-English pao a Favouritism leh Nepotism akikhehna ipi um em?
Asun:
N.Lhungdim
Thangting House
Molnom- West
Date- 17/07/2020
Leiset chung ah mihem in thulhuhna leh thu tanna aniseh leh kinei jing ahi. Hiche thulhuhna kinei ho hi sihnei lang nei na umlou beh umna jong leh atam jo hi ichan hamkhat gei a sihnei langnei na aum nom in ahi. English pao a Favouritism kiti leh Nepotism akiti leh deisah chom tina tichu sihnei langnei na ahijeng in nepotism akiti leh inko louko
deisah chomna ahi deupen in ahi.
Sushant Singh Rajput
June lha 15th ni in Bollywood filmstar talent neitah Sushant Singh Rajput chu ama leh ama aki khailih e tithu ahung um in ahinla mi tamtah in Sushant Singh Rajput chu ama leh ama kikhailih hiponte tin mi phabep khat in amaho sanga talent nei mikhat ahung hiding jeha sihnei langnei na jeh leh inko louko kichom bolna jeha amahi alung lhahsah na[depression] ho ahilou leh guhthim tohgon a atha u akhailih uh hiding uvin ginmo na lentah aum in ahi. Haryana Govt. a asopi pa Additional DGP IPS Officer pan ka sopipa chu ama leh ama kikhailih ponte tin changmel in aseidoh in ahi. Athu umdan hi thu le la atam in Bollywood a Director leh Producer minthang phabep thunei leh thanei nanei Karan Johar, Salman Khan, Mahesh Bhatt chuleh actor and actress Aditya Pancholi, Rhea Chakraborty, Alia Bhatt leh adang dang ho inko louko kichombolna [Nepotism] jeha khubang tah a talented actor pa chu Bollywood a tohding neilou banga akoi jeh uh hitei ding in ginmo na aum in aumdan hi Karan Johar, Salman Khan leh Mahesh Bhatt hi Bollywood a film langa minthang ho inko louko sopi hobou achom bol jeh uva Sushant Singh Rajput in natoh na lam a boina lentah anei dan ahi. Hiche hi Nepotism leh favoritism ani ni a akitho jeha hichan gei a hi hung boilo ahi. Val ta behseh jeh ahung hin ahi.
Hiche hi gamla tah Mumbai Maharastra lam peh thu isei uh ahin anai jep eiho insung khat, vengkhat, kho khat, party khat kikah lah ahin atamjo ah
sihnei lang neina umlou thei ahipon ahi.
Nu le pa ten jong chate lah a abang bang leh khat sanga adang deisahna anei jiuvin ahi. Ahinla hiche hi nu le pa te in chate lah a alhasam ho khu atamjo ah adeisah chom jiu hinte. Ajehchu asopi hou sanga lhasam jo ahijeh uh ahi.
Khosung vengsung a jong haosa hon a inko alouko ahilou leh amaho to kimat ho sihnei lang neina deisah chomna akimu jing in ahi.
Political party khat sunga jong vetsahna in Manipur ah BJP MLA 35 um taleh Minister post a
akham ong chu 15 ham bou ahijeh in Chief Minister pa chun adeisah chom MLA 15 alhendoh ding angai in hiche lah a jong chu a portfolio a department apoh ding uchu adeisah chom ho chu aphajep apehkit ji ahi.
Hiche achung a isei houhi aum lou theilou thil len leh thil khoh behseh hilou ahin ahi.
Moh a baitah a matdoh theilou ho ahin ahi.
Ahinla thil lentah tah khonung leh agu leh
aga hung um thei thil hohi thulhuh na leh
thutan na inei phat leh hiche sihnei langneina leh deisah chomna hi ahi thei chan a bol lou beh ding ahi.
Kum 2 kum 3 sung hin Chandel ADC Chairman a ana pang Lhukhosei Zou in khamna thei lou a crore a crore a kiveina anei e ti guhthim thulhut na aum jeh in a in a bulu uvin kham na thei lou hileh sum cheng Cash jong tamtah ana man uvin ama jong jail ah ana kikhum in ahi.
Hiche tobang hohi inko louko kihetpi ahivanga achung thu a kikum a sihnei langnei na a natoh leh thilbol hohi bollou beh ding hijong leh Moreh a Kuki Civil Organisation hon panpi na PR release ana bol uvin ahi. Lhukhosei chu thisan knai pi jong hinante athil dihlou leh phalou bolho chu i support ibol uleh eiho jouse jong thil phalou bol a kithopi ihi dio ahi.
Thilphalou deiumlou thet um khamnathei loujoh leh kiveina nei ho hi panpi a kithopi lou helding ahi.
