Home Thilha Thusim TEHSEPU LHAA-GIMNEI

TEHSEPU LHAA-GIMNEI

434
0

( Thusim tah2 ahi ae)

By Mangcha Haokip (FB)

1995 thinglhang kachen lai uhin ka khosung uva thilsoh gimnei tah khat ana umin hichu kahin sei ding ahi e. Khosunga thilsoh kahin sei d ahi jeh in kho le gam umdan chuleh khochen vengchen jong neokhat hinsei inge.

Ka kho uhi inn somthum le nga (35) tobang ahyn thinglhang kho a dya chu kholen ahi lou le khopi lhing khat chu ahithou taii.Kho hi moulchunga um ahyn langkhat ahin Twila vadung alongin hiche vadung gal achun Kawl kisei gimnei tah khat aum in hichu Tongdon kawl (amasan jong kana min phah jep in ahe)akiti.Chuleh hiche vadung to kaki kah uchu gammang mang kit kuat jeng sun na eche jong le nisa kimu g lou ahi.Chukit le langkhat ajong chun vadung khat ma along kit in hichu Chohchol vadung katiu ve.Hiche vadung to kaki kah uchu gammang ngen ma ahikit in ahi.Gammang atam jeh hyn kineh hol na d jong atam in e. Loou bol hat te dia anche louhing chule chang le mim ninglhing set na nei nathei,Thing aat le khomsui them ho dia thing hoii tah2 aat ahilou le khom hoi tah2 suiya inn nom tah kisah nathei,ngahol hat ho din vadung ni tah aum jeh in nga,aai chulejh kaikoung ti ho mat a neh2 jeng nathei chujong le Theigaa holhat ho dia jong Theigaa chikim mu nathei gam gamnuom tah ahi.

Hijeh chun agamma cheng hon adei dei in neh akihol thei un phaitoul a inn thupi tah2 ahilou le jeep le car hoi tah2 nei akihi lou vang chun mijouse chun nuom asan hiche ho um nalam chu koiiman agelpha poii.Kumseh le Chaavang goulseh tiho kisuh hel na thei jat chom2 chapang hoa ding, nungah gollhang hoa ding, tehse hoa din chuleh nupi upa hoa ding tyn golnup jat chom2 aki bol jin hichun khosung chu asu nuom chom lheh jin ahi.Chutya koiima umna hepha lou hiel khop a nuomtah a aki umma chuleh Khanglai ten kumseh a ana kibol jing Youth Day kinem tah le ngahlel tah a aki um laiyin ka inn kom uva tehsepu khat chu ahung dammo tan ahi le khomipi te chu alunggim thei lheh uvin ahi adeh in khanglai te chu aha lunggim lheh uve ajeh chu Youth Day ahin subuii khadem t chu ama ho lunggel bou ahi taii.Abul chun aha buii nai lou jeh in a innsung mite bouin aki buii p jou in khosung mi koima asu buii nai pon ahi.Hiti chun phat ahung che chen ahi le adammo pa jong ahung ha dammo cheh2 tan a insung mi kiuseh in abui p jou lou phat in khanglai lamkai hon routine ahin sem uvin nungah gollhang ho age p ahung kilha pan tauvin ahi.


Kho ngai tadiuvo Sa-me lah a ankam hin lhah tadinge o..sa-me lah a ankam kilhah hi akilhon na khat jong aum g bouve he3.. Hiche adammo pa lha in mi alhep dan ho esei masang uvin adang mihem sugenthei/sukicha thei hojong gah sei jep ute.inna sei ma bang uvin kakho uhi thinglhang ahi jeh leh gammang atam jeh hyn thilha sangah jong atam in ahi gah sei din Joumi,Chomnu,Gam-nupi chuleh adang2 adeh in hiche ho hyn mi aha kimusah dehset uvin ahi,Joumi kiti hyn jonglha pah lai leh mi aha kimusah dehset jin ahi tehse ho sei dan in ama ho hyn jonglha pah achop jiu dan in sei uvin ahi.Pathen lungset in kin vang hiche ho hi kamu khapon ahi.Gam-nupi atiu vanghi amel kamu khah lou vangin akaa kana ja jingin ahi ama hin sun le jaan he louvin mikhat acha iittah ahilou le asopi ngai tah athia akaa bang khun gimnei tah le lai natah khun moul le lhang kithong liu vin ahung kapjin kajah tiel chun katimul akithou in kakicha jin hinlah kahyn jah jing phat chun angaina dan in kagel in khoh kasa ta poii.

