ROSE LINGBEI AUMPOI
“No Rose without thorn”
(Love Story)
Writer: S.Lien
Arrange: Naocy Haokip
(Part-II)
Hice ahin sei phat chun Jum-Han atiu chu kahin tho in hiti hin ka sei tai….
Esther nahet ding khat hin seiyinge onk..?
Kahin Lungset na nei sanpeh ding leh sanpeh lou ding pa chu nang thu ahi, hijongleh Ken mi thil mai mai kapeh jongleh kanung lah kit lou ahi,
Tua kahinpeh Lungsetna deh deh hi koima cha kana peh khahlou ahin, Nang nop leh da chu, nang thu thu hitante, Kenvang kanung lah lou hel dinga kahin peh nahitai, Nangin na thum jong ahipon koiman eisol jong ahideh poi, keima thu tah a kaki got’a kahin peh nahi tivang sumil hih-in o,
Navaigei jep tai nati chu, ichan phat nahon ham nangkoma Lungset thu sei na dinga ??
Ka lhagao leh ka tahsa aumkhom laisea Nang kahin Lungset nan na dalhah lou ding ahitai,
Nalung hang ham leh na thip beh-in, katileh…
Esther: Ipi kilunghan pi di hamo Eingailou ho kom’ah Neingaiyin ti thei ahin, Min kahin ngaiye eitileh ibol’a Eingai hih-in kiti thei diham,
Ven, Khoiyin Pahcha abop lei loi houkhu Apah hoi asah manuva abop’u ahipon, Pahcha chu aju umteiyinte ati jeh-u ahijoi, a Pah khu pul naihih jongleh aju umlou ahet doh phat’uleh adalhan/alengmang ji tauve,
Keiya hin imacha deithei di umhih jongleh, Nungah kahi mana nei hung vil sao sao jiu ahin, kakoma Nangho (Gollhang) hung mana, Kakisonpia kaki letsah pi thei ding ahipon, ahung hojong ka kham thei ahipoi,
Ajouva nasei Ka hinpeh sa nunglah kit ponge, nati chu ka ngaisangin kakipah lheh-e,
Min thil eipeh a eilahpeh kit lou leh, ibol’a en ga kinung thah diham, lungmongsela kichin tup di hijeng lou diham na UChon ahin tin ahung nui siuseu vin.
Athusei dan chu kahe them thei kit pon ahi
Pahcha toh ahung kite kah chu Min aju jouse chop chai taa khoi (eihel) dang hon ipi naki neppi nahlaiyu ham, ati danin kahen, chechu kahin gel leh, ima jong seilouvin , iihh !! katin ka luchang chu ka pei loh loh-in ahi
Neipeh sa chu hin nungthah kit ponge, kaki chintup ding ahi ati chu, kahin gel kit leh,
Einol nom samlou hinte katin, thip behbuh chun kalu kana sudot dot kit’in ka umdan pichu eina guh vet kiu keu dan ahekagah vet leh ana me tet tut’in ahi,
Kipathu gah sei ding chula Na lungset nei peh chu hin nungpeh louva, kaki chin tup di ati chu, Ka hin sanpeh-e tina hijep din ka tahsan kit pon,
Gah lunghan be ding chula, Hung lunghang henlang houkit mo hel’in um kha leh kati kit’in,
Seiding kahet lou man chun,
Kei: Khoi chu hileng o Pahcha ju chu Khoi dang hon ana chop kang jongleu anen beh kale di ahe.
Ka gah ti leh…..
Esther: Che bouva chu na lung-lhai dina ? ……
A tin aban asei be louvin aumin
Kei: Anen ka chanphah jongleh lunglhai sel jeng’ing kate
Katileh ima jong sei louvin, ipi ham lunggel khat nei hile kilomin a hung umin a lunglou langtah kaseidoh ham katin, nommo kasa thimin ahi,
Ima seilouva aumphat chun seiding dang kahetmo manin, Kamang chu kahin sei tai..
