansah hiding dan ahin amachu ahin hoidoh tauvin aban in keijong eihin mandoh pei ngal tauvin keini chu kapot khom lhon tan,Commander pa chun kamansah lhon najeh chu eidong lhon in keinin jong hoilai a etih kah a mang ahi kahet lhon tahlou jeh chun ka Punishment lhon ding chun “Cement” bora khat-khat napoh lhon ding ground hi ngavei nahin lheipi lhon ding ahie, atiphat chun keini jong lamkai khat order ahitah jeh chun kahin kipoh lhon in leitoul chu kahin vel lhon tai, hiche ni jan vang chu akiphot val in jan emutji jong aum thei tapoi, ka training lah sung uva ka Punishment mat lah a ding’a ahah pen loi khat chu ahitai.
Hitichun kum ni(2years) training phat in kahung kimang chatauvin, keiho jong chu akham kham in kalo u (Salary) jong ahung lut pantai, kum nilang ahung che phat chun ka training bol u jong achai nalam ahung hitan, kum ni lhin nading ni December chun Suty lhakhat tobang muthei ding dinmun chun ahung umthei tan, kei jong chu Christmas phat toh akito chet jeh chun akiman lou najong ahung sot thim tah jeh chun inn lang hung potding chu katha anom ma-ma tan, training jong kahin chai utoh lhon chun lhakhat ding chun keiho batch sese chu Suty eihin ban lha peh tauve, hijeh chun kei jong inn lang kile ding chun kakigong tai,ajeng a hung kile ding kahi tah jeh chun ka upa chu phone bol in inn lang kahung potdoh ding chu kahin hetsah tan, hiche nilhah chu nomtah in kaloi kol hotoh chun party neokhat kahin bol uvin, training hin kijou a inn lang hung kipot doh ding chu keiho ding chun chamlhat gal kijou abang jeng in cheni lhah chu nomtah in kakimang chauve.
INN LANG KAHUNG LHUN( thinglhang lang kapi kom joh a kaga um chuleh Lhingcha somai kahin mudoh pat)
Jingkah matah in kaum nau Shillong army training Centre chu kahin dalha tan, inn lang hung kile nading chun Guahaty airport lang kahin jon in flight chun inn lang kahin jontai, manipur kahung lhun chun airport a kaupa chun eina ngah in, gari sung’a kapot kahin hengdoh in inn lang kilhung dita tin Vahing kilhadoh bang chun ka gari toumun a saisip kahin mut phei leh, ka upa chun, “talom lom a na sepoy pan nauva saisip cha namut man lou uham?”tin ehin tot in, inn lang jon in kahung kitot phei lhon in bazaar a chomkhat kahung kingapa lhon in insung a naote ding chun ka training sung a kalo shan sun-sun chun neh thei leh von kahin choh peh lhon in, inn kalhun lhun lhon chun ka upa chate hochun emu mu uchun kaban a kikhai loi, katun ton a behloi aum uvin “keiding epi ninchoh peh em” ati sou-sou leu ken jong kathil hinchoh hochu khat -khat in kaban hop pehsoh kei in chapang kipana ahijeh chun lunglhei lhei aum lheh e.
Kahung lhun nilhah ahijeh chun bazaar a bong saa kahin Choh chu ka unu honding chun amachu kapen, keichu kalel val jeh chun ka room lang a kathil keu ho kasep lhan kakimoh jam jeng leh kana emu lha khatan kahung khah leh nilhah khojin chip-chip lang ana hitai, hichun ka upa chun, “mangboi bu min tahio,hung in nedoh tau hite” ahin tiphat chun keijong innlang mae nehkhah lou na asot phat chun ka gil akiel lheh jeng’in, training sung a chula kol ho lah a koi bongsa neh na aum khah lou jeh chun tui tah in ka unu chun ana hon in cheni lhah chin kei leh kei kaki nelih deh chet in, toucha toubut lou leuvin kanedoh e.
Kei ho um nachu phai toul ahijeh chun ema bol ding aum behseh pon, hitichun chapang hotoh kichep loukah leh emut chu hijeng a’hin, hita kaum jenglai in thinglhang lang Saikul lang aum kapi nu chun phone eihin bol in kagah lah leh—
Kapi : Mangboi, nahung potdoh e tithu kaja in epi nabol hija onk hilai achu,hilang a hila toh ding toh hibangse a kiboui a namoh um sang in neihung kithopi tango? Khat vei beh napi kom jong hung phatang! Sepoy ho mong-mong hi nop asah val phat leu ema hephaji talou u!!
