Written By; Smartmyn Doungel
Masang lai hin gam khat nin, gucha ana lang lheh jengin ahi.
Mihem, holah ajong gu cha tah khat alang ngin, mihem goh hilou vin,
Ganhing lah jenga jong Humpi hi ana guchat lai tah ahi kit nin ahi.
Hichi laitah hin, khosung khatna hin, inkhat tehin, sakol ana hao lheh jengun, anuloi, achal loi, anou loi, jakhat lamset sakol ana nei jun ahi.
Hichi thuhi, mihem te lah a gucha pan anaja doh khatan, hibang chun gamsa lah a gucha humpi jengin jong janseh a ana gep jingsa ahije.Jankhat hi, Humpi jong hichi sakol ho guding chun khosung ahinjontan, vangset umtah in, mihem gucha pa jong hichi jan chun, sakol guding ngin ahung kondoh ta vangin ahi. Jankhangkim ahung hi tan, gucha humpi in jong sakol te gena in noichu ahungvah lut tan, sakol te lah chun aum min, hoichi hi athao pen ahidem ti a alhen lai tah hin, mihem pa jong sakol telah in noichun ahung vah lut tan, mihem pan jong sakol lah a hoihi athaopen ahi tadem tin atham letan, aboilha jeng hon tan ahi.
Hitia aboilai tah honchun, vangset umtah in, in neite chun chapang khat aneijun, hichi chapang chu ahung kiphin tan ahung kap pantan, ahi.
Anun eti alhep vangin, hichi chapang chu lhepbi hoi ahitapon, aha kiphat bolcheh cheh jengtan ahi.
Hichun, anun, boi kaphih in, Bompon, nakimat ding ahi, ati vangin ,athip deh taipoi.
Hichun, Boi kap hih o, humpi,keipi , sangah, thilha ahunge, namat dio ahi ati jeng vangin aha ka cheh2 jengtan ahi.
Anu jong alung kham lheh jeng tan lhep na ding kiti jouse a alhep vangin, chapang chu athip deh lou phat nin,
ajo nan, go ahung ju tan ahile, bilha a go ava chut2 jengtan, aginchun Tapta atin ahile, anu chun, lhep nading ahet lou man chun, Boi vetang Tapta ahungtai namat tei2 ding ahije ati phat nin, chapang chu athip chet jeng tan , a uhpoh ta pon, ahi.
Hichun, gucha humpi chun ageltan, thilha ,sangah, humpi,keipi, bon ki chalou va tapta akichat chu, etabang bepseo ahita dem, atin, gucha humpi jong tijat kichat nan adim jengtan, tujan vang hi tapta masanga kahoi doh lou ding ahitai, tin agang theipen na sakol thaonet khat kimat na jam mang doh ding ahi tin agel tai.
Hichi bang chun, mihem pan jong Tapta hunglhun kah a jam doh tei2 ding atin, aki mai le2 le, gucha humpi pa keng amai kha tan, tuvang sakol lah a athao pen ahitai tin atuh chah kheh in achunga achop doh jengle, humpin jong chivang tapta hitan te atin achop to ajam atho jengle, mihem pan jong humpi chu amulla amat na atuh chah cheh2 jengtan, atuh chah chan chun, humpi chu ati aja cheh2 jengtan, kaden tapta hi kachunga atoutai tujan vang kahoi doh jou lou ding ahitai tin, ajo chan nin ajam min, achunga toupa chu thin lhah teiding atin, aki chop toh sah suh lhang suh athon ajo chanin aki ham bol jengtan ahi.
Mihem pan jong , atouna chu, amuthei lou vangin, sakol chunga tou ahi louchu ahedoh tan, heiha kagin penle kaki chat pen tapta chu hitei teijin te, hichi tapta akon na kahoidoh tei na din tin, thingbah kikhai nading ahol pan tan ahile, ajo nan, khovah ding kon nin, thingbah khat amun thingbah chu aman nin aki khai doh tan,
tun vang tapta akon nin kahoi doh tai tin thingchung a chun atoukho vah den tai.
Alangkhat na, gucha humpin jong nah2 in, tapta khut na kon kahoi doh e atin, ahai lut2 jengin, alei kai leo vin akibah thal sen alum jeng tai.