Epi jeh a kap g ham tya kanu ka doh le ema lou tah in acha hamkhat thi hinah ta atyn ahi.Hiche gam-nupi hi gam va hat hon aha mu dehset uve.Papi khatin hityn asei e nikhat gamma kache kahung kile le lamsah gelga phung nuoi khat na gelga ana ne in keijong kakicha behseh in thi jamin kahung jamme e atyn ahi.Hiche papi pa ma2 chun hityn ahin sei kyt ne nikhat gamlenga kache gei thimma kahung kile le gelga phung nuoi khatna anatou vin eina ve gehguh kyt in kei jong lung han to kichat kop pumin epi ninuoi se na a nangin nei kimusah jing kei ham tyn ka Thihnaang ka load na kakap le hoilang gei ham ka mu tapoii atyn ahi.Heiha ankam adang lhah d tamtah umjong le hichang bou chu hynlhah tange..

Khaile Adammo pa thusim anasei kyt tau te le Youth Day anai mong2 phat chun nungah gollhang ho chu aki hom khen uvin abangin adammopa age p uvin adangse chu Youth day nia nehkhom d tin Twila vadungah ngahol in aga jaan geh uvin ahi.Ngahol achun ka ute kei chung chet a pa t lou adangse jong ajau uvin kei le ka u to ka nu bou ka um u ahi.Hiche jingkah chun ka nu le ka u jong bazaar che dingin akigong honin nidanga bazaar che d akisei le thanom ma um ji tou ji heji lou pa chu hiche ni jingkah chu kangap hyhbeh jeng in kanun kei kommah nahung d ham atyn kangap hyh e kati le kidang asah dan2 chu chomkhat even enuisat in inn phaten anangah in kin nehthei kahin choh peh d nahi atyn kinjong haluba natiuvem haluva natiu ham to ‘S’ lim a um kukis kiti nehthei ho khu tulai poavin kisei le aluk laitah ahijeh chun nin choh peh in ka t le tamtah kahin choh peh d he atyn chejou chun pot poh d se chu aki guot honin jingkah pung thum (3)in lamka lang jon dingin ahung kipat doh hon tai(gah het d khat chu ka kho uhi gari parking to aki gamlhat in kenglam asauvin ka kho uva pat na chu kino tah a eche le pungkal thum(3) kijot ahi hiche jeh achu matah a kiche g ahi evai gei jep kyt le bus in ena da lhah kyt g nalai ahi)

Hiti chun kanu le ka u che doh jou pung makhai jou hin ka lip doh phat chun chomkhat mei ki oi henlang ki emu hen tin tapkuong le lhuong kido (khunpeh kido) na achin laitah achu thing touna khat na kakhut na kakha kangap ma katou ahi, hitya katou laitah chun ka inn nung lang uchu gammang ahin ka inn nung chet uva chun mikhat hatah a dammoa anat na thohlel tah a atao bang khun khatvei Hmmm…tyn o lentah in ahung tao vin kagah japil jep in adammo te chun saivoh lentah khat anei jeh uchun hichu hin te tyn eman kagel poi ani vei na ahung tao kit chun phatea kangai le amasa a sang chun ahung naijep in keijong kati ahung ja thim tan suh na d ka het chom lou jeh chun tija thim sa sa a katou ngei banga kathah tou kyt le athumvei na a katou na nuoi laitah a gimnei tah le inn kithing liuva ahung tao kit chun ka kengtoa pat kati ahung ing touvin kalu ahin phat chun kalu chu ahbom te aphan akaa to apen kop pumin pamlangah kalhei don in ka innmai uchu lamlen ahin lamlen achun ka lheiphei in vengning lang peh kaga pha in kahung nung lhei kyt le adammo te inmai chetna cheng te chun thaomei anavah uvin hichun keijong kot achup ma kachup tho le anun ahung hong gangchelin ahung hon2 in ema jong sei lou in alupna lang uva kalhei pei in kamoh emut jeng le anu chuun kidang asan hinlah alungdan man chun nomtah in emun atyn amajong aki emut pei taii.Kanu le ka u hung lhunin kanu komma kasei le atahsan pon khohsa lou tah in vohcha hinte eti peh bepsiu ve inla vohcha ahilou hoisella kihe,among monga jong ka tou na lhoung le tol kikah chu fit khat jong lhing lou uicha ding jenga jong lut hahsa ahi.Hiche nia pat chun jaan junthah eh thah chu keiya dingin ka gaal/ka melma len pen ahung hitaii.Khonungin ka gel2 le hiche tehse pu chun elhep ahi kahyn hedoh bep e.

      Kei elhep jou ni 2 jou hin ka ute jong ngaholla ache u chu ahung kile tauvin nga jong tamtah ahin man uvin ahi.ajing in ka u teni (numei teni) le aloi ho chaang haam bo lai ahi jeh chun lou kuon in achevin lou aphah uhin kile phat jong le kilhon dingin akitem uvin alou cheh u akijut tauvin ahi.Nilhah che phat ahi phat hyn aloi ho chun ka u teni chu che tau te tyn ahin koupa uvin ka u alenjo nu chun ka u le aloiho komma chun ana cheuvin lang hilai moul akhun eina ngah uvin kin hiche lai beh neo khat hi hyn lhoulhang katin hung inge atyn ka u le aloi ho chu asol masan ahi. 

