Home Kuki Black Day Story SUHMIL THEILOU KAPU, NSCN-IM HON ANA THA DAN U THUSIM

SUHMIL THEILOU KAPU, NSCN-IM HON ANA THA DAN U THUSIM

188
0

Keima atupa HELKHOPAO, PAOMINTHANG TOUTHANG


(kapu thi thusim achomlam thei penna kahinjih hi eina sim chai pih tei in) related with the kuki black day…..
Kapu hi ana hekha aoi agol asopi akho aveng jousen atha hat dan le atahsa let dan mi gum tah ahi ana sei jiuvin ahi amonga jong kenjong kana mu kha in milen mitha hat tah ahiding kaging chan ahi 1993 kum athi kum a hi Keihi kum 9/10 vel bep kho hin pen2 chu kana hin ahi….
Tah beh a sei ding chun Kapu (L) Helkhopao Touthang hi tamenglon district 41/noni kiti gamkai langa ana khosa mi ahin athidan hi koi khut nung ahi chu Oltah a a innsung miten kahin het doh pan u anahi….
1993 kum naga gal iti diuham hichi gal boilai tah chun keiho hi saikul govt quarter saikul Bazaar ah kana cheng uvin hichi laitah gal khohset dan chu tua athu a isei le ima ana hilou ahi saikul Bazaar molchung ah AR Assam rifle ana touvin NSCN-IM ho chun saikul hi gal khumkha na kahin nei nadiu ahi ana ot doh uvin tin lekhathot ahin bol jiu vin ahi hichi lai tah chun kapu pahi ka inn uvah ana um in ahi….
Kapupa chun ipi agel hitam phule helou khun kanu le kapa kom chun bhara ding neipe lhon in ka inn lang kache lou akhoh tai tin ahin phu tentun jeng tan ahi, hichun kanu le kapan hibang thukhoh laitah a ibol a hitia chu pot got nahim nakho lang u deh2 jot lut nathei dinmun ahipoi thu aboi ae aphat dom lang le nache nom jong le che nan nate ati lhon na iti akham lhon vang chun kapu chu ana kidoi him2 tapon kham jou malah in apot akigot in akitom jah2 jengin kei kon ipi eilo ding ham naga/milong ho kasopi tabang kaloi kagol ngen ahi akiti nop sel in ana kal song thou2 dan ana hitai…..
Hitichun kapu chu apot doh a pat athi ahin athu ana kija vah lou ahitai chulaiya chu mobile phone la um heime kijah mat na chu ana hahsa lheh in ahi kapa hi manipur govt Police excise ana hijeh chun tamenglon langa aloi apai hochu ichan gei ipi thu um a kapu chu ipi ti hitam ti aloiho message ana bol in ahinlah ima thuchen ana kihe deh pon ahi….
Lhakhat lhani jou hin kapu chu a inn ahung lhung poi ti akhosung hou chun ahin sei tauvin ahi ahile kanu le kapa hi alung gim lheh lhon tan khol thei chan chu akikhol in hichilai tah a chu NSCN-IM hon amitha hou Jong amachu ama ahin, hichi kho chu ahal uvin mi hijat jat hi athat uve ti kicheh sel2 in ana kija jin ahile kapu jongchu kanu le kapa gel danna chu NSCN-IM hon athau ahile hung kisei ging tei dinga ipi ti hoiya vai tham den hitam tin ana lung gim pih lheh hon in ahi…..
Hitia lunggim tah a akium laitah chun kapu chu NSCN-IM hon athat mong uve tichu eyewitness amit tah a mu akho gal uva pasal mipa khat hin kanu le kapa chun kom chun thulhut ahung nei in atha dan u le kichep nop na a anei dan houchu asei in kapa ding chun ngai hah lheh jeng in ahi, ka inn saikul akon apot doh a akhou S. PANGMOL alhun kon chakhet cha a NSCN-IM hochun ana lam tin uva vadung pang langa apui phei uva a elkelep a akan uva amit akan pih uva meithal a jong kap lou, achem cha choi hou va chu a umkol uva akiging lou kah lah2 le hitia chu asat jiuva pengjah jah a alha uva asat chen deh uva akhut akeng atan boh uva, alu a atlhah uva bora sunga aban het lut uva vadunga chu ana lelhah dan u ana hi….
Tuni geiya Kapu hi NSCN-IM hon ana tha lah uva alongdam sa kimu talou chu ahitan NSCN-IM hon ana that mong nai tichu kapan ol tah in anung thu ana khol be kit in kicheh tah le akitha dan hoitah a amit a mu mi thum lam ana kihou pi in hichi phat chun kuki innpi kom a NSCN-IM in athasa ho min kijih na list a peh dingchu ana gel doh tahih in keima tah in khonung in kahin boipi in houpi thei2 lamkai thunei domdom kana kijah mat pi in tunvang kapu chu NSCN-IM hon ana that mong nai ti kicheh tah in akijih lut tan ahi…….

Previous article𝐋𝐎𝐔𝐓𝐄𝐈 𝐊𝐔𝐊𝐈 𝐊𝐇𝐎 𝐓𝐇𝐔𝐒𝐈𝐌 𝐋𝐄 𝐓𝐇𝐈𝐋𝐒𝐎𝐇 𝐆𝐈𝐌𝐍𝐄𝐈
Next articleKUKI DEFENCE FORCE (KDF) HUNG KIPHU DOH DAN LEH, 1995 KUM’A TEIYANG KHO KIBULU THUSIM