_________________________
By, L. Kipgen.
Pu Sehtha khanggui lah a pu Thalhun le pu Chongloi pu hangsing le pu kipgen pu Haokip pu Elmun ho lunggel pu le pa min ho ching dan kibang lou le ama ho lah a kui het dan aki bang ejat um a aki bah lou nao ejat a kituh lou ham ti het khen na ding in anoi ah hilcheh na kahin pe asim jousen kui sei kui het dih pen ham ti lunggel tah in ana gel un lang ana sim uvo .
1. Pu chongloi le hangsing le pu Haokip in pu sehtha chapa hi khat na a pu Elmun ni na a pu Thalhun pu Chongloi pu Hangsing ahi ati ve pu Elmun hi ji nei lou chi khai lou a hinkho bei ahi tah jeh in aban a pa pu Thalhun khanggui hi mi upa hung hi ahin pu Thalhun cha lah a pu kipgen te hi tuni gei a upa ahi atiu ahi .
2. Pu kipgen le pu Elmun sitlhou ten pu sehtha cha hi pu thadou achang a pen pu thadou in pu Thalhun pu Chongloi pu Hangsing ahi ati ahi .
3. Chunga kisei teni kinil teni hi kui sei adih jo dem vet kah uvo e upao Guite le e upao Doungel in pu Chongloi le pu Hangsing jao na pa hi adih joi ati ve atuti le pu kipgen ten egel phat uva pha hilou ham enao pao lah a pu Haokip in upa hina a sating ei peh uva ani na pa pu Elmun sitlhou ten upa hina sating ei pe lou uh hi gel pha uh hitin anoi ah kibah lou na ho kahin tah doh kit e achung a ho hi chan in nga in nge .
4. Pu Thalhun in ji thum anei e kiti hi pu Chongloi le pu Hangsing le pu Doungel pu Guite het peh na ahi .
5. Pu Thalhun in aji masa Neinem toh ahin achapa hi pu kipgen le pu Haokip pen masang anu hon jong um lou lai khang ahin pu Thalhun ji masa pen Neinem cha hi pu Chongloi le pu Hangsing le pu Guite pu Doungel le pu Haokip in thadou ahi ati vin akel del thei akhandong lai a ji nei man lou a chi khai lou a thi ahi tai ati ve .
6. Pu kipgen le pu sitlhou ten pu Thalhun chapa atah pen Neinem cha hi Elmun ahi ati vin pu kipgen ten Elmun ahi jinei man lou a dammo jeh a aphah a gal ten alu alah uva atha va jinei lou a chi khai lou a thi ahi tai ati ve pu sitlhou ten Thalhun in ji thum anei poi aji masa pen cha chu Elmun ahin keu khanggui ahi ati ve gah ve uh hite kui sei joh adih ta dem thu jouse hi tulai in jong kinil na aum teng vote ki dom ji a atam lang in adei chu adih e kiti ji hilou ham .
7. Pu Thalhun in Lhungjang kho a apen pi Chongloi le Hangsing toh achen khom lai uva aji masa pen Neinem toh achen khom lai a acha masa jong thi ta aji nu jong atou tup mo jeh a them thol a ase le sep lih ta tolthat thisan so ahi phat a kho sung a um nom talou a jachat na jum na dim set anei phat a ava mang le pum tuh te kho Lajang kho kiti mun a gah vah lut ahi tai kiti hi apen pi ho au anao a sopi asangam achung a anoi a hon het peh na tuni gei a thusim a ching na anei uh ahi .
8. Lajang kho alhun phat in pum tuh pa chanu kimlhing kiti @ vengdim kiti nungah nu toh nupa hinkho aman hon phat in chapa ni anei hon in achapa hon chu pu kipgen le pu Haokip ahi kiti hi tuni gei a khanglui khangthah in ahin het peh ahi tai pu Thalhun hi aji nu ani chan na Lajang te chanu hi aman jong khum lou ki chen na thu jong apen pi au anao ho toh custom dol a sei tuh na sei lhah na ana um lou ahi aki ti hiche jou chun pu Chongloi pu Hangsing in ama ni neo jo ahi hon jeh in Lhungjang kho apoh ngap chat hon lou jeh in au pa hon pu Thalhun hi Lajang kho a kun a akou doh hon a Lhungjang kho haosat na mi upa hi na a mopoh na apeh hon kit ahi aki ti achang a kho apoh thei na ho alhahsam jeh a pu Chongloi le pu Hangsing in pi Neilhing @ japhal kiti nu hi apui peh hon a aji athum na asem peh hon a aki chen sah hon a inpi le khopi ahin nga sah hon ahin kho nung a ama ni in chapa khat ahin nei hon chu thadou ma2 kash tai ati ahi thadou pa hi pu Thalhun a dinga aji nu khah pen athum chan na cha ahi vang a gol lui lai chon na dung jui a inpi a pen ahi jeh a neo jo hi jongle inpi nga na le Lhungjang haosat mopoh na ahin poh sah uh ahi tai kho nung in pu kipgen le pu Haokip ahung ki hou tuh thei hon phat in Lhungjang kho hi eini poh ding adeh a kau pa kipgen nang poh ding hilou ham tia ahung lunghang hon le pu thadou le anu in au teni alunghang hon phat a Lhungjang kho ana dalhah hon a ana jam hon ahi tai ajam na mun hon chu kho min aki sem hon a jampi asah hon a tuni gei a hi jampi pa sitlhou pa thadou pa kiti ahi hiche thu hi mi jouse het na tam pen ahi .
