Home Gogou Chongloi THILHA NUNGAH NU-II

THILHA NUNGAH NU-II

272
0

Thilha Thusim

Episode-II

πš†πš›πš’πšπšπšŽπš— π™±πš’- π™Άπš˜πšπš˜πšž π™²πš‘πš˜πš—πšπš•πš˜πš’
(7219368064)

\HINKHO THUSIM//

HICHUN KALOI HO LAH A APAM POTPEN PACHUN KALOI TENI CHU AKOUDOH IN AKIHOU LHI CHULCHUL UN PAOBUT BEHSEH LOUVIN CHETAO VING’E TIN AJAMTHO TAOVIN AHI.

Kaloipa lenpu to keichun imacha thilsoh kahedoh lhon naipon ahi. Hiche jouva kaloi mithum hon eida lhah jou nung chun kaloipa lenpu chun Neocy kom in thukhat adongtan ahi.

Kaloipa: Neo,” sangkai a koite khu nahiu ham??
NEOCY: Heu len sangkai a letkholun chu nahet em??
KALOIPA: henge Kahe e gari accident a ana thipa chu nati ham??
NEOCY: henge heu len ahi e kapa gari accident a athijou chun kanu jong ana thitai. Keihi imphal a kapu te in kanule kapa athi jouvin eina umpi un keichu gampam a lekha kana sim in hiche kaloinu tohin imphal kapute umna khongsai veng a kon kahung kihetto lhon ahi. Tin Neocy chun ahin donbut tan ahi.

Hichun thudang in kaki hou lim kit taovin ahile janjong ahung sot deu tan neocy chun kaloipa toh keini komchun Heu len janjong asottai keini jong chetange atin neocy le aloinu acheding phatchun lamkim geibeh gathah hite kaki ti lhon in kaloipa lenpu toh neocy chu kaga thah lhon in loubuh kahung kinungle lhon in lupna kakisem lhon in kicholto gommin kakihou lim lhontan ahi.

Jan in neocy thusei chu kagelle kaki muto lhon apatni a athusei toh chun kaloipa komma athusei chu akitoh tapon kalung opkai tan ahile kaloipa lenpu chun baii neocy thuseichu adih theilou khat a um’e eiti pehtan ahi. Kenjong baii Ipi thu hita kati leh kaloipa chun ejou a neocy in asei letkholun chu kahet mi ahin ajinu minchu lamboi ahi. Kum masa lang chun kei lou bolna sahlang khun kani lei ana bolji lhon in chanu numei khatjong anei lhon in phat chomkhat jouvin imphal a kon ahung naovin gari accident in ana thitaovin ahi.

Athinao jong kum masa bep ahina laiyin achanu geija thi ahitai. Eti danna kum masa bep hina laija letkholun chanu chu etihkah nungah aphah theiham amaho inko toset jeh a athini kho’u chun keijong thivuijin kaga jaove a inkou va thi hitalou ham?? Adihthei loukhat aumtai. Tin kaloipa lenpu chun ahin seitan ahi.

Kaloipa lenpu chun hitin jong aseitan ahi. Baii kei lunggel a chu kumlhun kani att geija umdia kana gel ahin hin lah thil umchan danhi adihtheipoi tu hapta sung hin neiki thopi inlang hapta kitleh nangjong kinungle tan eitipeh tan ahi. Jingkho hungvah in kaloipa to matah in natoh kakipan lhontan ahi.

Hitia na katohjing lhon laichun hetman louvin kanung laitah chun neocy in eihin phonking in ahile kaking var jeng in apentoh thon kadinna mun a kon chun kalhuden jeng in ahi. Ka umchan chu neocy’n ave in anui lih dehdeh jeng in ahile kaloipa lenpu chun eihin dellut in kalhuh na a kon eikai thouvin Kalujang hochun tui eichap khumkhum in kaloipa chun Ipi ti nahim? Eitin eiloh lele jeng in ahile kenjong kadon but thei tapon kakam eiki sippeh a bang jengtan ahi. Chomlou kah in buhsung a eipo lut in buhkot kaphah lhon chun neocy chun lounah lang a kon bye2 eibolla akhut ajapchu kamu mangphel phel in ahi. Lupna chung’a eilup sah chun kho hetalouvin kana imu miltan ahi.

Kenjong kho kahin hetdoh leh nilhah lang khojin kon ana hitan ahi. Hichun kaloipa lenpu chun ipithu um ham? Tin eihin dongkittan ahile kaloipa thudoh chu donbut ding tia kagot chun kakam kakeh theitapon kapaothei tapon ahi. Hichun imacha seithei louvin kaum tan ahi. Langkhat a hiche nikho a neocy in eiphon king jongchu kaloipa lenpu chun imacha amutheilou dan ahitan keibou in neocy chu kamuthei ahitai. hiche nijan chun anjong netalouvin ka imutan ahile janmang khat kaneijin ahi.

