Moral Love Story
Writer: S.Lien
Arrange: Naocy
Part-II
_Ash!! U Minthang toh hung un,agah ti khelkhel chu, oleh ka Loipa joh hi angai ahi de o….._
Ole, Themboi, kahung diu ahi ……
Ti’n ka replyin, Minthang kagah call leh aman, ash, Bhai, kei Phailang che nadi khat kaneiyin, na changin ana che phot inlang akit lang leh hung nange” ahin ti’n..
Themboi ka inbox kit in..
Them, ka loipan kei boina khat kaneiyin, nachang in ana che tan, eihin ti’n, ama a umlou leh kahung da jeng ding hitam, ka gah ti leh..
Akhohpoi, hung tei teiyo, ama umlou chu apha jo e, ahin ti tai.
Chechu hichume kangainom ,👍👍 moh a ama chu ka loi ahileh kati thu hija ama chu poimo loupi kei ka um nahleh tijeng chu thanop a um in, hijong leh hiti joh hin ahoi hoi nan ka seitai…
Awle,ama beija hung chu nom kasah behlou ahin hijong leh nang in hungin neiti ahi leh hung nang e, kati jo tan ahi.
Ka lunggel chu anom thim tan, kaloipa pou kagah gingmo thimin, kalung neuji tave, konba keisang a chekhu adeijoh dingham, tun ka he chentai alunggel,
ti lungthim a gel pum in che din kahung kisa tai,
Kei Kenbo bike chu nungah helna a gah tol di jachat a um thim jeh chun kapa Jupitar (ato lang a hol doh tettut hokhu 🤣) ka po doh in smart thet in ka hung kivon in samthao namtui ho kahung kinu a dressing table maija kahung kivet chu, kaloi pa toh vetkah din vang Salman Khan kabang jeng tan kisonlel nadi a um hihbeh jeng tai, 7pm in ka kipandoh in, gamlha beh lou ahin ka ga lhung pai jeng tai,
Inn mai kalhun phat a ahung potdoh lou jeh chun, gah lut jeng tahdi chu, Themboi tin kakouvin eihou phat chun (inn mai che te pi chu ong a) Gari hoija kakoi diham, ka gah tin, amachu pot jong hungpot louvin, inmai achun koijeng o atin,a accelerator ha peh in kapen agin jatei nante kati phat in ka off in a chabi chu (ka sakhao a ga kolut jengdi pichu) ko louvin ka khut in ka peilut lohloh nalai set in ahi🤣
Kaga lut leh ana mailhai sel in, eina houpi’n, tou o Heu Len, atin me thim tit tet in kachabi choi chu aven, Gari a nahung hamo, ahin tin, kenjong Henge Themboi, nungah hel di kihi a gari a iche lou leh, ka tileh, Nungah heldin gari a che khel ngaiham? Tin nui heuvin ahin tin, lunggel khat kahin neijin, Chenu pi hi nungah dang toh abang hihbeh e, Nei le gou, inchen ho ahi mi avet lou didan ahi tichu, kalungin ahung um tan ahi,
U Minthang in ipi boina neiham Heu Lien, ahin tin, (Phai lang a che ahi gah ti jeng di pi chu.
Ka huphul jep chu hidi ahin)
Phailang ah kachedi ahi ati hilou ha, chepi khun Phaija ipi aga bol diham, natong gim hidi hija, kilep na a asei hiveh ta, kagah tileh, alei eihin lhahkhum chu ka mit sih in kagah mujot in, Heiha, kajachat dan chu, ka ulsa lengdoh leu, kaki mu mo sah ham ham vangchun, kaki ginchat pi hi banglou beh di ahi chu kahetan, kahung ki gelgel leh, Kei hi ka Loipa adia kitah tah a kapanjoh hile phadi ahi, kahin ti tan, hitin kasei tan ahi,
Themboi ka loipa chu iti nagel em, kenvang miphatah hinte kati chu o, kagah ti leh, hung mailhai jep dan in kamun
Heu Len, a inn uva naga che khah em, atin ka chekhapoi, katileh hiti hin ahin sei tan ahi,
Kanu le Pa jong hung lhung paidi ahi taovin, kasei nom pen hisei jeng inge,
Nikhat ni a Kimnu’n ahouset chu kaga toh khan nang hung ma peh chu ahitai, kimu sah louva guhthim a ka vet vet leh, ipi ti kagel ham, kaki gelgel leh keijong kidang kisa kahi,
Ka mu apat chu Lungset mel in kamun, akhatnu houna ho jouse chu kajah sohkei ahin, kavet leh kamu patna hijong leh sot pat a ka kingaipi sa tobang in kagelin guhthim in ka mitlhi kham joulouvin along doh jeng tan ga panpi di chula aman jong eihe kitlou di kati phat leh ka ngam kit ji pon, akivon na leh a umchan a konin Migenthei tah hidin kagingchan, che jeh tah achu ka Lungset ahi, kichenpi inge ti vang kahipon, ama jong nom dehlou maithei ahi, hijong leh ka Lungset na hivang hetsah ka nom e, cheni a kona chu nang ni jong kihe panbep lhon hilhon jongle chun, asei na thei pen kati a kahin seijeng ahi, nasa jong neisah maithei ahi, che thu hi kasei doh louleh ka lungchang in athoh joulou di ahi, lungset tah in eina seipeh inlang, anumber jong neipen kati nom jeh a kahin kou ahi ahin ti chu, ka liimdoh jot jeng in,
Themboi, nang tobang tulai nungah umtaponte, kipa a umval e, Tulai nungah atam jo hin, Golhang hohi, Khamnathei bol ahi he jongleu a haosat uva sum a neitam pou uleh deijeng lah a nangin migenthei khat Lungset nachan jeng chu loupi kasan kahin pahcha lhehjeng e, kenjong nasei bang chun anasei ing e, katin a number jong kapen, ka hung tai.
Themboi seibang chun minthang kom ah kaseijin a number jong kape tai,
Phat chomkhat jouvin amani jong akingai ahiuve ti thu misei na ah kajan min jong Themboi chu a ngol thim hitante chepi khutoh akingaiyin ipi kinep pi ahidem atiu kaja japjap ji in ahi.
Nilhah khat hi Themboi te in a che din katemin ama jong anom in, kalung thim a ina che phatleh guhthim a anung juiya, a inu gavet ding lung kagel tai,
Che nilhah chun ,msg kathot in Bhai, na Inn lim eihin thot o Please, kati leh
Langva inn abang buon kijut se dihdeh lim khat eihin thot in, Thethem number ah ka forward in,
Kalungse val e 😭
tin eihin reply kit in ahi.
Ajing nilhah in chedin ka hung kigou vin
Bhai smart deu vin hung kivon o tunilhah chu, kati leh
Ole, atin ahung tai
Payama khat ahin kichen in Tshirt khat ahin ah in Horse star slipper khat ahin ki bu leh nidang sang in adan a umjep e🤣
Kaga che uleh a inn lhang tah uvah mithi khat Hospital akon ahin poh diu thu Thethem in ahin sei tan keini jong ka kile kit lhontan ahi,
Tuibong traffic point ah kaki khen kit uvin, a che phat in guh thim in anung kajui tai, garineova kache u ahin hung thah ing e kati leh anompon, cheva khun auto man ing e atin ol cha a kajui leh lamlhang a inn compound khat ah a lut in, ka gari ka sel in dai ong kah a ka gah vet leh
Vo karen!!!! 🙈🙈
*SCORPIO LATEST MODEL* thah sit set khat’ah atouvin Lamka lang jon in aki kho doh jel tai…….
_To be cont Next Episode_
