Home Gogou Chongloi THILHA NUNGAH NU-III

THILHA NUNGAH NU-III

291
1

Thilha Thusim

Final Episode-III

πš†πš›πš’πšπšπšŽπš— π™±πš’- π™Άπš˜πšπš˜πšž π™²πš‘πš˜πš—πšπš•πš˜πš’
(7219368064)

\HINKHO THUSIM//

So masat banjom

Kalungset neocy toh keinin jong loulai jon in na katongpan lhontan ahi.Kana toh namun lhon chun akidai toh natoh kakop lhon in ahile neocy chu atot them in hijehchun kanui lih dehdeh yin ahile loubuh a um kaloipa lenpu chun kaum Chan ave in angol in eikoitan ahi. Neocy chu kaloipa lenpu in amuthei lou jeh chun keichu kaloipa mitmu a achang a kihou chu kahi dapveh jeng in lenpu dingchun mingolpa kahitan ahi.

Suntou jong ahung hitan neocy chu kapuiyin loubuh a cha kaompi in ahile neocy chun heu-min ken om inge atin aman cha ahin omtan ahile keichu kanom kit pon neo ken om nange nang kichol in tin kahinseitan ahile kaloipa lenpu chun baii koi neo nati jing koiham??

KEIMA: baii kakom a tounu hila Kati leh kaloipa chun najang lah a nakom a tou naseiham? Nangpa hi agangthei penna na khou nache doh loule nagam lhaiding ahitai. Eiti pehtan ahi.

Hichun neocy injong heu-min ken cha om Inge tin eisondoh tho in chabel ahin dop leh kaloipa chun chabel kidom bou amu theiyin neocy chu amuthei tapon hichun kaloipa lenpu chu atija var jeng in apentoh tho in loujao achun ajam tan ahileh kaloipa umchan chu neocy to kave lhon in kanuisat lhon in kanui lih dehdeh jeng lhon in ahi.

Langkhat a kei kho hepha talouva kanui ji a neocy komma kaumma nom kasah lheh vang chun neocy in kalhagao akilah nading naicha ana hitan ahi. Hiche nia kipat chun kaloipa lenpu chun amutheilou thilha toh kilungsed ahitai tichu,”ahe dohtan ahi. Nilhah khojin ding ahung nai phatchun neocy chun heu-min neihung thah o tin ahinseitan ahi.

KEIMA: Nao eti kahung thah dingham?
NEOCY: Heu-min namit khatvei sing in tin eisin sah kit in kenjong kagah sinleh second thum jouvin neocy chun Heu hah doh tan ahinti in keijong aseibang in kahah dohtan ahile kamasang a chun car hoitah khat lampi lamlen paka-road nomtah khat lamlhong invana kinga in hichun neocy injong heu-min hiche car a hi neihung thah ding ahi. Tin, car chu eitol sah in kenjong car chu katol in neocy thah ding in kache lhontan ahi.

Chomkhat jou pung 30: Minute’s jouhin neocy chun lampam a gari chu eingah sah in hichun kakum lha lhon in neocy chun heu-min hiche laimun a kon kei cheding kahi tai. Tin, khatvei eihin chop in neocy injong heu-min car chu kitol inlang kinungle tan eihin tipeh tan ahi. Keiman jong nao hiche car a kaki nungle leh loubuh sunga etouna chu kalhun thei dingham? Tin kadonbut tan ahile neocy chu ahung in kamit chu second thum hotabang agah sip in ejou a ehung kipat dohna munchun ding in atin hichun neocy injong chetan eiti tan ahi.

Hichun keijong neocy in aseibang in car sung’a kahung toudoh in Kahung kiletan ahi. Neocy seibang in kahung kipatdoh nalhon amun kaphah chun car chu kakham in kana dinna chun kadingtan ahile hutkhat in kahung limdoh jeng in ahile hoilang paka-road malah in kalou gena lounah lang in nangpon lah ho lah in kana um in kalimdoh chun hutkhat in kanop sah na chu amangdel jengin ahi.