Hiti chun aman ajo phat in ahung le lamle ahin phah hin mi tamtah ahung ki hou loi anui loi ul chenga ahung u ogin uchu ajan aman jong aloi ho chu ahi sah in eta moul langah enangah uvin kitya che laitah u ena ngau ham tyn ache pheiyin avet le koima um lou aman jong eman agel nai poi ahung kit le mi mao gin aja kit in aman akal langa chu jou ho kho khat aum ahi  jeh chun ama ho chu hinte atyn ki ot doh hen tyn lampam a ot le koima hung kit lou che phat chu ama jong aluchang ahbom te ahung phan a sandal chu ahin ki choiyin ahung lhai le lampi anal jeh chun ahat thei kyt pon achainan akom avel lah achun hmmm…..hmmm.. tyn ahung tao tho kit tan ama jong akicha behseh in thi jamma ahung jam le ka u hon anga nau chu ahin pha nah2 in amaho jong chu chuti ma a analhep jeh chun suh na d he louvin lam kika achun ana moh din uvin ahi.Atao pa jong akhoh cheh2 in langkhat na ache got ule ache guot nalang uva tao langkhat na ache got kyt ule chelanga chu tao kit suh na d ahet lou phat uchun aki tuh to uvin thi le thi tin khat vei lhei in ahung lhei uvin ahi le nah2 in inn ahung lhung uvin inn ahung lhun uchun khatcha aham thei jong aum pouvin ahi.Hiti chun khosung mite chu  lhep lou anei pon esu genthei lheh uvin ahi.

     Hitya chun Khanglai ten age p jing uto lhonin nilhah khat ka u ho group hyn age p nilhah uhin adammo pa chu tapkuong sah khangphei achu gimtah a koima um nalam jong helou a lum ahin ka u ho chun tapkuonga chu mei aki oi uva houlim to akop u ahi.Ka u chu ahung houlim in hepu hi damdoh loi2 hen lang tukum youth day nom tah in kimang kyt le pha d tya agah sei le asei chai2 chun tehsepu koima umna lam jong helou hel khopma dammoa lum pa chu ahung kihei in ka u chu mittol kiuvin ahin ven na youth day man diu ka suh bui thou2 d he ahin tyn ahile ka u le aloi ho chun kichat to kidang asa lheh uvin khatcha aham ngam aum pouvin ahi..hiche ni jaan na pat chun ka u le aloi aum khom p ho se chun youth day kimang thei lou ding ahi taii t chu kicheh tah in ahe tauvin,

ahin koima kommah asei doh pouvin ahi.Alang khat nah aloi dang ho chun progmme ho asem uvin aman d dan ho asei uvin kinem tah in angah jing uvin ahi.Hitya khanglai ten kinem tah a ana ngalel jing u khanglai te a dinga nikho loupi tah kumkhat na khatvei bou kibol g youth day ahung lhun nitah chun tehse pu chu ahung thitan ahi le khanglai te chun nupmo asa lheh uvin, ahin alou thei lou ahi phat chun lamkai hon tohvai ahin hom uvin koo-lai d loi cha-om d loi tya ahung kihop jou nung chowkidar pan jong thidah ate jou nung, thikoung to hon jong ato jou nung uhin tehsepu chu ahung hing doh kit tan thikuong chu alung do man uvin innsah konjih(bangsah achin bilha nuoi) achun amoh koi uvin ahi..mipi thi-op a hung ho chun kichat to kidang sah akop uvin khatcha aham ngam aum pouvin.Ahung thah hin jou apat tehsepu chu masanga to abang tapon alung hang2 jengin lop jong alop lheh in ahi, ahcha nitha peh uvin a tin achal khat atha peh ule hiche tehse chethei lou p chun ahpum khat chu achangin ane chai kei in ahi khosung mi aga mu ho chun kidang asa thei lheh uvin ahi..

hiti chun adei dei akisei jin nga ka ducha e nga nihon peh uvin ati g in akah le sa kaducha e same nihon peh uvin ati g in ahonpeh g lou phat ule ahang jah2 jin a inko te chu nehgam d agu g in a inko te chu asu genthei lheh g in ahi.Tehse thu he thei jep aga mu hon hitin asei uve ‘ amahi ahung thah hin doh a pat atahsa hi ama ahi vanga asunga michom cheng hiche acheng pa chun adei dei adu du akisei g ahe atiu vin ahi’..Ahung hindoh apat hapta khat jou hin ahung dammo kyt tan khosung mi ho chun atou pi pan kyt tauvin ahi.Nilhah khat hi aha dammo lheh tan koiman vang khovah jou dingin atahsan tapon ahi. Hiche jaan chun kanun jong aha gim lheh e t thu ajah phat in eki pui in ka ga che hon le mi ana dimset tan athi d chu amoh nga jeng u ahi taii..

