Moral Love Story
Writer: S.Lien
Arrange: Naocy
Part-III
SCORPIO LATEST MODEL thah sit set khat’ah atouvin Lamka jonin akikho doh jel tai…….._
A lhai mang phat in ol in kahung pot in
Ka manglam ham kati lela ih mulou a mang nei thei hilou, Ka na ginchat toh kikheval in, ka ngol doh leu jenge ka na umdan leh kathusei ho ka gah vainung gel leh kaja chat toh, kidang kasah toh, Keichun la Kenbo bike a kapoh jong chu ama touna din asang thouvin, kisong lel inte pou kanatin 🙈
Ama lhaidoh na Scorpio chu ka gah ngaito in kei gari chu ka gah vet leh, Thui!! ki chonlhu hen lang kida lha leh nop a um jeng tai 🤣🤣
Ka thil mu chu ana house jah jah nu chu amin chu… Themboiyin ipi agah ti hita… A manu chun muleh ipi lung agel de o, pou ka tin, Themboi chun a blind hit fuh thove, eimi nungah ho sangin jatdang nungah hohi achingjo dan ahiuve, hoilang Zou nungah ching kilkel khat ham, avangpha thouve ti pou ka ngaiton, koima mulou kah chun angol bangin ka ehche nui tettut in ahi😝😝
Che Minthang hi mihaosa tah mi chalak, miching tah ahidi chu ka hedoh tan ahi chuleh (Lhingneithem )Themboi Tungnung jong hi nungah dangho banglou a mi genthei lungset ahin Pathen in a pasal di ama hetlou hel a Mihao sa tah a gonsah ahi ti ka mudoh in, kiletsah tah a hinkho man sangin mi ki ngainem hon Pathen phatthei boh a chang jouve ti chu ka gel doh phat in, ken jong mi, keisang a dinmun nemjo dia ka ginchat ho kana musit bol ho jeh chun Pathen kom ah ngaidam ka thum tan ahi,
Hiti hin lunggel khat kahin nei tai, Themboi kom a seidoh lou di ahi akichen niu leh ahetpan bep din pha kasan, Ahousenu chu hetsah tei tei din katha anom lheh tan ahi,
Amani Minthang leh Themboi jong phone a ana kihou hou jiu ahin akah lah-u kahetpi behseh tapoi, Minthang in chu kahlah lah leh ahin seiji thou nai,
Hiti a phat chomkhat ka umjouvun Minthang in eihin call in Bhai tunilhah leh Thethem pui di kati ahitai, nang in hipui doh inlang lhanmol a kingah ute ahin tin keijong kaki siltheng in Themboi te inlang kakeng in ka jontai, ka call leh ahin pickup in, nakisah jou leh hung pot tan inmai lampi ah kahin ngah e kati le ama jong a bag toh ahung kigo doh in lhanmol lang chu kajon lhontan ahi, ka lhun lhon leh Minthang ana lhung naipon kagah call leh kahungtai, nalhun utam atin kangah lhontan ahi, chom chakhat jouvin Scorpio khat ahung lhaiphei tan, Themboiyin kisel hite kapa ten eihung hol u hidi ahi atin, keichun la kahet lotlot a hijong leh seidoh louvin, ahunglhun phat in ahungkum lhah chu, a smart dandan chu Korea te khu ima chom hitalou Ka nungah nu vin avet leh Minthang chula ahi ahe thouvin aginchat toh kikhe val hidi ahin amit anoi noi jeng tan ahi, a kipah behseh jeh chun seidi jong helouvin Minthang chu a kol in amoh ka jeng tan ahi.