Kenjong loubuh kajon in ahile kaloipa lenpu chu lupna Chung in ana lum in kei eimu phatchun ahungthou doh in bu ahin hontan hichun kaloipa lenpu chun kakom in-

KALOIPA: Baii, naum chan danhi muthei lou ho toh akivop to nakiloutai kathusei hi dih hijaham?

KEIMA: Baii atheng theng in seileng Koima komma vang seidoh hih in thilha nungah khatto vang kakingaije katipeh tan ahi. Hichun kaloipa lenpu injong thilha nungah khatto akingaije tichu ahin hechen tan ahi. Hinlah thilha nungah khat Kati vangchun neocy minchu kapha poh pon ahi.

Langkhat a kaloipa lenpu kom a thilha nungah khat to kaki ngaije katijou a kipat neocy jong keikom a ahung khata pon ahi.

Hinlah neocy hung ding chu kangah jing in ahile nithum jou injonk eihung kimupi tapon ahi. Hinglha leh thilha chu tahsa chengkhom theilou hijong le neocy kahin ngaitan amel kamu nom lheh jengtan kakom a hung inte ti kinem in kangah jing in, kalunggel bang ahita pon neocy kangai var lin umji touji aumthei tapon neocy ngaijin genthei tah in hinkho kamangtan ahi.

Langkhat a neocy chu kadongma kakingaipi ahijehchun nikhatle hung inte ti kakinem in hinlah sei theilou injong ahung ahung lou akiseithei tapon ahi. Hijongleh kenvang kisonglal pum in kangah jing nalaiin ahi.

Neocy kangaijeh in anle tuijong atamjo in kaneh louna jong aumtan nisehle kaumchan chu kaloipa lenpu in aven ahile kahinkho chu agangthei chan a kakijen sah angaitah jehchun kaloipa lenpu chun inlang a kain kote ahoupi in ka inkote akou phatchun hiche nijan ka emut lhon jou kaloipa lenpu aki lhim imut leh neocy in eihung kimupi tan kamit kagah sin a kahadoh le kamailaitah chun neocy in eihung kimupi to phatle city sung abahji jehchun mitphet kahlou in neocy thahdia kache nia kakikhen lhonna mun a chun kana imu in keijong hichun kahung khah doh in ahile neocy mel kamulou vang in neocy ahunge ti ka hetan ahi.

Hinlah neocy keikom ahung vang in alim le mel eimusah dehpon ahi. Hichun neocy kahin holtan ahile munkhat in asaguh keo in ana ummin vejong ve ngamlou in einung ngat in hichun neocy injong He-umin neihin nai hih in kajah acha ae saguh keo a um kahi tin akap in ahi. Neocy sagoh keu hijong le kajachat pi pon sagoh keu a aum chu thupi kasa pon ka ah sangkhol khat kasut lha in ka ah peh in kangai var jehchun mitlhi pum in kakoi tan ahi. Hichun neocy akalai kalhembi in katoukhom kit lhontan ahi.

Neocy injong Heu-min tin, kappum pum in eihin kouto vet kitho in neiki chenpi louleh katha ding nahi ae. Tin, ahung ding doh in eidalha tan ahi. Neocy in eida lhah jouchun kalupna mun a kahung kingkhang in ahile neocy avella hungta ponte tin kagellin guh in kalhi long khovahtan ahi.

Jingkho ahungvah jou natoh kipat toh kitoh in inlang a ka inkote ahung un inlang a din eihungpui taovin ahi. Kaloipa hin ka inkote akoulam kenvang kahetphah lou ahi. Hichun kaloipa lenpu chun kanu leh kapa kom in kaloipa hi agangthei pen in louthem aithem ho jensah loiju hite tin aseitan ahi. Hichun kaloipa jao nan loubuh a kon inlang kahin jontaovin ahi. Nilhah in kaloipa Inna alutpa in sum ala in hitichun ahung Kei hoto lhon in kakhou kahin jontaovin ahi.

