Home Lahkhom ROSE LINGBEI AUMPOI

ROSE LINGBEI AUMPOI

379
0

“No Rose Without Thorn”


(Love Story)


Writer: S.Lien
Arrange: Naocy Haokip


(Part -I)


Mihem khat dinga Pathenin a semchu Leiset chihna, thepna kinei hih jong leh, kum somni (20) lang ihin phah hel levang chu ilunggel ahung kikhel heihoi thouvin ahi.

Ningkum lang jep chun …..
Kachanga ka umkoma kalung kahin gel thuh jep kom leh,
Ipi dinga Pathenin Mihem hi hibanglom loma kikhe a hi asem ham, Loikhat, anei jong hesoh joulou leuva haova, Loikhat inei ti di jong umlou, inei jou lou lou dipou kideiya mi ot-cha a kimathah tiho pou kahin gel khah kom jong aumjin Pathen jong ka oimo deh deh jin ahi.

Hijongleh tunvang….
Kahe them tai,
Mi-nei bang kanei leh, mi jong katha maithei ding, koiman jong eithoh ponte ka hiti sa a bon mi musit/mi ima a gel lou, tipou gah kinei nalai, kahiti jeh a Pathenin keiya dinga aphabep eipeh ahi ti kahin gel doh phat’in, Pathen kom’ah Ngaidam kathum tan ahi.

Che a kon chun Pathen vangboh jong kachang uvin, masang sangin ka inchenu jong adan aum dom tai.

Ka neijou loulou ding ka dei sangin ka poimo ho joh tup ingting, Mihaosa ho ka o-chat a ka lungthim ka suhset sangin, Na hatoh-in ki tong leh koima phajou hih jong leng, lolhinna chan kanei thou thou ding ahi, kanei kham kham’ah kipah tah-in um tange tiho kahin gel’a ka lung kahin khela konin, Chapang cha hijong leng Min jong ei ja jouvin, lung jong eilungset jou vin ahi.

Insunga Chapa lenpen kahin kanoiyah pasal ni(2) leh numei ni (2) ma aumin, Kanu le Kapan jong Mou adei tauvin, Kei eidei bou akivat tan ahi

Nungah, Lekhathem, Mihaosa chanu Keitoh kiphulou hel ho boipia ahel nadinga mi Gari thah pou mana kisuh lunngim sangin katin
Kakhouva Esther kiti khat nungah chingthei tah leh khankho jong he, lekha chu them behlou, amel vang hoithou, khat hi aumin ,Chapa Gollhang nei jousen Moudinga a dei cheh u ahin, ahel jong tam gah hel dinga chu kison umbeh lou hijongleh chenu chu ka hin guh vet pan tan ahi,

Nikhat hi a Ponkhui (Tailoring) jil nau Tuibong toh kinai Gouchinkhup venga che din kaki gotan,
janleh Gollhang kholaileng aumjing jeh-in phat lemcha joding katin

Ka Garineu Jupitar (a Hol doh tet tut ho khu ) ka sop thengset’in, (5) Ngavei ham bou ka gah kick leh ahung ging vanglah-in ka lhaisuh leh Lock-down laitah ahi jeh-in Bazar lah’ah Police ho ana um khauvinte katin Dukan khat’ah Mask ka cho pa in Corona daldoh chom di hihih jongleh Police beh daldoh nante katin midan dan chun kagah bul’in, haimo thim sesu in ka lhaisuh tai,

Ka ga lhun phat’in, iche khah najong hilou, sunlai tah-a gahlut jeng ding pichu ka nom kit beh tapon, chomkhat inmaiya kadin leh Eihin mudoh uvin lut tei tei ahung ngaitan kaga valut jengleh, Nupi khat a mihiknu/ajilsah nu ham chun,

Bange, Von khui di nei mo?? eihin tileh eihin ve lah lah uvin, Jachat aum thouve
Gah donbut lou thei chula hilou, seiding dang kahet lou man chun,

Hi lou…moh a…
gah kiti chuh

Nupi nu: Mok a chi jomah lai, Hiai a mok a hung louh di o Numei lak’ah,

Ahin tileh,
Esther chingthei kasah dan chu,

Ka-Ute ahe, ahin tileh,
Oo atin akhel asei tapoi,

Chephat chun kajachat chu adan aum deuvin, hijongleh ipi bol’a che kahi chu gahsei lou thei la hikit lou, ama (Esther) gah dai ding chula Ka-ute ahi, atikit leh….

Vokarah…! Ka hil loupi hol’a che ahi ka valut ham, ka ronthi a kahi, jacha lih inge !!! kitileh kalung ja leu aheπŸ€”

Chephat chun..
Madam, kanaunu natoh na kimu khalou katia kahung lut jeng ahe, katin

Esther kom’ah, Henu chun nilhah leh naloi ho koma hung bang pa ji louvin in hinjon ji in ati e, kei che kit tange, katileh
A Madam nuu chun, Ole atin, Thadou paovin ei hin daiyin

Nanao nu hi luck behseh-a, keichun la Nikhat’a hungpa chu kahin hisah dehchet-in, ahin tileh Esther jong chu a me tet tut’in, Ole He-u, atin kahung pot tai.

