(Ngai-um Hinkho Thusim)
Part – khat
Written by :- Thangboi kip’s
(9531808617)
Arranged by : Ngul Kipgen
Phalbilai jingkahdap ka ihmut nop laitah khat a hi kamai torchlight a hungkikho intin, kakithogei jeh a hi ka unun ei-engbol hinte ong? katin, amajoh kiengbol hen tia thakhat tah a insung kithong leuva ‘Pei’ kati’a kagah vetle koima lah umlou chavang ninou emseli’n window a pat kamai ahinkho anahi. Kajachat thim-manin kaneova pat kahinbol jing kathokon sehleh ka inkote kalupna a pat a morning wish kabolji bangin, ‘henu hepa he u jingkahpha’ kagahti belbul le kanu le kapan, ‘nangjong jingpha boi’ atilhon’in ahi.
KA U’NU : “Thangneo, ibola insung kithong leuva hungpeng nahimo?”
KEIMA : “Nangin neiphin ham kitia nakihoh kinhen kiti window apan nisavah joh anahi chula.” (Ka u nuilih dehchet..)
KAPA : “Neopu, Maikiphet doh inlang gari hinsutheng o..! Tuni kiginni ahin, Inkon gaki huilha ute.”
KEIMA : “Hoiya ong pa?”
KAPA : “Jacop, taonamol, Eliyah maicham, Bethel taonamol, Songpi maicham leh Water fall ho’a.”
KEIMA : “Henge pa gari joh hinsutheng masang’e” katin, Gari kasuhthenga mai kaphet khucheng laitahin,
KA U NU : “Thangneo, nakichai nailou hamo? Tujingkah an nehkon taona mangding nahi nahai hitam?” An nehkon taona mang rotation kahijiu ahin, keiphat anahi dan ahe.
KEIMA : “Kate keiphat cu ahunghi vahji na’e,” katile kainkote abonuva nui u..
KANU : “Mi li (4) seh seh ihiu chula em boi..!”
KEIMA : “Khut anakicham phot uvo leh” katin, maikaphet chaiyin taona kaneiyin an kanetaovin ahi.
Hiche nichun muntampi ah kavah uvin, Kapa hin phat ong aneiseh leh kabon’un munkhat khat ah eipui jiuvin nomkasa lheh ji’e. Insunga din jong kingailutna leh kilungkhat na apunsah in ahi.
Keileh ka u hi kanu leh kapan numei changkhat leh pasal changkhat a eineilhon ahijeh in eihomtho mama jenglhoni’n ahi. Kaloi kagolho sille chen otchaman injong eilha honpoi. Mibangin haosatah hihih u jongleng kapan, Bank a natohna neokhat aneijeh chun keiho family chu normal tahin manage aboltheiyin ahi. Kingailu tah le kilungkhat tah a Pathen beljing puma inchen semkhomteni laigilga’a kahung penkhah hi guhthim in vangpha kakisa lheh jin ahi.
Hitobang nulepa pha einakoi peh ka-Pathen chu kathang vah’e. Small family kahijeh uhin, Kanule kapan, keileh ka u hi loilepai bangin jong eikivop-pi jilhon’in ahileh, kanule kapa kangailut naleh kajana asang deh in ahi.
Keihi mifrank, mitotse, mikamtam, minuiche kahijeh chun insung’ah totna kaboljin ahile; Kanule kapa anuimit sing keikui jilhoni’n, ka u deh deh anuileh kingathei jilou ahi. Hitia kaum jiu’chu kholai mihon eina otchalheh jiuve. Ahin, ka u Nengboi hungjineiya keiho thum (3) boubou kahung umdiu chu kagel leh kathomhao lheh jin ka u chu kangai lheh jeng’e. Hijeh chun, ka u hi ajinei kah a kakipa sahjing ding ahi katin, pasal hijong leng numei natoh hojong katoh jia kakithopi jileh; Kau in jong eingai lheh’e.
Insung’a penkhompi adang kaneilhon loujeh chun, loilegol phatah bangin jong kakivop thei lhonin in, ka u hi numei ahivangin alungpin nulepa koma kaseingamlou kaboinaho seinan jong kanei jin ahi. Amanjong ajochan in eikithopi jin ahi. Insunga kinah kibao leh aw sanga kihou umbehseh louva kithungai leh kihomtho tah a chengkhom insungnom tahchu kanahiu’ve.