9. Lhungjang kho pu thadou pan khopi a kho gol nup bol ding ama haosat hi na upa hi na a chong ding ati le chong na ding a hi pu le pa custom chon na dung jui a hi sil kithah ji ahin sil ki tha na ding a hi upa phat sat na nachong thei tai tina thu peh doh na anei ji ahin chong tol kiti hi pu le pa khanglai a chu thu ahin thu anung jui chong tol kiti chu tengcha thih tol kiti na ahin tengcha hin sil pang sut na a anei jiu ahin thi tol kiti hin vohchal tuh nga dot na a kinei ji ahin hiche jeh a chu pu thadou in aupa chung nung pu Doungel pa kom a chong tol aga thum le pu Doungel pan nang na Chong ding le na upa kipgen pa kom ah ki thum in kei peh thei na hi poi ana ti peh le pu thadou pa hi Doungel chunga ana lhase in ahi pu Doungel pan kan ka peh ding le kan na upa kipgen pa kapeh ahi nang thadou pa chu na upa kipgen pan na peh ding ahi bou e ana ti le tehse ho pao a chu thadou le Doungel numei jeh in aki khen loi ana tiu ahi ajeh chu chong tol thadou pan aga thum pet a hi aupa Doungel pa hi khul a ana che doh kah ahin aji nun na upa aum poi kei peh thei nahi poi ati le hiche jeh a chu numei jeh in thadou le Doungel aki khen loi ana kiti ahin.
10. Chunga kisei jouse pu le pa te thusim ahin ching ho hi ahet jing na ding in pu Thalhun la bol jong aum in pu Haokip la bol jong aum in pu sitlhou labol jong aum in hiche la hung ki bol ho hi pu Thalhun labol ho hi vangset jeh a mun tin a cha anei kho nung a vai nung a cha anei ho het khen thei na dia la abol ahi pu sitlhou pan upat ana chu jeh a pu Haokip pan pu sitlhou te hi kanao pa thadou inkon na hi ve kei joh upa kahi ana ti a Haokip le sitlhou upat kichu na thu ana gin tah jeh a Haokip pan jong la abol in sitlhou pan jong la abol in ahi aupa hon pu kipgen hi apa neo Chongloi pan agollhang lhing kah a genthei tah a ana vah doh ahin ama jong nu nei lou dan a pa nei lou dan a ki gel a apa neo pa Chongloi pan cha ga sin a ahin sin doh jeh a pu kipgen hi lungneo na le lhaset na a hung dim peh ahi akiti anao pa pu Haokip hi anu kom a apu te Lajang kho a ji anei a hung kisei len a kho le veng ahin sem a chahsat khopi ahin sem doh ahi aki ti anao athum na thadou pa hi anu thah le apa in ana vah hon a kho nung a ki to mo jeh a ana jam a jampi kho ahin kisem doh ahi akiti mi upa pu kipgen hi Lhungjang kho gal a kho gal pa tia kho ahin sem a gen thei tah a hung Khosa ahin apa ngah te hon Lhungjang khopi thadou pa ajam doh phat a jampi tia kho asem phat a apa ngah Chongloi le Hangsing in Lhungjang kho hi phat chom khat ana ngah hon a ana poh hon ahi ama ni Chongloi khopi Hangsing khopi tia kho tum veng tum ahi kisem phat uva Lhungjang kho hi upa kho hi ana mang ahi tai tin pu le pa thusim hung ki khul ho hung kihe doh ho achom lam a hung ki tah doh ahi akah lah a het lhing lou sut lhing lou um nai lai ahi sim josen pathen sem dung jui a sopi hina le pen dan ho gel doh pum in sim uh hitin custom le kilitsah kihat sah ei ma gel ei ma dei kiti pa hin dan jouse le khangkho ki ngailut na jouse asuh Khan ji ahi aban hil cheh na jong hung um thei ahi na lai e.
