Thilha ThusimÂ
Story byÂ
Nick Hangshing
Khosung khat ahin innsung mi haotah khat Pathen a jong tahsan na neibeh sheh Lou innsung mi khat ana um uvin ahi. Amaho chu a hao lheh Wang un Houin kai behset lou, Pathen jong tahsan beh set lou ahijeh uchun alungsung uva kipa na chu aum thei mong2 pon ahi. Hitichun e p abol vang un alungsung uva kipa na aum thei mong2 lou phat uchun achai2 nan achen nao khosung ajong chun aum num tahyh uvin ahi. Hichi inn neipi leh inn neipu hin chanu khat leh chapa khat jong anei hun in ahi.
Hiti chun khosunga jong aumnum lou phat uchun khosung len khat a kichon ding in lunggel ahin neitao un ahi. Hichun ajing athai in hichi nupa teni chun achateni chu inn in ada lha hon in amani inn hol ding in apot hun tan ahi. Hiti chun innmun ahin holpan hun tan ahi, ahivang in vangset umtah in koiman innmun ong anei tah lou jeh uchun amani jong lung nummo tah in kile ding ati hun tan ahi. Hiti chun innlam jon a kile ding atilai tah hun chun golhang khat amani lam jon in ahung phei in ahi. Hichun hichi golhang pachun hichi nupa teni jah a chun inn mun nadei hun leh ken nape hun inge tin mun khat achun apui hun tan ahi.
Hichun chom lou kah in amunchu alhung pai tao un ahi. Nupateni jong chun innmun chu avet hun leh numasa ma2 jeng hontan ahi. Ahin innmun lailungtah a songlen tahkhat aumjeh chun innsah nadinga ahah tahjeh chun amanin jong adeibeh set hun pon ahi, ahivang in hichitailou mundang him2 innmun ong aum tahlou jeh chun hichi lai innmun chu akimoh lah huntan ahi. Hiti chun amanijong ahung kile hun in ajing in golhang thahat cheh hichi songpi khen keh ding chun asol tan ahi. Ahin songpi chu alet behset jeh chun ni ijat ham jou in akhen chai nah2 uvin ahi.
Akhet chai ni nilhah lamchun akom a chenghon hichi song chunga chun mihem tobng2 khat atou chu amu tao un ahi. Ahin amahon natong ho hin te ati uvin koiman jong ema in ana gel behset po vin ahi. Hichun chomkah louin hichi innmun achun inn jong ahin sapai tao un ahi. Hichi inn asah chai2 uchun akoma cheng inn sung mihon, akichon lut masang uva maicham semdinga asol wang uchun, koima thusei ngailouin maicham jong sem lou in akichon lut un acheng pan tao un ahi. Hiti Chun ski chonlut jou lhakhat lhin masang in hichi a innsung uva chun thil kidang ahung um pan tan ahi.
Nikhat hi abon uva a emut nungjou un, jaan khangkim don velhin inn sunga mi achaloh gin chu ajinu chun ahin ja tan ahi. Hichun aman jong gucha hinte atin ajipa chu asukhang tan ahi. Ajipa akhah2 chun angai in ahileh ema gin ajah lou phat chun ajinu jah a jucha hinte kiemut tan tin alum kit hun tan ahi. Ahin ajinu chun thil gin ajah mong2 jeh chun emu theilouin aumtan ahi. Chom khat jouin amajong aki nunghei in a room kot chu agah vejap in ahileh, a room kot a kon chun Satan tabang aki asao doh in, amit jong in San they khat in ahin vet chu amuphat chun, amajong apet2 chun pen d atileh apeng doh their tapon ahi. Ahipa suh khah ding ati wang chun atahsa chu achat jou tapon ahi.
Hichi pet tahchun hichi Satan tabang thilha chun gul leitobang alei ahin lhadoh in, room sung chun ahung lut in, hichi nupi nu um nalang chun ol2 in ahin jon pheitan ahi. Hichi pet tah chun ajipa ahung khang in ajinu chu atham in ahileh atahsa pumpi chu avot lhajeng tan ah, ajinu chu avet leh amit tolkeu in ahah in ahi. Hichun ajipan jong adam louhin he tin apet2 chun ajinu chu akou in ahileh ahou louphat chun aloh in ahileh ajinu chu anah2 in ahung khang in ahi. Hichun athilmu ho chu ajipa kom a asei in ahileh ajipan jong namang se hobou e atin ahi, ahin ajinu chu akichat val jeh chu emu talou in ajipa chu atou khovah pitan ahi.
