Huche thusim hi atah tah a 1824 laya analhung thusim lui khat ahi.
Asun:
N.Lhungdim
Thangting House
Molnom-West
Date-15thAugust2020
Hiche thusim a hetding chu kitepna sa hi suh bulhit lou a koilou ding ahi.
Masang lai peh kum 1824 laipeh chun German gam Brunswick gamsung ah khopi khat Hamelin kiti khat ana um Hamelin Town hi Lower Saxony a um Hamelin- Pyrmont District Capital Wiser Vadung pang a um German khopi khat ahi. Tulaiyin population hi mi 56000 tobang umna ahi. Hiche khopi a chun jucha [rat] ahung hat in akhopi uchu alo dim jeng in khopi a cheng ho chu alunggim uvin lungdong tah a aumlai uvin kivonna colour jat chom chom a kisem [multicoloured] theile mut mi Pipe Piper khat ahung vahlut in aman aseileh na lunggim nao kahet a kahung ahi. Doi tobang thilboltheina [magical charm] khat kanei in hiche chu kaman a ahileh na khopi uva jucha jouse hi munkhat a kahoi mang thei ahi atin hiche Secret Charm chu kaman a theilePipe kamut leh jucha jousen kanung ahindel ding vadung len khat a kalhei lutsah ding ahi. Jucha a kon a kihuh doh ding na tiu leh Guilder 1000 neipe uvin atiu leh khopi vaipo Mayor pa chun 1000 keo nakipe ponte Guilder 50,000 nape naoving kate atiuvin kitepna Pipe Piper pa toh khopi lamkai hon kinop tona anei uvin ahi. Guilder khat hi tulaiya India sum Rs.41.56 paisa to kibang ahi.
Hiche kinoptona dung jui in
Pipe Piper pa
chun a Pipe theile amut leh jucha jouse thanom a kichem leh lampum in ahung lheidoh un Pipe piper pa nung nung ajui un vadung len khat ah abon in alhai lut taovin ahi. Hiche jucha lah achun alhei lutlou jucha khat ana um in hiche jucha chun insung ho ahin lo khum kit e ti thusim ana umkit in ahi.
Hamelin Town khopi chu akipadan u seijoulou ahitai. Akhopi a mipi jouse chukipah tah in ai alou a akithah sem uvin hiche phat lai chun Pipe Piper pa chun akipa nao chu chomkhat ahin suhai in ka sum neipeh ding uh Guilder 1000 chu neipe taovin ahinti in ahi. Hiche khopi a Mayor pa chun hiche vah le le mi khat sum hija chu iti kipeh ding ham atin nei ngaidam uvin tin a
thum uvin Guilder 50 bou peh ding in asei uvin ahi. Pipe Piper pa chu alunghang in agih thim in ahinla Mayor pa chun donse in jong ana neipon ahi.
Hiche jouchun Pipe Piper pa chu lamlen ah achedoh in a theile Pipe chu amut kit leh jucha ho hungdoh talou in Hamelin Town sunga um chapang 130 jouse abon un lamlen ah kipah tah leh lampum in ahung lheidoh uvin Pipe Piper pa nung ajui taovin ahi. Mipi lhing ho in imacha alo naje ahe tapouvin ajeh chu Pipe Piper pan chapang 130 chu abon un apuimang a anung a akijuisah uchu amu uleh imacha boltheilou in aum taovin ahi. Ajona in mi pilhing jousen juithei chan ana jui uvin chomkhat jouleh Pipe Piper pa chun a Pipe mut hin nga inte tidan in ahinla vangset umtah in Pipe Piper pa chun khopi kom a lhang lentah kal lang ah chapang jouse a
puimang in amaho lah a chapang akengbai khat mi nung phajoulou khat ana dalha in ahi. Amapa chun aloi apai tamtah in Pipe Piper pa la in gam nomtah a amu ding uva asah ogin chu hesoh genthei tah in gel in aumden tan ahi.
