HEGOU HAOKIP
-883706766
Sijang Village, Kangpokpi District Manipur
TOPIC: THILPHA BOL IN
Bible text: Psalms 37:27-28
THUMAKAI: Thillpha bol akiti tengle hilou tina ahi.
Thilpha bol hi mijousen abol nom in ahivangin koiman abol theibeh pon ahije. Mihem in Pathen lungdei lambol chu thilpha bol tina ahi.Thilpha bol kiti hi asei nom in abol vang ahah’e thilpha bol hi min eikom a abol ding, eiman mikom a bollou ding tihi idei uvin ahie. Thilpha bol doh mi alhom in ahie. Min An neding, milungdong pet a sum nato, mi lampi helou nasei peh, mi na taopeh jong chu abon a chu thilpha bol akiti’e
THILPHA BOL HI KHONUNGA DING AHI
Thulhun luilai ah thilpha bol mipa Mordicai hinkho thusim a kon ah chomcha ana kitikhou ute.
Pathen lekhabu theng sung Easter lekhabu hi ivet lee Mordicai in lengpa kom a athilpha bol imu uvin ahie. Hiche mipa Mordicai hinkho a lhagao hinkho a jildoh thei chu ahile. Thilpha bol hi khonunga ding chule vangphat na ahin, thilpha bol jeh a koima akisih aum nai hih in ahi.
Thuhilpa 11:1 chu ivet le na changlhah chu twi chunga seplha le chun nikho tamtah joule naga mudoh ding ahi ati’e Hiche hin aseinom pen chu ahile Thilpha nabol chu abang apet pet a abang chu nikho tamtah jou khang li khang nga geia ahilou le achate khanga jong akimudoh theijin ahie. Ajeh chu sopite ho thilpha bol nah a pontho jeng ute.(Gal 6:9) Thilpha bol jeh a koima akijum so aum nai hih’e na thilpha bol chu koiman ahetlou amulou vanga lhadai go hih o thaset nan jong nei hih beh in. Na thilpha bol chu mihon hehih jong let muhih jongle Pathen in aum nai’e Pathen in thilpha bolte dingin thilgon anei nai’e (Jer 29:11) Lengpa athi ding sa mordicai in ana huhdoh chu apet pet in koiman ahe doh pon ahi,lengpa kisan in jong ana hepha hih’e ahinlah khonungin kum tampi chejou nungin phat masa laiya Mordicai in achunga athilpha bol lengpa chunga chu lengpan ahin hetdoh phat in Mordicai jeh in anam mite jong huhdoh in ana aum uvin ahiye.
Chu jongle Rahab noti nu jong chu cannan gam velhi ah hung ho chunga thilpha ana bol jeh in jericho khopi kisuset nikho in huhdoh in ahije. Tuni geijin jong Rahab insung mite israel lah ah achen den ta uvin ahije.
Mordcai jong athilpha bol jeh in thina ah kon in huhdoh in ana um in, chu jongle Rahab niti nu jong athilpha bol jeh in ama jong thina dinga kon in ana huhdoh in ana um’e
Thilpha nabol chu midang nakipa sah chule Pathen jong kipah nang jong na kipa ahije. Sopite thilpha bol ah pontho jeng ute. Hijeh chun thilpha bol nahin sot ding ahi ati in ahije. Pathen lekhabu in jong, Thilse ibol le kihing sot lou ahie.
Hijeh chun nathan ajo laisen thilpha bol in..
