Part 1
Singat sub div. sung Burma to gamgi kom lang khokhat a ka chen laijin ….
Muanlal ,ken Muon kati ji in ama toh kaloi ho mikhat( ama chu a thi ahitah jeh in amin seidoh tapou te) keiho loicha 3 chu kaki ngai lheh uvin,ka che na langlang uvah ka chekhom jiuvin,nikhat chu ngaman achedin kaki guong tauvin,Kaloi pau chun Thingthupi lui a tina lang uva chun cheute ,atin,kei chu kanom beh pon,Momon chu misei sei nom jeng ahi,kanop lou thim na chu ,ipi um ham vang kahe pon, Upa lang hon asei gimnei thim u kana ja kha’n ,mundang joh a cheu te kati leh Kaloi pau chu ,mundang mong mong a nom tapon ,asei sei jeng phat chun ,kenjong ,cheute leh, katin ka kigo doh tauvin ahi,ka che ham ham vangvuchun ka lung thim chu a nom beh pon,kaloipa’u chu atha nom nama jeng in,ka che cheu leh a mun chu kaga lhung tauvin ahi
Asei ma bang u chun ,mi nung thang jong a umhih behin ,ka lunggel chu anom theipon,hijong leh ka loi teni kahet sah poi,kiche ta thou thou ah katin, thanom tah bangin ka um ham ham in ,Luidung chu kagah juisuh uleh ginchatsang in anom in Ngavoh jong ana tam in kakap suh suh uleh chomlou kah in tamtah kaman uvin,kakipah thei lheh jenguvin ahi, hiti a thanom tah a ka husat vengvung lai tah uchun luito lang a kon a Shaktiman hung lhaitou hilehkilom tahin in a hung ging tou lul lul jeng tan,keihon jong,kidang satah in,kave gehguh jeng un ahileh ahung doh dikon tah in ahungthip chot in ,gavet dila ,ipi ahi jongki helou kilau thim hetnom jong umkit,hiti a ka um laitah uchun Kaloi pao pi chu ha nui in ahung nui pan tai,
Chephat chun Keileh Momon chu kaki veto uvin kidang kasah behseh jeh uvin apao doh ngam jong um louvin ka um tauve, ama pa chun eihin veuin eihe khalou bang in eive gehguh jeng uvin anui ngaijin ahung nui kittai,ahiti phat chun keini jong kajam tauvin chomkhat jouva ka gah nungvet uleh,eidel phahlou phat in a kaki chol uvin kei u ni jong kaki kicha to thim gel uvin apao jong ka um povin ahi,che phat chun kaloi pao in eikou gin u kagah jau in,hou dila kingam lou ,hou lou a dalhah je la umkit lou,che phat chun,Keiman, Mon hung o iloipa gapui hite kahinti doh leh ,a lung ahung mong in ,kapao lou hel jeh a chu aman jong eina na hou ngamlou ana hi dan ahi ,
Kicha sasa a ka che suh suh uleh ,ka umna mun uva chun akhup lang in ana lum in, ka kou kou jong leh eihou lou phat in ,Momon toh ka gah ledoh uleh mit hah sal kelkul in kho ana heta pon ,kathin thin vang un a chatloh tapon ,ana kichai dan ahitai,
Che luidung a umsot di anop theilou jeh in amo mo in mol khat kahin po doh uvin ,nisa jong a lhum gotan ,akhel a chun songpi lentah khat anoi umnathei mun a chun Kaloi pa longdamsa chu ka polut tauvin,Keiman , Mon nang aneujo na hin na nop johjoh na lhen thei ahi, Inlang a mikou a che toh ,Ioipa ana umpi di ,kati teh ,amaan, Mikou in chejo’ ng e, ati’ n chephat chun ken ,ka umpin ,Momon chu Inlang ah a che tai ,
Chomkhat jouvin kho ahung thim tan ,keijong kahung thomhao pantai ,inlang a ho hunglhun na di chula jaan khangkim lang hidi ahin,iloipa hijong leh thi pha a thijong hilou,tiho kagel leh katimul a thou sulsul jeng ji in ,thing kakichom in meipi katih in ,chomkhat jou in kol ahung phe jotjot in guo themkhat ahung ju in ka mei ti jong ahin chap mit tai,Lha vah lai ahijeh in a a thim lomlom sampon kenjong mei tih talovin ka moh tou tan ahi. Chomkhat jouvin mi husa gamlha thim ah, kahin jatan kakipah lheh in kenjong khutkoi kagah mut in ahileh gamlhatah a kija chu kalhang chakhat ahung lhung pai jeng tai,ka umna lang chu thom ahung ging lahlah jeng tan,ka kichat phat in mei chu kahin chokou kit in ,mei ahung vah leh kalung nom dom in thing chom in ka umna kom lah chu thinggo ho kamai khom in gah ti be kagot leh Kaloipa ,mithipa chu meikom a ana kitung letlut jieng in……….