Jingkho ahungvah in bu aneh jou in ajipa room a alut kah in achateni chu kichem in apot hun tan ahi. Hichun ajipa room a pat ahung pot2 chun ajinun kin kanei e tin apot pai2 tan ahi. Ajinu apotjou chun amajong kitchen achun alut in dining table chung achun atou tan ahi. Chom khat jou chun achateni room langa kon chu thil gin aja in agah ve in ahileh achateni chu amutan ahi. Hichun achateni chu akouphei in touna achun atoupi in ahoulim pi in ahi. Ahiwang apa chun achateni chu e t ahou vang in achaten chun kamcheng khat injong adon but hon tapon ahi. Hichun apa hin alunga hin adih thei lou khat aum tai tia agel lai tah chun, kot pi ahung kihong in agah ve in ahileh achateni chu kichem a achi na akon a hung kile chu amu tan ahi.
Hichi pet tahchun apa chu atouna akon in akinung chon in akom a you achateni a agel teni chu ave in ahileh..koima ana um tapon ahi. Hichun apa chu apum in a ull in achup tan ahi. Hichun achateni chu akou in ajou a chu hoilai naum hon m,hoilai nachi hun m tia adoh leh achateni chun polanga kichem a kapot hun leh ng in kapot d he, inn ngah hon in nati jh a kahung Kile hon ahite. Napot lou d leh kichem a kachi kit hun d te tin achateni chun apa km a chun asei hun in ahileh, apachun pot da huntan, nanu ahung phat le potkhom naote tin achateni chu asol doh hun tapon ahi. Hiti chu ajinu angah tho tan ahi.
Ajinu anga sunga chun ajipan khothim tam tia window ho avet le2 pet chun window akon chun polanga jaan khat a ajinun asei Satan tobang thilha chu mangphel phul a ava le2 chu amutan ahi. Hichun apet2 in window hochu aga ban khatan ahi. Kitchen window aga kha pet chun window akon chun khut khat in akhut chu ahin man in ahileh, ama jong akin toh akichat val jeh chun amoh pen in ahileh achateni chu ahung lhai phei hun in kitchen kot a chun ading den hun in apa chu ave hon tan ahi. Hichun apat chun achateni chu amuphat in achateni kichat lou nading in window kakha leh kakhut kaki suh khah ahe atin ahi.
Hichun acha tenin apa kom a chun, hepa nanunga dingpa chu koiham ati hon phat chun apa jong kinunghei louin kitchen akon chun ahung lhaidoh in kitchen kot chu akhah in achateni chu room achun aum pi hon tan ahi. Chom khat jouin tehse khat in ajinu chu inn ahung thah in ahi, inn ahung lhun2 a ajipa toh achateni amu2 chun adel phei in kipah tah in akol in ahi. Hichun ajipan lunghang thim tah in hoilai nachi a tua nahung bep ham tin ahou tan ahileh, ajinun ajipa jah achun inn kahung kile lang achun echateni toh khopam lang jon a nachi u kamu in, kakou jongleh koima jong nahung kihei povin, nanung u kahin del leh kadel phah d kon in kol a nabon un naki chom lhah un nabon un nana thi uve. Nei thi san uchu kavet leh kapo naval in kei jong kol a chop lhah a kitha ding kati lai tah in hepu(tehsepu) hin eihin tuh in inna eihin puiphei ahe ati tan ahi.
Hichun ajipan jong ajinu kom a chun apot pet a athil to uchu aseipeh tan ahileh, tehsepu chun thil umdan chu dih asah thei lou jeh in, khosung houbung pastor pa kimu p un tin asei p un ama jong apot pai2 tan ahi. Tehsepu pot2 achun ajinun ajipa jah a ekhosung luipa a themgao nu kom a joh chun chi ute. Doithem ahin adoi a anodoh thei ding ahi atin ajing a chi ding chun akigo tao un ahi. Hichi nilhah chun room khat a ageh khom uvin ahi. Ahiwang in amaho chu jankhovah in koima jong emu thei in alha po vin ahi. Hiti chun amahojong jing khovah ngah in atoukhovah tao un ahi. Kho ahung vah2 chu bu jong nelou in akholui lang chu adel phei tao un ahi.