Esther, Kamangin na…
Rose Pah hoitah khat kamun kilou henlang nanga din hin kichoi hen katin kagahlo lhah kigot leh aling hemtah khat’in eisunin, kalou ngam tapon ahi, ka dalhah jou nungin jong, ka lung’ah aum jingin, kaga che kit leh Khoiyin ana bom lei loiyuvin, khoi hochu ka nodoh got nalangin, khat’in kakhut eide peh nalaiyuve,
Tia chu ka gah sei leh
Esther : Na mang nasei chu atah hamo He-UChon, ahin tin
Phatdanga UChon bou eiti chu He-U ahin hapbe leh, kana jathei keiyin,👂
Iti dan hamo Boi,
Na Mang chu atah ham nati dan chu kahe them mo tave…..kagah ti helhul jeng phat’in
Esther: Sory He-U, Namang tah tah hinam ? Kati hibouva chu, ahin ti kit’in
He-U bou ahin ti be nahlai chu, Vo henu!! Eingai mong mong ahitai o chenu hin katin ka tasa chu pom hoi hoiyin kahen, ka ulsa kisan lengdoh leuta, kei chula ipi tia jong kihe beh kit lou, Esther ti mai mai di jong chu ka homtho tan
Ka mang tah tah ahi e Ther-boi kagah tidoh kit taget’e🙈😂
Esther: 👍👍😂😂 hiti chun eikou ji o ngei val varl ahin tin
He-U, Na Mang chu atah ahi, “ROSE LINGBEI AUMPOI,” atin mit ngui jim jemin eihin ven, ka khut ahin tuh chu,
Vo karah, kaumna jong kahai leuvin, ka ulsan eichup’in ka ti asa doh het hut jengin ahi,
Eingai ham, ngol eisah jeh a eisuh lunglhai got ham jong helou pichun , kakipah-e Boi hichana lunggel kachunga nanei leh ka gah tileh,
Aman jong, ole keijong kakipah-e, ka chunga na lhaset ding vang kanom poi atiphat’in,
Jan jong asot tan, Mangpha kaki tito lhonin Kipah thim leh Lungmonna bulhing set nei samlou chun in lang ka jon tai
In kalhun phat’in ka lupna a ka ngaito leh, alungel kahedoh thei him him pon, ka Ngaina chula alen cheh cheh jeng tan ka lungboi lha tan ahi,
Achalak dan chu, kasei sang leh eidonbut na chu keisei sanga chih joa eidonbut ding, totna tobanga kasei leh aman jong atah a lah thei chet louva ei suh kipa dingin ka mongmo lheh tan, aloje helou chun ka khoisa vung vungin ahi
Window akon a solang Mol chunga Chollha hungsoh chun, Vangkholai chu ahin sal em sil sel tan, valpa ahsi hojong ade lit let’uvin, kalupna chunga konin kaven ahileh, alunghel atihou chu, kahi khat tou hamo kati lela lunghel nadi jong kahepon a thomhao lang jep chu hidin kaki mongmo in ahi
Vanlang chu ka ven..mi dan danin…….
.
Vo Chung chollhanu leh thangvan ahsi ho,
Kei jong nangho banga ka Lungdeinu toh lungkitoh a lenkhom kanom ngeiye, Kalungin a Deilhen Esther kom’ah Nang hin Ngaiya genthei, Na Lungsetna ngaicha a lungsung dangchah,
Tangpa lungmol Na-UChon khu Na Lungset na jan daitwi thengin alungsung khu ga chapnou peh tan,
Tin ei ga seipeh uvo 🙏
Gah tia eipanpi jeng thei dingu hileh o iti kanop hitam ti ka gel leh, ka beng’ah ka mitlhi jingkah daitwi banga va chut chut chu Chung Cholhanun eihin mu hileh kilom tah-in avah hoina jousen lungsetna ei-neitah bangin eihin sal emselin ahi…
Vandum chung langa Ahsi som leng hochu ka ven, kipah thanom tah-in alungdei kom’uva laileng dingin aki kho jet jet uvin
Nikhat tei chu keijong nangho banga ka Lungdei nu koma lungmonga laitol lengding kahi Mangphao vo🖐️ katin Chung Pathenin mitin Choldam na dinga asem Jan huitheng nung heu heu noiya chun nom tah in ka Ihmu tai….
Jingkah pung 7:00am in kahung khang doh in, kahung thodoh leh ka inkote hopi chu Joulei langa din aki go lah lah uvin, bu jong ana hon min tauvin ahi.
Kabu neh nauva Kanun, Chon, Tuni leh Joulei lang’ah Nanao te ho puiyinlang tu hapta hung geh uvin lang nalhun lhun uleh Napa hisol’o ahin tin..
