✍️✍️✍️LALPU LOTJEM
6009048006.
Insunga minu hi cha khat(1 ) seh anei ahin, ajipa jong ateh tan chuseh chu hilouvin, tahsa dammona anei jeh in;natong thei talouvin aumtan,chuphat chun insunga minu hin insung chu genthei tah a ahin poh ahe.
Achapa hi amin Haosat akitie.
Haosat jong atahsa ahung lhingtan ahile, anu hin ana kinep na chu, kachapa hin katoh nalam hin eihin kithopi intin , toh kijang khai tante ti anu kinep na chu anahie.
Ahinlah haosat hi mithase tah ahin, aneh le imut seh bou bolthei mi ahijeh chun anu kinepna chu ana beihel soh ae.
Anu hinkho man ding dan hi igelle ahahsa lheh jenge, ajipa hin na atoh thei hihen lang hile;agenthei najong phajep di ahin, chuban injong achapa beh jong chun, toh huh hen lang hile anu dinga chu jangkhai jep di ahin, achapa lah toh ding asei seh le; anu toh akinah lo jitan ahile anu jong lhaset na jeng in adimin;kipa na kiti mong2 anei thei tapoi.
Insunga hin neh le chah hol nalam pang , sum hol nalam pang ahin, anu pan nalou chun ima ahitheipon;achangseh in,ahin hollin ahile kiman chah lam chu ana lhasam lheh jeng uve.
Ahinlah atoh lou thei lou ahol lou theilou ahijeh chun ,lel lheh henlang, chim lheh hen lang,nalheh jong le , lel lou bang kisan, chollou bang kisa,nalou bang kisan ;atoh nalam jon in achi kit ji thou thoue.
Nikhat hi anu hin;achapa jah hin hiti hin aseiye;
Anu÷Boi, Haosat hilang hin hung tadi o.
Haosat÷Katheida tave, phatseh le mi kikou.
Anu÷Boi hung tango;kasei pih nom aumme.
Haosat÷Ipi thu ham,seitang kajah lou naisah ham.
Anu÷Kakomin hung touvin , lang nasei pih inge..
Haosat÷Ipi jong kisei gu lom lom ham kaning nakitelle, namse deh duh inlang koi nang komma tou di ham.
Anu÷hichi thu asei chun anu chu alhase lheh jeng in ,ahinlah hin hethem nante atin ima aseipoi.
Apa hi dammo ahijeh chun, lupna akhel thei pon;pao jong hapao jou talou ahin;athi nading nikho ngah bep bou ahitaie..achapa thusei ho chu ajan , apho kigot jongle ;kithou jou talou, “Chatthei lou ahitan” hijeh chun achapa chu akichan ima seilou vin aguh in ajinu ding gelnan ana mitlhi soh jinge.
Achapa hi nikhat hi dongma nei ahijeh chun kimuto ding ati tan ahile, anu kom hin sum ahithum tan ahile;anu jong hin apih nom mama chu ahin ;hinlah anei kham kham chu insunga neh le chah choh na dinga ,akoi ahijeh chun, angailut alungset lheh vang chun, api tapon ahile achapa chu alunghang in insunga chun akitom tan ahile;anu le apa chu tahsa lamma lhasam, hatlou ahilhon phat chun imacha alonaji ahelhon pon, amoh vettho lhonne.
Apa hi achapa umchan hojeh chun, atahsa lang hi alhsam cheh cheh tan ahile, ahung ha lel lheh jeng tai.apa hin ajinu ding gelna hin,thiding hi anom jipon, ahinlah atahsa lam hi lhasam mong monga ahitaie.
Anuhi thinglhanga natong,sum muna lam hi ana neo lheh jenge.mite insung ahile, atoh khom,ahol khom jeh un;aning lhing un ,hinlah ama ho insung vang,mikhat seh holna kimang cha ahijej uchun, akipo gih lheh jeng uve.
Lou choh nading, insunga neh le chah choh nading, kiman chah nading ho gelnan lungkham ma thipai ahitai.
Phat chi dung jui jin, apa tahsa lam hi insung genthei te ahijeh uchun,lou apih johlou jeh un , aleiset hinkho abeitai.
Athimasanga ajinu toh akihoulimna÷
Apa÷Haosatnu, i kati hitam kahe ta hih ae; kalel lheh jengtae.
Anu÷Heo, iti hen neiti ham neida lhah a, iti lungmon hen neiti ham.
Apa÷Chapa beh hi ching dom henlang hile, kei jong lungmong ingtin , nomma chi ding kahitan, nang ding gelna chithei lou kahe, Haosat nu.
Anu÷Haosat pa, kagenthei nabanna gentheina pih be di nei ti ham atin akap dn tai.
Apa÷Haosatnu, kalel cheh cheh taie, kathi masangin chapa chu hinkouvo apa kei lhasam beh buh jong leng Phatthei kaboh nomme.
Anu÷ Haosatpa,Aumpoie.
