CHOLNGAHNI PATHEN THUHIL.
Sunday 09.08.2020
–Suhnem, suhlhomthei ahivanga pum suhbei theilou thil thet um 3 aum in ahi.
JUDON, NEHGUH LEH NOTI JOH
Asun:
N.Lhungdim
Thangting House
Indira Gandhi Prime Minister hilai in Political leh Economic slogan hoitah khat apodoh in hiche chu Garibi Hatao: English a Remove Poverty :Kuki pao a Vaichat Suhbei ding ti ahi.
Tulai in BJP lamkaina NDA Govt. in aniseh tobang in slogan jat chom chom asem uvin hoitah tah jong aum in SABKA SAT, SABKA ADHIKAR, SABKA DIVAS, kiti ho ahinla atamjo hi a slogan a kichai ahi. Tohdoh khat cha aumpon ahi. Manipur a jong Chief Minister N. Biren Singh Prime Minister Modi nungjui in GO TO THE HILLS tin slogan asem uvin thinglhang gam a ngaichat khoh ho Road Communication, Medical facility,Educational facility leh adang dang ho ahi ding banga semphalou a thinglhang a che ding kiti chu thil phachom lou, phat mansah sum leu sah mi tamtah office a natong ho kisuboi mai mai ahibou in ahi. Amasapen a thinglhang a hi chele vale na ding lampi pha angai in vetsahna dingin Henglep langa dam mo khohtah jen dinga agam mihon ahin jon uleh ni 2 ni 3 alut in hiche chu lampi phatlou jeh ahi. India Independent mujou kum 70 a jong thinglhang le phaitol kikom tona lampi phatah umlou hiti ho jeha hi thinglhang gam nomtah mi tamtah in dalha a phai langa hungcheng uh ahi. Achung a kisei ho akibol hoi loulaise se koi thinglhang a chenomding ham ?
Phaitol hibang nom a .
Thinglhanga che chu Khantouna ahi pon ahi.
Tuni a isei nompen uchu leiset ahin thil thet um 3 aum in .khatna chu JUDON , anina na chu NEHGUH
chuleh athumna chu NOTI JOH numei kijoh kiti hohi hiche hohi hoilai hihen hoimun hijongleh kisulhom theiding ahivang a kisubei theilou thet um 3 ahi.
Bible in ipi asei em ?
No.1.JUDON JUKHAM Judon :Thuchih 21:17,23:20-21,23:31, Galatia 5 :21,Ephesus 5:18.
Jujoh leh judon Kham hi Govt. in Prohibition ati in, iti phatmo hen iti kideimo jongleh kisubei theilou khat ahi. Ahinla atam behseh louna dinga suhlhom a suhnem thei ahi. Morarji Desai Indian Politician Prime Minister a ana pang pa chun ima jouse lah a adeimo leh athet chu Jujoh leh Judon ana hi pen ahi. Aman asei in pasal hon natoh na anei a sum le pai them khat amusun houhi judon nan anei hih uhenlang a in uva phaten lhut uleh insung a neh leh chah, sil le chen nomtah a um nathei ahi. Ahinla pasal atamjo in a lodoh asum mu uchu atamjo judon nan anei uvin ajite asugenthei uvin, akinahpi uvin achate adammo leh themjil na a manding jah ding sum anei pouvin hitia chu India a mi tamtah hi hesoh genthei a vaicha a um ahi. Hijeh a chu hiche hi khamding ahi tia Prohibition khohtah a ana gel ahi. Ahinla imacha aphachom poi. Manipur a jong govt. policy tohgon hilou in thingnoimi ho seiman in prohibition akibol in ahinla angai ngai in ju adon nom hon amu uvin akham ngaiho akham uvin mi tamtah in inchen mo nan anei uvin ahi. Ningkum laiyin office a tohnanei nupi khat najipan ipi abol em kati leh kajipa hi anatoh chu Judon ahi, katolop hi Judon na anei ahi, kithidoh leh kati e atin athileh ji naneilouding hitachula katileh thidoh henlang meithai kihileh kanom joi atin ahi. Hiche tobang hi kho jouse munjouse tobang a um ahi. Masang lai peh chun kau te khat Ju adon don kom in Pu Chungkhosei Lhungdim G Songgel Haosa pu chun nang alanaching in ala nathem in iding a Ju nahiti don hitam lom lom hitam atileh Vo Hepa Ju kadon hih e ka tholtho ahibouve atin matah in athidoh tan ahi. Achate jousen jong ju adon un khatcha lahding aum pouvin ahi.
JUHADON HI VAICHAT KIPAT NALEH MITMO NA A CHUHNA NA LENTAH AHI.
2019 Mizoram election ah MNF party in Houbung ho lhepna ding in jujoh kakham ding ahi atiu Congress govt. in ju aki khap vanga adon ding ho permit kipe ajoh ding ho phalna licence peh ana bol uchu keiho kakaidoh uleh Mizoram a jujoh kapum kham ding uh ahi tin ana sei uleh ahung kaidoh uvin tun aboilo kei uvin ahi. Ajehchu totna tobang in asei uvin Mizoram Police thi hohi miphalou gucha tolthat ho ahilou leh thingnoimi toh kidou a thi sangin ju a thi atamjoi atiuvin ahi. Congress Govt. chun Junjoh leh Judon chu kipum kham a hitheilou ding ahijehin adon di hon permit anei diu ajoh dinghon licence
anei diu ti abol uvin ahi. Ju a kon in jong Govt. in Excise duty sum tamtah amu uvin aphatchompi lheh uvin ahi.