Khangphei komma chu lupna khat ado pih uva alup sah u ahin kei le kanu chu tapkuong sah a khangphei a chu mei kaki hona ka tou hon ahi ahai dan jong chu ahahsa lheh in ahi..chomkhat jou hin mi ahin lhem pan  kit tan akah le insah achun ahun tao hut2 jin akah le innlhang lah achun hmm..hnmm..tyn lel tah khun ahung tao jin ahi..a inn uchu lhoung kido ahin khat vei innoiya ahung tao chun innjong aki thing liu in innsunga umho chu umji touji jong kahe thei tapouvin ahi kei deh2 chu kaden hice nilhah vang chu akichen set jengin ahi..innei nun kicha hyh uvin vohcha ahi bouve aty vangin koima vohcha ham hei la umlou,athikuong vel lah achun ahung tao hut jin innkim chu avel le2 jin bang pou chu ahin jep poh lah2 jin koima apot ngam aum tapuon ahi. Khatvei insah a athikuong kikoi chu ahin dom in toulse na a ahin nei chu mipi chu ka hung peng jah jing uvin ahi

Agim nei dan2 chu koima akicha lou aum pon ahi.Jaan pung 10/11 vel hin ahung thi tan ahi le akam le anah achun chilphon alom lom in ahung lon tho jengin hichu kagah mul khal2 kit in tuchan hin kalungah among naipon ahi.Akomma tou hon hitin asei uve Athi kon chun atahsa chu gul lip lheh2 ahitai atiuvin ahi ahung bui phat chun akomma atoupi ho chun pon akhu khum gangchal uvin ahi.Mi hung kikhom ding ahijeh chu gollhang phabep chun common rom chu he theng dng agu uvin gollhang khat in common rom laitah a changvai longkai a kikoi chu cha le na anoh jeh chun ga koi doh inge atin tomlang achu rom khat store rom tabanga aman u khat um ahin hiche rom a chu changvai chu gakoi inge tya agah lut le mikhat nin ahin sem in longkai t ama t lhonglai (common rom)achun athal ngaletset in a ahung chun mi hon chun adel lut uvin e p na t hm tya adoh ule ” longkai koilut dinga kache got kot kagah khel le mi khat in eihin sem me” atin ahi.Hiche ni jaan vang chu kaden heimil thei ahipon ahi agim nei dan2 chu..keivang chu innvela ahung tao le2 achu kanu chu achop to amat katho jeng aite.Min asei dan in admthei lai a aji nu to kholla ache hon ahung kile hon nah a sam(python) in sa khat anavala thingphunga anaki jiel laitah a akap asaam (python)chu atha thou ahivanga sam chun ama ana mu masat na ahu lha khum ahe atiuvin ahi. Hijeh achu athi koun na chu avun chu gul lip tabanga um chujong le athi a chu achil phon chujat chu hungdoh ahe atiuvin ahi.


Hiche tehsepu hi a u pa jong dam nalai ahin hinlah teh val ta chet thei louva khangphei a luma alup munna an ho anehsah tho u ahi taii.Athi apat ni 2 jou nilhah khat hi hiche tesepu athipa a u pa a inko te jouse hi athipa inna chu lekhom dinga abon uva che u tehse pu chu achanga inna ada lhah u le hiche nilhah chun a u pa ana kimusah kyt in ahi.Tehsepun asei nah a chun nangho nache doh jou nung uchun kot ahung kihongin kavet le ama (athipa)chu ahung lutin amit chu ahtui te2 aphan kinjong ebolla namit ko chu chen na chu tong ham ka t le ‘hityh chan ki dammo nahet lou ham’atyn kinjong dumom(jaa- kimom/kichep thei) kale lhah peh le akilah in bubel mebel asu ging lah2 in tamkot achun alut in ahung nung tapoi atin ahi. Jingkah in bubel mebel chu mithi uiyin a uiyin nah a nah ho tham a tham ho ahipoi atiuvin ahi.Alim da chu a u pa chu ahung kimu sah dan ahe.BEITAA.

Thusim sim ho kom a tepna nom chu achung a hung kisei thusim hi atah beh a asunhon ahinto thil khat ahin, hitabang nangman jong nathil to khah aum le nahinsut a KWC ho kom a nahin thot thei ahi. Thusimbu a hung kikoi ding ahi, chule thusimbu hi inam mipi ho muntin gamtin a umho kom alhun ding akidei jeh in naloi napai hoilai mun a um jong le ana seipeh (share) un.

Previous articleCollege gimnei
Next articleKathilto Gimnei