THUSIM TAH TAH
~ SMARTMYN DOUNGEL
Vadung twi, kiti hi mihem ma dingin kihinso na thei thil tampi hung kon doh nakhat ahije,hibang chun mitampin, nehkihol nan amang ngin, abang khat chun , haodoh naleh inchen na a neijong aum dapon ahi. hijeng tajong leh mihem kimkhat dingin, thina thei vadung ahikit jin, hita bang chun, mihem kimkhat ding chun, lungdon tijat naleh, insung mi ngaicheng khen na kolni aso doh sah kit jin ahi.
Masang lai, kum 1983 khanglai chun Nagaland gamsunga eimi kho khat nahin thil kidang tah khat ana soh in ahi.
Nagaland gamsunga hin, vadung twi khat Diphu kiti ana um min, hichi Diphu vadung chu vadung lentah anahin, diphu vadung nga hin, Jailo kiti vacha neo khat hi ana longlut nin ahi.
Hinla Jailo kiti vadung hi neocha anahi jeh in twija gahkijap nakham ahipon, ahkhomit chan pha bep vaneo anahin ahi. Hijeng tajong leh Diphu vadung hi alen nin , thuh jong athuh in hijeh chun, twija lip twi kijap nom nungah chapang gollhang chapang hodin vet lel2 aum min, hichi twija hin aga kijap ji un ahi.
Diphu vadung hi thusim neisa ana gimnei sa khat jong anahi je, Hichi vadung hin nungah khat jong ahinkho ana latan, hiban na jong “Bihara” nucha nin hichi vadung ahin pal galkai got hon laijin, achapa vadung chu agalkai tan, hinla vangset umtah in anu chu galkai jouta louvin vadung lailung nga chu a oh den nin ahin kho ana beilo tan ahi.
Hichi thilsoh jou chun, gal leng nupi khat hinkho anala kit nin ahi.
Masang lai chun nagaland na maova kiti kho khat nahin, nu ngah melhoi tah khat ana um min ahi, ama nuhi anu ngah hoilai tah ahin vet nom2 aum lai tah jong ahije, hichi nungah melhoi nuhi aloi agolho vadunga aga kijap ji uchu ama jong ahung tha nom tan ahileh, nikhat hi agoltehon hichi Diphu vadunga hin kijap dingin ana puitaovin ahi.
Hijeng ta jong leh hichi nungah nuhi agolte banga twi ajap theipon, hijeh chun diphu vadunga chun aki jap ngam tapon aloi ho twija akijap mu chu twi panga avet tho tan ahi.
Hichi akijap na kom muchu vadung ni kisuh to na ahin, Diphu vadunga chu , Jailo chu longlut ahije..nungah nun jong Diphu vadunga la ki2 jap ngam lou twi aso kit toh bon nang hikit nalai set, Jailo la neoval adon don toh ahkho mit chan bep, twi jong chim atin, Jailo vacha neo va chun akeng akisil lin, song ho ala khom min twi chu athuh jep nadin ating tan ahi.
Khup chan pha atin doh phat nin, tuilah achun atou tan kong nga twi athal lin akibuh khum tho jin hinla aloiho diphu a akijap chu aven athang asen ama jong aloite bang2 a agah kijap got jileh, chomlou kah in Diphu vadung lang chu angan alum ji tan ahi,
Minutes nga jouhin aloiho chu akijap khop taovin twilah akon ahung pot doh un, nungah nu kom ma chu ahung taovin ahileh, numei nuchu twi lah achun ana lum min , suh lang anga in, aloiho kom chun kalu chang anai tin ahin sei tan ahi, hichun aloihon akai ding ngu vin, inlam jon nin ahin pui taovin ahile, lamkim ahin phah uchun nungah nuchu a oi apoh cheh2 jengtan ahi, aloiho jong atija behset nuvin, inlang ahin delpi taovin ahileh, in ahung lhun nuchun, nungah nu chu alo pan tan ahileh, akam ma kon nin twi neh bon nang keoseh alo doh2 jeng tan ahi, hichun aloihon tinkong ado peh taovin ahileh tinkong dimset chu twi neh alo doh in hichi jouchun, nungah nuchu ahai nahu abeijin athi tan ahi.
Hetding khat chu nungah nuhi twi chimset “Jailo” vadung neocha mun na kijap ahin, hinla a twi loh doh ho chu diphu vadung twi ngenset alo doh in , twi jong chu bon nang ahikit nin ahi. Aum dan chu diphu vadung nga cheng ten hichi nungah mel hoinu chu alah u tidan ahije.
Mihem hinkho vang hi jingdai twi bang bep bou ahin, hijeh hin edam laipet, hinkho enei sungu vahin, eisem pa Pathen geldoh kiti hi manlu pen ahi.
**************************
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