JUDONDING AUM LAISE
JUJOHDING UM ,JUJOHDING AUMLAISE JUDONDING UM KIT AHI.Vice Versa
No.2 NEHGUH:
Exodus18:21,23:8.Thuhilpa 7:7 ,Danbu nina 16:19, Job 15:34.
English a Corruption kiti Nehguh kiti jonghi suhbei theilou thil phalou khat ahi. Aphalou khat to iti hinkhom ding ham ti hi ahin hiche thil phalou chu atam behseh nalou ding a suhnem ding ti tailou upai dang umlou ahi. Ajehchu hiche hi adeh a gam khangtou Developed country Europe langa gamho khu alhom a lhom ahi. Gam khangtou English a Developing country India gamho tobang a Europe langa tobang hilou a sei kham set a um nalai ahi. Govt. of India in Anti-corruption galsatna ding a jat chom chom abol uva CBI kiti ho adang dang abol vang uvin kahlah lah leh galdou ding a kingense hojoh chu nehguh a ana bol jui uh ahi. India Govt. jong Prime Minister Narendra Modi in Zero Corruption ding atin Slogan NA LANG GE NA KHAYENG GE tia asei vangin Manipur a jong masang Congress Govt. lai sangin het N theilou in atamjon ahi. Corruption kiti umlou a kihing theilou tobang ahi. India gam sanga khangtou mo jo Undeveloped Country Africa gam tobang a khu India gam sanga corruption hi ha san a sangjo ahi.
Europe gam a Sweden kiti lah Switzerland kiti lah khu a lhom napen ahi.Eiho Manipur a bang a hi umlou hel ahi. Hiche bangchun England, Germany, France USA kiti lah a jong lhom inte. Gam khangtou nalai India, Pakistan, Bangladesh, Myanmar kiti lah ahi aumlou na khatcha aumpon ahi.
MI ALADING AUMLAISE A MI APEDING UM, MI APEDING AUMLAISE MI ALADING UMKIT AHI. Hiche jong Vice Versa hikit.
No.3.NOTI NUMEI KIJOH .Thuchih 23:27,29:3, 1Corinth 6:16, Danbu nina23:2,Thuphon19:192 Lengte 23:7
Numei kijoh kiti jong hi Oldest Profession in the world atiu Israel te Egypt a kon a ahung uva Mose in gam ve dinga mi thum ahin sol ho jongchu agam mihon thading a ana hol uleh Rahab Noti
numei kijoh khat in ana sel a ana huhdoh ahi.Hijeh a chu galmi akona huhdoh aum ahi.
Achunga isei bang uvin gam khangtou kimkhat ho a vetsahna dingin Holland, Netherland kiti lah a numei kijoh hi dan in aphal in lhangphong open tah in akijoh un Govr in jong avetup u ahi. India, Pakistan, Bangladesh ahin dan in akham dan in aum in ahinla khopi jouse a aumlouna aumpon ahi. Calcutta a numei kijohna mun len Sonagachi jongkhu Asia gam a Numei kijoh umna alenpen ahi akitin ahi. Sot lai peh chun Shillong khopi a jong munkhat ana um in nikhat chu Mei in ahin ka in ahileh Newspaper ah The House of Sin gutted tin ahung kisun in ahi. Thailand a khopi tamtah ah Numei ho Sumhol naleh Sum mu na in anei un ahi. Manipur a jong khopi Imphal a khu umlou ahipon ahi. Hiche tobang chun gam khangtoulou Africa gam ah akhohcheh in ahi.PASAL ACHODING.
AUMLAISE NUMEI AJOHDING UMJING AHI,AJOHDING UMLAISE A ACHODING UM KIT .Hiche jong VIce Versa hikit leo leo.
Hijeh a chu Indira Gandhi in Vaichat suhbei ding Garibi Hatao ahilou leh Remove Poverty kiti chu ahin lheh uvin tuthah in Poverty Alleviation ahin ti uh Alleviation tichu the action or process of reducing something unpleasant, deficient or burdensome. Vaichat hi sunem ahivang apumsuhbei thei ahipon ahi.Vaichat hi na ihatoh a pottho na inei leh suhnem thei ma ma ahi. Ahinla vaichat chu achunga isei hou 3 banga kisubei theilou ding ahi ajehchu India ahi mi 70% tobang hi vaicha tah a village a cheng a jing an jan an kihol thu a hing ahi in hiche tobang a chu achung a thil 3 isei uh Judon leh Jukham, Nehguh chuleh Numei kijoh kiti ho jonghi moh kham sanga suhlhom leh suhnem na ding joh hi Govt. in boipi leh phachom joding ahi.
Ahoilou aphalou leh THET um ahi akihet vanga aloutheilou a mihem leiset a hinlai sungse a hi um tei tei ahi.
THET UM AHIVANG A KIDEI LEH KIDEI HIH LEH ALOUTHEILOU A HIN PUMSUHBEI THEI LOU A TONSOT A UMJING DING AHI.
CHRISTIAN TE HICHENG 3 A KON A KIKANGSE A ONGDOH CHU GOOD CHRISTIAN AKONA BETTER CHRISTIAN HINA [PROMOTION] DING A LAMPI PHAPEN ,DIHPEN LEH HOIPEN PEN AHI.
Hicheng 3 a thengsel ho chu BLESSED CHRISTIAN AHIOVE.
Pathen phatthei bohna simjoulou amu uva chang ding ahiove.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