Hiche nijan injonk neocy ka janmang in ahungkilah kit in nidang a eihung kimupi toh abangta pon ahi. Kamangchun neocy in kakom in Heu-min eki lungsed nahi alam lhung lal khah nabang aum khah leh natahsa katha ding Nalhagao keito kichengding ahi. Tin, asei in thudang seibe talouvin amangtan ahi.

Jingkho hungvah in kanu le kapa Chule kaloipa lenpu ahin kabon un motbung lang a eiyen theiding mikhat komma eipui taovin ahi. Hichun upa khat in eihinjenpat chun imajouse ahdoh paitan eiyen pachun kanu le kapa kom in nachapa hi hinpui gei jep leuchun alhagaohi thilha nungah khat in akipui ding akichenpi ding ahitai. Atin aseitan ahi. Kanule kapa chun Ipi kilo leh phadingham tin adonglhon tan ahile eiyen pachun amahi ajiding khat holpeh unlang hiu vin hinlah nachapa hi avangset leh damdoh joulou va um ding ahi. Atipeh tan ahi. Hichun kanu le kapa chun adong kit in kachapa lhagao kipui ding nungah nu chutoh Kahou pi thei dingleh neisem peh in inlang kakihoupi theidingle kakihoupi dinghe tin aseitan ahi. Hichun eiyenpa chun kanu le kapa kom in hiche thilha nungah nu hi amajong masang a chun mihing ana hi ahin,” ahinkho thusim lungset umtah ahinaban a akilungsetpi adongma pa toh hin nachapa hi alim le amel akilo jetna amunia kipat aki voppi a akingai dohsah ahi. Tin aseijin ahi. Tun ajiding holpeh unlang hapta khat joule keikomma hinpui kit un chuteng Chule aban ajenji umthei tante.

Nachapa hi Avangphat a nungah nuhin ada lhah ding jonkle nachapa komma angaichat khat um ding ahi atin eiyenpa chun asei be in ahi. Hiche jouchun inna din kaki nungle kit taovin ahi.

In kalhun jou un insung mite kihoutoh in kapu chanu amin Neicy kiti khat kaji ding a athumdin akigong taovin ahi. Akigot na bang un agangthei pen in ache un kichenna ding nikho jong atep taovin ahi. Kapu chanu neicy toh kicheng dia insung miten kitepna aneijou u nilhah janchun kalungset neocy in eihung kimupi in kakom in na insung miten eini kilungset na akhen dingjeh un naki chen nilhah lhon joule natahsa kahing talouding ahitai. Tin neocy chun eihung seipeh in amangkittan ahi. Neocy potdoh jou nung in kanu le kapa kom chun neocy thuseichu kaseidoh tan ahi.

Jing nikho in eiyen jipa kom in eipui paikit taovin ahi. Hichun eiyenpa chun gaovin neocy akimupi in aki houpi tan ahile neocy chun eiyenpa kom in kahinghoi louding ahi. Anti pehtan ahi.

Hichun eiyenpa chun kanule kapa kom in thilhanu anom tapoi. Nachapa hi ahinkho alah teitei ding ahitai. Tin aseipehtan ahi. Hichun kapa akap in eiyenpa kom in gaovin keito numei nu neiki mutopi sah in atitan ahi. Hijehchun eiyenpa in neocy toh kapa kimu theina ding agon peh in kapa jong kap pum in neocy komma ataotho tan ahi.

KAPA: Boi, kachapa hi insung a dia chapa khatseh a kanei kagou, manlupen ahin lungset tah in ahinkho hi neihing hoipeh teitei in tin kappum pum in ataotan ahi. Hichun neocy injong kap pum in kapa kom in-
NEOCY: Hepa natao na leh naka nahi kave joupoi nachapa hinkho kalah talouding ahitai. Tin neocy chun kapa komma aseitan ahi. Neocy injong kapa komma-
NEOCY: Hepa tunni in nacha nu in nakomma kangaichat khat aummin hiche hi neibolpeh jou phat leu kenjong lung oi pum ka umin hi kadalhah ding ahitai tin neocy in kapa komma angaichat khat ahin seitan ahi.

