By: Anonymous
Sopite, igamsung uva ” thilha paipeh aleng’e “. Thilha paipeh ahijeh’in apo po hi “thi ahi”. Ipu ipate seidan in thilha paipeh hi “anukhah pen pen in apohji ahi”.
COVID-19 jeh’a sum le pai hung hah cheh ding, gucha michom chule phatlouna jong hung sang cheh thei ahi. Alphabet aval doh them a kon a jong “Thingnoi Group” thah hung kisembe kit thei na lai ahi.
Sum le pai ahahsat jeh hin, lhepna hung tam ding ahi. Tun jong “Thilha Paipeh po Lom” English a iseile “Get Rich Soon” or “Investment”. tamtah aum doh in mi ijat ham khat jong Paipeh po in apangtai.
Atamjo hi Kolte’n Meilhei Pangngal ho ahin lheplhah uva amaho’n eiho eingol bol kit uva Paipeh po a ipan ji ji u ahi. Natahsan lou le tun jong veuvin, Investment jouse hi Kolte le Meilhei ho pat doh ahi.
Marup/society/Self Help Group (SHG) kiti ho chu asetna aumpoi. Tua Business/Income Generation umlou hel a 10,000 nakoi le niseh a 100 namu ding kiti chu “Eden a Satan milhep joh chu pha nalai ahi“.
Nei le sum le pai hi Pathen a kon ahi. Inchen ninglhing set a inei diu jong ama dei ahi. Ahinla “thilha paipeh” poh a inchen ding vang Pathen dei ahipoi.
Kamit tah in lamdih lou a sumhol thempa khat kahei. Maltong hou kisei bangin ani khan tho jeng’e. Ahinla Nilim kiheibang’in, apul lha jeng jung un nei le gou keu hilouvin a mihem jong apul lha gam in akichai pai tai.
Tohgim lou a “haogang chal ding natile naguh tho ahiloule mi natha ding ahi”.
Investment kibolna a koima kajoulhep poi, koima kathatpoi nati mai thei ahi.
Ahinla sumil hih’in.
Thilha paipeh po “Lom” lah a jao nahi.
Amasa langa napan jeh in navang aphai. Ahinla “athiho khu ahingho’n atha ahi”.
Tonggim lou hel a hao ding kiti chu Pathen Dan thu toh jong kitoh lou hel ahi.
Hijeh chun “ihao diu Pathen dei ahin, Pathen dei bangin hao ding ngaito u hite“.
Pathen deibanga nahao lou le nahaona jong Nilim kihei bang ding tuni nahao ding jinga navaichat lai sanga khoh jo a navaichat ding ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