Ahin tin,kei chu ephat seitoh e jong kap toh eiham mansah kitpon, hiche thu ahin sei kajah jah chun katha jong ahung nom lheh in, kum sot tahpi epen namun kimu phatalou gamu kitding chu katha athah beh in ahung nom in, hijeh chun kapi jah achun kahung tei-tei ding ahie kati peh tai..
A nilhah in ka upa kom a kagah sei leh aman jong kijen asah lheh kit in hilai a moh um-um sang a Saikul a kapi nun kihu sahding a eihin kou chu apha lheh jeng’e eiti peh tan, hijeh chun kei jong ajeng a che peingal ding chun kaum tai.
Jeng kho ahung vah tan, kakinep nabang chun kapi kom cheding chu katha anom lheh in jingkah matah chun ka bike kaki tol in kapi te umna Saikul gamkei jon ding chun kahung kipandoh tai. Matah a che kahi jeh chun vaikon dontah pung 10:00am dontah in kaga lhung in adang sese chu lou ana kon gam tauvin, kapi chun kei eina ngah in ei lungset jal chun kaneh ding chun thinglhang ahcha eina hon peh in ken jong kipah tah chun kane kit ngal in atui lheh jeng’e (thinglhang ahcha tuidan nahet nom leh ana patep in) ken jong kapi chu ema lah aneh thei aum behseh taponte katin, kangailut jal a ama nehding a kahin choh peh “kenpoh” chu kape in aman jong kipahtah chun eineh peh in kapi chu kalung ase lheh e. Nilhah ahi hin ka palen loukon a cheho jong ahung lhung tauvin eimu mu uchun chebai eibol soh kei uvin, kapa len chun—
Kapa len: ashh!! Mangboi nahung chu akijen lheh bouve, jeng a chang den ding kati tauvin kumlhun changden khohlai nahinto khah hi aphalheh e. etin, chomkhat jouvin ka palen chanu kikim jong ahung vah lut chet in aki nungah sah til-til ahijeh chun eimu mu chun— “heo mangkho, henu!! Kagelsang chun nana thao tana e, eihintin, ei chula kiki tahsa lhinsah keija hiche ahin seichun kahin kho chu mohseh ahie onk!!(haha)….koiman aseingam behseh lou aman elou theh a emu mua hibangse thutah ahinsei chun kakom a um kapalen leh insungmi jouse chu anui lou kaum tapouve..
Eijong akipi lhin deu deu phat chun tahsa hoisah naho akihe pha tapon, lunggel pilhin nalang joh in eima no phat chun nao kikim chu kagah letot in—
Kei: koi Sepoy pangdoh agong nahet khah nah mong nammo? Kagah tikit in, insung mi tetoh nom tah in kakihoulim uvin hitichun kakitot ji-ji uve.
December lhabul lang ahinah lai jeh chun miho chu chang deng chailou lai aum sou-sou nalai in kapalen te jong chun anaki den nailou uchu ahi, jeng kah matah in, kakithou uvin mi guiding ahijeh chun manchah ding ejakai chu louva kaga thah doh masa uvin, an neding chun kahung kile uvin kaneh chai uvin lou phailei munlang chu kahin jonkit tauve, hiche phat lai achu chang den na machine jong hung lhung nailou/akihet phah loulai jeh chun khot a kiden tho a’hin migui nan tha atamlut jilheh e, hijeh chun kapalen injong ana kithalo doh sun-sun mi nga toh kikim loite phabep toh agom in mi sagi vel in chang chu kahin deng(vo) pan tauve , alou uchu sanggam khat leh keh ahijeh chun mi sagi(7) seh-seh voh ding chun thil nom ahipon lel tah chun nilhah khojin chip-chip chun kahin chai nah-nah uvin, bora a kiheng hochu saktiman a hetdoh thu-thu kitding ahikit jeh chun Sepoy bang atiuvin kei kison pi najal chun kachang in achung lang a pang ding chun einganse kit uvin (amaho chunla sepoy pang atijeh uchun alangkhat in ema kasei be nom tapon, kahaibing lou chakheh vat ahie.)…
