Home N Lhungdim PATHENNI THUHIL

PATHENNI THUHIL

44
0

Thupi: Lunglhaisel a Pathen hou phatchom natah ahi.

Asun
N.Lhungdim
Thangting House
Molnom-West

n lhungdim
N-Lhungdim

25th September 2022

Bible Chang: 1 Timothy 6:6

Mi koi hijongleh ipi boljong leh thase dehduh ahilou leh lunglhailou taha natong hohi khatcha akhangtou e ti kahepon ahi. Vetsahna dingin 1964-1972 lai in Gandhi Memorial High School ah mihil in kana pangin hiche lai chun abul til in Assistant Headmaster chuleh chomkhat jouin Headmaster kana hi in katohkhompi teacher tamtah ana um in amaho lah a mi 2 hetjing chu anatoh nalhon ah thase tah leh lunglhailou tah in atonglhon in khonung in kavet leh amani chu ahinkho lhon ah nopsah naleh kipana amulhon pon ahi.

Tulai in houlam natoh keo hilou in Govt. service ajong anatohna thase dehduh kiphin jingkei tobang a tong jing mihem aum in ahi. Amaho hin ahinkho uva kipana leh lunglhaina amu pouvin ahi.

Tuni a iseinom pen uchu I Bible chang uh 1 Timothy 6:6 “Ahinla lunglhaisel a Pathen houlam a gunchu hi phatchomna lentah ahi ijeh inem iti leh leiset chungah imacha ihin polut pouvin imacha ipohdoh theilou diu ahi hijeh achu neh leh chah nihchen ponsil inei uleh eiho dia lhingset ahi.”

Achaina a iseinom uchu leiset chungah mi tamtah ho dang dang seilou in Kuki holah a Pathen thu lunglhai sel a hinsei khonung a nei le nga sil le chen ninglhing tah aum tamtah imu uvin ahi. Amaho laha hetthei dom chu Pu Dr.T.Lunkim, Pu Dr. Rev. Hawlngam Haokip, Shillong a Rev. Dr. Vanlalngaka chuleh anaipen a eiho lah a Pathen thusei a minthang Rev. Haothang Lhungdim, Rev. Solal Touthang kitiho jonghi a inchengmo khatcha umpon ahi. Khosung neocha a jong hou lamkai, Houbung Upa, Houbung Secy. kiti hojong hi alhalo umlou kiti jongleh lunglhaisel a natong ho jouse a inchengmo aumpon ahi. Tuni Pathen ni a Pathen thu ikihilnao aneipa Pathen in phatthei boh tahen.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleITI HAO THEI DING HAM?
Next articleSUM HOLDAN LEH SUM JAHDAN

LEAVE A REPLY

Please enter your comment!
Please enter your name here