Home Ginneo Apute Tupa SANAKHANG MANGKHEL CHU KAHI TAI

SANAKHANG MANGKHEL CHU KAHI TAI

236
0
thusimbu lim
thusimbu lim

True story of….
Thethem

By_Ginneo apute tupa
(7085376942)

Mihem hinkho a tup le doi neilou koimancha um d katahsen poi..

Insung a mi unu kahi in ucha tam te ma kahi ule kimancha dan ahahsa lheh jeng ea..Ucha mong2 hi 13 NUMEI (6) PASEL( 7) kahi uvešŸ˜¬Kaote ding gel na jeh in keima in leiset themjil na sang in kanaote khankho d gel na in chapang cha kahi pat Kapa toh kitho in lou na kahin tong pan in..Loile pai umchan otcha jongleng otcha lou bang in hikho kamang in..kanaote kaboi pi lou kahle Lou kakon ji in keidin Jalen tah hinkhoman nacu a um tapoi..Kachun le kaZo in eithu mop thupi pen chu..Dantheng(Holly marrige) din ei thumop un eitil khou jing hon eašŸ˜‡keima lunggel in jong katha anum in katup le kadoi thupi pen ahi tai..ajehchu themjil lang a nulepa maipah na ding kabolthei sun chu Kakeng nei nibou chu hiding ahi tahjeh in..keiman jong katup lheh eašŸ˜‡Kakom a laihung leng hojong keiman kadonbut na thupi penchu..kachun le kajo ah kahi amani kidoh in katy ji taišŸ˜‡Phat le ni aahung che2 in laileng le lungset thu lel tamjongle Ka Nu Kapa kapeh doh nung in Katup le kadoi dan ah kalungtup eisuh bulhit peh din..Lungset khat kanei taišŸ˜‡Ama um nale kei um na hi kigamlhat tah ahi jeh in achanchin kakhol joupon kahe joupoi..

Pasel te kei Thum in Chabel khatvei dop nacu anei tavešŸ˜‡Kenjong Kapasel d pa chanchin Kholthei chan kakhol in kahet le kakhol doh chu ka pasel d pa chu..Nisa Drugs ne mi ahi ea ati taovešŸ˜°Keima jong kagelkhel lampeh ahi phat in..
Program cancel tin kasei tai šŸ˜”Ahin numei lunglhom Chu lhep lha kahi kit thou2 ea..Kapasel d pa inko te hon ADrugs neh jouse angol na kum 2 jen acha tai kicha tahi in eity uve..Keima jong pathen min a kichen na din koiman jousei ponte katy tai..šŸ˜”Kalung kathah gel in Program ban sutjom le che jom ahi in..CUSTOM dungjui ja CHABEL 3 veichan alhit taove..šŸ˜‡Keima jong hetna neilou hijong leng kho hethei kahi apat katup le kadoi chu Dantheng a jinei dchu ahi jeh in..Kakipah in Kaki thang at lheh ea..