Kahung pot doh nung chun ka umdan chu kagel leh kajah acha deu deuvin kanui jong ajan, thuchih khat’in “Da man in tuike anuiye” ati dan deukhun mi mulou kah chun kalei pou kalha doh-in ka tuike nuisesu in ahi,

Esther chun jong Ngalpeng pop louva thou achu poi, kiti dan khun ajeh beiya kache lou di chu hethou ding ahin, nilhah leh ga kichen tin kipa thusei togomin ima ma chu gaki kop tante, kati tai.

Anilhah in mi umkah-in khojong jing nailou pichun kaga che tai,
Amahon jong bu ana nejou chet’uvin Esther chun eina nuisat tit tet’in, a ikote ana umlou vanglah-u.

Esther: UChon tunia chu ipi nahung bol mong mong hamo? πŸ˜‚

Kei: Nanghel’a kahung hichume,

Esther: Chelai khu kihel nadi hamo 🀣

Kei: Ahilou kahet phat’a kache kit hita chula,
Aleh na Madam nuu in a Seipa chu ipi bol’a hung ham leh?

Esthr: Seidi he hih-o thohlo get’in nate, atin kalengkou chu ahin bengin ahileh,

πŸ’™ka lung thim chun, adan dan hung um na leh akilom bouve, chenu koma hi ki-ngol sah thethu di ahe thu jong hi direct tah tah-a sei di ahe, aching thimin,

Kei: Esther na natoh nauchu kihel nadi ahilou leh chelai hi vang hina vehta na, kasei nom um hichu,
kisa beh lou chun kagah ti doh phut’in

Ama: Ki-ngolsah hih-o, nasei nom aum leh sei tangem
Ahin tin, keijong thumu kisa deuvin, Ka lol pou kagah kikhonin Ehem.. ehem…

Kei : Phat sot tah a kona Guhthim Lungset na a kahin na Lungset nahitan nangin ima hehih jong lechun, guh thimin kahin velhi jingin, mipi lah a thom iti ngei jong leh nanui gin ham na paogin ham chu ka nakol’a hin alut chet chet jeng ji in, hoilaiya umjong lechun ka lhagao ti di chula a melse jep’in ka lungthim ti mai mai din jong ka homtho kit’in, Ka ipi ham khat’in nahin juijing keiyin ahi, Koima koma jong ka seidoh kha pon, Kahin ngai dan hi helouva na um di vang kanom poi, tunilhah a hi ka lungthima dimset chu ka kamin ahin seidoh ahitai, Kalungsetna chu Kimuset nan vang eisan peh hih beh-in tichu, na kengpi katuh a kasei bangin ei lah peh in o, iti nagel-em Esther ? Ka gah ti sot sot jengleh,

Me thim hiu heuvin eihin ven, ipi ham khat sei ding hileh kilom khun ahung umin,
Kei chula, kadip phu tut tut jeng ka lei pou hi hul beh buh-in kahe jengin

Ama :”Kahepoi”, ti bou, in eihin don but’in…

Kei :Kahepoi ti chu kei lah dan kahin sei dihamo kati leh

Ama :Umm, seiyo, seiyo

Kei: Mi Sum/Paisa iga thum ham, ahilou leh Natong dinga Mi itep’a Kahepoi atiuleh a Nomlou tina ahi’n

Mi, Bune dinga ikou ham, Nungah ki-ngaipi dinga ijol ham a Kahepoi atiu khu a Noma ka lah jeng.

Esther: sei nal val val,

Atin mit ngat jin jenin, bengtoh neucha gel koh tit tet’a ahung nuiya eihin vet diudeu chu, ahoina kamu dohbe cheh cheh nalaiyin, ka ngaina chu πŸ’― khel lang alhung doh tan ahi.

Anuijou vin ahin sei jomin……
UChon na thusei chu totna tobanga nasei hijongleh Keiman thutah-in hin donbut inge onk?

Kana kiginchat na khel lang a ka chan dia lomlou Na Lungset…..

Ahinti laitah-in Gollhang ni Papao leh Momon ahung vahlut deng dunguvin abanla seijom thei talou, olchan ka nakol’ah, jing nilhah le aban sei mai hite o ahin tin, ka lu kasu dot’in kahung pot tai………

In kalhun lhunin lupna chung senan kakinei ngalin, ka umdan, ka thusei ho chu ka-ngaito in, Esther chu ka guh ngai lai sangin jong, ka seidoh phat’in, ka ngai cheh cheh jeng tan kagel mai mai jongleh ka um anom chomin, kijol jou lel leh ngol lo hel leng kakilom doh leu tan ahi.

Gelkhat’a kagel kom leh josa tobangin kakoiji in, athusei lahlo tah a ahaisan chu seibe hih jongleh hetsa ahe katin ka lungmongin, abangleh eilhep lungmong mai mai got ahidem tipou ka gel kom leh ka thomhao thim jin,

Oh!! Ei ngailouvin hiti chun sei ponte, a ipi chu hileh jingnilhah chu het khat kinei nahtah, katin lungmong tah-in kalumin ka ihmu tai.

