THUMAKAI
Zalengam Thusoh KukiNampi Social Media|| Sunday, April 5. 2020
~~~~~~~~~~~~~~~~~~~~~~~~~~~~~~~~~~~~
Hiche a biography of Pu Thangkholun Haokip @ Jangmunthang tia Hungkisodoh lekhabu hi nampi ngailut najal a athisan le along tohdoh a ana vaikon masa Pu Thangkholun Haokip@Jangmunthang hinkho thu thusim ahi Angailut nampi le insung mite dalha a ana mollem kal kum 25 lhin ni (24th July 1993-24th July, 2018 hetjingna dingleh adam lai hinkho aman dan ho Khonung a simjing thei ding gelkhoh najal a het khamkham a hung kiso doh ahi.
Pu Thangkholun Haokip Hinkho thusim hi phat masa lai apat sodoh dinghi ana kigel jingin hinlah ama khanga written record ho ana lhahsam jeh leh ahethem ho lekha jih lhahsam jeh in phatsotpi ngaito bangin ana kibol doh joupon ahi Tu jeng injong ahi na bang tahin hung kisodoh chamkim jou hih jongleh ama khangsunga aloi apai, sopi ule nao hoa kon a hung kisukhom a jih doh Thei kham kham a hung kijih lut ahi. Nampi Nampi angailutjala anei agou keo hilouva Ahinkho jeng jong phalngam a Nampi khonung ding gelna jala ana kalsong masaloi Khat ana hi. A insung alouma ana dalhah a Kuki Chate Zalengam Zalenna gamthah tundoh ding gelna a iki loikhom KUKI NATIONAL ORGANISATION/KUKI NATIONAL ARMY (KNO/KNA) hi Chung pathen vang song a lhangle mol a lunggel thei chengtoh Kihoukhom a ana phu doh ahi.
Ama hi mihangsan gamle nam adinga kichatna neilou thichana nungchon lou dinga Kigel lhahna neimi anahin ahi. Alungtup pipen chu ahileh tun mite khotnoiyin ki um jongleh khonung chate khang beh in vang nampi hi namdang te khotnoileh Vaihomna noiya umsah lou ding,eima chondan a kivaihop nathei ding ana tup pen e. Hiche alungtup pilhin ding deinajal in chihna thepna neihih jongleh atahsan nale akinep na jouse Chung Pathen vang songin nampi kong ana tol in ahi.
Hijongleh vangset umtah in umtah in nampia dingin phatchom cha bou ana tong man in Angailutna bangle alunggel ho amolso masang in achesa nisim 24th July, 1993 ninangailut tah aji acha a innsung mi chuleh nampi adia atohkhompi cheng dalhan ana che masatai. Ahin ama hi sohmil theilou ahi dan chu ama thisan jal leh chung Pathen songa abul eina phudoh peh jal un tunichan hin Kuki Chate NEXT…..👉🏻…👇🏻
PAGE 1.ONE
Zalen satna dinga ikiloikhom nau namsungah aching athem hon ngailutna neipumin ahin masot jing uve. Hiche toh kilhonin tunichanin mite hetleh mite mutheiyin nampi a dingleh gamsung khantouna dingin lungmongpi umtah Nampi Zale’n lompi tah a makai theiyin apang jinge.
Hiche thusim sodoh na ding hin sah leh lhang Nule Pa lamkai cheng ana kikimupi thei kham kham a kikimupi in ama hoa kon lunggelle thusim ho kilakhom ahi. Hiche jouse chungchon ah adieh in S.NG HAOKIP (1990s) ana jih thusim akon atamjo hung kilason ahi. Hiche Nampi Bulphut Pu Thangkholun Haokip thusim hin nampi dinga phatchomna apeh ding tahsan aum in, asim jousen ama tohban hole alungtup ho geldoh pumin nampi khantou nadingle machal na din Pan la chih ute tin, ikitem chih uve