INSUNG le HOUBUNG sung dalha a kengnei din lhadoh na enei taovešŸ˜”Mihem a dia Sanakhang kichai ni chu ahung hitai..Nunglam ngaijongle nunglam ngailou bang in kakitep na molso din..Ka pasal d patoh PATHEN HOUDANTHENG PASTOR khut a janggop kahi lhon taišŸ˜”
Kalungtup le kalunggel kasuh bulhit chu keidia kipa na hi dham katy le..kipa na hitalou in Kagenthei kipat najoh ahi taišŸ˜°Ka pasal toh asun ajan a insung khat ankong khat um khom kahi hon phat in aselguh jouse le aneh adon jouse kahe in kamit in kamu taišŸ˜­šŸ˜­..Adrugs ne angol lou aneh jomjing ahi kahet phat in..akengbul katuh in kakap taišŸ˜­Nang le kei kichen hi aki moh chen2 jong ehi lhon poi..pathen min a kicheng ehi in naneh nadonchu nangdin natahsa nopsah na hijongle kei le Ehou Pathen mit vet in dei umlou tah thet um tah thil ahi bouve..Lungset tah in keiding joh gel inlang ngatan katy in kakap jah taišŸ˜­šŸ˜­
Ahinla aDrugs neh in ajo jeh in kathusei le katao na chu hui lah a changvai kithe tabang bep ahi taišŸ˜­Kumsot jongce nailou Kum~1 bou hibep nalaija asun ajan a Adrugs boijin aboi tan..
keihdin hinkhoman hahsa lheh jeng tai..šŸ˜­mihem hinan kathoh jou tapon ..kaboltheipen Pathen kom ah ka taokop jingtan aman la phatlam ama no tapoišŸ˜­ keidin kahinkho genthei nale lengvai najeng bou ahi taišŸ˜­Keiman jong kadin mun kajo lou phat in eigom honpa Pathen lhacha pa kom ah kace in kadinmun ho kasei in ahile,
aman jong eitil khou in taona eiman peh in Lha 3(months) hinvet be in akidoi lou le keiman jong ema sei tapong nge aty in.. Ka Pasalpa kom kajon kit taišŸ˜­Kenjong nop le hah le katho tun2 in,
Kakitep napa jeh in keijong kanunglang ngai lou bang in kapasel angsung ah genthei natampi thoh pum in kapang eašŸ˜­Ama la kikhel chomlou akhoh cheh2 tan..keijong aphat dew khale katy in kanung sang lang ah ka umpi tai..Ka nungsang te akichat jeh cun 1week hochu apha naišŸ˜”ahinla kan umsotpi phatchun a umnom kit tapoišŸ˜­A inlang ah ana kijam in keiminset na d abol doh kit taišŸ˜­keijong edalha nung hijongle katy in kapasel kabel kit thou2 ea..Ken jong maicham hihen moh umthim pet le kathei kham le kajokham in kahil jing in..ace ava na ah kaching jing taišŸ˜”kachinjing chu thei da um tah kahung hikit tai..Lungmong namong2 a um theipoi kinung le dla hahsa kasa in..ka pasel kavet le kalung alenglheh ea ajeh chu ka chun le Jo ngaiban na ah kanei ahi in kahinkho agenthei lheh jeng taišŸ˜­Kamajonte jong eilungset eihom tho lheh uve..hijongle ka psal kidoi lou joh ahi meije..Insung kiphat sah dungjui in kanungsang lang ah ka umpi kit taišŸ˜”ama kanung lang alhun le abol num abol thei pon aning kitel lheh ji ea..kei man kapasel phat ding dei najal chun kanungsang kabel in inchen louchen d dan kangaito tai..Hijongle kapasel in kalunggel ahe pha tapoišŸ˜­kanungsang a kaum ah kon in,
kahung thah nahi tai ety in..Eidalha taišŸ˜­avel2 a eidalha mei2 jong ahi tapoi..kachunnu le kajo pa aki tom khum in asumolphou taišŸ˜­Keima eidon talou in kanungsang ka in achu eidalha in a inlang akijot taišŸ˜­Keiman nikho ejat a ham kasin le kahin boiji kapasel chu ka insung mi lungnat na ahung hikha in..keima jong kapasel kom a ce kit di kanum tapon Kasin joulou kahil joulou chu..keima mit mo ahi meiješŸ˜­ katy in ka in ah kaki um dentai..Kahinkho hi kagelteng le jachat le kiphatlam na’in kadim in koima maijong kave ngampoi..mihem maijeng seh a kitem kahi pon,
Pathen mai ajong kitem kahi tan kakitep na kasuh bulhit lou hi kahinkho hi athisa tabang in lunggel ngap na neilou in chungleng vabang in van le lei kikah in aleng le taišŸ˜­šŸ˜­

Kachun le kazo maipah najong Jachat na kasopeh in keima hinkho Sanakhang jong pahcha mol a agop bang in amol in agop taišŸ˜­šŸ˜­Ji kity hy sil le chen bang ah lheh thei ahi poi ty kamuchen le kahet chen in phat akipel taišŸ˜­šŸ˜­

__________Beita____________________________________________
N.B

*Jilhen dan them un*

*Nu le Pa Chung ah Pathen a um nalai je*

*Kichen masang in kikhol chen kihet chen apoimo ea*

*Mihem lunggot le Pathen lunggot akibang*

*Kin le dong jouse Pathen kin le dong ahi soh kei ae*

*Kakhang dong chankhom piho jouse KEI TABANG in kholchen louvin Pasal moh jui2 hih in*

Hichi Story hi Thethem hinkho thusim chomcha kahin sut ahin kihil na thei tah khat jong ahi.
Asim,jouse chung a kipa thu kahin phonge.

*Kakipah ea*

Previous articleCHUNLE JO SELUNG MOLJIH AHI
Next articleJENNY leh THANGBOI