Ka mangin……
Rose pah hoitah khat hi kamun loding katia kagah tuh leh aling ahema hem khat’in eisunin, kakhut’ah thisan ahunglong doh-in, kalou ngam tapon ahi, mikhat ahungin ka sei leh “ROSE LINGBEI AUMPOI” atin eidalha tai, keijong ka chetan ahileh che Rose pah chu ka lungthimin aum jingin ga kilou henlang Esther kipe leh kipah di ahi katin ka kinungle kit’in ahileh khoiyin ana bom lah lah uvin khoi chu molkang khat’a ka gah vei leh akhoi dang chun eihin vel vel’in kagah beng lha e kiti chu kakhut ahin dep’in naval val, kahung khang doh phut’in, ahileh juchan kakhut ana pe hiding ahin achop lhah jot chu ka mumanin ahi.

Kamang chu ka ngaito leh umje nei tah bang kasan hijongleh juchan eipe ahijeh chun ipi mang duhdah hiponte katin chom khat ka ihmut kit leh, kho ana vah pai tai,

Nilhah kah chu ka-ngalel thim chu hidi ahin, phone a jong pung gahvet jeng thei mama pichu, sun nunga kon chun nisa chu kave loi loi jeng tai,

Nilhah ahung hi phat’in bu kane loi loiyin khojin chip chep’in kaki godoh-in ki dongma neisah deuva kaga lut voh voh leh, jannilhah a ana um Papao leh Momon teni toh ka Kho kheljep hou Gollhang melhoi thim heuhou khat amin jong kahet lou ana kitung ngeng ngung kit’uvin,

Esther: Hung touvo UChon ahin tin,

Ki hisah deuvin, ana umho chu kagah ve sal thim geh guh-in,

Keiman: Touve, atou dinga kihunga chuh, katin Maljin deu pa masang jep’a chun kaga touvin

Chomcha kitou panbep chu Esther chun amit’in nui dehchet khun ei houpi jot jot jingkeiyin ipi asei ham la kihelou,

Kagel gel leh,
Ei hin houpi ji chu cheho loi hi potdoh leu phadi hija, apot tokah-u napot lou di ahi o, atina hinte katin, amit’a ipiham khat ahin sei phat leh, ka lu kasu dot ji in ahi.

Amahochu akiveto uvin ame thim tet tut ji nalaiyuvin

Ka lung ahung hang thimin…

Min nohphah nasah ujong kihet tauvango, hoilang mi-ngol hon, nahiu hija, seinom kaneiyu hichume kagah ti tadem katileh, nom jep kasa pon

Hiti chun kihou beh lou chun kamoh tou tou uvin, kah lah lah leh Esther chutoh ima thupi lou ho pou chun kaki houji jiuvin,

Esther chun ei hin ven nui thim hiu heuvin a phone chu ameh jot jot’in chomkhat jou chun ka nunga toupa phone achun message tone ahung ging kongin chejou chun akiveto lap lap’uvin apot doh tauve.

Kakipa dan chu,
Min amit heiya ahin no no uchu kihet leuchun message a nodoh lom na ngadoh lou diu hija, tuachu Pharap beh achu ka guh ti khumin ahi.

Apot phat’uvin,

Keiman Esther jah’ah, Ngol jong angol theiyu kasa e na mit heiya jong chu ahet louvu ahidem, kagah tileh.
Alei eihin lhah khum jot chu kagah mu chet’in,
Ipi hita leh?
Katileh ahung nuiyin,

Kei: Jannilhah a nasei chula Esther….kagah ti phut jeng leh

Ama: Oo, Chechu ahe kenjong kasei nom ahin
tin
He-U Chon…. atin ahung khongaiyin..

Kei: Seiyo Esther, kiphatlam nading aum poi.

Ama : Kachan dinga lomlou Na Lungset neichan chu ka gel leh Vangpha jong kaki san vangse kakisah na jong aume….atin seijom louvin ahung um kit’in.

Kei: Iti dan hamo vangse kakisa e nati chu

Ama: Katina jeh chu…
Ka hin Lungset na eisan peh-in tia Na seichu na vaigei jep’in, nom lheh jongleng kahin sanpeh thei tahlou di jeh-a kati ahibouve, Ka Lungset na hi midang kom’ah kana pedoh man tan, hin pe nom lheh jongleng adang kanei tahlou jeh-a kavangse e kati joh ahi,

Kei: Vo my God !! Koi Golhang vangpha na napeh doh man hitam ??

Ama: UMalsom, ajouva na nunga toupa chu ahi,

ahin ti tai…

Vo karen !!! A jouva amit a kei ei houpi ahe kati hopi chu amani ana kihou dan ahiuve.

Che ahin sei phat chun, ka jachat man chun Jum-Han atiu chu kahin tho in hitin ka sei tai..

Waiting for Next Episode

Nasim chai jeh-in kakipah-e, aban jingle simkhom kit taute……….

Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.

Previous articlePATHEN KA NGANSE TIHI IPI TINA HAM?
Next articleROSE LINGBEI AUMPOI-2