QUARANTINE HOME HI KEIDIA IPI HAM?

Written by Crosby Haokip
Sat, June 6, 2020

Kukite hi genthei te ihijeh-un alouthei louva sum le pai hol’in gamdanga ikalsong tauve. Ajeh chu mijousen phailei alhou thei pon, mijousen kani lei alhou theipoi. Insung gentheina jeh-in insung mi ngaicheng dalhan genthei tahin gampama natongin ikalsong un ahi.

Gamdanga natoh kiti hi mijouse bolthei ahipoi. Ajeh chu mi damthei lou le lekha helou, pao helou dinga natoh le kiman chah dan ahah e.

Ahinlah vangset umtah in hiche Covid-19 jeh-in India pumpi lockdown ahung hikha tan gamdanga company natong jouse dingin boina aumtai. Hiche jeh chun koiman natong thei talouvin aum tan ahi.

Natong louva sum muna thei ahilou jeh leh northeast miho kimuneo na jeh-in Manipur govt. in agam mite khohsah nan sum le pai hung lut ho mang chan Jiribam chan train in ahinpo galkaiye.

Chuleh amun muna quarantine home chan geiyin apuilhung un ni 14 sung um dingin aumsah tauve. Neh le chah ho chu gelbang hijou hih jongleh alhang lhanga CSO ho le khosung miten neh le chah aboipiuvin ahi.

Ahileh QUARANTINE HOME a ipi ibol ding u hitam?

Quarantine home a um kiti chu koiman ima seihih jongle mi jousen ahet soh kei chu: amaho chu koiman jong anai ngamlou ahi. Lungset umtah hinkho mang ahiuve. Kicha det det a keijong kavei khadem, tia kiging jingsa um ahiuvin ahi.

Quarantine home a naum pet a ipi thilsoh um em?

1. Nainkoten lung gim tahin nahin taopeh jing uve.
2. Nainkote anui khapoi, lam jong alam pouve.
3. Nathu ahet nom jing’uve.
4. Lamkai hon naneh nachah ding aboipi ui.
5. Houbung miten natao peh jing ui.
6. Govt. in ajo chanin napanpi jing uve.

Ahinlah nangin hepha louva lam lam ta!

1. Gamdanga naum chan bangin lovesong nalha un nalam lam tauve.
2. Pasal numei vet lom loutahin nalam lam ui.

NALAM SANGIN NANGMA DING LE NAUM KHOMPI CHENG DIN TAONA MANG JON

Newspaper a pair pair a numei ni le pasal ni lam khom ahung kitah doh chu jachat umtah ahitai. Chukeo hilouvin quarantine home phabep a love song lha in alam akimudohin jachat umtah ahi. Nalam sangin Bible simin lang taona kiman jon. Nalam nom tan tanleh social distancing mang chan Pathen vahchoiyin lam jo un. Mipha mi kitup chu hoilai chana um jongleh akitup in ahi. Nadongma toh ham, naloi nagol hamtoh nalam le le chu nanu le napa mudinga jong jachat umtah ahi. Tun jatdang hon iumchan u amudoh un jachat umtah ahiye. Min hibang nagimpi laiya nang kho hepha louva nalam chu nahinboipi ho chunga eh tha tobang nahi.

Hiche thu hi quarantine home a um jouse kiseina ahideh pon jum le ja helouva lam lamho kiseina ahijoi. Chingtheiyu tin mi vetset din um tapou hite. Nanun nakhan jachat pina nanei louleh nanga kona lamse hinjot ding nanaote hung kisep ding ahi. Chingtheiyin.

Seikhel seival aumleh ngaidam kahin thum e.