Scorpio chung ah kakal doh uvin inlang jonin kachephei tauve,
Keiman, Bhai thukhat hindong inge onk? kati leh, ipi thu hamo? atin,
Midang khunla nungah ahel uleh von hoi hoiyin akivon un, amahon aneilou ujong mi a a khel jiuvin gari neilou hon jong mi gari akhel un, nang in chebang gari hoi neija, hin toldoh malah a von pha ajong kivonlou, ipi jeh ham hinsei jo, kati leh, Thethem in nui hiu heuvin eihin khape jot in, Minthang in hitin ahin seitai,
Bhai gari leh vonhoija kiheldoh hokhu a pha atam poi, se dihdeh a ikivon a jong eilungset chu kadei pen ahi ahin tileh Thethem in ve jong velouvin Ka loipa malpi chu agah si peh leh a kinjot jengin ahi, chelaitah chun New bazar trafic point khu kapha chet un, Tlangmi dawr maitah akhun Numei khat lampilang nung ngat a mitoh phone akihou khat kagah muvin, lungdong tah hileh akilom in amitlhi a theh chu kagah mu khelkhel in, khongai o Bhai chenu khu ipi ti ham kati leh gari ahin kham in glass kagah hon leh a o chu ahung kija thei tan,(Thethem in koi ahichu ana het dan ahi tan keini in vang kahe lhon poi) hiti hin kap pumin, Ana volih paijun chetobang michavai pasal a kanei sang in meithai in um jong e, ati kagah jaovin, thadou paotho ahi jehchun gah houpiute katiuvin kakum lhah uleh eihinmu chet uvin, Thethem jong ahungkum in ipi thuham na pasal iti ham agah tileh, amani chu vengkhat ahijeh in akihe mamauvin, Uichal hija, jukham val a gari atol leh mikhat atat khan athi ahin kihelou atiuve, ama houtheijong ahipoi nang hung loiyin ahin tiuvin auto la umtalou, Themboi nangho hoija nache got uham neihung thah jeng diuham ahin tin Themboiyin Minthang ahinve lap in, chephat chun Minthang jah ah, Sir neihung thah jengdiu ham kaboi val e ahin ti Minthang in Ole hungthah uving e ati a ahin vet leh koi ahi ahin hechen kit tan aban seibe thei louvin kakhel jep uva chun atoulhan amai asim in akap tan ahi, koiham katiu leh olchan Veikhat a Tuibong lang a nu…..
Ahin ti leh kahe doh taovin, abanin kaga kaiyin ada sasan gari sung ah kaheng lut in kaga thah tauvin ahi, gari chung a jong chun veikhat jong ahung dahdoh pon amai akisip in paojong apao pon amun kaga thah lhungun kahung kile kit tauvin a Inn u ka ga lhun u chu Building hoitah asong a kisa khat ana hin, A inko houvin mailhai sel in eina welcome uvin, Minthang Naunun Themboi chu kipah tah in ahung koijin, He u hung in atin insung ah apuilut in keiho jong kalut tauvin ahi.
Chubang vaicha mel pua kisem ji pa chu a inchen khosah dan hou kagamu chu kidang kasa lheh jengin, Pathen kom belte vang hi ijakai aloupi dan kamu chenin ahi.
Themboiyin jong kidang asan, Minthang toh akichen khah chu vangpha kisa mama ahitai, keijong Minthang toh te din imacha kahi tapoi, hijongle ama a konin kikhelna ichan gei ham kaneiyin kakipah lheh jengin ahi.
Themboi le Minthang jong Christian insung nomtah semkhomin insung mite toh kipah tah-in acheng khom tauvin ahi.
*JIL DOH THEI*
_Melhoina le haosatna kiti ho hi kisonpi ding ahipoi, nikhat kah louva kichai loi thei ahi, haosatah a kiletsah lungput a mi genthei musit kiti hi eima masanga joh um ahi, hijeh chun ahao avai khen louva jalhang hinkhoa kipum ngailut hin khonunga kipana le hamphatna eipeh joh ahi._
*♾ THE END ♾*
*_Hiche Moral Love Story chomcha anasim doh jouse chunga kakipah e, asimdoh jousen kihilna khatbeh a anei theina din Pathenin phatthei boh hen._*