Nikhat lupkon maicham kasem u-hin kanu ahunghou lim in,
KANU : “Nengboi le Thangneo, cha tampi neiya thungailou ahi sangin nangni sehseh hi lhon jongle chun sei nangai lhon jeh’in nachung lhona kakipah in. Nangni jehin Pathen kathangvah’e. Abanleh, tunichan a i-damkim uva nangnin jong phatah a lekha dama nasimjing theilhon nahi idang jeh ahipon, maichama Pathen i-beljing jeh u ahi, Pathen sumil lhonhih in. Tun nungah gollhang hinkho hinmang ding nahi lhon tan; Maicham’a ihung-kihil naoho jouse sumil lhonhih in. Nengboi, boinu” tia ka u min ahin phah chun aban seibe theitalou vin amai akisip in alhi akitheh in ka u jong chu analhi soh dehduh in ahi
Insunga keitoh ka u hi kanule kapan aw sanga eipho ngaihon lou, eihilji hon phatleh amanijoh hitiahi lhisoh doh jilhon ahi. Hiche jeh tahtah a hi kanule kapa thu kapalkeh nom lhonlou ahi. Kanun aseibe in “boinu, numeihi miphung chang ding ihiu’ve. Nakeng neina’ah jong hiche maicham hi tanglou vin hinjop jingin. Pathenin Ruth phatthei aboh bang chun, nangjong naboh henlang naumpi jing jenghen.”
“Neopu, keileh napan najet navei’ah nakhut langkhat khat in kanakai le ji lhonin, Huisi mutdin jong kanaphal lhonpoi. Keinijong kahung lhahsam lhonna kahung hatlou lhontengle boi, nangin jong keini nakhut langkhat khat in neihin kai lhon inlang neidalha lhon hihin ong.” tia kanu alhiso phatchun kavejou tapon..! “Henu, kahaihu aum laisen nadalha lhon pong’e,” tin kanu kakojin kakap tan ahileh, kapale ka u jong kitimjou talou’vin kabon’un kaki koiyun kakap taovin ahi.
Tuh tang theilou leh koukit theilou phatle nikho chu anache jingin ahi.. Ahileh, chomlou kah’in, ka u injong Graduate achaijin, Bank clark akijih doh’in police officer khat toh insungmite kinopto na’in dan thengin akeng neitan ahi. Ka u jinei jouvin vang insungchu anomlou tiding ahimaiye. Kabon un kangai lheh jeng’un kei dehdeh chu kathomhao lheh jenge.
Nu Lamkholhing in asah..!
“Hinkho ipiham? Lunggel ipiham? Lunghel ipiham jong, kanahet loulai ikim kipana jenga kagel-lai, neolai kakhankho hochu kangai ngeiye.” ti la khu kangai’ji phatle ka u toh kaneolai khankho lhon eigeldoh sahjin.. Ka u ngaiyin kanalhisoh dohjin ahi. Phatah a igel leh numei hinkho vang lungset aum nalom lom e.
Keijong Ccpur College ah class (XII) (PUC) Pre-University Course simin College kahung kaipan tan ahi. College kakaiya gollhang hinkho kahin mantah vangin, naolhum hina kisensah khu kangatheiji pon, hijeh chun kapan Office ache masangin keijoh College ah drop eihungbol masajin ahi. Ki gollhang ta’a kapan boi pumpum a eihung thahji katin, nikhat
KEIMA : “Hepa, Naboiji valle, keima cheji tange” kati leh kapan, hitin ahinseiye.
KAPA : “Neopu, boi, naneova pat-in nakoma um nomkasa in kakoma kona jong nagamlhat ding kanompoi. Boi insunga eini boubou pasal ihin, nachangin Gari’ah ihamkhat hungti lechun; Napa kei itihen neiti ham?” tia amaiso ahungki kheljeng phat chun kalai anaval’in, Kapa kakoiyin.
KEIMA : “Henge, hepa..! Leisetna kahaihu aum laisen nanga konin gamlha ponge, nangjong keiya kon gamlha hih in ong?” katile kapan “henge boi, phatah in class hung jaota o” atin, khattvei ei-chopmin ache tan ahi. Kapa ache phat chun keijong, class room jondia kagah kinunghei leh vo-henu nungah tamtah in cinema vet a einavet u.