Ash! Henu, lougeh kanom poi, kei cheda ing kate o kagah tileh
Lamkhochon, Napa bon Lha ni lang geh ta a Koi hi nakiloa chuti thaset dehduh nahim, Bu neh jou jou leh Tuibong Bazar’ah a poimo ho gacho vangvei yinlang naki mapat louvuleh Napa hung manlou di hichu ahin tin
Kei: Kapa chu na ngailheh dan ahitai onk, nui thim heu houva kagah tileh,
Kanu: Nuideh chet khun ahung kilunghan sah-in,
Thiptang Chapang chen katileh chejeng tang ahin tin, chelou ngam la hitalou, Buneh jouvin Tuibong langa chun kalhai suh-in bazar’ah Police hon eina khamuvin, Eimi lamkai na hileh adan umjep naveh ta o Meitei (Meilhei) SI khat lamkai nan mi li ham ana umuvin,
Police: Na mask chun Na kam leh Nanah chu tom tangem, Na khabeh a chu virus lut thei nahisah ham??
Meitei paovin ahin tin, ken jong kahet kham khamin
Kei: Sory, Sir ken nangho umding lam kihelouva ati toh kanah hop chun kagah kaitouvin,
Police: Na Gari lekha hin podoh-in eihin tikit’in kavet sah leh Driving licence la ati kit’in ka vetsah kit leh,
Police: Na lekha ho alui thei tave 300 dalhan lang che in ahin tin,
Kei Sir lui jongleh aphat kikhel la hilouva kati phat chun 200 hinla ta leh, ahinti kit’in,
Sir mi li a ding chun 100 man jong phana lou diham, na pharak hel’uleh midang jong mat kit thei hichula.
Gah kiti chu hile la kathoh lo bep di ahin asei jat’uchu kapen ka lhai kit tai.
Von ho kachoh jouvin in lang kajonin kalhun phat’in kaki sa doh ngal uvin Thangting mol chu lungthima Esther geljing puma kahung kal’u chu, vo karen,!!
Mitoh houlim na a, iloi hon nop asah nau asei nauva gah seidoh thei ahi hihbeh-e
Mol kalep’uleh Network jong um talou ding ahi phat’in Kanao te kom’ah,
Kichol’u hite Boi, ana tou uvin, ga pam che tadinge katin,
Esther, Ka call leh ahin pick in,
Hello He-uChon tunilhah leh hung kholai leng tei teiyin o kaseinom um ahe ahin ti tai……,….
Kei: Esther please tun gah seijengo ipi hamo, kei Kanun Joulanga ageh a eisol hi chu o,
Ash!!……. Chejengo leh seijong leng phachom taponte, nahung ge ding leh, ahin tin…
Kei: Ki mahet leh phadi hija, o ipi thu mong mong hamo ,
Esther: Ipi thupi tah jong hilou pi chu, Jing leh Kanu leh Kapan Sangaikot a Kapu te Kin khat’a eisol uva, Tulai Gari lhailou jeh-in Garineo nei khat kitep’in lang nache tei di eiti uva, ka sei mai mai hibou chu, akhoh hih-e, naum theilou jong leh Mikhat ki sei tante,
Che nomo leh Mangpha atin call a cut tai,
Ka Lunggel
Ash Kanu jeh-in Golden chance khat ka lhaso tai,
Ka Nu lom lom hida henlang……
Teh-bet but ta a Pasal jong hi nangai sot’e,
Na chuti Ngaileh nangjoh chu che tangem kiti leh kalung ja e.
Kathu jah toh kache na di chu o “Delhi leh Aina” atiu chu ahi jenge, katin ka von hou lampi a bag a um ho chu lhailen in kipeh henlang lamlhang lang’ah lengsuh voh voh in kilha henlang inlang’ah hung ki ki nungle leh kanom hel jengin ahi.
A ipi chu hileh akikhel chula hita, Ka kipat doh kit’uleh Network jong umta louding ahi jeh in Esther chu gah kihou pi hen katin ka call kit leh Mitoh aki houvin chomkhat jouva ka call kit leh kihou nalaiyu ki-ngah ngah leh ,
Ki vaigei khante katin ka che suh uleh Net jong abei ngalin ahi chom khat kacheu leh gal lang khat’a mi ahung sa phei chei choiyuvin kana nga uleh Mikhat damlou ham athi ham khat ahin jon’u hile kilom khat kamun kadip aphu tut tut jeng tai, ahung naijep phat uva phatah a kagah vet leh Kapa toh mi thum ham ahung masa voh voh uvin, ka lung anom hut’in, hijongleh kakho hou hitei di ahi jeh-in ka dip phut chu apha thei poi, ahung lhun phat’uvin Kapan Chon, mipo ho lah a khun gajaovo, atin ka bag chu eilah peh-in,
Koi iti hamo Hepa hai thethu a kagah tileh Pa Lamsei yin, Ima lung himo di ahipoi, Napa Nehlun thinga khelha a kahin poh u ahi ima tisam ponte ati phat’in kahai ahung nem domin ken jong mikhat kaga khel’in inlang kahin jon kit tauvin ahi.