Hiche nilhah kajanmang chun mol sangtah khat chung’a kana touvin ahile mei akaiyin nilhum dingkon bangkhun khohui akaiyin lunghel nan kadim in apet chun kalunghel tan hiti a lunghel pum a katou laichun kakom in neocy ahung in ka komma atouvin
NEOCY: Heu nakomma thukhat kaseinom aum e…
KEIMA: Ipi thu ham? Seiyin?
NEOCY: Heu nang kahin mu nia kipatchun kadongma pa mellin kamu in kahin lungset tan hinlah numei kahijeh in ka seidoh ngampoi. Tin neocy chu akaptai.

KEIMA: Neo i-dia kap a nahim? Nadongma pa chu tua hoija um hitam? Tin kadongtan ahile neocy jong kap pumpum in Heu kadongma pa chu miphalou hon eina thapeh taovin ahi. Tin eiseipeh in akap tan ahile neocy umchan chu kave jouta pon athusei chu kavoujang natpi lheh jeng in neocy chu kakoi in kadip dam noijin kaki ngaisah in kalhem lungmong tan ahile

nilhah khojin kon ahung hitan hichun neocy injong kakom in heu nahin ngai lheh jongleng kikhen louthei ehi poi. Nidang leh kimuto kitta hite kapi le kapu in eina ngahlal tante atin ache tan ahi. Neocy jong molpang alep dingkon hin ahung kinunghei yin akhut in bye2 ahin bollin molpang alepmangtan ahile keijong kalupna a kon kahung khangdoh tan ahile nilhah anneh phat anahitan ahi.

Aum danhi keihi kalupna a kon thou talouva kana imut nilhum keija thodoh joulou chu kana hidan ahitai. Kahungkhah dohchun kaloipa lenpu chun tija pum in baii e nati mongmong ham tin tija pum in eidong in kenjong kathilto kamang a neocy to kaum chan ho seiding katileh kakam kisip abangji in kaseidoh theiji pon hinlah thudang dang kaseikit leh kasei theiji in kakam jong akisippeh bang in aumji pon hinlah neocy to kaumchan kajan mangchu seiding kagot phatle kakam akisippeh kabangji in kaseidoh theiji pon kapao theiji pon ahi.

Hichun kaseidoh thei tapon thudang kaseijin ahile kaloipa lenpu chun baii an kineh doh in ahintin kenjong an kaki sem in kanetan ahileh kaloipa chun mitphe lou hellin eichuti vet jenngtan ahi.

Ka anneh jouhin kaloipa chun baii nangpa hi tijat naumme eitin nahiti sot leh loubuh a kada lhahding munchom a kage ding hichu o tin eidaijin ahi. Jan ka imut kit lhon phat in janmang kahin neikit tan ahi. Kajan mang in nilhah masa a kajan mang’a katouna molchung’a chun kana toukittan ahile khohui akaijin lunghel nan kaum paikittan jet le vei kave in kaki hei lele leh kakom chun Neocy ana din kamu tan ahi. Neocy chun keikom in Heu kahin ngaiji varle jannia inlang kaki lechun kapi le kapu ana lunghang in eihouse lhon in kenjong nangto kimuto a kache dan leh nang kalungsed dan thu kasei jeng le kapi le kapu chun naki muto kit lhonphat le inna hinpuiyin khatvei beh an nekhom ute ati lhon in aban in alunghang lhon tapoi. Atin,” neocy chun Heu keiho Inna nahung nom m kapi le kapu’n namu nom’e atitan ahi.

Hichun kenjong neo epi ti eche dingham?? Nangho in hoilai ham?? Tin kadongtan ahile neocy chun Heu keiho in tin mol noilang chu akoh in ahi. Kenjong eti eche dingham? Tin kadong kit tan ahile neocy chun heu khatvei namit hinsing tadin atin kenjong kamit kagah sinleh neocy chun eihin koijin ahi. Keijong kamit kaha doh leh neocy chun eikoi yin eilenpi tan ahi. Kenjong tollang kave in ahile kalenna lhonchu tolla kon in asang thouvin keijong katija varlin kapeng jengtan ahile neocy chun Heu nakichat leh namit sing in ati in kenjong kamit kasing kittan ahile chomkhat jouvin kol sangtah khat umna chung khat a eiki ngahpi in kenjong kol chu kavet leh asan dandan chu ate pi beiyin asang lheh jeng in ahi. Kenjong neo aile nangho in etih elhun dingham tin kadong kit tan ahile neocy chun kamit eisin sah kit in kenjong aseibang in kasing kit tan chomkhat jouvin hahdohtan ahintin keijong kaha doh leh Bazaar lentah umna town sung ana hitan akom a building thupi tah khat umchu eivetsah in hiche khu keiho in ahi tin akoh in eisei peh tan ahi.

THILHA NUNGAH NU

EPISODE-2) CHU HICHAN IN AKICHAITAN AHI. ABAN JING NILHAH LEH SIM KIT TAO HITE AHIN SIMCHAI JOUSE CHUNG IN KAKIPAH AE.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleFLOOR-6,ROOM NO.6-IV
Next articleOBITUARY OF PU PAOKAI HAOKIP-80 EX MP 1967-1976.