Home N Lhungdim PHAT LE NIKHO KIKHEL JING

PHAT LE NIKHO KIKHEL JING

92
0

Leiset ahin mihem ten athah thah akidei in ahivangin mihem ten alui jong nei den pha tamtah aum in ahi.

Asun
N.Lhungdim
Thangting House
Molnom-West

n lhungdim
N-Lhungdim

26th November, 2022

English thugol in “New is good but old is best” ati in thugol khat kit in “New is silver old is Gold” jong atikit in ahi. Kitoh behseh hih jongleh vetsahna dingin pasal khat hin ajinu chu athah khat toh alheng in ahi. Ahinla chomkhat jou in athah nu sangin alui nujoh aphajoi ti ahin hedoh kit in ahi. Govt. Of India in 2004 in Central Govt. Pension Scheme chu ana subei in New Pension Scheme kiti khat ahin semdoh uvin ahi. Amaho seidan in New Pension Scheme a 10% lhaseh a deduction kibol chu Old Pension Scheme atoh hung kibang thou thou ding ahi tia ana sei uh ahi. Ahinla tun kum 20 jou in anung vet uleh Old Pension Scheme a pension phat leh basic pay akon a 50% pension hon amuding kiti chu New Pension Scheme a 15% hambou amuding in aum tan ahi. Pension a tehset nung a 15% bou a pensioner ho aninglhin ding uchu tahsan umlou beh ahitan ahi. Hijeh chun Govt. of India in 2024 April 1st leh Old Pension Scheme chu nungkoi kitding tin agel laitah uh ahi.

Hiche chun avetsah chu achung a isei bang uvin athah sangin alui mama apha e ti avetsah ahi. Hetchen nading in thusim khat sei ute. English Essayist minthang Joseph Addison in The Dream An Allegory kiti thusim khat ana sun in hiche vachun Greek te pathen Jupiter chu ahung in ahileh leiset mihem te athilnei uh chungchang a mijouse aphunchil uhi amutan ahi. Aman jong achuti leh tua nanei uh nadeilou pen uh ahilou leh natheida pen uchu hiche phaicham sung ahin hinseplha uvin tin thupeh anei in ahi. Hiche dungjui chun mihem ten jong athilnei deilou cheh ahin sunlhah uleh asan dan chu among lang muphah ahipon ahi. Hiti chun achutileh hiche kisunglha holah ahin nadeipen pen kilah uvin tin thupeh aneikit in ahi. Hiche dungjui chun mihon adeilou a apaimang uh khatcheh akilah taovin ahi. Vetsahna dingin ehthi(dysentery) neipa in pasal khat in achapa phalou ahin paimang chu akilah in ahi. Ama hi kaginchat danin chapa neilou khat hiding dan ahi. Vangset umtah in hiche pa chu apa in adeilou ana paimang chapa chun ahin sugenthei tan ahi. Agenthei behseh phat in ka eh thit(dysentery) mama kadeijoi tin akiphin kittan ahi.

Achung a thusim idei uchun mi jousen insung ah dei umlou khat kinei sohkei ahi. Nang in jong nanei in kenjong kanei in ahinla hiche ho hi paimang theijong ahipon Pathen toh kinai nading a Pathen in eipeh ahi tia lah teilou upai dang aumpon ahi. English thugol khat in Adjustment to the Environment is the best way of Solving the problem atin ahi. Labu in APHATCHE DUNGJUI IN CHETANGE ati chu ahoilheh jengin ahi. Vetsahna dingin kisei leh tulai Pathen thusei tamtah jonghi achate vetkah theilou tamtah aum in ahi. Vetkah thei aumpoi tin Pathen thu seida leh hichu thildih ahipon ahi. Ajehchu Pathen in ama thu seidoh nadinga talent apeh ahileh amanchah ding ngai ahi.

Hiti ho jouse hi igel leh athah hi ahoi a aphat vangin alui hi phamo ahipoi atichu hetjing ding ahi. Golthah tamtah isem hi apha in ahinla gol alui hohi donselou a koilou ding ahi. Ajehchu English thugol in New is Silver but Old is Gold ati chu lheh theilou thuchih hoitah ahi tihi tuni a kahin seidoh nom ahi.

dingin tahsan aumpoi. Hijeh chun bolkhel akon in bolphat ding kithem chuh in hinkho mang jo ute.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleВ поисках лучших Admiral casino автоматов для онлайн-видеопокера
Next articleWebsite That Writes Essays For You On-line

LEAVE A REPLY

Please enter your comment!
Please enter your name here