Apa÷Kadamlaiyinla, kihoupi thei ahikhapon, kada lhah ding kon beh a eiumpi a , Phatthei kadalhah pi nom ahe.
Anu÷ seibe ding jong heta louvin amoh ka den tai.
Apa÷Haosat nu; chuti chun um hih in, chapa ding gelna nalunglet ding ahe.
Anu÷Heo , naha lel lheh jeng hitam, mibang ana hileng kajen dam jou ding nahin, keithep mo ahe Heo, nei ngaidammo.
Apa÷Haosatnu, nang thepmo imacha aumpoie, keijeh a hichan genthei nahin thoh naho,insung ding gelna genthei nathoh naho hi alhingset ahitaie.
Anu÷Nalel lheh jeng tam Heo.
Apa÷Haosat nu , kadalhah nung teng, chapa hi ahung chih doh a apa ahin hol teng kangailut dan hohi hin seipih o.nang jong keijeh a genthei nathoh ho naho hi nei ngaidam o.
Kalha nomma achol do nadin, Nom in chol do maitan tin, nei vai lhah tan, kalel val tai😭.
Anu÷Akap den in, phatsot tah pi sei ding helouvin, aumin hinlah;Haosatpa nomin choldo maitan, chijengtan;nikhat le ikimu kit di kinemim nei na ngah o.😭😭.
Chujou chun ajinu in alhah bang chun apa jong athitai.
Achapa in apa thithu ajah doh phat in kholai apat ahin deltan, in ahung lhun in ; athisa apa amu chun , apa kom in toivin akap den tai.
Jingkah lmma thi ahijeh chun; anilhah lamin avui doh pai pai tauve.
Chujou a kipat sa vang chu kum khat (1) ho vang anu toh kitouh dellin , anu thu ngaiyin hinkho ahinn mange.
Ahinlah, hichi jou vang chun apa thina ahung sot phat chun, ahin mil jep jep tan ahile, masanga bang angai hinkho ahin mang pan kit tai.anu vang hi teh cheh cheh ahitan, atha alhasam lheh jeng taie.
Atahsa lam in ajo tah lou jeh le aji pul adou toh, ahinlai sanna acha pul dou toh, lunggel genthei najenga hinkho ahin man jeh chun, atahsa alhasamin, jan akichodo nan ana thi pei pei tai.
Athi masanga hi achapa komma apan angailut nahole , Phatthei adalhah pinom jeh in , akouvin ahile, ana donpon; hiejh chun aman jong alupna mun chun mitlhi kitheh in, ajipa komin nei hung puitan, atin vanlam aven akap den jeng tai.
Ajing jingkah in pung 10 lang ahitan, ahung kitho doh hin ; an neh ding atile , ana kihon lou lai jeh chun alunghang in akisenin ; ipi nabolla tuchan geiya an hon louva naum ham.
Nu chavai, nang tobang nu a kanei kakisih ae atin aroom lang akijottai.
Pung 11 lang a jong ahung doh loujeh chun, aman jong anu imut nalam a achin ahile, lupna ana imut nalai jeh chun akouva ahile, ahou tapon, ipi ti ham tia aga vet na ahile, athisa in aga mudoh tai.
Hijou chun akap in, apeng in ahinlah akan na tapoi.
Anu hinlaiya ana hou naho, athungai lou naho, atoh khom pi lou aumkhom pi nom lou, aneh khom pi nom lou, naho ahin gel doh in akisih in aka vang chun, ima cha apha chom tapoi.
PHAT KIKHEL TA………..
BEITA………………..
Nanu ahin lai damsungin kipa sah in, athu nung in , lha koh (9) jen genthei tah a aneh nom nethei lou , anopna chithei louva, nang ding gelna genthei ahin thoh naho, nahung pen doh dinga jong thi le hin kheng louva athoh naho , napen nunga jong, nahung khan let ding ngah lella , eikipa sah ding, eikithopi ding, kathu ngaiding, kinepna tampi pumma nahin puihoia nanu kipa sah in, khonung le thusim ma kisei bang nahi khah ding ahe.
ASIM JOUSE CHUNG IN PATHEIN PHATTHEI EIBOH CHEH UHEN LANG , NU NGAILUT THEI NA JONG EIPI CHEH TAUHEN…….
NU KITI MIN CHANG HO JOUSE ……NABON UN ……HAPPY MOTHER’S DAY 👩👧👧👩👧👧👩👧👧.
CHULE LOI LE GOUL , U LE NAO TE HO KOMMA KATEM NANOM CHU AHILE, INU TE HOU SMARTPHONE CHOILOU HO AHIN CHULE HICHI THUSIM MULOU HO JOUSE KOMMA CHU EINA SEIPIH UN LANG KAHIN WISH UVE TI JONG NEINA SEIPIH DIUVIN KAHUNG TAOVE.
Nasei nom nalunggel aum khah a ahile achunga kipe contact number akhu call or whattapp a iki jah mat to theiyu ahe😊😊😊.
KAKIPAH AE……