Kapa injong anopeh tan ahile neocy chun eiyenpa toh kapu chanu neicy toh laloipa lenpu toh kabon un Iki mu masat napen nikho a kana kana mun chun hung uvin kana ngading ahitin keikom in aseiyin amangtan ahi.

Kenjong kanule kapa kom in gari tol inlang sinakeithel lang a Molsohoi khoto noija komhom umna munkhu cheu hite tin kaseitan ahi. Hichun keihon jong neocy to kana kimuto masat penna munchu kajon tao in ahi. Amun kalhun phat in neocy jong kana muna munchet in ana ummin ana kap in ahi. Hichun neocy in kapa chule kaloipa keiho thumchu eipui yun ahile munkhat a hin leiset chimlha tabang munneo khat ana ummin hiche munchu neocy in aKhut a akoh in Heu-min hiche leihi laidoh leuchun kadongma pa miphalou hon avuinao namudoh diu ahin hichu napoh dohdiu phate cha kakhou lhanmol in neivuipeh un hichehi nanaonu in kanagichat ahi tin mitlhi pum in kakom in asei in a ma jong amang kit tan ahi. Hichun kapa to kaloipa pum in kakitho un neocy in aseibang chun kalai taovin ahile mihem gu kalaidoh un hiche gu akilaidoh chu phate Chan plastic a kachun un jankah in neocy te kho lhanmol a ajan mama in kana vuidoh tao in ahi.

Hichun keiho jong akvuidoh jouphat un inlang a din kahung kile got phat un neocy in eihung kimupi un kakom in Heu-min lhahna thilkhat kapeh nomme tin, in nalhun phatle nalupna table chung’a kalungsed penpa lim kakoijin hiche lim kakoi khu ana kichin jingta onk keijong chetange tin mitlhi long chutchut in asei in kaki ka lhon in hakap in kakapden lhontan ahi. Hichun neocy jong amangtan ahi.

In kaga lhun phat un neocy in aseibang chun ka room table chung’a lim aseichu kaga vetaovin ahile ana umtah beh in limchu kavet leh kalim le melto akikhet na aumpon masang a Neocy te Inna adongmapa lim kamu to akibang in ahi. Kapa chuleh kaloipa ahin kalim lhon kilou asa soh keiyun neocy chu thilha hita jongleh kapa’n vang a oimo dehpon ahin laija ahinkho thusim dingdan ahet jehchun alungset lheh jeng in ahi.

Hiche jou a kipat in eiki musah khata pon langkhat a ka insung mute thilgon bang in kapu chanu neicy toh kahung kicheng lhontan ahile keini kichenjou phat in nilhah jankhat chu eihung kimusah in kakom a kipa thu aseijin chale nao tampi hing inlang Christian mipa sinthei um christa mipa lolhing hung hitan tin eiphat theiyen amangtan ahi. Hiche jou kal avellin Neocy kamu tapon ahi.

Thusim chu aki chaitai.

“THILHA NUNGAH NU”
Thusim chu hichan in akichaitai. Abul a pat achaina gei hinsim jouse Chung in kakipah in asimjouse pathen in phatthei bohta hen.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleKHOJIN A KICHATPHAT LEH PATHEN A UM E TI AKIHAGELDOH PEN E – Aribam Shyam Sarma
Next articleKASAHEI PAHHOINU-V

1 COMMENT

  1. Angei in nathem lheh e , che kal a kadoh nom khat aum in hiche chu ahileh , Hiche Thusim hi AtahΒ² thusim a kon kiladoh ha or fiction ham ti kahet nom e Pu Editor πŸ™πŸ»

Comments are closed.