Hiche hi sihnei lang nei
Fovouritism leh Nepotism kiti ho chu ahi.Alhang pi in Kuki pao tho hi adih lou aphalou ama milesa anahijong leh ana moh panpi jui in kahepon ahi.I kinai pio paochom jep tho ho hi ajat min u kipha leh nom pon tin amaho pao tho ahi poleh amoh panpi jui un hiche English a Communalism akitin Meilhei khat leh Kuki chapa khat akinah leh Kuki pa chu dih le dihlou leh moh panpi chu dih lou hel ahi.
Bengali ho hi miching khangtou masa ahinao khat chu Calcutta a ka posting laiyin munkhat mun khat a ahung kinelsang jui uvin alang alang a panpi anei un akinel uvin khutlha aum pouvin ahi. Amahon asei uleh Pathen in kinelnading kam eipeh uva kam kineiya ipi ding a ding khut kilhading ham atiovin ahi.Adih e hi che hi mikhang tou jat ho umjhan ahi.
Ahetkhah lou mi hijong leh adih e atio chu akithopi uva apan pio ahi.
Kamudan a Manipur a thinglhang mi lah a thulai leh thutah sei ihiovem kanati ahi.
Lhukhosei Zou MDC kiti leh Jamthong Haokip MLA chun dan in jong aphal lou a bol lhon leh imi isa thisan kinaipi ahijeh seh seh moh kithopi a panpi lou ding ahi.Ajeh chu amani chu dan toh kitoh lou bolding lamkai leh thalheng a kilheng doh a lamkaiya kitung ahi lhon pon ahi. Apha dei um abol lhon len kithopi ding panpi ding kithopi theina pen chu ima panpina thusei lou chu phapen ahi.
Pathen in Selepha hetna Conscience eipeh u ahi lekhathem tah miching tah a kigel hon jong kithopi ding leh panpi ding dol ihetkhen lou uleh FAVOURITISM LEH NEPOTISM chu aha bol loi i hidio Bollywood a Karan Johar leh Salman Khan ho toh kikheh na um lou ajo na leh jum le ja akimu lo ding u ahi.
Th. Bindra MPS, Additional SP Narcotic
Mitam tah in panpi loubeh ding ana panpi uh Govt. of Manipur BJP party leh Police Dept. a officer lentah tah mi amaho cham a bol uham ahilou leh apupa uvin bol uvin ati ham ana kikum uleh ginchat loubeh in hiche amanu Th. Bindra MPS, Additional SP Narcotic nu in facebook a Lhukhosei lhadoh na dinga order ana so chu comment hoilou tah ana peh jehin Manipur High Court in suo
moto contempt of Court Manipur High Court proceeding ahinla uvin police officer nu chu affidavit a athu umdan leh ama kiven na ding in pelut ding a thupeh anei uleh ama nuhi police department aTom Dick and Harry kiti ho tobang hilou achombeh a mi hangsan, thudih a koima kichalou, akham haiding jong khoh salou thudih a thing e ti ngam michom beh mikhat ana hi jeh in Lhukhosei Zou in abulu niuva kipat aban aban a im neilou hela im umlou beh a ahinkhelhah leh mijouse boilo ahitai.
Adeh a Manipur Chief Minister N.Biren Singh chu ama chu Home Minister jong ahin Home Minister in dan dihlou a natong a kiman ho lhadoh na ding a pan analah chu bollou beh ding khat ana bol jehin achai chai naleh atouna Chair jong ahin chanlo thei in aumtan ahi. Ama chun ching thei tah in miho bolsah henlang ama chu panda leh athang a oh khalou ding ahi. Tua chu Lhukhosei Zou keo thu boilou a aban aban a Manipur Govt.a police officer len tah tah ho jong hung boidoh
ahitai. Amaho hin mikhat in bol in atia kabol ahi tia kilep thei un te.Ahinla CM pa chun koi angoh ding hitam ?
Chief Minister pa jong hi fel behseh a imajouse a akikum leh kikum lou na ding khat a ama kikum kha hung hiding ahi. Mizo hon a Fel atiokhu apha in a FEL LUTUK atio ho khu apha lou lang joh seina ahi.
Hijeh chun hinkho sunga sihnei langneina inko louko deisah
chomna kiti hi umlou theilou hijongleh alen leh aneo khentoh a alen behseh ho khonung a minset na thei ho a hi kikum lou beh ding ahi.
Favouritism leh Nepotism chu Bollywood film industry a jong um ding hina
jong leh hiche Karan Johar, Salman Khan leh
Mahesh Bhatt ho bol hi val thanghoi ahitai.
Imajouse hi akilom bep a um in aval beh seh chu dih thei lou ahi.
English te phrase khat in ,
TOO MUCH OF EVERYTHING IS BAD atichu geldoh jing in .
