Home N Lhungdim PENGKON KON KITI THUCHENG HI NAJAH KHAH UVEM?

PENGKON KON KITI THUCHENG HI NAJAH KHAH UVEM?

33
0

Natahsan e natahsan lou ham?

Thusim tamtah a um in ahi.

Asun
N.Lhungdim
Thangting House
Molnom-West

n lhungdim
N-Lhungdim

7th September, 2021.

Tu kahlah kaja kha tahih in masang chun pengkon thusim ni tah kicheh tah a megazine a hung kiso khat kana sim khan ahi.

Lim:Pengkon hiding a ginmo Abraham Linclon leh John F Kennedy .

English pao in
Pengkon hi
Transmigration
atiu vin hichu mikhat sunga athi phatleh alhagaochu midang tahsa a ana kisonlut ahi.

Hiche Transmigration kiti hi Deincarnation Hindu ho tahsan toh aki nai natah aum in ahi.

Trans kiti chu across
tina ahin tichu munkhat a kon a transport kibol a mundang a kison tina ahi.

Vachate SOUTH noilang a alen fly u tobang uh ahi.

TRANSMIGRATION kiti hi hetbai dinga chu munkhat a kon a munkhat a kichon tina hijongleh
athi jou leh alhagao chu tahsa khat a kon a tahsa danga kichon tina anahi.

Houdang tamtah in hiche hi achom jep jep a tahsan na ana nei un ahi.

Dark Shadow Blaze TRANSMIGRATION kiti hi lhagao khat leiset tahsa a lut a leiset chomkhat misunga kison lut tina ahi. REINCARNATION
kiti hi ahileh ama chu thahpen kit tina ahi.

Hindu ho tahsan dan in mi hi athipo in athijou leh thilpha abol leh mipha jepa hung pengkit a thilse abol leh ganhing ajong pengkit hitia chu mi ahina agun na pen chu ahinlai a ahina aphat leh asetna atohphat dungjui a aphajep jep a penga ajo naleh lhagao chunhuhhing na amun ahi tia atahsan u ahi.

Christian te tahsan invang achunga iseihou hi tahsan aumpon chuleh tahsan louding ahi.

Christian tahsan a chu mihem khat chu ahungpen a chonset na toh ahung pen leh Bible a Adam chonsetna kisei chu mihem jousen anei sohkei ahi.

Ahinla ama chun vangphat a Jesu Christa tahsan naleh Pathen a kingai na anei leh alhagao huhhing a um leh atahsa leh alungthim chu Pathen dei dungjui a hung kikhel a alui a kon a athah chu mithah hungsoh jui ahi.

Christian te in chuleh Pathen thusei hon asei jing uchu mihem khat chu achonselou umlou ahi in Adam a kon a achonset na akihet a Pathen a penkit na anei leh ama lhagao chu Pathen in alah a alhun nading Christian ten adel u vangam chu ama dinga kot kihong ahi tia ki tahsan ahi.

Hiche thahpen iti pen uhi alahdan leh agel dan jatchom chom aum jeh in kinelna thupi khat asoh jingin ahi.

Hiche penthah na chu Solchah Paul penthah banga Pathen in amat ham ahilou leh ama lunggel a akihet doh a Pathen a kithahsemna jatchom chom umding ahi.
Nang Pathen mudan tobang a midang hon amu teiding tina aumpon poi ahi.

Vetsahna dingin BillyGraham jinu Ruth Graham chu mitam tah gel dan a dramatic tah a tulai a penthah kiti igel leh lah bang a ana neilou ahi tin Billy Graham amatah in alekha bu minthang PEACE WITH GOD
ah ana sun in ahi.
Pathen a hinna neilou ahipon Chidago a Theology asim na lhon a hung kimuto lhona hung kingaihon a hung kicheng lhon ahi.

Ruth pa chu Dr ahin China a Medical Missionary ana hi a Ruth chun Theology asim chaileh China gam a Mussionary a che kigo ahin ahin la Billy Graham toh anakicheng a achate ana khoukhah chu Missionary na jat khat ahi.

Ajeh chu aman achate phatah a avet kol a akhou khahjeh a Dr Billy Graham in leiset pumpi a Evangelistic Campaign lolhing tah a ana bolthei ahi.

Hoi mun hileh Inatoh na phatah a toh chu Missiionary natoh ahi.

Mijouse indalhah a gamchoma gakondoh ho bou Missionary ahi pouvin ahi.

Tuni a iseinom pen uchu hiche langchu ahi behseh hih in hiche pengkon kiti thu hi kitahsan henlang kitahsan hih jongle athu hi kah lah lah le ana umjui ahi tia kahinsei joh ahi.

1861 kum16th US President Abraham Lincoln hi min ana kaplih ahi in kum100joĆ¹ chet a 1961
kum a 35th US President John F. Kennedy chujong Abraham Lincoln toh akibahna tamtah aum in ginmo na thu a Abraham Lincoln pengkon chu John F Kennedy hiding ham tia tahsan theina tamtah aum in ahi.

Hiche President lui teni kibahna hi mainstream
America in 1964 in ahung kimupan in ahi.

Martin Gardner in avetchilna Scientific American a a lekhabu khat a ana print doh un ahi.

Dr Matrix Magic number chu Martin Gardner version toh akigopleh alist asao cheh in item 16 tah in a kibah na ana phan ahi.

16thPresident na AbrahamLincoln chu mivaicha tah in sung Log Cabin a peng ahin
ahinla kum1000 joua 35th President John F Kennedy vangchu mihao millionaire te insung a anapeng ahi.

Tun kum 50 tah miho lung sung ah aum nalaiyin ahi.

1n 1992 in
SPOOKY PRESIDENTIAL
CO INCIDENCES CONTEST
in winner khat in President Kennedy leh Mexican President Alvaro Obregon kilona ahin holdoh in
adang khat in akilou AmericanPresident 21 tah ahin mududoh in ahi.

Hiche tobanga hi kah lah lah leh mi ni kibahna nei tah hi hung um jui to bang ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleDAMLAI KI-NGAILUT THUPIDAN-I
Next articleHINKHO LAMLHAH THUCHIN PHABEP-X

LEAVE A REPLY

Please enter your comment!
Please enter your name here