Numei sese chu khojing peiding ahiphat chun inn lang a kasol tauvin, kei jaonan gollhang phabep chu changpot hapdoh din kaum den tauvin, akipat kon chun numei ho umlou phat chun gollhang phabep chun nat thoh ol nading atiuvin eihin kou uvin epi bepseu ham kiti jukang te anahi dan ahi(kalim chu avet leu hiche ho bol dia chu kilom thouva chu kahi dan ahi) eihin kou uchun jukang ahi kahet phatchun kilep theisah nachun, “ken asan tebou kabol ahe” kahin tipeh in kei chu ol-ol in pot kaheng pantai, (jukha nat thoh ol nalou kiti kahin jah na apat ni anahi). Ahung kichai phat uvin kilung toh tah chun pot kahin hap leu, etoh seimat lou ahat thei lheh nabouve…hichun ken jong kagah letot in, “nang ho pihi epi pain killer don nahi pouve, energy drink joh hibouvin te” kagah tileh, khat chun abon a combine ahe, ejo lang leh bu neh phat leh vitamin kisoh kit ditai ahin tikit nalai set e..atot ham kati leh, inn kalhun uchun abu neh kavet leh alut lheh bouve..(haha)
Hitichun kahung kimang cha jeng in, kaum na ahung sot jep-jep phat chun kakihetpi sopi uleh nao, loi leh pai ahung um sou-sou tan ahile nom kahin sacheh cheh jeng tai. Nilhah khat hi kapi nun eihoupi in—
Kapi: Mangboi, nang lah Sepoy khat nahitan, kham kham a nang ma jong kivah thei nahitan, kivah jong kivah lel tapon nate.
Tin aseinom khat umthim sesun lungthim neitah in ahinsei in hichun—
Kei: ashh!!hepi, epi ham naseigot chu jang pet in seikom in?kati pei ngal tan hichun amanjong—
Kapi: Khaam(salary) neita’a nakum jong jinei pha hita a, ji naneidoh a insung nakisem pan thei hitalou ham? (Eihin tichun kana kawl a athol tapon, )
Kei: ashh!! Hepi epi jinei, chanei nasei hih e hita gollhang hinkho eman leh nomma himem, eisu boui ding lah aum tapon, dongma neiho jong kavet leh ahung kichen jou nung leu ui leh kel abang jeng jiuve, jinei ding vang kadet thei hih beh jeng’e hepi.
Hitia kikam thep sap tah chun kapi joh chu counseling kagah lebol kit leh, kapi chun—
Kapi: Pathen thilgon kipel thei lou hichu,ahintin kei jong chun apet chun epi asei naham kana hepha poi,
(College kai lai a chubang a jinei nompa chu tuhin jinei ding det thei talouvin, koiman jinei ding chun eijol doh jou tapouve.) Hitichun numei hepha louvin khosung a kahung kimang chapeh tan, Christmas jong anai tul-tul tan, tohding thamding akichaisoh tobang ahiphat chun keijong inn lang kile ding kagel thim tan, hitia kileding lung kagel lai in Saikul a dia kaloi kakigop theipi pen kaloipa mangpu chu ahung vah lut in kingailut nan jol kakitiji lhon in, ama ahung valut chun eihin kouvin— jol, hilai a Christmas jong mangden jeng tango!! Nang naum leh anom e kitia..ahintin, nom mo kasah thim jeh chun ken jong , “jol nithum tobang umbe nange” katin alungnop mo behseh jeh chun nithum nichong ding chun kahung kisei lha kittai. Ka jol pa chun—
Kajol pa: jol, khuta cheding nakisah tah mong ahitah le, hung in kholai leng din gavah jep hite ahintin, (kei jong chu kakigel gel leh kholai beh potmasang in gaki leng jep hen katin) kilung toh tah chun keini jol cha chu kholai lengdin kapot lhon tan, kajol pa kisah dan chu hoilai hamkhat a eipui got toh akilouvin, kenjong—
Kei: jol, ahihih’e nakigot dan vang thilkhat aum kei e hoilai cheding a nanung nei hiti kijui sah hitam? Kagah tileh,
Kajol pa: thipmo jol, kanung hinjui thim-thim in, ken naman nading bol ponge ahinti kit in,(anung chu aseima bang chun thip chet in kajui tan, lampi chu kahin jot jeng lai lhon in)
Kajol pa: tunilhah hi nang adia lhavah kihon nilhah hiding ahie jol, kakho sung uva dia nungah melhoi pen leh akitup pen, umchan khanchan , hepen amakom a kapui nahie, akam nem val in mi ahel din kholai leng a ache jeng uvin, hinlah tuchan hin koima anop peh naipon nang dao ega vet ding ahe ahintin,(eichula nungah kiti jol kit tah loudia kana kigel chu ahitan, hinla numei te inn chan kajol pan eihin lhut phat chun keijong alou theilou chun epi hileh kive phot hen kati tai.)