Kaki chol namun uva chun ka kichol kit:uleh, Network hung um kit hiding ahin, ka Message tone ahung gingin kagah vet leh, 4Missed call , Esther number’ah ana umin, anoiyah
He-UChon, ichan nahung geh ding hamo, ash!! Ka thomhao tave
Nang naumlou ding jeh-in, UMalsom chu kaki tep tai o, na on pet hileh koimacha katem lou di hija
Kiti message kahin mu leh ka hung limdoh jot’in ahi,
Kahung kit tai Esther, gah ti ding katileh, aman mi ana ki suh toh jou ahi tah jeh-in, nom kasa kit pon
Reply jong bol louvin ka Phone chu, ka Toka sakhaova ka ko tup tai
Chomkhat ka hung jou uvin ka toka sakhaova ka phone chu ahung vibrate sul sul’in, kagah vet leh
Ipi thu hita leh UChon ? Network umlou ding nati ham katia, ka Message chula a deliver kit’in oleh neilhep khat hamo kiti khat kamun,
Ka chanchin leh akisukhapa thu ho chu a chom langin kajih in ka send leh
Oh!! My God Pa Nehlun te ina mi um lah lah chuba hivehta, a-ipi chu hileh, hunglhung phot uvo, ki-ol hou taite atin
Umm, katin ka phone kako tup kit tai,
Kalhun phat’uvin kada lele jong leh Esther chu kamudoh pon, chomkhat jouvin inlang kajon tan ahi.
Ka lhun lhunin bu kanen,
Ka inn-mai teu Kanu Vahlam ahung kholai lengin Kanu chutoh ahoulim bengbong lhonin,
Nu Vahlam chun akisukha pa Pa Nehlun thu chu ahin sei doh-in,
Kanu koma chu aguh a aseidan chula abangin lhonglai langa jong chun kagah japhan..
Aw-thol sel sul’in :
Koima koma seidoh lou dinga chu, Nehlun hi phamo val’a apap apoh hichu, Ka jonglha ujong aguh jing kei ahe achuti dinga ka ginchat peh-peh ahi ahin tileh, Kanu jong chun aluchang agah su dot dot nalaiset’in ahi.
Eimi te mong mong hi chu o,
Avangse jep khat aumleh, Lungset aume/akhoh sam’e ti tah sanga, akhuti jeh-a akhati jeh-a, ti hilei, Asei na jou seuva, Koima koma seidoh louding, agah ti kit nalaiyuvin….
I hiti uva bah!!!
Phungle Chang, Tribe thu hopouvin iboi boi namauvin……….
iih !! Aban seidange, Kaki cha-e, Koima dang chunga ngam samlou A Sopi chunga hat itam tam’utoh
Kium umleh, Koima koma Seidoh lou ding tamtah asei sei nahlai diu ahin, kakhut kachamin kapot doh tai..
Hoilang jot ding ahide o, Esther te Inn leh Pa Nehlun te inlang kati puma kache phei phei leh, Mun khat’ah Esther toh Malsom ahung ki jot phei lhonin, kagah kito uleh Esther chun vejong eive louvin aumin Eihetlou khattou ham tia gah hou ding katileh Malsom toh ahijeh chun kanom pon, ken jong kaki hetmo sah-in kaki pel di phat’uvin Esther in, Wau, USom veteh Lhapi khu agah tin Malsomin agahvet laitah chun kakhut chu hasih-in ahin sih-in, chelai khun ana umo ti hileh kilom khun Pa Nehlun te inlang chu agah ve jap’in achepai lhontai,
Chephat chun kon akama aseidoh jong hilou, amit’a agahvet jot man chun, hoilai ipi asei ham jong helou pichun kagin chat na langa chun Abraham, Canaan gamjon kabang phei voh voh jeng tan ahi
Waiting for Next Episode
Nasim chai jeh-in kakipah-e, aban jingle simkhom kit taute…………
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