Hiti chun akholui u aphah2 uchun Doithem Themgaonu kom chun ajon pai2 tao un ahi. Themgaonu kom alhun2 uchun a inn uva athilto dan u abon in asei pih tao un ahileh, hichi Doithem nuchun phui asam in, Lou khat asem in, hichi lou chu apen, inn nalhun hon phat leh hichi lou hi kahil nabang hon in phui samkhum hon inlang na innsung hona the hun lechun ema jouse phatan te atipeh tan ahi. Hichi amaho jong hichi lou chu ahin kichoi un inn lam a ahung kile tao un ahi. Inn alhun2 hun chun doithem nun asei bang in lou chu aladoh hun in, phui asam hon in, hichi lou chu a innsung uva athe hun tan ahi. Hichun doithem nu thusei chu tahsan tahin anei hun in, ema t tapon t ati hon in, til a age bang un a room cheh2 un ageh pan tao un ahi.
Hichun nupa teni jong alelhon toh a lupna chunga numtah a kichol d ati hon laitah in a inn uchu ha thin in ahung kithing tan ahi, hichun athil lelo hojouse chu inn sung achun athang gam tan ahi. Hichi pet tahchun innsung a chun mi pen gin aja hun tan ahi. Hichun amanin jong apet2 in achateni room langchu adel phei hun tan ahileh room achun achateni chu ana um hon tapon ahi. Hichun mipen gin ajah kit hun phat chun amanin jong phata angai hun leh achateni ahi ahet hon phat chun room jouse chu ahol hon tan,ahivang in achate nichu amu hon tapon ahi.
Hichi pet tahchun ainn kom a cheng hon ahusa u ajah phat un, ainn kom a cheng pusal mini chu a inn uva kon in ahung lhaidoh hun in, hichi nupa teni inn chu akidel tet hun tan ahi. A inn gate aphah hun chun pusal khatpa chu ading den in pusal khat pa kom chun inn chung lang khu ven atin ahileh, khat pan jong agah vet leh hichi nupa teni a inn ting a chu Thjlha mihem sanga lenjo, alu a aki dim, akeng hompi keng tobng adin chu amu hon tan ahi. Hichun amanin jong emadang gel be talou in innsunga chu alhai lut hon in nupa teni chu ahin kaidoh hun tan ahi. Hichun nupa tenin khosung Pastor pachu kimu p ding atin, houinn lang adel phei hun tan ahi.
Houinn aphah2 hon chun pastor pa chun nahung masang in naboi na Pathen in eihet sah tai atin,nupa tenin jong pastor pa kom a chun kachateni ei hol doh p tei2 o tin aka to atao tho hon tan ahi. Hichun abon un hichi nupa teni inn lamchu ajon tao un ahi.nupa teni inn aphah uchun pastor pan nupa teni jah a asung a elut diu ahin kicha hon hih in Pathen a kingai hon in Pathen in bol mo anei poi atin alut tao in ahi. Innsung alut uva pat chun til a hichi teni nupan ana bol Khan Lou taona chu ahin mang hon tan ahi. Hichun pastor pan jong a bible ala doh in taona amang in ahileh inn chu earthquake um bang khun akihot jeng tan ahi. Hichun pastor pan Amen ati toh kilhon in ema jouse chu athip chet jeng tan ahi. Hichun room a kon in achateni chu ahung lhaidoh hun in ahi.
Hichun pastor pan nupa teni jah a tunia pat ema t tapon te, nachen masang uva chu hilai nainn mun uhi Satan leh asei juiho kikhop namun ahin,song chu aki thoinao ahin, nasuh set uva inn nasah khum phat uva chu nainn uva cheng pai2 uva ahi atin, bible chu nupa teni apen, na innsung un Pakai a hinkho thah mang un tin adalhatan ahi. Hichi nia pat chun ainnsung uva ema ati tapon ahi, chuleh nupa tenin jong Pathen a akingai hon in, hinkho thah amang hon tan ahi.
BEITA
Eiho jong boina enei phat uleh Pathen kom ebel sang in Doithem Themgao ho kom bel team lheh nalai uvin ahi. Ema house bolthei Pakai aum e t haipou te
Tua nachen na nainn mun jong chu mun theng hinam, hichi nasim pet in nanunga anaum tale LA.
Pathen a kingai in Emajouse Bolthei Pakai aum e.
(Story hi ngai high jong leh lunghang pou te. Kihil nadinga kahin jih ahe. Nangai num uleh LIKE & COMMENT hin bol uvo.)
Story kajih louna asot wal phat in story hi ngai jou ding katah san hih e. Ngaidam
