THE LAND OF GHOST
Writer: S.Lien.
Arrange: Naocy Haokip
(Part-II)
December suty phat sungin Kapu te Burma Tedim township atinau koma khoneo khat Nahthial kitina kho (Mizorama jong Hnahthial kitina khat aumin tua kasei chu Burma sung ahi) kapute chu acheng ahiuvin eikou kou jeh-un che din kakisa tan ahi.
Gah kisei sao jepleh, kei hi Kapu (Kanu pa, Pauzachin) minlou Chinlunmang kahi,
Tulai banga mobile phone um jong ahipon, kihet tolouna jong asot tan Kanu leh Kapan eisol lhonin keijong kache tai.
Ka ga lhun leh Kapute chun eina ngai mama jenguvin, nikhat hi gamlenga che dingin kaki gon kapu koma Meithal ka thum leh, ka vadoh ding chu aphal pon, meithal jong aumpoi min aman ahi atin, alupna noi kaga maileh ka maidoh-in kahin choi doh leh, kapu’n Kate kate, Aumpoi kiti chu na ga pudoh tei teiyin, eihin ti-e.
A chang thum bou eipen, che gamlha hih-in o Mangpu ei tin, ole Hepu katin ka che tai.
In nai vel lah-a kapdi ima kamulou jeh chun kavava leh ana pha gamlha jep chu hiding kahin ka gammang tan ahi, ka lungdon phat’in gamvah dang aum khah leh katia ka gah (tuhsat) kikou leh akhel jep’ah mi khat’in eihin (hou) dongin kalung ahung mongin chelang jon chun kache in kaki kou kit leh amun mama achun eihin dong kit’in einga hiding ahi katin kin tah-in kache-in kalhun phat’in koima anaum pon kaki kou kit leh Nungah khat thinglah-a chun ahung nuidoh tet tut’in, agam mang khat nahim naki kou lele-in eihin tin,
Kei: umm kahi-e, apha e nang nana um khel khel’in kilhon hite o, katileh
Ama: Hoi lai ham nakho’u,
Kei: Nahthial a kapute khoa kahung ahin kakho tah tah chu Manipur lang ahe.
Aman: Oh..! Nahthial chu gamlha tah ahitai kei Tonglon te kahe atin,
Kei: Ash.!! Achuti leh iti kache ding hita nisa la lhum ding ahitan,,
Ama: kei neijuiyin hungthah nange nanop em?
Kei: Kanome kati phat’in kakhut’ah eihin tuh-in eilenpi tai.
Hitia eilenpi phat chun kicha jong leng phachom talou ding ahi kahetan ka gel leh kamang tobang katah tobangin kahen chomkhat jouvin kol selah munkhat’ah ei kicholpi-in chehi ka kho ahi atin, Che kol lah hi em? Kati leh, kamit eihin sip peh in akhut ahin lah doh phat in Building thupi tah tah kikah-a lamlen’a um kana hi lhontan ahi, Wau.!! Chehi hoilai hamo kati leh, Aman Tonglon kol kiti chu ahe atiphat’in, kahung pil doh lot’in, kapun Tonglon kol’a thilha ho ati ji chu kahin geldoh-in, ka kithing sut sut jengin ahileh, Eipui nu chun, adammo ei hisah-in, tulaiya phone iman dan deuvu hi hiding ahin, Chengkol/Tuilung tobang khat ahin satdoh in, ipi ham khat asei leh Ambulance khat ahungin asunga ei jonglut uvin ei podoh tauvin Hospital’ah eipui tau vin ahi, Nurse ho Doctor ho pichu . anahkuiyu tongchan deh deh aphan ahatu-u jong Humpi ha tobang khun a-uiha kiti khu asao chomin, loi khat deh deh chu aluchang uva Bongchal ki tobang um jong kamu’n kakicha val’in, kahung penjah leh louchang ahi atiuvin mechang tobang khat ei nehsah uvin ahileh, kana imut hidi ahin kahung khah phat’in, Amel-hoi thei dan dan’u chu Korea ho abang kit jeng tauvin ahi.
Che laitah chun Police ho ahung uvin, Oficer ho khat:in Chinlunmang kiti pa chu ham chehi ahung tiuvin, kakicha val’in, ipi bebseu kachunga abol got’u ham katin,
Doctor pa chun, Henge chehi ahi ahinti leh Police Sap pa chun, Koiham ahinpuiya chu, Nahthial khohon ahol’uvin Sumkon amut’u toh Dahpi atum’u toh thoh jou ahipoi, amo na jong um louva ipi dia khatvei vei leh mi na hin pui jiu ham ati’n ei hung kaidoh-in inmaiya Helicopter a chun ei tousah in ka Meithal jong phatah-in eikoi peh-in eilenpi tan, chomkhat jouvin munkhat’ah ei kumsah-in ei dallha tai, eidalhah phat chun ka hung khangdoh lot’in ahileh, Kaputen Uithi eina atkhum u hidi ahin ka pumin thisan kadimin kipah tah-in ei chibai sao saovun ahi.
End of Part -II
Abanleh Simui Vadunga jan lensep’a kache na thu ingai kit diu ahi.
Note:
Lunglut tah-a nasim chai jeh-in kakipah-e. .