Amun kalhun lhon chun, ka jolpa chun numei nu chu “Lhingcha! Lhingcha! tin amin in ahinkou in,(amin Lhingcha ahi kahetan) polam apat kakou tho lhon jeh chun amajong ana kiseimo hintin, hung lut aw ahintin, keini jong mi hijat in ana hel a ana heldoh joulou chu kagah gel lhon leh Kisong lel tah chun insung kitchen room a’chun kalut lhon in ahile Lhingcha chun kiseimo tah chun bu ana kihon nalai in, nampon jolsel akiven, tapkong phung a kiseimo tah a bu anahon pet chu kagatoh khalhon tan, kajol pa seisang chun ahoi lheh jeng in thinglhang nungah kitup tah khat ahi chu kahetai(nungah kitup leh kitup lou chu aum chan, akhan chan, akivon dan in ahina jouse aphonlhahji ahitai) amelhoi leh adong hoisil-sel jeh chun kave chim thei tapon vetnom nom aum lheh tai,(Ka college kei lai injong amatobang numei kitup kana hekhapoi). Ama um nalang a’chun kache lhon in Lhingcha chun eimu mu lhon chun kei eihet nailou jeh chun, kajol pa chu ahin koudan ahin, “Umang” tia ahin kou chu kamin lhon aKibah jeh chun kei jong chun kei eiki Kou kahisah in “hoi” katiman vang lah e, hinlah kaloipa chun ahou masat ahiphat chun jachat manchun kei chu kamoh nui tan, Lhingcha kom achun touding chun kache phei lhon in, lhingcha chun kaloipa(kajol pa) jah achun—
Lhingcha: heu, mang kilom mo san in nahung vah lut lhon in hung tou lhon aw cha hin om inge. atin, (akiseimo lheh vang chun jin jen dan ejakai athep toh kam nem heu cha mi ahoupi hochu lunglhei lhei aum lheh e.)
Kaloipa: (kaloipa chu akihe jep tichun, frank thet chun) ahie bah, hin om ngot aw ahintin, kei chula Lhingcha umchan, khanchan mihoupi dan emajouse athep jeh chun ja-ja aum in, kale kiphat lam doh tai.(keichu kajong e katina ahipon,numei chu mikitup, hamdan them ahile mijong jeng jong akiphatlam sah thei e tihi adih nakhat aum bouve), Hitia aum chan kavet jeng leh chomlou kah chun tapsah akon acha om minsa chu ahin domlhan keini donding chun eihin sun peh lhonne, keichu kaham ngam behseh tapon kaloipa chun atotji ji in keichu angai in kapan lotai, hichun Lhingcha chun:—
Lhingcha: ahile, heo mang(kajol pa aseina) naloipa hi hoilai ho na? Amin epi hija kamu doh khamo nae.
Ahin titan amajoh in eihin doh chu alang khat nan numei kakikal lhah sah nompon, hijeh chun kenjong kikamthep sah tahchun—
Kei: keimin jong Mamang@mangboi ahie, kaloi pa toh jong hin kamin lhon akibah jeh a jol cha kahi lhon ahe,tin kingam pilsah tahchun kamoh seilhah jeng tai, hiti chun acha omcha chu kadon uvin kahung kihoulim lim doh tauve…kahung lo najeh lhon chu seiding chu kale jachat joh tan ol in seitange tin kaloipa toh chun kamit sih lhon in kahung kihou lhon tan, hichun…..
Aban anangah kit ute..
Upcoming: Kajolpa toh keidia lhingcha kahin jol lhon chuleh, Gouris kiti khosung gunda patoh kahung kiboui u..enasim kit diu ahitai.
Alhing a simnom jeng hon achung lang a contact no akhun comment hinbol jeng uvin..
Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