Keijong thipbehin class room kajontan ahi. Ka bag kakoiya twidon ing’e tia ka-bottle kalahdoh laitahin, kot’a pat in “hello brother” ahungkitin, michom kikou hinte tia donlouva twi kadon gotlaitah in, avelin eihinkou kitin ahi. Kagah kiheile OMG..! KUKI Chanu hibanglom’a melhoi chu kamukha hihlaiy’e. Kot’a pat methim hiuheu leh kiphalam thimtah’a, “Heu, keijong natwi themkhat neidonsah thei di..?” ahinti chun kinom valval henge henge hung donin katileh..
NUNGAH : “Kakipah val’e, heu” tia twi adonlaitah chun, kalungthim’in keiya loudin pamai kasalheh jenge. Twi adonchaiyin, “heu nakilet sah na’e na niveitah nakikouva mijong hounom loubeh” ahintin.
KEIMA : “Kakiletsah hihbeh’e nao, keichun michom nakouham kiti’a..” katile
NUNGAH : “Katot nahibouve, heu jingle jong twi hinpokit’o na” atin apot-tai.
Kenjong khatvei kagah nungvet leh, gal a pat in aloiho thump’s up agahboli’n, Wow tin handshake akibol’un aloihon nahung lolhin hinam? Atiu chu kajan ahi. Adanchu adangchah mong jong hihih vehta…
KEIMA : “Aree, hichenu hin einoise ham? Aleh, Matiyang twipo gari eihisah ham? Jingleh itheinante o” katin ahi. Ajehchu, gollhang mel akiput-tah vanga (love guru) Diary hi i-manga jong anaki matpha mongmong loulai chuo.
Ajing’in College gate kagah lut chetkit le anaum kit’u, aoihon, “hei hei amelhoipa chu ahung kit-taiye, Noucy, keiho ding jong twi hinthum’o” tia adaiyu chu kagal jahin ahi. Kavetle amavang akiphalam thimin, hinlah, amaiso chu kipamel apulheh jenge.
KEIMA : “Enoise’u kahisah jeh chun, lunghang thimtah in tunivang hungtao naneh khahdiu chu tin..” kangah tan ahileh, kiphalam tahle aw nemheu chan “Heu, jingkahpha” tia kanung langa pan hungkisei kajah chun kakin mang dehchet in ahi. Ken ka u jingkahpha kanatiji ahin, keijong hitia eikou thei umham? katileh kalungthim chu candle stick abangdoh kit-tan, kinotah-in “henge henge nao nangjong jingpha” katin, “twi” na katile,
NUNGAH : “Nui intin, tunivang kadang achah poi. Heu janichu nopmo nasah toh dan nalung ahan khah le eingaidam’o na.”
KEIMA : “Kalung ahang tapoi.”
NUNGAH : “Eh, nalung hang man dan chuo na” tia nui
KEIMA : “OO ahang poi katina ha3 nao namin ipi ham? kei thangneo kahi.”
NUNGAH : “Heu, kei Lhingneihoi kahin, kanule kapan deichom’in Noucy eiti lhon’e”.
KEIMA : “O namelhoi danle namin ngeidan akitoh lheh’e Cy.”
NOUCY : “Chedoh o nang melhoiman a mijouse hoidi nahisah ham? Kamthem hih in.”
KEIMA : “Tah tah a nang banga melhoi kamukha naihih’e, Cy” katile akipah lheh jengin.. Addres leh phone number kakipeh tolhon na akihekhasa banga kimaingal tah a kanakihoulim lhon le, phat anasot thim hitantin aloihon ajat-jat anagel dan u hitante, Kotna pan a eihin thimvet ule, kanahoulim nopsel lhon jeh chun. Michate vang ahintiu leh kakin lhonin kakiveto honin kamoh nuilhon tai.
Noucy hin, penpi u le nao aneilou jeh’in a-u bang bang injong eigelin eingailheh in ahi. Kenjong kanao bangin kagelin kangai lhehji’e. Kumkhat langpi hitia kahung kivop lhon phat chun, nilhah khattou lupkon na message, ahilouleh phone ibol louleh ajing’a houpithei hijitalou ahi. Kama akiseilou vanga kingai mama dan kanahi lhon ahitai.
Nilhah khat kalupkon in ka-phone in,
KEIMA : “Boi, Noucy” kagha ti leh..
Part – 1 hichan hin chaiphot utin,
Aban ana ngah kit taote..
Nasimchai jeh’in kakipah’e…….
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