Hamelin Town a thunei vaihom hon vangset kidang tah ato jeh uvin achate jouseu ajam mang taovin Pipe Piper pa kom a na Fee nape naoving kate tia thu athot thot vang uvin aphachom tapoi. Hiche khopi chun chapang lhaimang ho hetjing na ding in dan [Commemorative Law ] thah khat ana sem uvin ahi. Khonung a thu kiseidan in ‘Tribe of All Alien People’ kiti Translavonia gam ah gollui thusim Legend khat aum in apu teu apa teu hi leiset noilanggam [subteranian] songkul khat a hungkon ahi atiuvin ahinla hiche Tribe a miho chun hiche Legend[gollui thusim] chu ahe thei pouvin ahi.
Hiche thusim hi Robert Browning[1812-1889]
Victorian English Poet minthang in Poem khat ana sem in ahi.-
Tuni a hiche thusim a isei nom pen uchu mito kitep na khat inei leh bailam tah a kilepna khat sem a suhbulhit lou leh tohdoh lou a koilou hel ding ahi.
KITEPNA kiti hi mi 2 lut ahi. English pao Bilateral ahin Bilateral thilchu Unilateral tichu khatmachang in suhset louding ahi. Kitepna chu suhbulhit louding ahitah jong leh mi 2 kihoutoh ngai ahi.
Mihem hinkho ahin KITEPNA tamtah aum in Indian law in kitepna chu sut tho in um hih jongleh kamcheng a kitepna jong chu kitepna [contract ] ma ma ahi.
Nungah gollhang ho lah a gollhang hon adeichat ho kom a kaki chenpi ding nahi atiu leh lekha a kisun hihih jongleh kimkhat hi thisan a kisun kitepna nei loi jong ana um in ipi chu hitajong leh gollhang khat in nungah khat kom a akitepna chu chomkhat jouleh ka inko te anompoi, kanu a nompoi tiho in akilep doh jui in akikhen pi jui in ahi. Hiti dingchu ahileh nungah nu toh akitep masang a inkote leh anu adoh masat a iti em? Hiche tobang kitepna moh bol bola moh suhkeh keh kiti hohi bol lou helding ahi. Gollhang kahet chingtah khat in hoi kasah tah khat ama chu nungah khat toh ana ki ngailhon in chomkhat jou in nungah nun kakhen tai tia asei leh gollhang pan ikitepna lhon chu ini lhon a ibol lhon ahin iki khen ding leh ini a iseitoh lhon a iki khending ahi ati. Mini kikhen na ding chu nangma changa iti thulhuhna nasem theiding ham ati leh nungah nu in anel theilou phat in akicheng lhon in nomtah in acheng lhon tai.
Bilateral Contract chu Unilateral a kisu keh ngai lou ahi. Hiche Indian law ah Contract ahin Indian Contract Act1872 a Verbal Contract jong Written Contract toh akikhehna aumpoi atin ahi.Hichen avetsah chu mitoh kitepna hi mohneinei lou ding ahi ti aseichen ahi. Law in kal ahi mikhat in a chamcham asuhkeh chu.
Achaina na isei om uchu Hinkho ahi Kitepna moh bol bol lou ding ibol leh tuhchah ding tihi achunga Hamelin Town vaipo ho thusim a kon a hetdoh thei ahi. Pipe Piper pa in khopi a jucha ho suhmang na dinga guilder 1000 bou demand a amahon 50,000 guilder nape naoving kate tia kitepna anei uva achaina a 50 guilder keo keo kipe chu koi lunghan da ding ham?
Hiche kitepna adonselou jeh uva khopi sunga chapang 130 chu tuchan a agei nalam kihelou ahitan ahi.
Nule Pa te nachate koma nakitepnao aum leh kamcheng hijong leh nanop nop in sukeh hihuvin ,hiche bang chun Chate in jong Nanu na Pa heng a nakitepnao chu na moh suhkeh louhelding ahi.
Hiche tobang chet a Nungah hileh Gollhang hileh naki dei uva nakingai uleh akhohpoi ahin lah KITEPNA kamcheng hitajong leh kihoutohna umlou in nangma chang in moh suhkeh hih beh in .Dan dung juiya Law Court a kiheha umtaleh nadin oulou ding ahi kihet in.
1000 guilder hi tulai
Indian rupee a@ Rupee 41.56 per guilder a
Rs 4,15,600 ahitai, 1824 laiya chu ija hitading ham akihetapoi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