Hichun humpin agam sunga meeting abol tan, gamsa jouse chungleng vacha hihen a opma kithol hijong le akou khom min, hitin asei tai.
Ngaijun2 tunin thukhat najah uva kasei nom jeh a meeting call kahin bol ahije, tunia kasei peh nommu chu ahile, veovin
tuhin egam sungu vahin,
keisanga hat le chungnung jo, tapta kiti chu egam sungu va ahung lut tan, agan na thei pena egam sunga konna edel doh loilou leo, eitha gam tei2 dio ahije.
hijeh chun , kithu ngaiju hitin koima anung chon umlou ding,
gamsung tuni ma2 ekhol tup dio ahije tin aseitan ahi.
Hichun ganhing hung kikhom jouse tijat nan adim jengun aki hotlhu gamtaovin ahi.
Humpi chun, mihempa thingba chunga aki khai chu ahet jeh in, hitin ahin seitai.
tuhin tapta chu thing chunga achen jeh in, tunin chunga leng vacha te thingchunga lengdio, jong/monkey te thing phunga pang ding amaho lamkai na gamsung tuni ekhol luva tapta chu edelmang doh jeng dio ahitin ki ngaise tah in ahung kitol pan taovin ahi.
Mihempa jong, thingchunga chun nomtah in a emuden tan,
ahung khah le, vacha te ham vut2 na achunga alen chu amutan, thing chunga jong/monkey te ahon hona ahung kitol chu agah galmu kit tan ahile thilkhat aume ti ahe tan, ama jong thingboh lah khatna aki seltan,
(Jong) ten ama kom ahin phah phat nun thingphung chu kilep jah2 a aho jengle, jong te chun , vohenu hilaijin tapta aume atio vin apeng ngun ato ke2 in anung jam gam tao vin ahi.
Hichun, mihem pa jong vadunga ache in aga kisil tan ahile, chungleng vacha ten ahin mudoh kit taovin, Humpi kom ma acheovin, vo lengpa, tapta chu egam sunguva aum nalaijin, tuhin tuilah a achenge ati taovin ahi.
Hichun, Humpin meeting asom kit tan, hitin aseikit tai, kanam mite ngaijun, tuhin egam sungu vahin tapta chu tuilah a achengin aum nalaije , hijeh chun, tun kipat doh utin no mang jengu te.
tunin vang tuilah ahijeh in, sai/Elephant te makai ding tuipanga ganhing namkim eki toldio ahin atin, kingai se tah in, (Sai) te tuilah apang ngun, ganhing dang sen tuipang a ahung kijot kit nun, vadung ahin juisuh un ahung kitol pan tao vin ahi.
Hichun, mihem pan galla pat amukit tan tuinoi ja akisel kitnin, ama kom ahin phah phat nun, molkang nga (sai) ho chu agah sut le, (sai) te chun vohenu hepa kaden kadon tapta hilai ja aume atio vin apen toh thon ato ke2 in, ahung jam taovin ahile, ganhing dang ho se2 jong aki thit mang gam tao vin ahi.
Hichun, mihem pan agel gelle tapta chu emacha ahilou dan ahin hedoh tan, nomtah in a in lam ma akile tai.
alangkhat na, Humpin, meeting abol kit nin, ganhing jouse kom ma, tuvang tapta egam sungu va acheng den tan, edel doh jouta pouvin, eso chat thei nadiovin, tunin ganhing jousen, epon vaicheh kipoh utin,
hichi gamsung hi dalha doh taote atin,
kilung toh tah in, akitol lun gamdang ajon nun aga khosa taove.
Moral:
Thil hi hen, thulamleng hijong le, epi ahi ehet chet cheh tokah sea moh ham2 moh sei2 moh pao2 bollou ding hi, khonung a dam na khat ahije.
Hichi thusim mahin, emacha hilou khat gin nan gancha jousen agam adalhao vin genthei tah in gamdang ajot lo ui.
hichun avet sah chu khol chen lou va amot chon2 jeh u aphong doh in ahi.
hibang chun mihem eiho jong hi evet le khonah langa mikhat nin, hichi nuchu adam moi ati le, aban na sei son hon anat alel le eti jio vin , aban na hon athitai atikit nun, ehet chen lou, khol toh lou va, mot chon2 thu moh sei2 louvin, aphai ti emu doh ui .
THE END
